Forlanini Public Hospital FMOH

Directions Website

Forlanini Public Hospital FMOH This is the official Page of Forlanini Hospital. Minstry of Helath & Human Services.

Isbitaalka Dadweynaha laansereti oo kaashanaya Wasaaradda Caafimaadaka oo 189 Dhalinyaro Soomaaliyeed oo Dalka Dib Loogu...
14/09/2026

Isbitaalka Dadweynaha laansereti oo kaashanaya Wasaaradda Caafimaadaka oo 189 Dhalinyaro Soomaaliyeed oo Dalka Dib Loogu Soo Celiyay u sameeysay Adeeg Caafimaad.

Agaasimaha Guud ee Isbitaalka dadweynaha Forlanini , Maxamed Jacfar Cali oo ay wehelisay Madaxa Caafimaadka Qaxootiga, Barakacayaasha iyo Dib-u-soo-celinta ee Wasaaradda Caafimaadka, Sacdiyo Maxamed Macallin, ayaa maanta adeeg caafimaad u fidiyay 189 dhalinyaro Soomaaliyeed oo dalka dib loogu soo celiyay.

Dhalinyaradan oo muddo dheer ku xirnaa xabsiyo ku yaalla dalka Liibiya, ayaa 180 kamid ah laga soo qaaday Liibiya, halka 9 kale laga keenay dalka Suudaan.

Munaasabad lagu soo dhaweynayay dhalinyaradan ayaa waxaa goobjoog ka ahaa xubno ka socday Xafiisyada Madaxweynaha iyo Ra’iisul Wasaaraha, Wasaaradda Arrimaha Dibadda, Hay’adda IOM, Hey'ada Qaxootiga Qaranka, Hay’ada Socdaalka & Jinsiyada iyo Wasaaradda Caafimaadka.

Dhalinyarada dib loo soo celiyay ayaa waxaa ku jira qaar qaba xanuunno kala duwan oo u baahan daryeel iyo baaritaanno caafimaad, waxaana adeegyada caafimaad ee la siiyay lagu qiimeynayay xaaladdooda caafimaad.

Agaasimaha Guud ee Isbitaalka dadweynaha Forlanini, Maxamed Jacfar Cali , ayaa sheegay in dhalinyarada qaba xanuunnada gaarka ah loo fidin doono gargaar iyo daryeel caafimaad oo dheeraad ah.

Waxa uu tilmaamay in dhalinyarada u baahan daaweyn iyo daryeel gaar ah lagu sii taageeri doono gudaha Isbitaalka Laansareeti, si loo hubiyo caafimaadkooda iyo xaaladdooda guud.

Agaasimaha Isbitaalka Forlanini, Mudane Maxamed Jaafar Cali, ayaa xafiiskiisa ku qaabilay Guddoomiyaha Hay’adda Qaxootig...
12/09/2026

Agaasimaha Isbitaalka Forlanini, Mudane Maxamed Jaafar Cali, ayaa xafiiskiisa ku qaabilay Guddoomiyaha Hay’adda Qaxootiga Qaranka, Liibaan Cabdi Gacal, Madaxa Barakacayaasha ee Wasaaradda Caafimaadka, Dr. Sacdiya Maxamed Macallim, iyo xubno ka socday Xafiiska Ra’iisul Wasaaraha Soomaaliya kuwaas oo booqasho ku yimid Isbitaalka Dadweynaha ee Laansereti.

Kulanka ayaa looga hadlay sidii Wasaaradda Caafimaadka iyo Hay’adda Qaxootiga Qaranku isaga kaashan lahaayeen dib-u-dajinta iyo daryeelka caafimaad ee dadka Soomaaliyeed ee dalka dib loogu soo celiyay, kuwaas oo ah qaxootiga soomaaliyeed ee dalka dib ugu so noqday.

Qorshahan ayaa si gaar ah diiradda loogu saarayaa dadka qaba xanuunnada dhimirka, kuwaas oo loo qorsheynayo in lagu daryeelo laguna daweeyo Isbitaalka Dadweynaha Forlanini, iyadoo la siin doono adeegyada caafimaad ee ay u baahan yihiin, oo ay ku jiraan daaweyn iyo daryeel joogto ah.

Mashruucan ayaa waxaa iska kaashanaya Xafiiska Ra’iisul Wasaaraha, Hay’adda Qaxootiga Qaranka, Hay’ada Socdaalka & Jinsiyada iyo Wasaaradda Caafimaadka, iyadoo ujeeddadu tahay in dadka dalka lagu soo celiyo loo helo daryeel caafimaad iyo adeegyo ku habboon baahidooda.

