Wasaaradda Caafimaadka Puntland

Wasaaradda Caafimaadka Puntland Halkaan waa pageka Wasaaradda caafimaadka Puntland. This is the official page for the Puntland Ministry of Health.

Garoowe, 03 Jun 2026: Wasiir Ku-xigeenka Wasaaradda Caafimaadka Dowladda Puntland, ahna Kusimaha Wasiirka, Marwo Maryam ...
03/06/2026

Garoowe, 03 Jun 2026: Wasiir Ku-xigeenka Wasaaradda Caafimaadka Dowladda Puntland, ahna Kusimaha Wasiirka, Marwo Maryam Osman Ahmed (Fangase), oo ay weheliyaan Wasiiru-dawlaha Mudane Cali Maxamed Cismaan iyo Agaasimaha Guud Dr. Maxamed Maxamuud Xidig, ayaa maanta shir guddoomiyay kulanka shaqaalaha Xarunta dhexe ee Wasaaradda Caafimaadka.

Agaasimaha Guud ee Wasaaradda Caafimaadka, Dr. Maxamed Maxamuud Xidig, oo kulanka furay ayaa shaqaalaha la wadaagay ujeeddada kulanka,kaasoo daarnaa sidii la iskaga xog waraysan lahaa shaqada socota iyo waxyaabaha soo kordhay oo lagu hormarinayo shaqada iyo adeega bulshada loo hayo.

Kulanka ayaa si gaar ah diiradda loogu saaray muhiimadda ay leedahay ilaalinta waqtiga shaqada, xoojinta anshaxa shaqaalaha, kor u qaadista isla xisaabtanka, iyo hirgelinta nidaamka casriga ah ee Biometric Attendance System, kaas oo markii ugu horreysay laga hirgeliyey Wasaaradda si loo xoojiyo la socodka xaadirista iyo joogtaynta shaqaalaha.

Wasiir Ku-xigeenka ayaa kulanka ka jeedisay qodobo muhiim ah oo la xiriira horumarinta shaqada Wasaaradda, kuwaas oo ay ka mid ahaayeen:

🔹 Hirgelinta nidaamka Biometric-ka si loo xoojiyo maamulka shaqaalaha
🔹 Xoojinta shaqo hufan oo ku dhisan isla xisaabtan
🔹 Ilaalinta waqtiga shaqada iyo kor u qaadista wax-soo-saarka shaqaalaha
🔹 Dardargelinta qorshayaasha horumarineed ee Wasaaradda

Kulankan ayaa qayb ka ah dadaallada hoggaanka Wasaaradda Caafimaadka Puntland ay ku xoojinayaan tayada maamulka, hufnaanta shaqada iyo horumarinta adeegyada caafimaadka ee bulshada loo hayo.

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

03/06/2026

Dr. Fahad Cabdisalaan Maxamuud, Agaasimaha Isbitaalka Degmada Burtinle, ayaa ka warbixinaya adeegyada caafimaad ee ka socda isbitaalka, horumarka la sameeyey iyo sida ay uga faa’iideysanayaan bulshada ku nool degmada iyo deegaannada ku xeeran.

Garoowe, 03 Juun 2026: Wasiir Ku-xigeenka Wasaaradda Caafimaadka Dowladda Puntland ahna Kusimaha Wasiirka, Marwo Maryam ...
03/06/2026

Garoowe, 03 Juun 2026: Wasiir Ku-xigeenka Wasaaradda Caafimaadka Dowladda Puntland ahna Kusimaha Wasiirka, Marwo Maryam Cismaan Axmed (Fangase), oo ay weheliyaan Wasiiru-dawlaha Wasaaradda Mudane Cali Maxamed Cismaan iyo Agaasimaha Guud Dr. Maxamed Maxamuud Xidig, ayaa maanta kulan la yeeshay masuuliyiin ka socday hay’adda World Vision International (WVI) xafiisyadeeda Puntland iyo Nairobi.

Kulanka ayaa diiradda lagu saaray xaaladda nafaqada ee Puntland, horumarka laga sameeyey adeegyada nafaqada, iyo xoojinta wada-shaqaynta u dhexeysa Wasaaradda iyo hay’adda WVI si loo sii dardargeliyo adeegyada caafimaadka iyo nafaqada ee bulshada.

