Baarlamaanka Hirshabeelle State Somalia

Home
Somalia
Jowhar
Baarlamaanka Hirshabeelle State Somalia

Waa Bogga Rasmiga ee Baarlamanka Dowlad Goboleedka Hirshabelle Somalia

The Official page

10/08/2026

Jowhar, 10 Agoosto 2026 — Kusimaha Madaxweynaha ahna Guddoomiyaha Golaha Wakiillada Hirshabelle Mudane Dr. Cabdixakiim Luqmaan Xaaji Maxamed ayaa hambalyo iyo bogaadin u diray Guddoomiyaha cusub ee Golaha Shacabka Baarlamaanka Jamhuuriyadda Federaalka Soomaaliya, Mudane Xildhibaan Cabdulqaadir Maxamed Nuur (Jaamac) oo maanta cod caqlabiyad leh ku doorteen Xildhibaanada Baarlamanka Federaalka Soomaaliya doorashadii ka dhacday magaalada Muqdisho.

Guddoomiye Cabdixakiim Luqmaan ayaa Guddoomiyaha cusub ee Golaha Shacabka Alle SWT uga baryay inuu u fududeeyo mas’uuliyadda culus ee loo doortay isagoo u rajeeyay inuu si hufan, caddaalad iyo daacadnimo leh u guto waajibaadka horyaalla.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

09/08/2026

Jowhar, 09 Agoosto 2026 – Kusimaha Madaxweynaha Hirshabelle ahna Guddoomiyaha Golaha Wakiilada Hirshabelle, Mudane Dr. Cabdixakiim Luqmaan Xaaji Maxamed ayaa maanta xafiiskiisa ku qaabilay ciyaaryahanadda Sundus Xasan Maxamed oo ka tirsan Xulka Gabdha Qaranka Soomaaliya ee kubadda cagta.

Sundus Xasan Maxamed oo ah ciyaaryahanad reer Jowhar ah, ayaa ka mid ahayd ciyaartoydii Xulka Qaranka Soomaaliya ee ka qeyb gashay tartan kubadda cagta ah oo ka dhacay qaar ka mid ah dalalka qaaradda Afrika iyagoona tartanka ku dhammeystay kaalinta saddexaad, taas oo guul iyo sharaf u ah guud ahaan shacabka Soomaaliyeed, gaar ahaan bulshada reer Hirshabelle iyo magaalada Jowhar.

Guddoomiye Dr. Cabdixakiim Luqmaan ayaa ciyaaryahanadda Sundus ugu hambalyeeyay dadaalka, kartida iyo hufnaanta ay muujisay, Guddoomiyaha ayaa sidoo kale xusay muhiimadda ay leedahay dhiirrigelinta dhallinyarada Soomaaliyeed gaar ahaan gabdhaha ku howlan ciyaaraha, waxbarashada iyo horumarinta bulshada, isagoo u rajeeyay Sundus iyo Xulka Qaranka Soomaaliya guulo badan mustaqbalka.

Kulanka waxaa goob joog ka ahaa Guddoomiyaha Degmada Jowhar ahna Duqa Magaalada, Mudane Cismaan Maxamed Mukhtaar iyo Wasiir Ku-xigeenka Wasaaradda Maaliyadda iyo Horumarinta Dhaqaalaha Hirshabeelle Mudane Cumar Maxamed Soomane.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

31/07/2026

Jowhar: 31, Luulyo2026 Kusimaha Madaxweynaha Dowladda Hirshabelle, ahna Guddoomiyaha Golaha Wakiillada Dowladda Hirshabelle, Mudane Dr. Cabdixakiim Luqmaan Xaaji Maxamed ayaa maanta xafiiskiisa ku qaabilay howl-wadeenno ka socday Hay'adda Aqoonsiga iyo Diiwaangelinta Qaranka (NIRA) kuwaas oo maalmahan ku sugnaa magaalada Jowhar si ay uga qeyb galaan aqoon-is-weydaarsi la xiriira horumarinta adeegyada aqoonsiga qaranka iyo xoojinta awoodda hay’adaha ku shaqada leh.

Guddoomiyaha ayaa bogaadiyey dadaallada iyo shaqada ay Hay’adda NIRA ka waddo dalka, isagoo xusay in aqoonsiga qaranku uu laf-dhabar u yahay horumarinta adeegyada dowladda, sugidda amniga, iyo dardargelinta horumarka guud ee bulshada. Waxa uu sidoo kale ku dhiirrigeliyey howl-wadeennada hay’adda inay sii laba jibbaaraan dadaalkooda si bulshada loogu fududeeyo helitaanka adeegyada aqoonsiga qaranka.