Ugu dambeyn, mas’uuliyiinta ayaa kormeer ku tagay qeybaha kala duwan ee Isbitaalka Forlanini, gaar ahaan qeybaha daaweynta xanuunnada dhimirka ee ragga iyo dumarka, iyo qeybta hooyada iyo dhallaanka, iyagoo qiimeeyay adeegyada caafimaad ee isbitaalku bixiyo.

18/08/2026

Agaasimaha Guud Isbitaalka ayaa uga mahadceliyay Dowlada Taliyaaniga iyo cutubyadeeda qeybta arimaha bulshada taageradooda ku aadan dib udhiska Isbitaalka Dadweynaha ee Forlanini

Muqdisho, 17,08,2026. Agaasimaya Guud Isbitaalka Dadweynaha Forlanini/lansereti Mohamed Jafar Ali ayaa kula kulmay xarun...
17/08/2026

Muqdisho, 17,08,2026. Agaasimaya Guud Isbitaalka Dadweynaha Forlanini/lansereti Mohamed Jafar Ali ayaa kula kulmay xarunta Safaarada Dowlada Taliyaaniga ee Muqdisho, Cutubyada Ciidamada Taliyaaniga (Italian Civilian Military Cooperation) isagoo uga mahadceliyay taageerada Dowlada Taliyaaniga eey siiso Isbitaalka.

Dowlada Taliyaaniga ayaa ka dhistay Isbitaalka Kaabayaal dhismo sida Xarunta Dhimirka Haweenka, iyadoo sidoo kale na qalabayn doonta xaruntaas iyo kuwo kale.

Agaasime Mohamed Jacfar Cali ayaa heshiis wada shaqeyn la saxiixday Cutubka Ciidamada ee Arimaha Bulshada ee Dowlada Taliyaaniga, isagoo heshiiskaan ku saleysnaa kaabayaal dhismo, Dayactir, iyo Qalabeyn oo laga fuliyay, iyo kuwa laga fulin doono oo cusub.

Agaasimaha ayaa u mahadceliyay Safiirka Dowlada Taliyaaniga Ambassador Pier Mario Decco Copi, suda joogtada ah ee u garab istaagan xarumaha caafimaadka dalka, si sare loogu qaado adeeg bixinta Caafimaadka Dalka.

-dhamaa-

Agaasimaha Guud ee Isbitaalka Forlanini/lansereti Dr Mohamed Jafar Ali oo kulan la qaatay Safiirka Talyaaniga ee Soomaal...
02/07/2026

Agaasimaha Guud ee Isbitaalka Forlanini/lansereti Dr Mohamed Jafar Ali oo kulan la qaatay Safiirka Talyaaniga ee Soomaaliya isagoo gudoonsiiyay Abaalmarin Sharafeed.

Agaasimaha Guud ee Isbitaalka Forlanini, Dr. Mohamed Jacfar Cali, ayaa magaalada Muqdisho kulan kula qaatay Safiirka Dowladda Talyaaniga ee Soomaaliya, H.E. Pier Mario Daccò Coppi.

Kulanka ayaa diiradda lagu saaray horumarka iyo adeegyada uu bixiyo Isbitaalka Forlanini, iyadoo Agaasimuhu uu Safiirka uga warbixiyay howlaha socda, mashaariicda horumarineed iyo dhismaha qaybaha cusub ee isbitaalka, gaar ahaan Qaybta Caafimaadka Dhimirka ee Haweenka iyo Qaybta Hooyada iyo Dhallaanka.

Safiirka Dowladda Talyaaniga ayaa bogaadiyay hoggaanka iyo dadaallada Agaasimaha Guud ee horumarinta Isbitaalka Forlanini, isagoo xusay in Dowladda Talyaanigu ay mar walba garab taagan tahay Isbitaalka Forlanini, isla markaana ay sii wadi doonto taageerada ay siiso.

Dhankiisa, Agaasimaha Guud ayaa uga mahadceliyay Safiirka iyo Dowladda Talyaaniga taageerada joogtada ah ee ay la garab taagan yihiin Isbitaalka Forlanini iyo shacabka Soomaaliyeed, isagoo ugu dambayn Safiirka guddoonsiiyay Abaalmarin Sharaf loogu muujinayay mahadnaq iyo qaddarin.

