Abdirahman Abdullahi Ali

10/07/2026

Waxaan fursad u helay inaan soo bandhigo talo-soo-jeedin ku saabsan xaaladda amniga, garsoorka iyo dakhliga ee dowladaha hoose ee Puntland, caqabadaha jira iyo tallaabooyinka muhiimka ah ee loo baahan yahay si loo xoojiyo dowladnimada iyo adeegyada bulshada.

Puntland waxay soo martay marxalado kala duwan iyo duruufo adag. Waxaa lagu soo dhisay dadaal, wadajir, adkaysi iyo aragti fog oo ay muujiyeen shacabkeeda iyo hoggaankeedu. Maanta, waxaa muhiim ah inaan qiimeyno halka aan ka nimid, guulaha aan gaarnay, caqabadaha weli jira iyo halka aan doonayno inaan gaarno.
Mid ka mid ah guulaha muhiimka ah ee Puntland gaartay waa hirgelinta nidaamka dimuqraadiyadda iyo doorashooyinka qof iyo codka ah, taas oo shacabka siisay fursad ay si toos ah ugu doortaan goleyaasha deegaanka iyo cidda matalaysa.

Haddaba, tallaabada xigta waa in la dhiso Dowlado Hoose oo xooggan, awood leh, hufan, isla-xisaabtan leh, una dhow shacabka ay matalaan.

Sidaas darteed, waxaa muhiim ah in la sii xoojiyo wada-shaqeynta Dowladda Puntland iyo Dowladaha Hoose, la ballaariyo adeegyada amniga iyo garsoorka, la xoojiyo awoodda maamul iyo dhaqaale ee degmooyinka, lana dhiso nidaamyo hufan oo ku saleysan wada-shaqeyn, isla-xisaabtan iyo adeeg bulsho.

01/07/2026

Waxaan tacsi u dirayaa dhammaan eheladii, qaraabadii, iyo asxaabtii ilahay ha unaxariistee marxuumad Buney Cali Faarax

Waxaan si gaar ah ugu tacsiyeynayaa Xildhibaan Daadir Xasan

Waxaan ilahay (STW) uga baryayaa marxumada inuu naxariistiisto, Janno ka waraabiyo, qabrigedana u waasiciyo, dhammaan ehelkii iyo qaraabadii aya ka baxdayna samir iyo iimaan ka siiyo. Aamiin

25/06/2026

14/06/2026

Waxaan maanta shir-guddoomiyey Kal-fadhiga 38-aad ee Golaha Deegaanka Degmada Boosaaso.

Fadhiga maanta waxaa Golaha horyimi Xoghayaha Dowladda Hoose iyo Agaasimayaasha Waaxyaha kala duwan ee Dowladda Hoose, kuwaas oo Golaha ka siiyey warbixinno ku saabsan shaqooyinka baaxadda leh, adeegyada bulshada iyo mashaariicda horumarineed ee ka socda degmada Boosaaso.

13/06/2026

Ilaahay SWT waxaan uga baryayaa Awowe Hiirad Xirsi Dubbe inuu ka waraabiyo Jannatul Firdowsa, qabrigiisana u waasiciyo, naxariistiisana ku mannaysto.

Dhammaanteen waxaan Ilaahay uga baryayaa samir iyo iimaan.

Aamiin.

11/06/2026

Waxaan tacsi u dirayaa dhammaan eheladii, qaraabadii, iyo asxaabtii ilahay ha unaxariistee marxuum Baari Shiire Dharaar.

Waxaan si gaar ah ugu tacsiyeynayaa Guddoomiya Ku-xigenka Golaha Wakiillada Puntland Mudane Maxamed Baari Shiire iyo dhammaan qoyska reer Baari Shiire.

Waxaan ilahay (STW) uga baryayaa Marxuumka inuu naxariistiisa Janno ka waraabiyo, qabrigiisana u waasiciyo, dhammaan ehelkii iyo qaraabadii uu ka baxayna samir iyo iimaan ka siiyo. Aamiin

10/06/2026

Maanta waxaan ka qayb-galay shir muhiim ah oo ay soo qabanqaabisay Hay’adda PDRC kaas oo lagu falanqeeyay qorshaha iyo hannaanka Sanduuqa Horumarinta Puntland (PDF).

Kulankan wuxuu bulshada u abuuray fursad ay ku soo bandhigaan aragtiyahooda iyo talooyinkooda ku saabsan mashaariicda horumarineed si loo xaqiijiyo in qorshayaasha la dejinayo ay waafaqsan yihiin baahiyaha dhabta ah ee shacabka.

Waxaan bogaadinayaa dadaallada lagu xoojinayo ka qaybgalka bulshada iyo horumarinta nidaamyada horseedaya horumar waara.

30/05/2026

Maanta waxaan magaalada Boosaaso ka daahfuray Imtixaanka Shahaadiga ah ee sanad-dugsiyeedka 2025–2026, anigoo ay ila socdeen masuuliyiin ka tirsan Wasaaradda Waxbarashada Puntland iyo maamulka gobolka.

Waxaan u rajeynayaa dhammaan ardayda u fariisatay imtixaanka guul iyo natiijooyin wanaagsan, waxaana ku dhiirrigelinayaa inay muujiyaan dadaalkii iyo aqoontii ay soo barteen. Sidoo kale, waxaan kormeer ku sameeyay qaar ka mid ah goobaha imtixaanku ka socdo ee Boosaaso.

Waxaan Alle uga baryayaa ardayda oo dhan inuu u fududeeyo imtixaanka una waafajiyo guul.

27/05/2026

Waxaan hambalyada munaasabadda barakeysan ee Ciidul Adxaha u dirayaa dhammaan bulshada reer Boosaaso, shacabka reer Puntland, guud ahaan ummadda Soomaaliyeed iyo muslimiinta caalamka meel kasta oo ay joogaan.

Waxaan Alle SWT uga baryayaa inuu ciidan ciideeda nagu gaarsiiyo nabad, caafimaad, barwaaqo iyo farxad. Ciidul Adxahani ha noqoto mid xoojisa isku duubnida, iscafiska, walaaltinimada iyo wadajirka bulshada.

Waxaan sidoo kale shacabka reer Boosaaso ugu baaqayaa inay ilaaliyaan amniga, adkeeyaan iskaashiga bulshada, kana shaqeeyaan nabadda iyo horumarka.

Ciid Mubaarak | Ciid wanaagsan.

26/05/2026

Ciid Mubaarak dhammaan shacabka reer Bosaso iyo guud ahaan Ummadda musliminta ah.