Wasaaradda Kalluumeysiga iyo Dhaqaalaha Baluuga ee Jubaland

Wasaaradda Kalluumeysiga iyo Dhaqaalaha Baluuga ee Jubaland Bogga Rasmiga ah ee Wasaaradda Kalluumaysiga iyo Dhaqaalaha Buluuga ah ee Dowladda Jubbaland

Wasiirka Wasaaradda Kalluumeysiga iyo Dhaqaalaha Buluugga ee Jubbaland, Mudane Axmed Xasan Cumar oo ay weheliyaan Wasii...
10/09/2026

Wasiirka Wasaaradda Kalluumeysiga iyo Dhaqaalaha Buluugga ee Jubbaland, Mudane Axmed Xasan Cumar oo ay weheliyaan Wasiirrada Wasaaradaha Ganacsiga, Dekedaha, iyo Agaasimaha Guud ee Wasaaradda Mudane Maxamud Cabdi Ahmed , ayaa maanta booqasho ku tagay xarunta shirkadda Sommarine Boat Building Warehouse ee magaalada Kismaayo.

Booqashada ayaa diiradda lagu saaray qiimeynta xaaladaha ka jira deegaanada Jubbaland, gaar ahaan saameynta laga filan karo xaaladda cimilada ee Super El Niño, iyo diyaar garowga looga hortagayo caqabadaha ka dhalan kara.

Masuuliyiinta ayaa sidoo kale ka wada hadlay doorka shirkadda Sommarine ay ka qaadan karto gurmadka, taageerada iyo garab istaagga bulshada, gaar ahaan xilliyada ay soo wajahaan xaalado adag oo la xiriira fatahaado, roobab xooggan iyo xaalado kale oo degdeg ah.

Booqashadan ayaa qayb ka ah dadaallada lagu xoojinayo iskaashiga u dhexeeya hay’adaha dowladda iyo ganacsatada, si loo helo diyaar-garow iyo jawaab wax-ku-ool ah oo loogu adeegayo bulshada Jubbaland.


Wasaaradda Kalluumeysiga iyo Dhaqaalaha Buluugga Dowladda Jubbaland ayaa maanta magaalada Kismaayo agab kalluumeysi ku w...
09/09/2026

Wasaaradda Kalluumeysiga iyo Dhaqaalaha Buluugga Dowladda Jubbaland ayaa maanta magaalada Kismaayo agab kalluumeysi ku wareejisay Guddoomiyaha iskaashatada Kalluumeysata Degmada Badhaadhe iyo Suuqa Kalluunka Degmada Kismaayo.

Munaasabadda waxaa goob joog ka ahaa Wasiir Kuxigeenka Wasaaradda Kalluumeysiga iyo Dhaqaalaha Buluugga Dowladda Jubbaland, Maxamed Cumar Buunu.

Agabkan ayaa muhiim u ah kor u qaadista wax-soo-saarka kalluumeysiga, fududeynta shaqada kalluumeysatada, iyo horumarinta dhaqaalaha buluugga ee Jubbaland, gaar ahaan Badhaadhe iyo Kismaayo.

Wasiir Ku xigeenka Wasaarada Mudnae Maxamed Cumar Buunu ayaa sheegay in Wasaaraddu ay sii wadi doonto taageerada kalluumeysatada iyo dadaallada lagu horumarinayo waaxda kalluumeysiga.


Agaasimaha Guud ee Wasaaradda Kalluumeysiga iyo Dhaqaalaha Buluugga Jubaland, Mudane Maxamuud Cabdi Axmed, ayaa maanta m...
08/08/2026

Agaasimaha Guud ee Wasaaradda Kalluumeysiga iyo Dhaqaalaha Buluugga Jubaland, Mudane Maxamuud Cabdi Axmed, ayaa maanta magaalada Kismaayo kaga qaybgalay aqoon-is-weydaarsi wadatashi ah oo ku saabsan dib-u-eegista Istiraatiijiyadda Qaran ee Xasilinta.

Aqoon-is-weydaarsiga oo soconaya muddo laba maalmood ah ayaa looga hadlay xaaladda xasilinta dalka, caqabadaha jira iyo fursadaha lagu xoojin karo nabadda, amniga iyo horumarinta bulshada.

