Maamulka Degmada Marka

Maamulka Degmada Marka Page-ka Rasmiga ah Ee Maamulka Degmada Marka.

Xasilloonida Magaalada Marka waa mas'uuliyad wadajir ah. Aan ka fogaanno wararka aan la hubin, kuna kalsoonaanno xogta r...
02/08/2026

Xasilloonida Magaalada Marka waa mas'uuliyad wadajir ah. Aan ka fogaanno wararka aan la hubin, kuna kalsoonaanno xogta rasmiga ah. Nabaddu waa saldhigga horumarka.

Maamulka Caasimadda Gobolka Shabeellaha Hoose ,ayaa soo saaray amar cusub oo lagu adkeynayo amniga, kala dambeynta iyo n...
29/07/2026

Maamulka Caasimadda Gobolka Shabeellaha Hoose ,ayaa soo saaray amar cusub oo lagu adkeynayo amniga, kala dambeynta iyo nabadgelyada Guud ee Magaalada.

Amarka ayaa mamnuucaya qabashada shirar, kulamo ama isu-imaatin aan oggolaansho rasmi ah laga haysan maamulka degmada.

Sidoo kale, waxaa tallaabo sharci ah laga qaadi doonaa cid kasta oo jebisa amarkan, iyadoo dhammaan hay'adaha amniga iyo ciidamada la faray inay si buuxda u fuliyaan.

Gudoomiyaha Magaalada Marka ahna duqa caasimadda Caddaani Ahmed Diiqoow iyo Guddi ka socday Taliska Guud ee Ciidanka Xoo...
27/07/2026

Gudoomiyaha Magaalada Marka ahna duqa caasimadda Caddaani Ahmed Diiqoow iyo Guddi ka socday Taliska Guud ee Ciidanka Xoogga Dalka Soomaaliyeed iyo Maxkamadda Ciidamada Qalabka Sida, ayaa maanta kormeer ku tegay dhul beereed ku yaalla deegaanka Garshiine oo maalmihii la soo dhaafay ay isku haysteen laba dhinac oo beeraley ah.

Guddiga ayaa qiimeeyay xaaladda deegaanka, waxayna la kulmeen odayaasha labada dhinac si ay u dhageystaan cabashooyinkooda una xaqiijiyaan xogta la xiriirta muranka.

Guddoomiyaha iyo xubnaha guddiga ayaa adkeeyay in baaritaanno dheeraad ah la sameyn doono, si loo gaaro go'aan caddaalad ku dhisan oo soo afjaraya khilaafka, loona xoojiyo nabadda iyo wada noolaanshaha bulshada Degmada Marka.

Guddoomiyaha Magaalada Marka ahna Duqa Caasimadda, Mudane Cadaane Deeqow ayaakulan la qaatay guddi xaqiiqo-raadin ah oo...
27/07/2026

Guddoomiyaha Magaalada Marka ahna Duqa Caasimadda, Mudane Cadaane Deeqow ayaa
kulan la qaatay guddi xaqiiqo-raadin ah oo ka socda Maxkamadda Ciidamada Qalabka Sida, kuwaas oo isugu jiray xeer-ilaaliyeyaal iyo garsoorayaal. Gudigan ayaa Magaalada Marka u yimid sidii xal sharci iyo mid nabadeed loogu heli lahaa muranka ka taagan beeraha Garshiine.

guddiga waxaa hoggaaminayay Xeer-ilaaliye Axmed Buula Kameey iyo Garsoore Socdaal, waxaana sidoo kale wehliyay saraakiil ka socotay Taliska Ciidanka Xoogga Dalka Soomaaliyeed.

