Bankiga Dowladda Puntland

Bankiga Dowladda Puntland Official page State Bank of Puntland.

NAIROBI : Agaasimaha Guud ee Bangiga Dowladda Puntland , Mudane Faysal Cabdullaahi Warsame (Murcanyo) ayaa ka qaybgalay ...
20/08/2026

NAIROBI : Agaasimaha Guud ee Bangiga Dowladda Puntland , Mudane Faysal Cabdullaahi Warsame (Murcanyo) ayaa ka qaybgalay kulamo ay Dowladdu la yeelatay Hay’adaha horumarinta iyo daneeyayasha caalamiga ah ee kala ah Safaaradda Denmark, Xafiiska Arrimaha Dibedda, Horumarinta iyo Arrimaha Barwaaqo-sooranka ee Boqortooyada Midowday (FCDO) iyo Bangiga Adduunka (World Bank).

Wafdiga Dowladda Puntland ayaa waxa hoggaaminayay Wasiirka Wasaaradda Qorshaynta, Horumarinta Dhaqaalaha iyo Iskaashiga Caalamiga ah, Mudane Yusuf Ahmed Mohamud (Barre Faatax), iyadoo kulamada lagu soo bandhigay cilmi-baarista ku saabsan Nuglaanta iyo Adkaysiga Dhaqaalaha Puntland (Economic Vulnerability and Resilience in Puntland ) iyo dadaallada Bangiga ee horumarinta nidaamka maaliyadeed iyo casriyeynta adeegyada bangiyada.

Bangiga dowlada Puntland ayaa kulanka kuso bandhigay natiijooyinka cilmi-baarista “Economic Vulnerability and Resilience in Puntland”, oo ah Cilmi baaris uu dhawaan Bangigu soo saaray isaga oo kashanaya Hay’ada PDRC iyo Jaamacadda East Africa , taas oo iftiiminaysa khataraha dhaqaale iyo kuwa dibadda ee saameeya Puntland, oo ay ka mid yihiin Amni-darrada ay sababeen Dagaaladii ISIS ee buuraha Calmiskaad, abaaraha soo noqnoqda, hoos u dhaca kaalmada caalamiga ah, xirnaanti Marinka Hurmus iyo saameynta isbeddellada juqraafi-siyaasadeed ee gobolka iyo adkaysigeda.

Sidokle kulamada aya loga wada hadlay muhiimadda Casriyaynta adeegyada maaliyadeed (Digital Financial Services) sida mobile money, digital payments iyo sidii loo ballaarin lahaa helitaanka adeegyada maaliyadeed (financial inclusion) gaar ahaan dadka iyo ganacsiyada aan weli si buuxda uga faa’iidaysan adeegyada maaliyadeed.

Dhinaca kale, waxaa xoogga la saaray muhiimada kobcinta awoodda shaqaalaha Bangiga iyado lasiinayo tababarro xirfadeed iyo taageero farsamo, gaar ahaan dhinacyada Nidaamka bangiyada , dib-u-habaynta nidaamka maaliyadeed, digital finance, cilmi-baarista iyo maaraynta xogta.

Hay’adaha horumarinta ee kulanka ka qaybgalay ayaa si wanaagsan u soo dhaweeyay dadaallada Bangiga dowlada Puntland iyago si gaar ah u muujiyay xiisaha iyo qaddarinta ay u hayaan ee casriyeynta, Nidaamka Bangiga iyo xoojinta nidaamka maaliyadeed, sidoo kale waxay aqoonsaden muhiimada cilmi-baarista Economic Vulnerability and Resilience in Puntland iyo kaalinta ay ka qaadan karto fahamka caqabadaha dhaqaale iyo meelaha u baahan taageero iyo iskaashi horumarineed.

Kulankan ayaa fursad muhiim ah u noqday xoojinta iskaashiga Bangiga dowlada Puntland iyo hay’adaha horumarinta caalamiga ah, Waxaa la isla qaatay muhiimadda ay leedahay in la sii xoojiyo wada-shaqeynta dhinacyada.