Mudane Maxamuud Cabdi Axmed ayaa qayb ka ahaa masuuliyiinta iyo dhinacyada kala duwan ee ka qaybgalay wadatashiga, kaas oo muhiimad gaar ah lagu siinayay in qorshayaasha xasilinta lagu saleeyo baahiyaha dhabta ah ee bulshada iyo duruufaha ka jira deegaannada dalka.

Ka-qaybgalka Agaasimaha Guud ayaa muujinaya doorka Wasaaradda Kalluumeysiga iyo Dhaqaalaha Buluugga Jubaland ee wada-shaqeynta hay’adaha dowladda iyo dadaallada lagu xoojinayo nabadda, xasiloonida iyo horumar waara.

#

17/06/2026

Wasiir kuxigeenka Kalluumaysiga Jubbaland oo ka hadlay doomo ku qalimay xeebaha gobolka Jubada hoose.

17/06/2026

!

Wasaaradda Kalluumeysiga iyo Dhaqaalaha Buluugga ah ee Dowladda Jubaland ayaa magaalada Kismaayo ku qabatay xaflad qalin...
18/05/2026

Wasaaradda Kalluumeysiga iyo Dhaqaalaha Buluugga ah ee Dowladda Jubaland ayaa magaalada Kismaayo ku qabatay xaflad qalin-jabin ah oo loo sameeyay 150 haween oo dhammaystay tababaro ku saabsan maaraynta iyo farsamaynta kalluunka, iyo kor u qaadidda tayada wax-soo-saarka.
Barnaamijkan ayaa waxaa taageeray hay’adda CARE International oo maalgelin ka heshay Dowladda Faransiiska, iyadoo ujeeddadu ahayd horumarinta xirfadaha haweenka iyo xoojinta dhaqaalaha bulshadda. Qalinjabiyeyaasha ayaa la guddoonsiiyay shahaadooyin, waxaana sidoo kale loo ballanqaaday taageero dhinaca shaqo-abuurka ah si ay xirfadahooda ugu adeegaan bulshada isla markaana u sii kobciyaan wax-soo-saarka kalluumeysiga. Wasaaradda Kalluumeysiga iyo Dhaqaalaha Buluugga ah ayaa door muuqda ka qaadatay hirgelinta iyo dardargelinta tababarkan, iyadoo adkaysay muhiimadda ay leedahay tayeynta aqoonta iyo xirfadaha haweenka ka shaqeeya qeybta kalluumeysiga. Xafladda ayaa waxaa ka qeyb galay masuuliyiin ka socday Dowladda Jubaland, madaxda CARE International iyo marti sharaf kale.

Xaflada Marka ay soo idlaatay ayaa waxaa abaalmarin la gudoonsiyey Masuuliyiingii Tababarka siyey Haweenka Sidoo kalana waxaa shahaadooyin la siyey Qalin jabiyeyaasha.


Munaasabaddan farxadda leh ee Ciidul Fitri Awgeed waxaan shacabka Reer Jubbaland iyo guud ahaan Ummadda Muslimiinta u ra...
19/03/2026

Munaasabaddan farxadda leh ee Ciidul Fitri Awgeed waxaan shacabka Reer Jubbaland iyo guud ahaan Ummadda Muslimiinta u rajeynayaa farxad iyo caafimaad.

Ciiddaan ciiddeeda kale Alle Nabad, Minimo, Xasilooni iyo Barwaaqo Hanagu gaarsiyo.


Jubaland State has taken a significant step toward advancing Somalia’s blue economy by introducing locally manufactured ...
06/03/2026

Jubaland State has taken a significant step toward advancing Somalia’s blue economy by introducing locally manufactured fishing boats. The initiative was showcased in Kismayo, where modern vessels built under the “Made in Jubaland, Somalia” project were officially presented.

The boats were manufactured by Sommarin Limited, a major boat-building company specializing in the production of modern fishing vessels. The initiative is expected to strengthen the fisheries sector by improving fishing capacity, increasing safety for fishermen, and creating new employment opportunities for local communities. It will also allow other federal member states to access locally built boats rather than relying on imported vessels.

The exhibition was attended by the President of Jubaland State, Ahmed Mohamed Islam, along with several senior government officials, including the Minister of Fisheries and Blue Economy of Jubaland, Ahmed Hassan Omar. Officials were briefed on the technical features of the boats and their expected contribution to the growth of the fisheries industry and the development of the coastal economy.