Kulanka waxaa ka qeyb galay saraakiisha laamaha amniga iyo ciidamada ee Gobolka Shabeellaha Hoose, oo ay ka mid ahaayeen Taliyaha Guutada 14-ka Oktoobar ee Ciidanka Xoogga Dalka Soomaaliyeed Gaashaanle Cusmaan Muuse Maxamed, Taliyaha Nabad-sugidda Gobolka Shabeellaha Hoose Xasan Fanax, Taliyaha Nabad-sugidda Degmada Marka Maxamed Sheekh, Taliyaha Nabad-sugidda Degmada Awdheegle Maadey Cadow, Taliyaha Ururka 141-aad Cali Caato, iyo Taliyaha Macawiisleyda Taliye Indhagiir.

Guddoomiyaha Degmada Marka, Mudane Cadaane Axmed Diiqoow, ayaa kulanka ka sheegay in Maamulka Degmada uu si buuxda u garab taagan yahay dadaallada lagu xaqiijinayo caddaaladda iyo xal waara oo nabadeed, isagoo xusay muhiimadda ay leedahay in muranka beeraha Garshiine lagu soo afjaro isfaham, sharci iyo wada noolaansho.

Ugu dambeyn, waxaa la isku raacay in la dardargeliyo dadaallada lagu xaqiiqo-raadinayo arrinta si loo gaaro xal waara oo dan u ah bulshada iyo xasilloonida deegaanka.

DUQA CAASIMADDA MARKA OO SOO GABAGABEEYAY SAFARKIISII BAYDHABODuqa Caasimadda Gobolka Shabeellaha Hoose ahna Guddoomiyah...
24/07/2026

DUQA CAASIMADDA MARKA OO SOO GABAGABEEYAY SAFARKIISII BAYDHABO

Duqa Caasimadda Gobolka Shabeellaha Hoose ahna Guddoomiyaha Degmada Marka, Mudane Caddaani Ahmed Diiqoow , ayaa soo gabagabeeyay safarkiisii shaqo ee magaalada Baydhabo, kaddib markii uu ka qeyb galay kulamo iyo shirar muhiim ah oo looga hadlay xoojinta maamulka, wada-shaqeynta iyo dardargelinta adeegyada bulshada.

Safarka Duqa Caasimadda ayaa qeyb ka ahaa dadaallada lagu xoojinayo wada-shaqeynta u dhexeysa Maamullada, iyadoo diiradda la saaray horumarinta iyo adeegyada loo fidiyo bulshada.

Maamulka Magaalada Marka wuxuu u rajeynayaa shacabka Marka horumar, nabad iyo barwaaqo.

GUDDOOMIYAHA CAASIMADDA GOBOLKA SHABEELLAHA HOOSE MARKA AHNA DUQA MAGAALADA OO KA QEYB GALAY MUNAASABAD SAGOOTIN AH.Gudd...
23/07/2026

GUDDOOMIYAHA CAASIMADDA GOBOLKA SHABEELLAHA HOOSE MARKA AHNA DUQA MAGAALADA OO KA QEYB GALAY MUNAASABAD SAGOOTIN AH.

Guddoomiyaha Caasimadda Gobolka Shabeellaha Hoose ahna Duqa Magaalada Marka, Mudane Cadaane Axmed Diiqoow, ayaa ka qeyb galay munaasabad sagootin ah oo loo qabtay Guddoomiyeyaasha Gobollada iyo Degmooyinka Dowladda Koonfur Galbeed.

Guddoomiyeyaasha ayaa maalmihii lasoo dhaafay magaalada Baydhabo uga qeyb galay shirar ay soo qabanqaabisay Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS , kuwaas oo diiradda lagu saaray xoojinta maamulka, wada-shaqeynta hay’adaha dowladda iyo dardargelinta adeegyada bulshada.

Duqa Magaalada Marka ayaa munaasabadda ka jeediyay hadal uu ku muujiyay muhiimadda ay leedahay xoojinta wada-shaqeynta maamullada heer gobol iyo degmo, dardargelinta adeegyada bulshada iyo sii xoojinta dadaallada horumarineed.

