Taliska Qaybta Booliska Gobolka Jubbada Hoose

20/07/2026

Ku-simaha Madaxweynaha, ahna Gudoomiyaha Golaha Wakiilada Jubaland, Mudane Cabdi Maxamed Cabdiraxmaan iyo wafdi uu hoggaaminaayey ee gaaray Degamada Afmadow ayaa kulan muhiim ah la qaatay saraakiisha hoggaaminaysa howlgalka lagu xaqiijinayo xoreynta, furnaanshaha, iyo amniga waddada muhiimka ah ee isku xirta magaalooyinka Afmadow iyo Kismaayo.

Kulanka oo ka dhacay deegaanka Miido, ayaa waxaa Gudoomiyaha ku wehliyay qaar kamid ah Gollayaasha Dowlada Jubaland iyo saraakiil amni oo heer sare ah.

Saraakiisha howlgalka ayaa Ku-simaha siiyay warbixin dhameystiran oo ku saabsan guulaha laga gaaray wejiyada h**e ee howlgalka, istaraatiijiyadaha la adeegsaday, iyo qorsheyaasha socda ee ku wajahan wajiga xiga oo la filayo inuu ka bilowdo deegaanada kale ee Jubaland.

Ku-simaha Madaxweynaha ahna Gudoomiyaha Golaha Wakiilada Jubaland, Mudane Cabdi Maxamed Cabdiraxmaan ayaa ku bogaadiyay ciidamada Jubaland iyo Ciidanka Danab Kommandooska ee Xoogga Dalka Soomaaliyeed geesinimada iyo adkeysiga ay ku wajahaan kooxaha argagixisada, isagoo si gaar ah u ammaanay wada shaqeynta saraakiisha kala duwan ee ciidamada Jubaland.

Safarka Gudoomiyaha iyo wafdigiisa ayaa la xiriiray sidii loo dardargalin lahaa howlgalada ay wadaan ciidamada Jubbaland, kuwaas oo guulo wax ku ool ah dhowaan ka soo hooyey dagaalada ka dhanka ah Alshabaab ee ka dhacay maalmahii lasoo dhaafay.

𝐃𝐇𝐀𝐌𝐌𝐀𝐀𝐃
__________________________________________

Wixii faah-faahin ah kala xiriir xafiiska warfaafinta iyo xiriirka dadweynaha
Abdulllahi Hussein Kilas
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/profile.php?id=100064130010953&mibextid=LQQJ4d
𝐄𝐦𝐚𝐢𝐥: [email protected]

18/07/2026

Gudoomiyaha Baarlamaanka Jubaland, Mudane Cabdi Maxamed Cabdiraxmaan oo kulan la qaatay qeybaha kala duwan ee hay'adaha amniga.

18/07/2026

Gudoomiyaha Golaha Wakiilada Jubaland, Mudane Cabdi Maxamed Cabdiraxmaan oo safar shaqo ku joogo degmada Afmadoow ayaa maanta la kulmay saraakiisha Ciidanka Amniga.

Kulanka ayaa waxaa Gudoomiyaha ku weheliyey Wasiirka Amniga Gudaha, Gen. Yuusuf Xuseen Cusmaan Dhuumaal, Wasiirka Cadaalada Jubbaland, Mudane Cabdiwali Xuseen Jaamac, Saraakiisha Ciidanka Jubbaland ee ka howlgala Afmadoow, Saraakiisha Ciidanka Xoogga Dalka iyo saraakiishii hoggaaminaysay howlgallada furista, banaynta iyo sugidda amniga waddada dheer ee isku xirta degmada Afmadow iyo deegaannada Janaay Cabdalle, Biibi Harboole iyo Miido, si loo fududeeyo isu socodka dadka iyo gaadiidka.

𝐃𝐇𝐀𝐌𝐌𝐀𝐀𝐃
__________________________________________

Wixii faah-faahin ah kala xiriir xafiiska warfaafinta iyo xiriirka dadweynaha
Abdulllahi Hussein Kilas
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/profile.php?id=100064130010953&mibextid=LQQJ4d
𝐄𝐦𝐚𝐢𝐥: [email protected]

17/07/2026

Qeybaha kala duwan ee Ciidamada Dowladda Jubbaland iyo Ciidanka Kumaandooska Danab ayaa howlgallo qorsheysan ka fuliyay deegaanno ka tirsan duleedka degmada Jilib ee gobolka Jubbada Dhexe.

Hawlgalka ayaa lagu burburiyay ilaa toddobo fariisin oo ay ku sugnaayeen maleeshiyaadka Khawaarijta waxaan ay ciidamada ay gacanta ku dhigeen agabkii yaallay fariisimahaasi.

Goobaha howlgalka laga fuliyay waxaa ka mid ahaa deegaanka Gambaale, kaas oo saraakiishu ku tilmaameen saldhigii ugu weynaa oo ay maleeshiyaadku ku dhuumaaleysanayeen.

Saraakiisha ciidamada ayaa sidoo kale sheegay in howlgalka uu qayb ka yahay dadaallo lagu xoojinayo amniga, islamarkaana uu sii socon doono ilaa laga ciribtiro maleeshiyaadka Khawaarijta ee ku dhuumaaleysanaya deegaanada Dowladda Jubbaland.

