Golaha Caddaaladda iyo Dimuquraadiyadda

25/07/2026

BAYAAN NABADEED

Golaha Cadaaladda iyo Dimuqraadiyadda (GCD)

Golaha Cadaaladda iyo Dimuqraadiyadda (GCD) waxa uu si weyn uga xun yahay colaadda mar kale dib uga qaraxday deegaanno ka tirsan Gobolka Sanaag, taas oo dhex martay laba beelood oo walaalo ah, isla markaana dhaawac culus gaarsiisay wada noolaanshihii iyo xasilloonidii bulshada.

Goluhu waxa uu tacsi tiiraanyo leh u dirayaa dhammaan ehelada, qoysaska iyo bulshada ay ka baxeen dadkii ku geeriyooday colaaddan. Sidoo kale waxa uu Alle uga baryayaa dhaawacyada inuu caafimaad degdeg ah siiyo, dadka ay dhibaatadu saamaysayna samir iyo adkaysi ku mannaysto.

Golaha Cadaaladda iyo Dimuqraadiyadda waxa uu ku baaqayaa xabbad-joojin degdeg ah, in si shuruud la’aan ah loo joojiyo dagaalka, lana badbaadiyo dhiigga dadka Soomaaliyeed.

Sidoo kale, Goluhu waxa uu muujinayaa walaac weyn oo ku saabsan kaalintii ay ahayd inay qaadato dowladda. Dowladda waxaa waajib dastuuri ah ka saaran ilaalinta amniga muwaadiniinta iyo ka hortagga colaadaha soo noqnoqda. Waxay ahayd in mar h**e la qaado tallaabooyin wax ku ool ah, lana kala dhex dhigo ciidamo amni si loo xakameeyo xiisadda ka hor inta aysan isu beddelin dagaal sababa dhimasho iyo burbur. Dib u dhaca ku yimid tallaabooyinkaas waxa uu horseeday in dhibaatadu sii fido.

Goluhu waxa uu ugu baaqayaa Isimada dhaqanka, cuqaasha, culimada, waxgaradka, haweenka iyo dhalinyarada labada dhinac inay gutaan doorkooda taariikhiga ah ee nabadaynta, kana hormariyaan danta guud, wada noolaanshaha iyo ilaalinta dhiigga shacabka wax kasta oo kale. Taariikhda Soomaaliyeed waxay marar badan caddeysay in nabad waarta lagu gaari karo wada hadal, is-afgarad iyo xeer dhaqameed caddaalad ku dhisan.

Ugu dambayn, Golaha Cadaaladda iyo Dimuqraadiyaddu waxa uu ugu baaqayaa dhammaan shacabka Soomaaliyeed inay ka fogaadaan hadallada iyo falalka hurinaya colaadda, kana shaqeeyaan dejinta xaaladda, xoojinta walaaltinimada iyo dib u soo celinta kalsoonida bulshada.

Nabadda ayaa guul ah. Dhiigga Soomaaliyeedna waa karaamo ay waajib tahay in la ilaaliyo.

Golaha Cadaaladda iyo Dimuqraadiyadda (GCD)

19/07/2026

25/06/2026

14/06/2026

Bismillaah,

Dastuurku waa heshiiska bulsho ee saldhigga u ah dawladnimada, xasilloonida siyaasadeed iyo kalsoonida shacabka. Waxaa waajib ah in la dhowro, laguna dhaqmo si waafaqsan sharciga, halkii laga dhigi lahaa dukumenti mar kasta loo beddelo dan ama damac siyaasadeed oo gaar ah.

Waa nasiib darro in Dastuurka Puntland mar kale loo arko waraaq la beddeli karo marka ay ku habboonaato dano gaar ah. Shalay ayay ahayd markii si sharcidarro ah wax looga beddelay, taas oo sababtay khilaaf, dhiig daatay iyo dhaawac culus oo soo gaaray dawladnimada iyo wadajirka bulshada. Maanta in mar kale la isku dayo in dastuurka la leexiyo si loo waafajiyo damac kale oo siyaasadeed waa khalad weyn oo sii fogeynaya kalsoonidii lagu qabay hay’adaha dowliga ah.

Waxaan ugu baaqayaa Guddoonka iyo Mudanayaasha Baarlamaanka Puntland inay ka waantoobaan raadkii khaldanaa ee horay loo maray, kana fogaadaan tallaabo kasta oo horseedi karta dhibaatooyin iyo qalalaase cusub. Khaladaadkii dhacay iyo kuwa maanta la damacsan yahay waa in dhinac la iska dhigaa, dastuurkana dib loogu celiyaa dariiqii sharciga ahaa iyo habraacyadii saxda ahaa. Haddii ay jiraan qodobo u baahan dib-u-eegis ama hagaajin, waa in loo maraa wadatashi dhab ah, heshiis siyaasadeed oo loo dhan yahay iyo hannaan sharciyeed oo waafaqsan dastuurka laftiisa.

Ilaalinta dastuurku waa ilaalinta dawladnimada, ku tumashadiisuna waa dhaawac loo geysanayo dawladnimada iyo mustaqbalka Puntland.

23/05/2026

17/05/2026

14/05/2026

Aqoonyahannada Soomaaliyeed ee ku nool magaalada Minneapolis ayaa xalay kulan casho sharaf ah u qabtay Guddoomiyaha Golaha Caddaaladda iyo Dimuquraadiyadda , oo xubina ka ah Midowga Haybad Qaran Dr. Guled Salah.

Intii uu kulanku socday, Dr. Guuleed oo maalmahan safar ku jooga halkaas ayaa aqoonyahannada la wadaagay xaaladda guud ee dalka, xilli uu dalku marayo marxalad kala guur ah.