19/07/2026
Ciidanka Booliska Baladxawo waxay gacanta ku soo dhigeen laba dhalinyaro ah oo maalmihii u dambeeyay baraha bulshada, gaar ahaan TikTok, ku faafinayeen waxyaabo anshax-xumo ah iyo waxyaabo ka hor imanaya qiyamka iyo mabaadi’da diinteenna Islaamka.
Sidoo kale, Ciidanka Booliska Baladxawo waxay digniin u jeediyeen dhammaan dhalinyarada reer Baladxawo, gaar ahaan kuwa isticmaala TikTok, inay ka fogaadaan wax kasta oo dhaawici kara anshaxa bulshada, isla markaana u adeegsadaan baraha bulshada si masuuliyad leh, kuna salaysan qiyamka diinteenna Islaamka, dhaqankeenna suubban, iyo shuruucda dalka.
Ciidanka Booliska waxay caddeeyeen inay tallaabo sharci ah ka qaadi doonaan cid kasta oo ku kacda falal lid ku ah sharciga, anshaxa bulshada iyo qiyamka diinteenna Islaamka.