Bangiga dowlada Puntland waxa uu muujiyay in uu kujiro marxalad dib u habayn oo muhiim ah wuxuuna sii wadi doonaa dadaallada lagu casriyeynayo hay’adda iyo xoojinta doorkeeda ku aaddan horumarinta iyo adkeysiga nidaamka maaliyadeed ee Puntland.

XAFIISKA WARFAAFINTA IYO WACYIGELINTA BANGIGA DOWLADA PUNTLAND

BANGIGA DOWLADDA PUNTLAND AYAA KULAN LA QAATAY HAY’ADAHA MAALIYADEED EE GAARKA LOO LEEYAHAYKulanka ayaa ujeeddadiisu aha...
18/08/2026

BANGIGA DOWLADDA PUNTLAND AYAA KULAN LA QAATAY HAY’ADAHA MAALIYADEED EE GAARKA LOO LEEYAHAY

Kulanka ayaa ujeeddadiisu ahayd dardargelinta iyo xoojinta xiriirka wada shaqayneed ee ka dhexeya Bangiga iyo Hay’adaha maaliyadeed ee gaarka loo leeyahay, waxaana diiradda lagu saaray arrimo farsamo oo taagnaa iyo caqabadaha saameeya wada shaqaynta iyo habsami-u-socodka adeegyada maaliyadeed ee bulshada loo hayo.

Waxaa sidoo kale si guud looga wada hadlay caqabadaha jira iyo arrimaha u baahan in labada dhinac si wadajir ah uga Shaquan, kuwaas oo ay ka mid yihiin arrimaha la xiriira KYC, qulqulka lacagaha dibadda, Credit Bureau, horumarinta adeegyada maaliyadeed iyo baahida tababar ee Hay’adaha Maaliyadda.

Kulanka ayaa sidoo kale fursad u noqday isbarasho hordhac ah oo dhexmartay maamulka cusub ee Bangiga Dowladda Puntland iyo masuuliyiinta Hay’adaha maaliyadeed ee gaarka loo leeyahay.

Agaasimaha Guud ee Bangiga ayaa sheegay in Bangigu muhiimad gaar ah siinayo wada shaqaynta uu la leeyahay hay’adaha maaliyadeed ee gaarka loo leeyahay, maadaama ay qayb muhiim ah ka yihiin nidaamka maaliyadeed iyo adeegyada ay bulshada hesho, Waxa uu sidoo kale soo jeediyay in la qabto kulamo farsamo oo joogto ah, si arrimaha taagan loogu sameeyo jadwal shaqo iyo dabagal.

Waxaa la filayaa in kulamo ka ballaaran kan la qabto, kuwaas oo lagu sii ambaqaadi doono wada-tashiga, xoojinta wada-shaqaynta iyo arrimaha muhiimka ah ee labada dhinac.

Kulanka waxaa goob joog ka ahaa Guddoomiye Ku-xigeenka Bangiga, Mudane Maxamed Siciid Hogaamo, Agaasimaha Guud ee Bangiga, Mudane Faysal Cabdullaahi Warsame (Murcanyo), Agaasime Ku-xigeenka Bangiga, Mudane Cali Yuusuf Faarax, Agaasimaha Waaxda Kormeerka iyo Shati-siinta, Marwo Asiya Xasan Khalid, iyo masuuliyiin ka socday qaar ka mid ah bangiyada, xawaaladaha, shirkadaha bixiya adeegyada lacagaha danabaysan iyo hay’adaha kale ee maaliyadeed ee gaarka loo leeyahay.