𝐃𝐇𝐀𝐌𝐌𝐀𝐀𝐃
__________________________________________

Wixii faah-faahin ah kala xiriir xafiiska warfaafinta iyo xiriirka dadweynaha
Abdulllahi Hussein Kilas
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/profile.php?id=100064130010953&mibextid=LQQJ4d
𝐄𝐦𝐚𝐢𝐥: [email protected]

14/07/2026

Qeybaha kala duwan ee Ciidamada Dowladda Jubbaland, iyo Ciidanka Kumaandooska Danab ee Xoogga Dalka Soomaaliyeed, ayaa hawlgallo qorsheysan oo ka dhan ah maleeshiyaadka Khawaarijta ka fuliyay deegaannada kala ah Makubuno, Kabisa, Madax baabuurka, Lafa-gari, Xabala Afwaax, Weelmaarow iyo deegaanno kale oo ka tirsan gobolka Jubbada Hoose.

Hawlgalladan oo si taxaddar leh loo qorsheeyay ayaa lagu beegsaday fariisimo iyo goobo ay ku dhuumaaleysanayeen maleeshiyaadka Khawaarijta.

Ciidamada ayaa gudaha u galay goobihii ay kooxdaasi gabaadka ka dhigan jirtay, iyagoo burburiyay xarumo iyo saldhigyo ay u adeegsanayeen abaabulka, kaydinta agabka iyo dhaqdhaqaaqyadooda.

Saraakiisha hoggaaminaysay hawlgalka ayaa sheegay in ujeeddada hawlgalladani ay tahay sii wadista cadaadiska lagu saarayo maleeshiyaadka Khawaarijta, si looga saaro goobaha ay ku dhuumaaleysanayaan loona xaqiijiyo amniga shacabka.

Waxay sidoo kale xuseen in hawlgallada noocan oo kale ah ay sii socon doonaan ilaa laga ciribtiro khatarta Khawaarijta ee ka jirta deegaannada gobolka Jubbada Hoose.

𝐃𝐇𝐀𝐌𝐌𝐀𝐀𝐃
__________________________________________

Wixii faah-faahin ah kala xiriir xafiiska warfaafinta iyo xiriirka dadweynaha
Abdulllahi Hussein Kilas
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/profile.php?id=100064130010953&mibextid=LQQJ4d
𝐄𝐦𝐚𝐢𝐥: [email protected]

14/07/2026

Ciidamada kala duwan ee Jubbaland iyo Ciidanka Kumaandooska Danab, oo maalmihii la soo dhaafay howlgallo burburin ah ka waday deegaannada Harboole, Miido iyo Weel-marow, ayaa saraakiishii hoggaaminaysay howlgallada kulan la yeeshay maamulka degmada Afmadow.

Howlgallada, oo weli si xiriir ah u socda, ayaa fududeeyay dib u furista waddada muhiimka ah ee isku xirta Kismaayo iyo Afmadow ee gobolka Jubbada Hoose.

Mudadii ay howlgalladu socdeen, ciidamada ayaa cadowga gaarsiiyay jab xooggan, iyadoo howlgalladuna ay weli ka socdaan deegaannada lagu bartilmaameedsanayo kooxaha Argagixisada ah.

04/07/2026

Waaxda Kahortaga Tacadiyada Ka-dhanka ah Haweenka iyo Carruurta ee Booliska Jubbaland ayaa sii wada dadaallada lagu xoojinayo kalsoonida bulshada kunool deegaamada Juballand, gaar magaalada Kismaayo.

Iyadoo laga duulayo himiladaas, Waaxda waxay Xafiiska kunmartigelisay Gollaha Dhallinyarada Jubbaland iyo Ururka Haweenka Jubbaland, halkaas oo lagu yeeshay kulan looga hadlay himilooyinka iyo ujeeddooyinka guud ee la wadaago. Kulanka waxaa diiradda lagu saaray sidii loo heli lahaa hababka ugu waxtarka badan ee lagu yarayn karo loogana hortagi karo kiisaska *rabshadaha ku salaysan jinsiga (SGBV)* ee ka dhaca guud ahaan Jubbaland.

Sidoo kale, Waaxda ayaa ka sameeysay wacyigelin bulshada dhexdeeda, iyagoo fariimo ku saabsan ka hortagga SGBV gaarsiiyey shacabka waddooyinka magaalada Kismaayo. Intaa waxaa dheer, xubnaha Waaxda waxay wakhti la qaateen carruurta ku nool waddooyinka, iyagoo u gudbiyey fariimo dhiirrigelin, daryeel iyo wacyigelin si loo xoojiyo ilaalinta xuquuqdooda iyo badqabkooda.

𝐃𝐇𝐀𝐌𝐌𝐀𝐀𝐃
__________________________________________

Wixii faah-faahin ah kala xiriir xafiiska warfaafinta iyo xiriirka dadweynaha
Abdulllahi Hussein Kilas
[email protected]
𝐅𝐚𝐜𝐞𝐛𝐨𝐨𝐤: https://www.facebook.com/profile.php?id=100064130010953&mibextid=LQQJ4d
𝐄𝐦𝐚𝐢𝐥: [email protected]

24/06/2026

Dhamme Shukri Faarah Ducaale, Afhayeenka Ciidanka Booliska Jubaland ayaa warbixiyey howlgal ay ciidamadu ku soo qabteen eedeysane Axmednuur Muxiyadiin Axmed oo ku howlanaa faafinta muuqaalo been abuur ah oo la xiriira Imtixaanka Qaranka ee fasalka 12-aad.

Waxa uu usoo jeedinayaa cid kasta oo warar been abuur ah bulshada ku jaah wareerisaa in ay ka waantoobaan.

24/06/2026

Eedeysane Axmednuur Muxiyadiin Axmed oo ku howlanaa faafinta muuqaalo been abuur ah oo la xiriira Imtixaanka Qaranka ee fasalka 12-aad ayuu Taliska Qaybta Booliska Gobolka Jubbada Hoose gacanta ku soo dhigay.

14/06/2026