Wasaaradda Dhallinyarada iyo Isboortiga Hirshabeelle

13/08/2026

📍 Warsheekh | 12 Agoosto 2026

Wasaaradda Dhallinyarada iyo Isboortiga Hirshabeelle ayaa maanta Degmada Warsheekh ku qabatay munaasabad lagu xusay Maalinta Caalamiga ah ee Dhallinyarada Adduunka.

Munaasabadda oo uu furay Agaasimaha Guud ee Wasaaradda Dhallinyarada iyo Ciyaaraha Hirshabeelle Mudane Nuur Siyaad Gacal ayaa waxaa ka qaybgalay Guddoomiyaha Degmada Warsheekh, Guddoomiye Ku-xigeenka Degmada, Guddoomiyaha Dhallinyarada Degmada, Guddoomiyaha Ururka Haweenka Degmada iyo dhallinyaro firfircoon oo ka kala socotay bulshada degmada.

Munaasabadda ayaa lagu muujiyey doorka muhiimka ah ee dhallinyaradu ku leeyihiin horumarka, nabadda iyo dib-u-dhiska bulshada, iyadoo lagu dhiirrigeliyey inay door muuqda ka qaataan hoggaaminta iyo mustaqbalka dalkooda.

Dhallinyaro firfircoon, bulsho horumarsan. 🇸🇴

𝐃𝐇𝐀𝐌𝐌𝐀𝐀𝐃
______

Xafiiska Warbaahinta Iyo Xiriirka dadwaynaha
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/MoYSHirshabelle
𝐖𝐞𝐛𝐬𝐢𝐭𝐞: http://Moys.hs.so
X: MoYSHirshabelle

21/05/2026

📅 21 MAY, Muqdishu;

Wasiirka Wasaaradda Dhallinyaradda iyo Isboortiga Hirshabelle Mudane Mohamed Aynte ayaa ka qaybgalay Kulan Afkaar-isweydaarsiga Khibradaha ee Xagjirnimada Gobolka Bariga Africa, Regional Learning and Experience Sharing for C/PVE oo lagu qabtay Muqdishu.

Kulankan waxaa soo qabanqaabiyay Hay'adda Tusban National Centre iyadoo ay kaashanayeen UNDP, KOICA, iyo UK, waxaana ka qaybgalay Wasiiru-dowlaha Xafiiska OPM, Wasiirada Amniga iyo Dhallinyaradda ee Dowlad-goboleedyada dalka, hay'ado dawladeed, bulsho rayid ah, akademiyada, ururada dhalinyaradda, iyo xubno ka socday dalalka Geeska Africa.

Ujeedada guud ee kulanku aya ahaa afkaar-isweydaarsiga fikirka xagjirnimada gobolka bariga Afrika, iyo in la xoojiyo iskaashiga hay;adaha dalka iyo gobolka laguna wadaago khibradaha kahortaga fikradaha xagjirka ah iyo dhisidda nabadda.

Wasiir Mohamed AYNTE oo ka hadlay kulanka ayaa yiri: "Waxaan halkan u imid inaan wax ka baranno khibradaha gobolka, isla markaana aan la wadaago waayo-aragnimada Hirshabelle. Dhalinyaradu waa udub-dhaxaadka nabadda. Maalgashigoodu waa difaaceenna ugu xoogga badan ee dalku leeyahay."

Wasaaradda Dhallinyarada iyo Isboortiga Hirshabeelle waxaa ka go'an horumarinta dhalinyarada iyo ka qaybgalkooda nabadda iyo xasiloonida iyo la dagaalka fikirka xajirnimada.

21/05/2026

Wasaaradda Dhallinyarada iyo Isboortiga Hirshabeelle
Food and Agriculture Organization of the United Nations (FAO)
IOM Somalia
Shaqodoon Organization
jowhar Youth Advisory Council

21/05/2026

20/05/2026

📅 20 May 2026 | 📍Goobta: Muqdisho**

Wasiirka Wasaaradda Dhallinyarada iyo Isboortiga Dowladda Hirshabelle, Mudane Mohamed Aynte, ayaa ka qaybgalay kulankii Guddiga Sare ee Fulinta Mashruuca ee mashruuca YOU-ACT ''Empowering Youth to Contribute to Peaceful Transitions in Jowhar'', kaasoo lagu qabtay Muqdisho.**

Kulankan waxaa shir-guddoominayay Wasiir Maxamed Cabdulqaadir Cali, Wasiirka Wasaaradda Dhallinyarada iyo Isboortiga Dowladda Federaalka Soomaaliya. Waxaa kaloo ka soo qaybgalay Agaasimaha Guud ee Wasaaradda Dhallinyarada iyo Isboortiga XFS, Mudane Axmed Xasan, masuuliyiin ka socotay Wasaaradda Dhallinyarada ee heer Federaal iyo heer Dowlad Goboleed iyo hey'adaha FAO, IOM, Shaqadoon, iyo Sanduuqa Nabada Peacebuilding Fund oo uu ku matalayay Mr. Brian Williams, Chief of PBF, oo ka socday Xafiiska New Yorker.

Shirka waxaa lagu soo bandhigay howlaha mashruuca laga qabtay saddexdii bilood ee lasoo dhaafay iyo warbixinta kormeerka iyo qiimeynta guud (Monitoring and Evaluation Report). Sidoo kale, waxaa kulanka looga dooday dhameystirka mashruuca iyo qorshaha mustaqbalka. Ka qaybgalayaasha ayaa isla qireen sida mashruucu u noqday mid saamayn fiican ku yeeshay doorka dhallinyarada ee hogaaminta bulshada iyo xalinta khilaafaadka.