Masuuliyiinta WVI ayaa Wasaaradda ku ammaanay dadaallada ay ka waddo horumarinta adeegyada nafaqada, iyagoo xusay in dhammaan xarumaha nafaqada ee ay booqdeen ay yihiin kuwo shaqaynaya, habaysan, isla markaana bixiya adeegyo tayo leh oo bulshada loogu adeego.

Kulanka waxaa sidoo kale ka qayb galay qaar ka mid ah Agaasimayaasha Waaxyaha Wasaaradda, kuwaas oo warbixinno ka bixiyey xaaladda nafaqada, guulaha la gaaray iyo caqabadaha u baahan in si wadajir ah looga shaqeeyo.

Gabagabadii kulanka, Wasiir Ku-xigeenka Wasaaradda ayaa uga mahadcelisay WVI taageerada joogtada ah ee ay siiso waaxda caafimaadka Puntland, iyadoo adkaysay muhiimadda ay leedahay sii xoojinta iskaashiga lagu horumarinayo caafimaadka iyo nafaqada bulshada Puntland.

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

Garoowe, 02 Juun 2026: Wasiir Ku-xigeenka Wasaaradda Caafimaadka Dowladda Puntland ahna Kusimaha Wasiirka, Marwo Maryan ...
02/06/2026

Garoowe, 02 Juun 2026: Wasiir Ku-xigeenka Wasaaradda Caafimaadka Dowladda Puntland ahna Kusimaha Wasiirka, Marwo Maryan Cismaan Maxamed (Fangase), ayaa maanta soo xirtay Shirka Dib-u-eegista Xogta Caafimaadka (HMIS) ee Puntland.

Shirka waxaa ka qaybgalay Agaasimaha Adeegyada Caafimaadka Aasaasiga ah, Mudane Cabdirisaaq Abshir Xirsi, Kusimaha Agaasimaha Qorshaynta ahna Madaxa Maareynta iyo Maamulka Xogta Caafimaadka Puntland, Mudane Cabdirisaaq Maxamed Cartan, iyo sidoo kale Mudane Cali Xasan oo ka socday hay’adda UNICEF.

Kusimaha Agaasimaha Qorshaynta ahna Madaxa Maareynta iyo Maamulka Xogta Caafimaadka Puntland, Mudane Cabdirisaaq Maxamed Cartan, oo ka hadlay munaasabadda xiritaanka shirka ayaa yiri:

“Maanta waxaa inoo soo xirmaya Shirka Dib-u-eegista Xogta Caafimaadka Puntland. Shirkan waa mid ka mid ah shirarka ugu muhiimsan ee Wasaaraddu qabato, waxaana lagu falanqeeyaa xogaha caafimaadka ee soo xarooday, lagu qiimeeyaa waxqabadka masuuliyiinta gobollada, isla markaana looga arrinsadaa caqabadaha jira iyo sidii loo xallin lahaa. Waxaan ku ammaanayaa masuuliyiinta gobollada shaqada wanaagsan ee ay hayaan iyo dadaalka ay geliyeen tayeynta xogta caafimaadka.”

Mudane Cali Xasan oo ka socday hay’adda UNICEF ayaa isaguna sheegay:

“Waxaan idinku bogaadinaynaa shaqada qiimaha badan ee aad qabataan. Waxaa si weyn loo qiray in Puntland ay tahay meesha ugu horreysa ee dalka laga helo xog caafimaad oo dhammaystiran, la isku halayn karo, kana timaadda in ka badan 400 oo xarumood caafimaad. Shaqadiinnu waa tiirka qorshaynta iyo horumarinta adeegyada caafimaadka, waana idinku ammaanaynaa. Waxaan rajaynaynaa in hoggaanka Wasaaraddu sii xoojin doono adeegsiga xogtan si loogu horumariyo adeegyada caafimaadka Puntland.”

Marwo Maryan Cismaan Maxamed (Fangase), Wasiir Ku-xigeenka Wasaaradda Caafimaadka ahna Kusimaha Wasiirka, oo si rasmi ah u soo xirtay shirka ayaa tiri:

“Aad ayaan ugu faraxsanahay inaan idinkala qayb galo xiritaanka shirkan dib-u-eegista xogta caafimaadka Puntland ee lixdii bilood ee la soo dhaafay. Kulankan waxaa lagu soo bandhigay xogihii la ururiyey, waxaana sidoo kale lagu saxayaa khaladaadkii jiri kara si loo helo xog sax ah oo lagu kalsoonaan karo.”

