Wasaaradda Maaliyadda Hirshabelle

15/07/2026

Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Hirshabelle oo Ka Qeyb Galay Madasha Fulinta Miisaaniyadda Dalka

Kismaayo, 15 Luulyo 2026, Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Hirshabelle, Mudane Cabdullaahi Saalax Mudei, ayaa maanta ka qeyb galay Madasha Fulinta Miisaaniyadda Dalka (Budget Ex*****on Forum) oo si rasmi ah uga furmay magaalada Kismaayo.

Furitaanka madasha waxaa ka qeyb galay Xisaabiyaha Guud ee Dowladda Federaalka Soomaaliya, Mudane Maxamed Maxamuud Cabdulle, Wasiirka Maaliyadda Dowlad Goboleedka Jubbaland, Mudane Axmed Cabdirisaaq Maxamed (Handal),
Agaasimayaasha Guud ee Wasaaradaha Maaliyadda ee Dowlad Goboleedyada, Agaasimaha Guud ee Maaliyadda Maamulka Gobolka Banaadir, Xisaabiyaha Guud ee SSC-Khaatumo, iyo xubno ka socda Mashruuca Somalia Enhancing Public Resource Management (SERP).

Xisaabiyaha Guud ee Dowladda Federaalka Soomaaliya ayaa faahfaahin ka bixiyay ujeeddada madasha, natiijooyinka laga filayo, iyo doorka ay ku leedahay horumarinta maamulka maaliyadda guud iyo dardargelinta hirgelinta Heerarka Caalamiga ah ee Xisaabaadka Dadweynaha (IPSAS).

Madashu waxay sii socon doontaa maalmaha soo socda iyadoo diiradda lagu saarayo hirgelinta IPSAS iyo xoojinta hufnaanta, isla xisaabtanka, iyo tayeynta maamulka maaliyadda guud, waxaana la filayaa in laga soo saaro talooyin iyo go'aanno wax ku ool ah.

Wasaaradda Maaliyadda iyo Horumarinta Dhaqaalaha Dowladda Hirshabelle waxaa ka go'an ka qeybqaadashada dadaallada lagu horumarinayo maamulka maaliyadda guud iyo hirgelinta dib-u-habeynta maaliyadeed ee dalka.

— DHAMMAAD —

27/06/2026

Wasiir Ku-xigeenka Wasaaradda Maaliyadda iyo Horumarinta Dhaqaalaha Dowladda Hirshabelle oo Soo Xiray Aqoon-isweydaarsi Lagu Xoojinayay Awooda shaqaaalaha ee dhanka dajinta Siyaasadaha Dhaqaalaha, Maareynta Maaliyadda iyo Kobcinta Dakhliga Dowladda.

Jowhar, 27 Juun 2026 – Wasiir Ku-xigeenka Wasaaradda Maaliyadda iyo Horumarinta Dhaqaalaha Dowladda Hirshabelle, Mudane Omar Mohamed Soomane, oo ay wehliyeen Agaasimaha Guud ee Wasaaradda Maaliyadda Dowladda Hirshabelle, Mudane Abdullahi Salah Mudei, iyo Agaasimaha Waaxda Qorsheynta iyo Siyaasadda Dhaqaalaha ee Wasaaradda Maaliyadda JFS, Mudane Bukhari Cabdiwahaab, ayaa si rasmi ah u soo xiray aqoon-isweydaarsi socday afar maalmood oo lagu xoojinayay awoodda farsamo ee Macroeconomic Working Group.

Agaasimaha Waaxda Qorsheynta iyo Siyaasadda Dhaqaalaha ee Wasaaradda Maaliyadda JFS,Mudane Bukhari Cabdiwahaab ayaa sheegay in afarta maalmood ee aqoon-isweydaarsigu socday lagu soo bandhigay casharro iyo khibrado muhiim ah oo ku saabsan siyaasadaha dhaqaalaha, maamulka maaliyadda dowladda, kobcinta dakhliga iyo xoojinta wada-shaqeynta hay'adaha maaliyadda ee Dowladda Federaalka iyo Dowlad Hirshabelle, isagoo ku dhiirrigeliyay ka qaybgalayaasha inay aqoonta la wadaagaan hay'adahooda.

