25/05/2026
Waxaa maanta si rasmi ah uga furmay Magaalada Boorama tababar muhiim ah oo ku saabsan Xuquuqaha Haweenka ee uu dammaanad qaaday Dastuurka Jamhuuriyadda Somaliland, kaasi oo ay si wadajir ah u soo qabanqaabiyeen 𝐖𝐚𝐬𝐚𝐚𝐫𝐚𝐝𝐝𝐚 𝐗𝐢𝐝𝐡𝐢𝐢𝐝𝐡𝐤𝐚 𝐆𝐨𝐥𝐞𝐲𝐚𝐚𝐬𝐡𝐚 𝐢𝐲𝐨 𝐀𝐫𝐫𝐢𝐦𝐚𝐡𝐚 𝐃𝐚𝐬𝐭𝐮𝐮𝐫𝐤𝐚 𝐉𝐒𝐋 𝐢𝐲𝐨 𝐇𝐚𝐲’𝐚𝐝𝐝𝐚 𝐏𝐥𝐚𝐧 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥.
Tababarkan ayaa ujeeddadiisu ahayd kor u qaadista wacyiga bulshada, gaar ahaan fahamka xuquuqaha haweenka ee ku cad Dastuurka JSL, iyada oo la xoojinayo doorka haweenka ee ka qaybgalka arrimaha bulshada, siyaasadda iyo horumarka dalka.
Xafladda furitaanka tababarka waxaa ka hadlay Agaasimeyaal ka tirsan Wasaaradda Xidhiidhka Goleyaasha iyo Arrimaha Dastuurka JSL, kuwaas oo si qoto dheer uga warramay muhiimadda ay leedahay ilaalinta iyo hirgelinta xuquuqaha haweenka ee dastuurku dammaanad qaaday. Sidoo kale, masuuliyiintaasi waxay tilmaameen in wacyigelinta noocan ahi ay door weyn ka qaadanayso dhismaha bulsho ku dhisan sinaan, caddaalad iyo wadajir.
Waxaa sidoo kale halkaasi hadallo ka jeediyey masuuliyiin ka tirsan Golaha Deegaanka Boorama, oo uu ka mid ahaa Maayar Ku-xigeenka Magaalada Boorama, kaas oo bogaadiyey tababarka iyo iskaashiga ka dhexeeya Wasaaradda iyo Hay’adda Plan International, isaga oo xusay in kor u qaadista aqoonta xuquuqaha haweenku ay muhiim u tahay horumarka bulshada iyo dawladnimada.
Gabagabadii, masuuliyiintii ka qayb gashay xafladdu waxay ku baaqeen in la joogteeyo barnaamijyada wacyigelinta iyo tababarada la xidhiidha dastuurka iyo xuquuqaha muwaadiniinta, si loo helo bulsho si wanaagsan u fahamsan xuquuqdeeda iyo waajibaadkeeda dastuuriga ah.