“Waxaan si gaar ah ugu mahadcelinayaa Mudane Cabdirisaaq Cartan iyo dhammaan masuuliyiinta gobollada dadaalka ay geliyeen horumarinta nidaamka xogta caafimaadka. Waxaa muuqata horumar la taaban karo oo laga sameeyey qaybta xogta Wasaaradda, waxaana rajaynayaa inaad sii labanlaabi doontaan dadaalladiinna si loo gaaro horumar intan ka sii weyn.”

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

Galkacyo, 01 June 2026: Kusimaha Isku-duwaha Caafimaadka Gobolka Mudug, Mudane Xirsi Xuseen Nuur Dirir, ayaa maanta lag...
01/06/2026

Galkacyo, 01 June 2026: Kusimaha Isku-duwaha Caafimaadka Gobolka Mudug, Mudane Xirsi Xuseen Nuur Dirir, ayaa maanta lagu guddoonsiiyey Shahaado Sharaf lagu maamuusayo kartidiisa hoggaamineed, hufnaanta shaqadiisa, firfircoonidiisa iyo kaalinta muuqata ee uu ka qaatay taageerada iyo la shaqaynta Ciidanka Booliska Puntland.

Shahaadadan ayaa lagu guddoonsiiyey munaasabad ka dhacday Dugsiga Tababarka Ciidanka ee Gen. Carays Godod, iyadoo si rasmi ah u guddoonsiiyey Taliyaha Guud ee Ciidanka Booliska Puntland, Sarreeye Guuto Muumin Cabdi Shire, iyo Guddoomiye Ku-xigeenka 1-aad ee Golaha Wakiillada Puntland, Mudane Maxamed Baarri Shire.

Mas’uuliyiinta ayaa si weyn ugu bogaadiyey Mudane Xirsi dadaalka joogtada ah ee uu ku bixiyo horumarinta adeegyada caafimaadka, gaar ahaan taageerada uu siiyo ciidamada iyo bulshada Gobolka Mudug. Waxay xuseen in shahaadadani ay tahay aqoonsi lagu maamuusayo shaqada wanaagsan, daacadnimada iyo xirfadda uu ku gudanayo waajibaadkiisa shaqo.

Dhankiisa, Mudane Xirsi Xuseen Nuur Dirir ayaa uga mahadceliyey Taliska Ciidanka Booliska Puntland iyo dhammaan masuuliyiintii ka dambeysay maamuuskan, isaga oo sheegay in shahaadadani ay dhiirrigelin u tahay sii xoojinta dadaallada uu ugu adeegayo bulshada iyo horumarinta adeegyada caafimaadka ee Gobolka Mudug.

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

Garoowe, 01 Jun 2026: Wasiir Ku-xigeenka Wasaaradda Caafimaadka Dowladda Puntland ahna Kusimaha Wasiirka, Marwo Maryam O...
01/06/2026

Garoowe, 01 Jun 2026: Wasiir Ku-xigeenka Wasaaradda Caafimaadka Dowladda Puntland ahna Kusimaha Wasiirka, Marwo Maryam Osman Ahmed (Fangase), ayaa maanta kormeer shaqo ku tagtay Shaybaarka Guud ee Puntland, halkaas oo ay ka socoto dib looga shaqayn siinayo loona hagaajinayo qayb dansan oo qalab cusub loo keenay.

Kormeerka Wasiir Ku-xigeenka ayaa waxaa ku soo dhaweeyay Madaxa Shaybaarka Guud ee Puntland, Mudane Mohamuud Mohamed Husein, oo warbixin ka siiyay heerka ay marayso dib-u-habaynta iyo qorshayaasha lagu horumarinayo adeegyada shaybaarka.

Kormeerkan ayaa ujeeddadiisu ahayd u kuurgelidda shaqooyinka socda iyo xaqiijinta in dib-u-habayntu ay gacan ka geysanayso kor u qaadista tayada adeegyada caafimaadka. Kusimaha Wasiirka ayaa bogaadisay dadaallada lagu horumarinayo Shaybaarka Guud ee Puntland, iyadoo xustay muhiimadda uu u leeyahay bixinta adeegyo caafimaad oo tayo leh.