DHAMAAD

DUQA CAASIMADDA MARKA OO BAYDHABO KAGA QEYB GALAY KULAN IS-XOGWARAYSI IYO IS-BARASHO AHBaydhabo – Duqa Caasimadda, ahna ...
22/07/2026

DUQA CAASIMADDA MARKA OO BAYDHABO KAGA QEYB GALAY KULAN IS-XOGWARAYSI IYO IS-BARASHO AH

Baydhabo – Duqa Caasimadda, ahna Gudoomiyaha degmada, Mudane Caddaani Ahmed Diiqoow ayaa magaalada Baydhabo kaga qeyb galay kulan is-xogwaraysi iyo is-barasho ah oo ay yeesheen mas’uuliyiinta Wasaaradda Arrimaha Gudaha,Dowladaha Hoose Iyo Dib-U-Heshiisiinta KGS iyo maamullada heer gobol iyo degmo.

Kulanka ayaa diiradda lagu saaray xoojinta wada-shaqeynta Wasaaradda iyo maamullada gobollada iyo degmooyinka, dardargelinta adeegyada dowladnimo, horumarinta dowladaha hoose iyo xoojinta dadaallada ku aaddan nabadda iyo dib-u-heshiisiinta.

Duqa Caasimadda, ayaa adkeeyay muhiimadda ay leedahay wada-shaqeyn joogto ah oo dhex marta Wasaaradda iyo maamullada heer gobol iyo degmo, si loo horumariyo adeegyada bulshada loona xoojiyo maamulka iyo dowladnimada hoose.

DHAMAAD

21/07/2026

Guddoomiyaha Degmada Marka ahna Duqa Magaalada, Caddaane Axmed Diiqoow, oo uga mahadceliyey Guutada 14-ka Oktoobar dib-u-qodista kanaalkii beeraha Garshiini.

DUQA CAASIMADDA OO KA QEYB GALAY SHIR LOOGA HADLAY XAAALADAHA DEEGANADA KOONFUR GALBEEDGuddoomiyaha Magaalada Marka ahna...
20/07/2026

DUQA CAASIMADDA OO KA QEYB GALAY SHIR LOOGA HADLAY XAAALADAHA DEEGANADA KOONFUR GALBEED

Guddoomiyaha Magaalada Marka ahna duqa caasimadda Mudane Caddaani Ahmed Diiqoow ayaa ka qeyb galay shir uu guddoomiyey Hoggaamiyaha Dowladda Koonfur Galbeed Mudane Sheekh Aadan Maxamed Nuur (Madoobe), kaas oo looga hadlay xaaladaha guud ee ka jira Gobollada iyo Degmooyinka Dowladda Koonfur Galbeed.

Shirka oo ay ka qeyb galeen Wasiirka Arrimaha Gudaha, Agaasimaha Madaxtooyada, Guddoomiyeyaasha Gobollada iyo Degmooyinka ayaa lagu falanqeeyey arrimaha amniga, maamulka, adeegyada bulshada, horumarinta degmooyinka iyo xoojinta wada shaqeynta hay’adaha dowladda.

Guddoomiyaha Degmada Marka ayaa shirka ku soo bandhigay xaaladda degmada, dadaallada maamulka degmada ee ku aaddan horumarinta adeegyada bulshada, amniga, iyo baahiyaha muhiimka ah ee shacabka degmada Marka.

Hoggaamiyaha Dowladda Koonfur Galbeed Mudane Sheekh Aadan Maxamed Nuur (Madoobe), ayaa masuuliyiinta ku adkeeyey muhiimadda ay leedahay in la xoojiyo wada shaqeynta heerarka kala duwan ee maamulka, si loo dardargeliyo adeegyada dowladda loona gaaro horumar waara.

19/07/2026

Warbixin: Hoggaamiyaha Dowladda Koonfur Galbeed oo Daah-furay Mashruuca Bulsho ee Xoojinta Hay'adaha Maxalliga ah iyo Bulshada.

Address

Wajreer Street
Merca

Website

Alerts

Be the first to know and let us send you an email when Maamulka Degmada Marka posts news and promotions. Your email address will not be used for any other purpose, and you can unsubscribe at any time.

Shortcuts

Share

Category