Dhankooda masuuliyiinta iyo howl-wadeennada Hay'adda NIRA ayaa uga mahadceliyey Guddoomiyaha soo dhoweynta diirran iyo taageerada uu u muujiyey iyagoo warbixin ka siiyey aqoon-is-weydaarsiga ka socda magaalada Jowhar iyo qorshayaasha lagu horumarinayo adeegyada aqoonsiga qaranka.

Kulanka waxaa goob joog ka ahaa Guddoomiyaha Degmada Jowhar ahna Duqa Magaalada, Mudane Cismaan Maxamed Mukhtaar iyo Wasiir Ku-xigeenka Wasaaradda Maaliyadda iyo Horumarinta Dhaqaalaha Hirshabeelle Mudane Cumar Maxamed Soomane.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

25/07/2026

Jowhar, 25 Luulyo 2026: Kusimaha Madaxweynaha Dowladda Hirshabelle ahna Guddoomiyaha Golaha Wakiillada Hirshabelle, Mudane Dr. Cabdixakiim Luqmaan Xaaji Maxamed ayaa maanta si rasmi ah u daahfuray Mashruuca Bulsho oo ah Mashruuc horumarineed oo lagu xoojinayo dowladaha hoose korna loogu qaadayo ka-qaybgalka bulshada.

Mashruuca Bulsho wuxuu si gaar ah diiradda u saarayaa awoodsiinta bulshada iyo hay’adaha dowladaha hoose ee heer degmo, tuulo iyo xaafad. Ujeeddadiisa ugu weyn waa xoojinta wadajirka bulshada kor u qaadista ka-qaybgalka loo dhan yahay iyo dhisidda bulsho iskaashi .

Guddoomiyaha Golaha Wakiillada Hirshabelle Mudane Dr. Cabdixakiim Luqmaan ayaa sheegay in xoojinta hay’adaha maxalliga ahi ay laf-dhabar u tahay horumar waara iyo gaarsiinta adeegyo tayo leh oo bulshada ay ka faa’iidaysato. waxaa uu xusay in Dowladda Hirshabelle ay sannadka ugu horreeya mudnaan gaar ah siinayso afar degmo oo laga hirgelinayo mashruucan, si loo xoojiyo isku-duubnida bulshada, nabadda iyo horumarka deegaannada.

Guddoomiye Cabdixakiim Luqmaan ayaa u mahadceliyay Bangigga Aduunka, Wasaaradda Arrimaha Gudaha ee Federaalka, Wasaaradda Arrimaha Gudaha Hirshabelle iyo dhammaan hay’adaha taageeraya hirgelinta mashruucan, isaga oo ku boorriyey bulshada inay si dhow ula shaqeeyaan hay’adaha dowladda si loo xaqiijiyo yoolalka mashruuca loona gaaro horumar waara oo ay ka wada faa’iidaystaan dhammaan bulshada.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

15/07/2026

Jowhar 15-Luulyo 2026: Kusimaha Madaxweynaha ahna Gudoomiyaha Golaha Wakiilada Hirshabelle Mudane Dr. Cabdixakiim Luqmaan Xaaji Maxamed ayaa hambalyo iyo bogaadin u diray shacabka reer Beledweyne ee maanta safafka u galay diiwaan-gelinta codbixiyayaasha doorshada, iyagoo muujiyey sida ay uga go’an tahay ka qaybgalka hannaanka doorashada tooska ah.

57 sano ah kadib shacabka Beledweyne ay fursad u helay inay si toos ah uga qayb qaataan doorashooyinka, kuna doortaan codkooda hoggaanka ay rabaan.

Gudoomiyaha ayaa ku boorriyay dhammaan shacabka aan weli isdiiwaangelin inay ka faa’iideystaan fursaddan taariikhiga ah si ay u helaan xuquuqdooda dastuuriga ah ee codbixinta.

Sido kale Guddoomiye Luqmaan ayaa u mahadceliyay maamulka gobolka Hiiraan kan degmada Beledweyne, laamaha amniga, guddiyada doorashooyinka iyo dhammaan bulshada reer Beledweyne ee doorka weyn ka qaatay hirgelinta geeddi-socodkan doorashooyinka.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

09/07/2026

Ku-simaha Madaxweynaha Dowladda Hirshabelle ahna Guddoomiyaha Golaha Wakiilada Hirshabelle Mudane Dr. Cabdixakiim Luqmaan Xaaji Maxamed ayaa maanta kormeer ku tagay dhismaha Baarlamanka Hirshabelle kaas oo maraya heer gabagabo ah.

03/07/2026

INAA LILAAHI WA INAA ILEYHI RAAJICUUN.