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

31/05/2026

Kalmadii Kusimaha Wasiirka Caafimaadka Dowladda Puntland ahna Wasiir Ku-xigeenka Wasaaradda Caafimaadka, Marwo Maryam Osman Ahmed (Fangase) oo maanta agab dawo oo wasaaraddu udirtay Gobolka Sanaag

31/05/2026

Kalmadii Wasiiru dawlaha Wasaaradda Caafimaadka Puntland Ali Mohamed Osman ee maanta agab dawo oo loo diray gobolka Sanaag.

Garoowe, 31 May 2026: Kusimaha Wasiirka Caafimaadka Dowladda Puntland ahna Wasiir Ku-xigeenka Wasaaradda Caafimaadka, Ma...
31/05/2026

Garoowe, 31 May 2026: Kusimaha Wasiirka Caafimaadka Dowladda Puntland ahna Wasiir Ku-xigeenka Wasaaradda Caafimaadka, Marwo Maryam Osman Ahmed (Fangase), oo uu wehelinayo Wasiiru-dawlaha Wasaaradda Cali Mohamed Cismaan iyo Kusimaha Agaasimaha Waaxda Adeegyada Caafimaadka Cabdifitaax Muufo, ayaa maanta agab dawo ah u diray gobolka Sanaag.

Agabkan daawada ah ayaa jawaab u ah baahi dawo oo ka jirtay gobolka, waxaana loo qaybin doonaa qaar kamid ah xarumaha caafimaadka si loo xoojiyo adeegyada caafimaadka ee bulshada loo hayo.

Marwo Maryam Osman Ahmed (Fangase) ayaa sheegtay in Wasaaradda Caafimaadku ay ka go’an tahay gaarsiinta adeegyo caafimaad iyo dawooyin tayo leh dhammaan gobollada Puntland, iyadoo xustay in tallaabadan ay qayb ka tahay dadaallada lagu horumarinayo adeegyada caafimaadka iyo daryeelka bulshada.

Wasaaraddu waxay sii wadi doontaa qiimeynta iyo daboolidda baahiyaha caafimaad ee ka jira gobollada Puntland si bulshada loo gaarsiiyo adeeg caafimaad.

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

Galkacyo, 30 May 2026: Wasaaradda Caafimaadka Dowladda Puntland ayaa maanta ka qaybgashay munaasabadda Daahfurka Imtixaa...
30/05/2026

Galkacyo, 30 May 2026: Wasaaradda Caafimaadka Dowladda Puntland ayaa maanta ka qaybgashay munaasabadda Daahfurka Imtixaanka Shahaadiga ah ee Sanad-dugsiyeedka 2025–2026 ee Gobolka Mudug.

Kusimaha Isuduwaha Wasaaradda Caafimaadka ee Gobolka Mudug, Mudane Xirsi Xuseen Nuur, ayaa munaasabadda ka jeediyey khudbad dardaaran iyo wacyigelin isugu jirtay, isagoo ardayda kula dardaarmay inay muujiyaan dadaal, kalsooni iyo anshax wanaagsan inta uu socdo imtixaanku.

Sidoo kale, Wasaaradda Caafimaadka ayaa diyaarisay kooxo caafimaad oo heegan buuxa ku jiri doona goobaha lagu galayo imtixaanka, si ay adeegyo caafimaad oo degdeg ah u gaarsiiyaan cid kasta oo u baahata inta lagu guda jiro maalmaha imtixaanka.

Wasaaraddu waxay ardayda u rajaynaysaa guul iyo natiijooyin wanaagsan, iyadoo ku boorrinaysa inay si hufan oo masuuliyad leh u gutaan imtixaankooda.

DHAMMAAD
XAFIISKA WARFAAFINTA WASAARADDA CAAFIMAADKA
Website: www.moh.pl.so
LinkedIn: Puntland Ministry of Health
X (Twitter):
Facebook: ministryOfHealthPuntland
TikTok: .puntland
YouTube:

Address

Garowe

Website

Alerts

Be the first to know and let us send you an email when Wasaaradda Caafimaadka Puntland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Caafimaadka Puntland:

Shortcuts

Share

Category