This development marks an important milestone in promoting sustainable maritime development, strengthening local production, and advancing Somalia’s growing blue economy.


01/03/2026

Mudane Qeys oo ah Aasaasaha Shirkadda Sommarin Limited ayaa Madaxweynaha si faahfaahsan uga warbixiyey doonta casriga ah ee Dalmar, oo ay shirkaddu soo saartay.

Mudane Qeys wuxuu Madaxweynaha u sharxay tayada iyo tiknoolajiyadda lagu farsameeyey doonta, awooddeeda shaqo, iyo doorka ay ka qaadan doonto horumarinta kalluumeysiga iyo dhaqaalaha buluugga ah ee Jubaland. Doonta Dalmar ayaa loogu talagalay jillaabasho iyo soo saar kalluun oo heer sare ah, iyadoo la jaanqaadaysa nidaamyada casriga ah ee badaha.

Tallaabadan ayaa muujinaysa horumarka warshadaha badda iyo dadaalka lagu xoojinayo wax-soo-saarka gudaha, si loo abuuro shaqooyin cusub loona kobciyo dhaqaalaha deegaanka.


Madaxweynaha Dowladda Jubaland H.E Ahmed Mohamed Islaam ayaa maanta ka qeybgalay munaasabad lagu daahfurayay doon casr...
28/02/2026

Madaxweynaha Dowladda Jubaland H.E Ahmed Mohamed Islaam ayaa maanta ka qeybgalay munaasabad lagu daahfurayay doon casri ah oo ay farsamaysay shirkadda Sommarine Limited, taas oo ka mid ah shirkadaha ka shaqeeya qalabka iyo farsamada badda.

Doontan oo ah tii ugu horreysay ee nooceeda ah ee gudaha dalka lagu sameeyo, ayaa la filayaa inay si rasmi ah uga howlgasho xeebaha Jubaland, iyadoo door muuqda ka qaadan doonta horumarinta kalluumeysiga, casriyeynta jilaabashada iyo doofinta kalluunka, iyo kobcinta dhaqaalaha buluugga ee deegaannada xeebaha leh.

Munaasabadda waxaa Madaxweynaha ku soo dhaweeyey Wasiirka Wasaaradda Kalluumeysiga iyo Dhaqaalaha Baluuga ee Jubaland Mudane Ahmedsaid Omar , kaas oo ka codsaday Madaxweynaha inuu si rasmi ah xarigga uga jaro doontan cusub. Wasiirka ayaa xusay in shirkaddu horey u farsamaysay doomaha yaryar oo la tijaabiyey, kuwaas oo wax weyn ka taray adeegyada kalluumeysiga.

Mulkiilaha shirkadda, Mudane Qeys, ayaa faahfaahin ka bixiyay dadaallada iyo juhdiga ay geliyeen sameynta doontan iyo qorshayaasha mustaqbalka ee shirkadda, isagoo tilmaamay in Sommarine Limited ay ka shaqeyn doonto kordhinta wax-soo-saarka kalluumeysiga, isla markaana fududeyn doonto doofinta kalluunka loo dhoofinayo suuqyada dibadda.

Madaxweynaha ayaa bogaadiyay doorka shirkadda ee horumarinta wax-soo-saarka gudaha, wuxuuna ku dhiirrigeliyay ganacsatada kale inay maalgashi ku sameeyaan kheyraadka badda Jubaland. Sidoo kale, wuxuu maamulka shirkadda ku adkeeyay inay xoogga saaraan shaqo-abuurka dhalinyarada reer Jubaland, lana siiyo tababarro ku saabsan farsamada sameynta doomaha casriga ah iyo kuwa yaryar, si loo helo aqoon iyo xirfad waarta oo gudaha ah.

Daahfurkan ayaa muujinaya tallaabo muhiim ah oo loo qaaday dhanka isku-filnaanshaha wax-soo-saarka badda iyo xoojinta dhaqaalaha Jubaland.


Address

Kismayo
0000

Website

Alerts

Be the first to know and let us send you an email when Wasaaradda Kalluumeysiga iyo Dhaqaalaha Baluuga ee Jubaland posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda Kalluumeysiga iyo Dhaqaalaha Baluuga ee Jubaland:

Shortcuts

Share

Category