Wasaaradda Shaqada, Arrimaha Bulshadda iyo Qoyska ee Gobolka Saaxil.

  • Home
  • Somalia
  • Berbera
  • Wasaaradda Shaqada, Arrimaha Bulshadda iyo Qoyska ee Gobolka Saaxil.

Wasaaradda Shaqada, Arrimaha Bulshadda iyo Qoyska ee Gobolka Saaxil. Waa boga lagala socon doonno xogta iyo waxqabadyada wasaaradda Shaqada, Arrimaha Bulshada iyo Qoyska G/Saaxil

16/07/2026

Warkii Shirka wada-tashiga sameynta Hagaha (Guideline) ee Daryeelka Bulshada iyo Taageeradda ka dhanka ah Carruurta

Wasaaradda Shaqada, Arrimaha Bulshada iyo Qoyska (MoLSAF) ayaa magaalada Berbera ku qabatay kulan wada-tashi ah oo lagu ...
16/07/2026

Wasaaradda Shaqada, Arrimaha Bulshada iyo Qoyska (MoLSAF) ayaa magaalada Berbera ku qabatay kulan wada-tashi ah oo lagu diyaarinayo Hagitaanka (Guideline) Hirgelinta Barnaamijyada Ilaalinta Daryeelka Bulshada (SPOs)

Kulanka waxaa furay Agaasimaha Waaxda Arrimaha Bulshada, Xamda Yuusuf Shirwac, halka warbixinta hordhaca ah uu jeediyay Isuduwaha Wasaaradda ee Gobolka Saaxil, Rakad Mxd Sultan. Waxaa ka qaybgalay wakiillo ka socday wasaarado, hay'adaha maxalliga ah iyo kuwa caalamiga ah, iyo guddiyada xaafadaha ee Dawladda Hoose ee Berbera.

Ujeeddada kulanku waxay ahayd diyaarinta hagitaan mideysan oo kor u qaadaya isku-dubbaridka iyo hirgelinta Barnaamijyada Ilaalinta Daryeelka Bulshada, iyadoo la xoojinayo iskaashiga hay'adaha dowladda iyo daneeyayaasha.

Kulanka oo ka qabsoomay Alloore Hotel Berbera ayaa la filayaa inuu kasoo baxo talooyin muhiim ah oo wax ka tari doona horumarinta adeegyada ilaalinta bulshada.

Xafiiska Berbera

Shahaadada Ururnimada oo la Guddoonsiiyey Ururka Xirfadlayaasha Dhismaha ee Wax-QabadGuddoomiyaha gobolka Saaxil Mudane ...
01/07/2026

Shahaadada Ururnimada oo la Guddoonsiiyey Ururka Xirfadlayaasha Dhismaha ee Wax-Qabad

Guddoomiyaha gobolka Saaxil Mudane Cabdiqani Maxamuud Caateeye Fariid iyo Isuduwaha Wasaaradda Shaqada, Arrimaha Bulshadda iyo Qoyska ee Gobolka Saaxil. l ayaa maanta si rasmi ah shahaadada ururnimada u guddoonsiisay Ururka Xirfadlayaasha Dhismaha ee Wax-Qabad, kaas oo hadda ka mid noqonaya ururrada shaqaalaha ee ka diiwaangashan Gobolka Saaxil.

Ujeeddada ay Wasaaraddu ka leedahay dhiirrigelinta iyo diiwaangelinta ururrada shaqaalaha ayaa ah in la mideeyo dadka wadaaga hal xirfad, si loo xoojiyo iskaashigooda loona ilaaliyo xuquuqaha iyo danaha sharciyeed ee shaqaalaha iyo loo-shaqeeyayaasha.

Sameynta ururrada shaqaalaha waxaa si cad u oggolaanaya Xeerka Shaqaalaha Rayidka ee Xeer Lr. 31/2020, gaar ahaan Qodobka 64-aad, kaas oo awood u siinaya Wasaaradda Shaqada inay ruqsad ururnimo siiso ururrada buuxiya shuruudaha uu dhigayo sharcigu iyo Dastuurka Jamhuuriyada Somaliland qodobkiisa 23'aas oo u ogolaanaya muwaadiniintu innay is abaabulaan ururo xirfadeed ama shaqaale shaqaalana sameystaan si waafaqsan xeerka .

Wasaaraddu waxay aaminsan tahay in mideynta shaqaaluhu ay tahay dan qaran oo horseedaysa xalal waara, kor u qaadidda wada-shaqaynta, iyo dhismaha ururro ku salaysan sharci, nidaam iyo maamul hufan, kuwaas oo soo saara natiijooyin wax ku ool ah.

