Taliska Qeybta Booliiska Gobolka Bari

Home
Somalia
Bosaso
Taliska Qeybta Booliiska Gobolka Bari

Bogga Rasmiga ah ee Taliska Qeybta Booliiska Gobolka Bari

Fadlan hadaad lakulantid Wixii Dambi ah 24/7 Wac xaaladaha degdeg ah.

18/08/2026

DHAGAX-DIGGA SALDHIGGA BOOLISKA BIYO-KULULE

Boosaaso, 18 Agoosto 2026: Taliyaha Qaybta Booliska Gobolka Bari, G/sare Siciid Aadam oo ay weheliyaan maamulka Gobolka Bari, saraakiil ka tirsan Ciidanka Booliska Puntland, Hoggaanka Ilaalinta Deegaanka iyo Duurjoogta Ciidanka Booliska Puntland G/dhexe Faadumo
Cabdiqaadir, iyo masuuliyiin ka tirsan Wasaaradda Amniga
ayaa maanta si rasmi ah uga qayb galay dhagax-dhigga Saldhigga Booliska Biyo-kulule ee magaalada Boosaaso.
Saldhigga ayaa dib-u-habayn iyo casriyeyn lagu samayn
doonaa, iyadoo loo dhisayo qaab casri ah oo ka jawaabaya baahiyaha amni ee bulshada deegaanka.
Dhismaha saldhigga ayaa qayb ka ah dadaallada lagu xoojinayo amniga, tayaynta adeegyada Booliska iyo
adkaynta wada-shaqaynta Booliska iyo bulshada.
Saldhigga cusub ayaa la filayaa inuu nogdo xarun muhiim u ah sugidda amniga iyo bixinta adeegyo Boolis oo hufan oo
loo fidiyo bulshada ku dhaqan Biyo-kulule iyo
nawaaxigeeda, mashruuca waxaa Fulinaya Hay'adda UNDP
waxaana ku deeqay Dowladda Japan.

Taliska Qeybta Booliiska Gobolka Bari

17/08/2026

Boosaaso — 17 Agoosto 2026

Taliyaha qaybta gobolka bari, g/sare saciid aadan saciid, ayaa maanta xafiiskiisa ku qaabilay guddi ka socday INTERPOL, iyadoo kulanka looga hadlay xoojinta iskaashiga iyo wada-shaqeynta dhinacyada amniga.

Kulanka ayaa si gaar ah diiradda loogu saaray is-dhaafsiga xogaha amni, ka hortagga dambiyada abaabulan iyo sidii loo sii xoojin lahaa wada-shaqeynta hay’adaha amniga ee Gobolka Bari iyo INTERPOL.

Taliyaha ayaa adkeeyay muhiimadda ay leedahay wada-shaqeyn joogto ah oo dhex marta hay’adaha amniga gudaha iyo kuwa caalamiga ah, si loo xoojiyo amniga, loo yareeyo dambiyada, loona xaqiijiyo kala dambeyn waarta.

Ugu dambeyn, Taliyaha ayaa uga mahadceliyay guddiga INTERPOL booqashadooda iyo dadaallada ay ku bixinayaan xoojinta wada-shaqeynta dhinacyada amniga.

15/08/2026

=BOSAASO =. 15/08/2026

Taliska Booliska Gobolka Bari ayaa maanta magaalada Boosaaso ka fuliyey hawlgal lagu soo qabtay afar qof oo lagu tuhunsan yahay ka ganacsiga iyo qaybinta khamriga.

Hawlgalka ayaa lagu qabtay khamri noocyo kala duwan ah oo la tuhunsan yahay in loo diyaariyey iib iyo qaybinta, iyadoo sidoo kale baaritaan lagu sameynayo habka loo suuq-geynayey iyo cidda kale ee ku lugta leh hawshan.

Taliska Booliska Gobolka Bari wuxuu bulshada ugu baaqayaa inay la shaqeeyaan ciidamada ammaanka, isla markaana soo gudbiyaan xog kasta oo la xiriirta falalka wax u dhimaya amniga, caafimaadka iyo badqabka bulshada.

Baaritaanka kiiska ayaa socda, waxaana dadka la soo qabtay loo marin doonaa habraacyada sharciga.

Taliska Qeybta Booliiska Gobolka Bari

14/08/2026

=Bosaaso = 14 Agoosto 2026

Taliyaha Qaybta Booliska Gobolka Bari ayaa booqasho iyo kormeer ku tegay xeebta magaalada Boosaaso, halkaas oo ay isugu yimaadeen bulshada magaalada oo u soo dalxiis iyo nasasho tegay kadib salaaddii Jimcaha.

Booqashada ayaa qayb ka ahayd dadaallada joogtada ah ee Ciidanka Booliska Gobolka Bari ugu jiraan la socodka xaaladda amni, u dhowaanshaha bulshada iyo xaqiijinta in goobaha ay dadku ku badan yihiin ay helaan amni iyo kala dambeyn.

Taliyaha ayaa intii uu xeebta joogay la kulmay qaar ka mid ah bulshada, isagoo dhageystay aragtidooda iyo baahiyahooda la xiriira amniga, sidoo kalena ciidanka ku hawlanaa sugidda amniga kula dardaarmay inay si wanaagsan u gutaan waajibaadkooda, una adeegaan shacabka si masuuliyad, edeb iyo hufnaan leh.