Hambalyo 1-da Luulyo, Maalinta Xorriyadda iyo Midnimada Soomaaliyeed 🇸🇴Maamulka sare Isbitaalka Dadweynaha Forlanini/lan...
01/07/2026

Hambalyo 1-da Luulyo, Maalinta Xorriyadda iyo Midnimada Soomaaliyeed 🇸🇴

Maamulka sare Isbitaalka Dadweynaha Forlanini/lansereti waxay hambalyo iyo bogaadin u dirayaa dhammaan shacabka Soomaaliyeed munaasabadda 1-da Luulyo, oo ah maalinta qiimaha weyn u leh taariikhda dalkeenna, kuna asteysan xorriyadda iyo midnimada Ummadda Soomaaliyeed.

Waxaan Alle uga baryeynaa inuu dalkeenna ku manneysto nabad waarta, horumar, caafimaad iyo barwaaqo, shacabka Soomaaliyeedna ku gallado midnimo, is-jacayl iyo wadajir.

Hambalyo 1-da Luulyo! Soomaaliya ha noolaato. 🇸🇴

30/06/2026



Waxaan si rasmi ah u daahfurnay Qeybta Cusub ee Dhimirka Haweenka ee Isbitaalka Forlanini.

Qeybtan cusub ayaa wax weyn ka beddeli doonta adeegyada caafimaadka dhimirka haweenka, iyadoo sare u qaadaysa tayada daryeelka caafimaad ee uu bixiyo Isbitaalka Forlanini.

Ra’iisul Wasaare Ku-xigeenka dalka, Mudane Saalax Axmed Jaamac, ayaa warbixin ka dhageystay maamulka isbitaalka oo uu ug...
29/06/2026

Ra’iisul Wasaare Ku-xigeenka dalka, Mudane Saalax Axmed Jaamac, ayaa warbixin ka dhageystay maamulka isbitaalka oo uu ugu horreeyo Agaasimaha Guud ee Isbitaalka, Maxamed Jacfar Cali, iyo madaxda Wasaaradda Caafimaadka, isagoo bogaadiyay horumarka uu ku tallaabsaday isbitaalku.

Xarig-jarka qaybtan ayaa qayb ka ah munaasabadaha ay Xukuumadda DanQaran ku xarig-jareyso kaabeyaasha xarumaha dowladda, iyadoo isbitaalkani uu qayb ka yahay waxqabadka xukuumadda ee ku aaddan sare u qaadista adeegyada caafimaadka dalka.

Ra’iisul Wasaare Ku-xigeenka ayaa uga mahadceliyay Agaasimaha Isbitaalka shaqada adag ee uu ka qabtay dib-u-dhiska xaruntan iyo xarumo kale oo gaba-gabo maraya, isagoo bogaadiyay dadaalka agaasimaha ee ku aaddan dib-u-soo nooleynta kaabeyaasha caafimaadka dalka.

29/06/2026

Agaasimaha Guud Isbitaalka Dadweynaha Forlanini/lansereti Dr Mohamed Jafar Ali ayaa kalmad kooban ka jeediyay munaasabada xarig jarka qeybta dhimirka haweenka, isagoo umahadceliyay Raisulwasaarekuxigeenka Dalka oo qeyb ka ahaa munaasbaada.

Agaasimaha ayaa xusay muhiimada xaruntaan ay uleedahay caafimaadka iyo daryeelka dhimirka haweenka, waxyna wax weyn ka badali doontaa adeeg bixinta caafimaadka dalka, kaas oo qeyb ka ah sare uqaadista tayada adeega caafimaadka ee uu bixiyo isbitaalka.

28/06/2026

Wassiru Dowlaha Wasaarada Caafimaadka Dr Mariam Mohamed Hussein ayaa kalmad kooban ka jeedisay Munaasabada xarig jarka xarunta cusub ee Daryeelka Dhimirka Haweenka.

Wasiir Dr Mariam ayaa sheegtay muhiimada ay uleedahay xaruntaan ee daryeelka bixinta Caafimaadka Dalka, gaar ahaan Daryeelka Dhimirka Haweenka taas oo wax weyn ka badali doonta adeeg bixinta uu Isbitaalku bixiyo

Address

Abdiaziz District
Mogadishu

Website

Alerts

Be the first to know and let us send you an email when Forlanini Public Hospital FMOH posts news and promotions. Your email address will not be used for any other purpose, and you can unsubscribe at any time.

Shortcuts

Share

Category