Dhankiisa, Agaasimaha Guud Mudane Abdullahi Salah Mudei ayaa xusay in Wasaaradda Maaliyadda Hirshabelle ay ka go'an tahay sii wadidda barnaamijyada lagu dhisayo awoodda shaqaalaha dowladda, si loo horumariyo hufnaanta, isla xisaabtanka iyo tayada maamulka maaliyadda.

Ugu dambeyn, Wasiir Ku-xigeenka Mudane Omar Mohamed Soomane ayaa si rasmi ah u soo xiray aqoon-isweydaarsiga, isagoo uga mahadceliyay dhammaan ka qaybgalayaasha iyo bah-wadaagta taageeray qabsoomidda kulanka, isla markaana ku boorriyay in talooyinka iyo aqoonta laga kororsaday loo beddelo waxqabad wax ku ool ah oo lagu horumarinayo maamulka maaliyadda iyo kobcinta dhaqaalaha Dowladda Hirshabelle.

- DHAMAAD-

25/06/2026

Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Hirshabelle oo Daah-furay Kulanka Sanadlaha ah ee Dabagalka Maaliyadda Dowladda Hirshabelle.

Jowhar, 25 June 2026 Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Hirshabelle, Mudane Abdullahi Salah Mudei, ayaa maanta si rasmi ah u daah-furay Kulanka Sanadlaha ah ee Dabagalka Maaliyadda Dowladda Hirshabelle, kaas oo lagu qiimeynayo horumarka la gaaray, caqabadaha jira, iyo sidii loo xoojin lahaa nidaamyada maamulka maaliyadda dowladda.

Kulanka waxaa Agaasimaha Guud ku wehliyay Guddoomiyaha Hanti-dhowrka Guud ee Dowladda Hirshabelle, Mudane Ahmed Sheikh Nur Idle, iyo xubno ka tirsan xafiiskiisa. Sidoo kale, waxaa ka qeyb galay Agaasimayaasha Waaxaha iyo howl-wadeennada kala duwan ee Wasaaradda Maaliyadda.

Intii uu socday furitaanka kulanka, Agaasimaha Guud Mudane Abdullahi Salah Mudei ayaa carrabka ku adkeeyay muhiimadda ay leedahay in la helo nidaam dabagal maaliyadeed oo hufan, isla xisaabtan leh, isla markaana ka qeyb qaata kor u qaadidda tayada maamulka maaliyadda dowladda iyo adeegyada loo fidiyo shacabka.

Dhankiisa, Guddoomiyaha Hanti-dhowrka Guud ee Dowladda Hirshabelle, Mudane Ahmed Sheikh Nur Idle, ayaa xusay muhiimadda ay leedahay wada-shaqeynta hay’adaha dowladda si loo xaqiijiyo hufnaan, isla xisaabtan iyo maamul wanaag maaliyadeed, kuwaas oo laf-dhabar u ah horumarka iyo kalsoonida hay’adaha dowladda Hirshabelle.

Kulankan sanadlaha ah ayaa qeyb ka ah dadaallada joogtada ah ee lagu xoojinayo hababka dabagalka, qiimeynta waxqabadka maaliyadeed, iyo hubinta in khayraadka dowladda loo maareeyo si waafaqsan shuruucda iyo habraacyada jira.

Wasaaradda Maaliyadda iyo Horumarinta Dhaqaalaha Dowladda Hirshabelle waxay mar walba sii wadi doontaa dadaallada lagu xoojinayo hufnaanta, isla xisaabtanka, iyo maamul wanaagga maaliyadeed, si loo xaqiijiyo adeeg hufan iyo horumar waara oo loo horseedo shacabka Hirshabelle.

— DHAMMAAD —

— DHAMMAAD —

24/06/2026

Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Hirshabelle oo Daahfuray Aqoon-isweydaarsi Lagu Xoojinayo Siyaasadaha Dhaqaalaha, Maareynta Maaliyadda iyo Kobcinta Dakhliga Dowladda Hirshabelle

Jowhar, 24 June 2026 – Agaasimaha Guud ee Wasaaradda Maaliyadda iyo Horumarinta Dhaqaalaha Dowladda Hirshabelle, Mudane Abdullahi Salah Mudei, ayaa maanta si rasmi ah u furay aqoon-isweydaarsi afar maalmood soconaya oo lagu xoojinayo awoodda Kooxda Shaqada Dhaqaalaha Guud (Macroeconomic Working Group).