XAFIISKA WARFAAFINTA IYO WACYIGELINTA
BANGIGA DOWLADDA PUNTLANDA

15/08/2026

QARDHO: AGAASIMAHA GUUD EE BANGIGA DOWLADDA PUNTLAND OO KORMEERAY DHISMAHA CUSUB EE LAANTA QARDHO OO MEEL GEBGEBO AH MARAYA ISAGA OO WARBIXIN KA DHAGAYSTAY SARAKISHA WAAXDA IIBKA IYO QANDARAASYADA OO AY WEHELIYAN INJINEERADA BANGIGA UGU HAWL GALA ILAALINTA TAYADA SHAQADA DHISMAHA

QARDHO: AGAASIMAHA GUUD EE BANGIGA DOWLADDA PUNTLAND OO KORMEERAY DHISMAHA CUSUB EE LAANTA QARDHOAgaasimaha Guud ee Bang...
15/08/2026

QARDHO: AGAASIMAHA GUUD EE BANGIGA DOWLADDA PUNTLAND OO KORMEERAY DHISMAHA CUSUB EE LAANTA QARDHO

Agaasimaha Guud ee Bangiga Dowladda Puntland, Mudane Faysal Cabdullaahi Warsame (Murcanyo), ayaa safar shaqo ku tegay magaalada Qardho, halkaas oo uu kormeer ku sameeyay dhismaha cusub ee Laanta Bangiga Dowladda Puntland, kaas oo maraya heer gebogebo ah.

Intii uu ku sugnaa xarunta Bangiga, Agaasimaha Guud ayaa warbixin ka dhagaystay Agaasimaha Waaxda Iibka iyo Qandaraasyada ee Bangiga, Umulkhayr Mukhtaar Abshir, oo uu weheliyo Injineerka Bangiga u qaabilsan la socodka tayada iyo habsami-u-socodka shaqada dhismaha.

Dhismaha cusub ee Laanta Qardho ayaa la filayaa in dhawaan la soo gabagabeeyo, iyadoo shaqadu u socoto si waafaqsan qorshaha iyo jadwalkii loo dejiyay.

Muddo shan sano gudahood ah, dhismaha Laanta Qardho wuxuu noqonayaa xaruntii shanaad ee cusub ee Bangiga Dowladda Puntland uu ka hirgeliyo laamihiisa gobollada, Waxana h**e loo dhammaystiray xarumaha Bangiga ee Garoowe, Gaalkacyo iyo Boosaaso, halka dhismaha Laanta Qardho uu marayo heerkii ugu dambeeyay, iyadoo dhammaan mashaariicdan ay maalgelisay Bangiga Dowladda Puntland.

Qorshaha Bangiga Dowladda Puntland ee dib-u-casriyeynta xarumihiisa gobollada ayaa ujeedkiisu yahay in Bangigu helo xarumo bangi oo casri ah, ammaan ah, isla markaana ku habboon bixinta adeegyada maaliyadeed ee maanta.

Qorshahan ayaana waxaa garab socda himilada Bangiga ee ballaarinta adeegyada bangiyada si Bangigu u guto Waajibaakiisa dastuuriga ah si loo xaqiijiyo in bulshada ku nool dhammaan gobollada Puntland ay helaan adeegyo maaliyadeed oo casri ah, hufan oo la isku halayn karo, iyadoo la abuurayo deegaan shaqo oo tayadiisu la jaanqaadayso heerarka iyo baahiyaha Bangiga.

XAFIISKA WARFAAFINTA IYO WACYIGELINTA
BANGIGA DOWLADDA PUNTLAND

BANGIGA DOWLADDA PUNTLAND OO HORUMARINAYA NIDAAMYADA CASRIGA AH EE MAAMULKA IYO ADEEGYA BANGIGABangiga Dowladda Puntland...
13/08/2026

BANGIGA DOWLADDA PUNTLAND OO HORUMARINAYA NIDAAMYADA CASRIGA AH EE MAAMULKA IYO ADEEGYA BANGIGA

Bangiga Dowladda Puntland wuxuu maanta qabtay kulan muhiim ah oo qayb ka ah dib-u-habaynta iyo isbeddelka dijitaalka ah ee Bangiga, iyadoo si rasmi ah loo daahfuray Nidaamka Maamulka Shaqaalaha (HR Management System), isla markaana la soo bandhigay warbixin ku saabsan halka uu marayo hirgelinta Nidaamka Core Banking System, oo ah mid ka mid ah mashaariicda ugu waaweyn uguna istiraatiijisan ee Bangigu hirgelinayo sanadkan.