Wasiirka Wasaaradda Dhallinyarada iyo Isboortiga Hirshabelle, Mudane Aynte, oo khudbad ka jeediyay shirka, ayaa tilmaamay muhiimadda ay leedahay in la balaariyo mashruuca si ay uga faa'iidaystaan dhallinyaro badan oo ku nool deegaanada kale ee Hirshabelle. Isaga oo u mahadceliyay bahwadaagta shaqada ee ka qaybqaadatay mashruuca.

Ugu dambeyn, Guddiga Sare ee hagida mashruuca ayaa bogaadiyay waxqabadkii iyo howlihii baaxadda lahaa ee qabsoomay saddexdii bilood ee lasoo dhaafay. Waxayna ku celiyeen sida ay uga go'an tahay taageeridda dhallinyarada iyo dhisidda nabadda ee Jowhar iyo meelo kale.

15/05/2026

Mahadsanid Madaxwyane Ali Gudlawe Hussein

Hambalyo Dhalinyaradda Hirshabelle

Farriinta Madaxweynaha Dowladda Hirshabeelle ee dhallinyarada Soomaaliyeed.

15/05/2026

Sawiro dheeri ah 🇸🇴
Xuska Maalinta Dhalinyaradda Soomaaliyeed – 15 May
| Jowhar

Wasaaradda Dhallinyarada iyo Isboortiga Hirshabeelle
jowhar Youth Advisory Council
IOM Somalia
Food and Agriculture Organization of the United Nations (FAO)
Hirshabelle State House

15/05/2026

📍 Jowhar | 15 May 2026

Magaalada Jowhar ayaa si heer sare ah looga xusay Maalinta Dhallinyarada Soomaaliyeed ee 15-ka May, iyadoo sanadkan lagu maamuusay halkudhigga:

“Nabad & Barwaaqo.”

Halkudhiggan ayaa si gaar ah u muujinayay ahmiyadda nabaddu u leedahay horumarka bulshada, xasilloonida dalka, iyo sidii dhallinyaradu uga qaadan lahaayeen door muuqda dhismaha bulsho barwaaqo ah oo mideysan. Waxa uu sidoo kale xambaarsanaa farriin ku saabsan in nabaddu tahay saldhigga horumar, wadajir, iyo mustaqbal ifaya oo ay hoggaaminayaan dhallinyarada Soomaaliyeed.

Munaasabadda oo si habsami leh u soo qabanqaabisay Wasaaradda Dhallinyarada iyo Ciyaaraha Dowladda Hirshabelle ayaa waxaa ka qeybgalay Wasiirka Wasaaradda Dhallinyarada iyo Ciyaaraha iyo Agaasimaha Guud ee Wasaaradda, Wasiirrada Wasaaradaha Waxbarashada, Gargaarka, Haweenka, iyo Qorsheynta, Agaasimayaal Guud, maamulka degmada, Golaha Deegaanka, iyo qeybaha kala duwan ee bulshada.

Munaasabadda maanta ayaa sidoo kale gabagabo u ahayd olole nadaafadeed iyo nabadeed oo muddo hal bil ah ay wadeen Golaha Dhallinyarada Caasimadda iyo bulshada degmada, iyagoo kaashanayay Wasaaradda Dhallinyarada iyo maamulka degmada. Ololahan ayaa si weyn uga qeyb qaatay dib-u-soo-celinta bilicda magaalada iyo kor u qaadidda wacyiga bulshada ee ku aaddan nadaafadda, nabadda, iyo wadajirka bulshada.

Dhammaan masuuliyiintii ka hadlay munaasabadda ayaa ku nuuxnuuxsaday ahmiyadda ay leedahay Maalinta Dhallinyarada Soomaaliyeed iyo doorka muhiimka ah ee dhallinyaradu ku leeyihiin horumarka bulshada, nabadeynta, iyo ka qeybqaadashada waxqabadka mudnaanta u leh bulshada.

Wasiirka Wasaaradda Dhallinyarada iyo Ciyaaraha Dowladda Hirshabelle ayaa ugu dambeyn u mahadceliyay dhammaan kasoo qeybgalayaasha munaasabadda iyo bulshada caasimadda, isaga oo hambalyo ku aaddan munaasabadda 15-ka May u diray guud ahaan dhallinyarada Soomaaliyeed, gaar ahaan dhallinyarada Hirshabelle.

𝐃𝐇𝐀𝐌𝐌𝐀𝐀𝐃
______

Xafiiska Warbaahinta Iyo Xiriirka dadwaynaha
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/MoYSHirshabelle
𝐖𝐞𝐛𝐬𝐢𝐭𝐞: http://Moys.hs.so
X: MoYSHirshabelle

15/05/2026

School Peace Clubs in Action: Empowering Students for Peaceful Communities in Jowhar.

Wasaaradda Dhallinyarada iyo Isboortiga Hirshabeelle
jowhar Youth Advisory Council
Food and Agriculture Organization of the United Nations (FAO)
IOM Somalia
Shaqodoon Organization

12/05/2026

IOM Somalia
Wasaaradda Dhallinyarada iyo Isboortiga Hirshabeelle
jowhar Youth Advisory Council
Food and Agriculture Organization of the United Nations (FAO)