Ciidanka Booliska Gobolka Bari waxay mar walba diyaar u yihiin ilaalinta nafta, hantida iyo nabadgelyada bulshada, iyagoo xoojinaya xiriirka iyo wada-shaqeynta ka dhaxaysa shacabka iyo ciidamada ammaanka.

Nabadgelyadu waa wadajir — Boolis iyo Bulsho.

Taliska Qeybta Booliiska Gobolka Bari

13/08/2026

Boosaaso, Khamiis — 13 Agoosto 2026

Taliyaha Qaybta Gobolka Bari, G/sare Said Aadan Said, ayaa maanta shir guddoomiyay shirka Khamiislaha ee amniga, kaas oo looga hadlay xaaladda guud ee amniga Gobolka Bari iyo qorshayaasha lagu sii xoojinayo sugidda amniga iyo kala dambeynta.

Shirka waxaa ka soo qayb galay saraakiisha qaybaha kala duwan ee Booliska Gobolka Bari, kuwaas oo warbixinno ka bixiyay xaaladda amni iyo hawlaha amni ee socda.

Intii uu shirku socday, waxaa si gaar ah looga hadlay xoojinta hawlgallada amniga, ka hortagga falalka amni-darrada, la dagaallanka dambiyada, ilaalinta nabadgelyada shacabka iyo kordhinta wada-shaqeynta ciidamada iyo bulshada.

Taliyaha ayaa saraakiisha faray inay dardargeliyaan shaqada, isla markaana mudnaanta koowaad la siiyo badbaadada shacabka, ilaalinta hantida iyo sugidda kala dambeynta.

11/08/2026

Carmo, 11 Agoosto 2026

Taliyaha Qaybta Gobolka Bari, G/Sare Said Aadan Said, ayaa maanta gaaray deegaanka Daaqsimed Madha, oo hoos taga Degmada Carmo, halkaas oo muddooyinkii u dambeeyey ay ka socotay deegaamayn sharci-darro ah.

Hawlgalka ayaa lagu soo duugay laguna baabi’iyey beero iyo ceelal si sharci-darro ah looga sameeyey deegaanka, iyadoo la raacayo go’aannada iyo awaamiirta hay’adaha ay khusayso.

Deegaanka Daaqsimed Madha waa dhul daaqsimeed muhiim u ah bulshada iyo xoolaha, waxaana muhiim ah in laga ilaaliyo deegaamayn, beeraysi iyo qodis ceelal oo aan haysan oggolaansho sharci ah.

Taliska/maamulka ay khusayso wuxuu bulshada ugu baaqayaa in la dhowro sharciga, lana ilaaliyo dhulka daaqsimeedka iyo khayraadka deegaanka, isla markaana aan la sameyn wax tallaabo ah oo keeni karta khilaaf iyo qalalaase.

08/08/2026

Boolisku waa garabka shacabka, ilaaliyaha amniga iyo dhowraha nabadda. Waa ciidanka u taagan ilaalinta nafta, hantida iyo kala dambaynta bulshada

02/08/2026

Waa dabaal dagii xalay oo ciidanka naba galyad wadooyinka G/bari qayb wayn kaqaateen

30/07/2026

Boosaaso, 30 Luulyo 2026

Taliyaha Qaybta Booliska Gobolka Bari ayaa maanta guddoomiyey shirkii joogtada ahaa ee Khamiislaha, kaas oo ay ka soo qaybgaleen taliyeyaasha saldhigyada, saraakiisha waaxyaha kala duwan iyo masuuliyiinta amniga.

Shirka waxaa diiradda lagu saaray xoojinta amniga guud ee magaalada Boosaaso iyo deegaannada hoos yimaada Gobolka Bari, dardargelinta hawlgallada lagu sugayo nabadgelyada, ka hortagga falalka lidka ku ah amniga, iyo sare u qaadidda wada-shaqaynta ka dhaxaysa laamaha amniga iyo bulshada.

Sidoo kale, waxaa lagu falanqeeyey warbixinnada amniga ee toddobaadkii la soo dhaafay, iyadoo la qiimeeyey guulaha la gaaray iyo caqabadaha jira, waxaana la faray dhammaan taliyeyaasha saldhigyada inay sii xoojiyaan feejignaanta, joogteeyaan roondooyinka, islamarkaana si degdeg ah uga jawaabaan dhacdo kasta oo amniga khalkhal gelin karta.

Ugu dambayn, Taliyaha Qaybta Booliska Gobolka Bari G/sare Siciid Aadan siciid ayaa ku bogaadiyey ciidamada dadaalka ay ugu jiraan ilaalinta nabadda iyo amniga shacabka, isaga oo ku adkeeyey inay sii laba jibbaaraan gudashada waajibaadkooda qaran.

Taliska Qeybta Booliiska Gobolka Bari

Address

Wadada Taliska Qeybta Booliiska
Bosaso
N/A

Telephone

+252905444445

Website

http://www.police.pl.so/

Alerts

Be the first to know and let us send you an email when Taliska Qeybta Booliiska Gobolka Bari posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Taliska Qeybta Booliiska Gobolka Bari:

Want your organization to be the top-listed Government Service in Bosaso?