Waxaan si gaar ah ugu mahadcelinaynaa Guddoomiyaha Gobolka Saaxil, Mudane Cabdiqani Maxamuud Caateeye, oo soo dhaweeyey dhismaha Ururka Xirfadlayaasha Dhismaha ee Wax-Qabad, isla markaana dhiirrigelin iyo dardaaran muhiim ah u jeediyey xubnaha ururka.

Ugu dambayn, Wasaaradda Shaqada, Arrimaha Bulshada iyo Qoyska ee Gobolka Saaxil waxay mar walba ka shaqaynaysaa xoojinta iyo tayeynta ururrada shaqaalaha iyo kuwa loo-shaqeeyayaasha, si loo ilaaliyo xuquuqaha iyo waajibaadka labada dhinac ee uu dammaanad qaaday Xeerka Shaqaalaha.
Dhismaha Ururkani wuxuu qayb ka yahay dedaalada Wasaaradda ee Abuurista xirfadlayaal ku hubaysan xirfadaha suuqa iyo Nidaam cadaaladeed oo labada dhinacba caawinaya.

Xafiiska Berbera.

20/06/2026

Warka Xuska Maalinta carruurta Afrika

Xuska Maalinta carruurta Afrika oo sanadkasta lagu qabto Somaliland ayaa Magaaladda Berbera lagu xusay, waxaana soo wada...
17/06/2026

Xuska Maalinta carruurta Afrika oo sanadkasta lagu qabto Somaliland ayaa Magaaladda Berbera lagu xusay, waxaana soo wada qaban qaabiyey Wasaaradda Shaqada, Arrimaha Bulshada iyo Qoyska ee Gobolka Saaxil iyo Wasaaradda Dhallinyarada iyo Ciyaaraha ee Gobolka Saaxil.

Waxaana Hambalyo iyo bogaadin loo diray dhammaan carruurta Somaliland , kuwa gobolka Saaxil, Berbera oo loo rajeeyey Caafimaad, horumar iyo nolol wanaagsan.

__________________________________________________

The Day of the African Child, which is commemorated annually in Somaliland, was celebrated in Berbera City. The event was jointly organized by the Ministry of Labor, Social Affairs and Family of Saaxil Region and the Ministry of Youth and Sports of Sahil Region.

During the occasion, congratulations and best wishes were extended to all children of Somaliland, especially those in Sahil Region and Berbera. They were wished good health, progress, prosperity, and a bright future.

Xafiiska Berbera.

10/06/2026

102 Arday oo Dhammaystay Xirfadda Solar Energy ayaa Lagu Guddoonsiiyey Qalab Shaqo oo Casri ah Magaalada Berbera.

Waxaan si weyn ugu faraxsanahay inaan ka qaybqaato munaasibaddii lagu guddoonsiinayey qalabka shaqada 102 arday oo si guul leh u dhammaystay tababarka xirfadda Tamarta Cadceedda (Solar Energy), kuwaas oo 44 ka mid ahi ay ahaayeen haween "Rakad Mxd Sultan Isuduwaha Wasaaradda Shaqada, Arrimaha Bulshada iyo Qoyska ee Gobolka Saaxil ".

Barnaamijkan ayaa ah kii ugu horreeyey ee noociisa ah ee laga hirgeliyo magaalada Berbera, wuxuuna ka dhigan yahay horumar muhiim ah oo dhinaca xirfadaha iyo shaqo-abuurka ah oo ku soo kordhay Gobolka Saaxil. Tababarkan ayaa dhallinyarada ku qalabeeyey aqoon iyo xirfad suurtagelinaysa inay ka qayb qaataan koboca dhaqaalaha iyo horumarka adeegyada tamarta casriga ah.

Waxay farxad iyo sharaf ii ahayd inaan maamulka Dugsiga farsamada Gacanta ee Yovenco-
iyo oo taageero ka helaysa Save the Children iyo European Union kala qaybqaato munaasibaddan muhiimka ah ee lagu taageerayey ardayda dhammaystay xirfadaha shaqada, iyadoo la guddoonsiiyey qalabkii ay ku bilaabi lahaayeen shaqadooda iyo mihnaddooda.

Wasaaradda Shaqada, Arrimaha Bulshada iyo Qoyska ee Somaliland waxay sii xoojin doontaa taageerada ay siiso dhallinyaradan, gaar ahaan dhinacyada shaqo-carbinta, isku xidhka loo-shaqeeyayaasha iyo shaqa-doonka, iyo raadinta fursado shaqo oo ku habboon si ay aqoontooda iyo xirfaddooda ugu adeegaan bulshada una helaan nolol wanaagsan.