Nidaamka Maamulka Shaqaalaha ayaa ah Nidaam Bangiga u abuuraya hannaan mideysan oo dijitaal ah oo lagu maamulo xogta iyo hawlaha shaqaalaha Sida daahfurnaanta Fasaxyada ,isla xisaabtanka saacadaha shaqada , Qiimaynta waxqabadka (Performance Appraisal) iyo Maaraynta Mushahar bixinta (Payroll) taasoo xoojinaysa hufnaanta maamulka shaqaalaha iyo isla-xisaabtanka iyo habsami-u-socodka shaqada iyo shaqaalaha Bangiga ee ka hawlgala dhammaan xarumihiisa Gobolada Puntland.

Dhanka kale, waxaa kulanka lagu soo bandhigay warbixinta halka uu marayo hirgelinta Nidaamka Core Banking System, oo ah Nidaam Bangiyeed Casri ah Islamarkaasna ah mashruuc laf-dhabar u ah Shaqada Bangiga Dowlada Puntland.

Warbixinta la soo bandhigay ayaa lagu iftiimiyay marxaladda uu mashruucu marayo, horumarka la sameeyay iyo qorshaha shaqo ee wejiyada xiga, iyadoo hirgelinta nidaamku u socoto si qorshaysan, laguna saleeyay baahiyaha iyo himilooyinka fog ee Bangiga.

Nidaamkan cusub ayaa ku dhisan xal bangiyeed casri ah oo Temenos ah, oo ah system ay isticmaalan Bangiyada Aduunka , waxaana Bangigu hirgelintiisa kala shaqaynayaa shirkad leh khibrad iyo awood farsamo oo heer caalami ah. Hirgelinta nidaamkan ayaana qayb ka ah hindise ballaaran oo isbeddel dijitaal ah, kaas oo lagu dhisayo kaabayaal tiknoolajiyadeed oo casri ah, isku xiran, isla markaana u diyaariya Bangiga horumarinta hawlo iyo adeegyo bangiyeed oo daboolaya baahiyaha hadda jira iyo kuwa mustaqbalka.
Mashruucan wuxuu sidoo kale qayb muhiim ah ka yahay dib-u-habaynta hay’adeed (Institutional Reform) ee Bangigu ku xoojinayo awooddiisa iyo hannaankiisa shaqo, kuna casriyeynayo habraacyada gudaha, nidaamyada maamulka iyo maaraynta xogta. iyadoon Ujeeddadu guud tahay in la kordhiyo hufnaanta hawlaha, tayada adeegyada, isku-xirnaanta shaqooyinka iyo awoodda Bangiga ee maareynta hawlaha bangiyeed, si uu si buuxda oo waafaqsan heerarka casriga ah ugu guto waajibaadkiisa dastuuriga ah.

Kulanka waxaa goob-joog ka ahaa Guddoomiye Ku-xigeenka Bangiga , Agaasimaha Guud ee Bangiga,Agaasime kuxigenka ee Bangiga Dowladda Puntland,Saraakiisha iyo dhammaan shaqaalaha Xarunta dhexe ee Bangiga iyo masuuliyiin ka socday shirkadda Bangiga kala shaqaynaysa hirgelinta Nidaamyadan.