Agaasimaha Guud waxaa ku wehliyay La-taliyaha Arrimaha Dakhliga ee Wasaaradda Maaliyadda Dowladda Hirshabelle, Mudane Abdullahi Biit, iyo Agaasimaha Waaxda Siyaasadda Dhaqaalaha iyo Qorsheynta ee Wasaaradda Maaliyadda Dowladda Federaalka Soomaaliya, Mudane Bukhari Abdiwahab. Sidoo kale, aqoon-isweydaarsiga waxaa joog-joog ka ah isla markaana daadihinaya khubaro iyo la-taliyeyaal sare oo ka socda Wasaaradda Maaliyadda Dowladda Federaalka Soomaaliya.

Aqoon-isweydaarsigan ayaa diiradda saaraya xoojinta siyaasadaha dhaqaalaha, horumarinta maareynta maaliyadda guud, kobcinta dakhliga gudaha, iyo tayeynta qorsheynta dhaqaalaha si loo taageero horumarka iyo koboca dhaqaalaha Dowladda Hirshabelle.

Agaasimaha Guud Mudane Abdullahi Salah Mudei ayaa ku adkeeyay muhiimadda ay leedahay dhisidda awoodda farsamo ee hay’adaha dowladda si loo helo maamul maaliyadeed oo hufan, isla markaana loo horumariyo qorsheyn dhaqaale oo ku saleysan xog iyo falanqayn sax ah.

Dhankiisa, Mudane Bukhari Abdiwahab ayaa tilmaamay in iskaashiga u dhexeeya Wasaaradda Maaliyadda Dowladda Federaalka Soomaaliya iyo Wasaaradda Maaliyadda Dowlad Hirshabelle uu muhiim u yahay horumarinta qorsheynta dhaqaalaha, tayeynta maamulka maaliyadda guud, iyo hirgelinta siyaasado dhaqaale oo waxtar leh.

Aqoon-isweydaarsigan ayaa qayb ka ah dadaallada lagu xoojinayo awoodda hay’adaha maaliyadda dalka, iyadoo la hiigsanayo koboc dhaqaale oo waara iyo maamul maaliyadeed oo hufan.

— DHAMMAAD —

14/06/2026

11/06/2026

Jowhar, Hirshabelle – 11 Juun 2026

Madaxweynaha Jamhuuriyadda Federaalka Soomaaliya, Mudane Dr Hassan Sheikh Mohamud, iyo Madaxweynaha Dowladda Hirshabelle, Mudane Ali Abdullahi Hussein Guudlaawe, ayaa maanta si wadajir ah xarigga uga jaray Xarunta Dhexe ee Wasaaradda Maaliyadda iyo Horumarinta Dhaqaalaha Dowladda Hirshabelle.

Munaasabaddan ayaa ka tarjumeysa dadaallada Dowladda Hirshabelle ee ku aaddan xoojinta hay’adaha dowliga ah, kor u qaadista adeegyada maaliyadeed, iyo horumarinta hannaanka maamulka maaliyadda dadweynaha.

Mas’uuliyiinta ayaa bogaadiyey hirgelinta xaruntan cusub oo door muhiim ah ka qaadan doonta tayeynta shaqada Wasaaradda, kor u qaadista hufnaanta maaliyadeed, iyo dardargelinta adeegyada loo hayo shacabka Hirshabelle.

DHAMMAAD

11/06/2026

DIYAAR-GAROWGA MUNAASABADDA XARAG-JARKA XARUNTA DHEXE EE WASAARADDA MAALIYADDA IYO HORUMARINTA DHAQAALAHA DOWLADDA HIRSHABELLE TAAS OO SI RASMI AH XARIGA UGU WADAJARIDOONAAN MADAXWEYNAHA JAMHUURIYADA FEDERALKA SOOMALIYA MUDANE DR.HASSAN SHEIKH MOHAMUD IYO MADAXWEYNAHA DOWLADDA HIRSHABELLE MUDANE CALI CABDULLAAHI XUSEEN GUUDLAAWE.

30/04/2026

WASIIR KU XIGEENKA WASAARADDA MAALIYADDA IYO HORUMARINTA DHAQAALAHA DOWLADDA HIRSHABELLE MUDANE OMAR MOHAMED SOOMANE AYAA SOO XIRAY MADASHA FULINTA MIISAANIYADA IYO DIB-U HABEYNTA MAAMULKA MAALIYADDA DOWLADDA HIRSHABELLE.