Waxaan hambalyo iyo bogaadin u dirayaa dhammaan ardayda qalin-jabisay, gaar ahaan haweenka ka qaybgalay barnaamijkan, kuwaas oo muujiyey dedaal, karti iyo himilo sare. Waxaan rajaynayaa inay noqdaan hormuudka jiilka cusub ee farsamayaqaannada Tamarta Cadceedda ee Gobolka Saaxil iyo guud ahaan Somaliland.

đź“· Xamse Axmed Ciid

Xafiiska Wasaaradda Shaqada, Arrimaha Bulshadda iyo Qoyska ee Gobolka Saaxil.

08/06/2026

Aqoon is iswaydaarsi loo furay Haweenka Ganacstadda Kalluunka ee magaalada Berbera. Si kor loogu qaado khibradooda iyo xirfadooda Suuqa shaqada loona ogaado baahiyaha ay qabaan iyo Adeegyada ay tabayaan. Waxaana iska kaashaday Wasaaradda Shaqada, Arrimaha Bulshadda iyo Qoyska iyo Hay'ada ADRA oo kaashanaysa Midawga EU Co- Founded mashruuciisa eWins.

Dedaalada socda ee Arrimaha haweenku waa kuwo kor loogu qaadayo Garaadkooda shaqo iyo horumarinta Adeegyada ay ku shaqeeyaan sida Baananka , Hab xisaabeedka iyo Nidaamka xisaabaadka ee joogtada ah.

Xafiiska Berbera .

Isuduwaha Wasaaradda Shaqada, Arrimaha Bulshada iyo Qoyska ee Gobolka Saaxil Rakad Mxd Sultan ayaa maanta si rasmi ah u ...
08/06/2026

Isuduwaha Wasaaradda Shaqada, Arrimaha Bulshada iyo Qoyska ee Gobolka Saaxil Rakad Mxd Sultan ayaa maanta si rasmi ah u soo xidhay tababar muhiim ah oo loo qabtay 30 haween ah oo ka ganacsada kalluunka, kaas oo ujeeddadiisu ahayd kor u qaadidda xirfaddooda ganacsi, tayeynta hababka ay u maareeyaan ganacsigooda, iyo xoojinta awooddooda dhaqaale si ay uga faa’iidaystaan fursadaha ka jira suuqa.

Tababarkani waxa uu sidoo kale diiradda saaray la-tashiga haweenka si loo ogaado baahiyahooda dhabta ah, caqabadaha horyaalla, iyo sidii loogu heli lahaa mashaariic iyo taageerooyin kor loogu qaadayo ganacsiyadooda iyo noloshooda dhaqaale. Intii uu socday tababarku, ka qaybgalayaashu waxay barteen hababka casriga ah ee iibka, maamulka ganacsiga, kaydinta xogta ganacsiga iyo adeegyada macaamiisha, si ay ula jaanqaadaan isbeddellada cusub ee ganacsiga.

Wasaaradda Shaqada, Arrimaha Bulshada iyo Qoyska, oo masuul ka ah taageerada, horumarinta iyo dhiirrigelinta haweenka, waxay si joogto ah uga shaqaysaa hirgelinta barnaamijyo lagu xoojinayo doorka haweenka ee horumarka dhaqaalaha iyo bulshada. Sidaa darteed, wasaaraddu waxay mudnaan gaar ah siisaa kobcinta xirfadaha iyo awood-siinta haweenka ku hawlan ganacsiyada yaryar.

Barnaamijkan waxaa hirgelintiisa iyo taageeradiisa nagala qayb qaatay Hay'ada iyo European Union iyada oo loo marayo mashruuca eWins, kaas oo ujeeddadiisu tahay xoojinta awoodda dhaqaale ee haweenka iyo abuurista fursado waara oo lagu horumarinayo noloshooda.

Waxaan u mahadcelinaynaa dhammaan haweenkii ka qaybgalay tababarkan, waxaana rajaynaynaa in aqoonta iyo xirfadaha ay korodhsadeen ay kaalin muuqata ka qaadan doonaan horumarinta ganacsiyadooda, kordhinta dakhligooda iyo kor u qaadidda nolosha qoysaskooda iyo bulshadoodaba.

Xafiiska Berbera Ee
Wasaaradda Shaqada, Arrimaha Bulshadda iyo Qoyska ee Gobolka Saaxil.

Address

Berbera Road
Berbera
2522

Telephone

+252634400319

Website

Alerts

Be the first to know and let us send you an email when Wasaaradda Shaqada, Arrimaha Bulshadda iyo Qoyska ee Gobolka Saaxil. posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Shaqada, Arrimaha Bulshadda iyo Qoyska ee Gobolka Saaxil.:

Shortcuts

Share

Category