Jowhar: 3-Luulyo2026 Gudoonka Golaha Wakiilada Hirshabelle oo ugu horeeyo Guddoomiyaha Golaha Wakiilada Dowladda Hirshabelle Mudane Dr, Cabdixakiim Luqmaan Xaaji Mohamed, waxay tacsi tiiraanyo leh u dirayaan qoyskii, ehelkii, qaraabadii, bahda dhaqanka Soomaaliyeed iyo dhammaan shacabka Soomaaliyeed geerida naxdinta leh ee ku timid, Imaam Maxamed Yuusuf Cali.

Alle ha u naxariistee, Imaam Maxamed Yuusuf Cali waxaa uu ahaa Haldoor Soomaaliyeed oo muddo dheer ka shaqeynayey nabadeynta bulshada, xoojinta wadajirka shacabka, xal-u-helidda khilaafaadka iyo horumarinta dhaqanka Soomaaliyeed.

Guddoonka ayaa Alle uga baryay marxuumka inuu ka waraabiyo Jannatul Firdowsa, qabrigiisana u waasiciyo, dambigiisana Alle dhaafo, dhammaan qoyska, ehelka, qaraabada, iyo guud ahaah dhaqanka Soomaaliyeed samir iyo iimaan ka siiyo.

Aamiin.

01/07/2026

Jowhar: 1-Luulyo,2026: Guddoomiyaha Golaha Wakiillada Dowladda Hirshabelle Mudane Dr. Cabdixakiim Luqmaan Xaaji Maxamed ayaa caawa ka qeyb-galay munaasabadda 1-da Luulyo, oo ku beegan sanad-guuradii 66-aad ee ka soo wareegtay maalintii ay midoobeen gobollada Waqooyi iyo Koonfurta Soomaaliya, laguna aas-aasay Jamhuuriyadda Federaalka Soomaaliyeed.

Munaasabadda, oo ka dhacday Aqalka Madaxtooyada Dowladda Hirshabelle ayaa waxaa kasoo qeyb-galay masuuliyiinta Dowladda, xubnaha goleyaasha Dowladda, saraakiil ciidan, maamulka caasimadda, iyo qaybaha kala duwan ee bulshada Hirshabelle.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

20/06/2026

Baaq Nabadeed

Guddoomiyaha Golaha Wakiilada Dowladda Hirshabelle Dr. Cabdixakiim Luqmaan Xaaji Maxamed ayaa baaq nabadeed u diray beelaha walaalaha ah ee ku dagaallamaya Degmada Jalalaqsi ee Gobolka Hiiraan.

Guddoomiyuhu wuxuu si weyn uga xun yahay colaadda sababtay dhimashada iyo dhaawaca dad Soomaaliyeed oo walaalo ah, isla markaana horseeday barakac iyo burbur hantiyeed.

Guddoomiyaha ayaa ugu baaqay waxgaradka, odayaasha dhaqanka, culimada, haweenka iyo dhalinyarada labada dhinac inay si degdeg ah uga shaqeeyaan daminta colaadda.

Sidoo kale Guddoomiyaha ayaa ku adkeyay dhinacyada dagaallamaya inay si shuruud la’aan ah u joojiyaan colaadda kana fogaadaan wax kasta oo sii hurin kara xiisadda.

Ugu dambeyn, Guddoomiyaha Golaha Wakiilada Dowladda Hirshabelle ayaa xusay in nabaddu tahay saldhigga horumarka, isagoo ballanqaaday in maamulka Hirshabelle uu garab istaagi doono dadaal kasta oo lagu xaqiijinayo dib-u-heshiisiin waarta.

Nabad iyo wadajir ayaa lagu gaaraa horumar.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

13/06/2026

Jowhar 13 June 2026 Guddoomiyaha Baarlamanka Dowladda Hirshabelle Dr Cabdixakiim Luqmaan Xaaji Maxamed , Guddoomiye Ku Xigeenka 2aad ee Baarlamanka Mudane Mahad Xasan Cusmaan ayaa xalay ka qeyb galay Munaasabad casho-sharaf iyo mahadcelin ah oo loogu talagalay duubabka dhaqanka, siyaasiyiinta iyo marti sharaftii ka qaybgashay xarig jarka mashaariicda horumarineed ee laga hirgeliyay Caasimadda.

DHAMMAAD

Wixii faahfaahin dheeri ah, fadlan kala xiriir:
Xafiiska Warfaafinta & Xiriirka Warbaahinta
Baarlamaanka Dowladda Hirshabelle
Email: [email protected]

Address

Parliament Building Street
Jowhar

Website

http://hirshabelleparliament.so/

Alerts

Be the first to know and let us send you an email when Baarlamaanka Hirshabeelle State Somalia posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Baarlamaanka Hirshabeelle State Somalia:

Want your organization to be the top-listed Government Service in Jowhar?