XAFIISKA WARFAAFINTA IYO WACYIGELINTA BANGIGA DOWLADA PUNTLAND

09/08/2026

Agaasimaha Guud ee Bangiga Dowladda Puntland, Mudane Faysal Cabdullaahi Warsame (Murcanyo), ayaa safar shaqo ku tagay magaalada Gaalkacyo, isagoo kormeeray Laanta Bangiga Dowladda Puntland ee Gaalkacyo isla Markaasna kulan la qaatay maamulka iyo shaqaalaha laanta, Agasimaha aya Sido kale ka qaybgalay kormeerka dhismaha waddada Bacaadweyn–Dusmada oo uu uga qaybgalay xubinnimadiisa Boardka Hay’adda Waddooyinka Puntland (PHA) ee uu ku metelo Bangiga Dowlada Puntland , isagoo booqday deegaanno ay kamid yihiin Margaaga, Bacaadweyn, Cagaaran iyo Horogle.

GAALKACYO: AGAASIMAHA GUUD EE BANGIGA DOWLADDA PUNTLAND OO SAFAR SHAQO KU TAGAY MAGAALADA GAALKACYOAgaasimaha Guud ee Ba...
09/08/2026

GAALKACYO: AGAASIMAHA GUUD EE BANGIGA DOWLADDA PUNTLAND OO SAFAR SHAQO KU TAGAY MAGAALADA GAALKACYO

Agaasimaha Guud ee Bangiga Dowladda Puntland, Mudane Faysal Cabdullaahi Warsame (Murcanyo), ayaa safar shaqo ku tagay magaalada Gaalkacyo, isagoo u kuurgalay howlaha shaqo iyo xaaladda Laanta Bangiga Dowladda Puntland ee Gaalkacyo.

Agaasimaha Guud ayaa kulan la qaatay maamulka iyo howlwadeennada laanta, wuxuuna ka dhageystay warbixinno ku saabsan habsami-u-socodka shaqada, adeegyada ay laantu bulshada u hayso iyo howlaha ka socda laanta.

Agaasimaha Guud ayaa kula dardaarmay maamulka iyo shaqaalaha laanta dardargelinta shaqada, ilaalinta hufnaanta iyo habsami-u-socodka howlaha, isagoo xusay muhiimadda ay leedahay in laanta iyo shaqaalaheedu si joogto ah ula jaanqaadaan horumarka iyo isbeddellada ku socda adeegyada Bangiga.

Intii uu ku guda jiray safarkiisa shaqo, Agaasimaha Guud oo kamid ah xubnaha Boardka Hay’adda Waddooyinka Puntland (PHA) oo uu ku metelo Bangiga Dowladda , ayaa sidoo kale ka qaybgalay kormeerka dhismaha waddada Bacaadweyn ilaa Dusmada, iyadoo wafdigu booqday deegaannada Margaaga, Bacaadweyn, Cagaaran iyo Horogle, halkaas oo ay kula kulmeen maamulka iyo bulshada deegaanka.

Bulshada ayaa Dowladda Puntland uga mahadcelisay dhismaha waddada oo muhiim u ah isu-socodka dadka iyo gaadiidka, fududeynta ganacsiga iyo horumarinta gobolka.

Safarkan shaqo ayaa qeyb ka ah dadaallada Agaasimaha Guud ee ku aaddan kormeerka iyo horumarinta howlaha Bangiga, xoojinta adeegyada laamaha iyo ka qaybqaadashada dadaallada horumarineed ee Dowladda Puntland.

XAFIISKA WARFAAFINTA IYO WACYIGELINTA
BANGIGA DOWLADDA PUNTLAND

01/08/2026

BANGIGA DOWLADA PUNTLAND AYAA MARTIGELIYAY MUNAASABADA QARAN EE XUSKA SANADGUURADA 28-AAD EE ASAASKA DOWLADA PUNTLAND

Address

Main Road
Garowe

Opening Hours

Monday 09:00 - 14:00
Tuesday 08:00 - 14:00
Wednesday 08:00 - 14:00
Thursday 08:00 - 14:00
Friday 08:00 - 14:00
Saturday 08:00 - 14:00
Sunday 08:00 - 14:00

Telephone

+252905230023

Website

Alerts

Be the first to know and let us send you an email when Bankiga Dowladda Puntland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Bankiga Dowladda Puntland:

Shortcuts

Share

Category