Waaxda Dhaqanka iyo Cilmi-baarista ee W. Warfaafinta JFS.

Waaxda Dhaqanka iyo Cilmi-baarista ee W. Warfaafinta JFS. Department of Culture and Research at the Ministry of information,Culture and Tourism of the Federal Republic of Somalia.

10/08/2026

Wasiirka Warfaafinta, Dhaqanka iyo Dalxiiska XFS Mudane Cabdifitaax Qaasim Maxamuud ayaa xafiiskiisa ku qaabilay 20 wakiil oo ka Kala socday Hay'adaha Dhaqanka, Hiddaha iyo Ururrada dhalinyarada ee ka shaqeeya dhaqanka.

05/08/2026

Dhaqanka Umamddu Waa Subad Qaran iyo Sowrac lagu garto.

Galabta waxaa Kulan Quraan akhris ah loogu Sameeyay Xarunta Tiyaatarka Qaranka Marxuum Axmed Cali Cigaal (Xidigii Hobola...
04/08/2026

Galabta waxaa Kulan Quraan akhris ah loogu Sameeyay Xarunta Tiyaatarka Qaranka Marxuum Axmed Cali Cigaal (Xidigii Hobolada Qaranka ee Waaberi)
Kulanka waxaa ka qaybgalay Wasiirka Wasaaradda Warfaafinta,Dhaqanka iyo Dalxiiska JFS,Mudane Abdulfatah Kasim Mohamud, Agaasimaha guud ee Wasaaradda Cabdillahi Xayir Ducaale,Maareeye ku Xigeenka Tiyaatarka,Agaasimayaasha Waaxyaha Wasaaradda Iyo Culimo.

Ilahay ha u aqbalo ducada iyo Quraan akhriska loo sameeyay Marxuumka.

Innaa Lillaahi Wa Innaa Ilayhi Raajicuun.Agaasimaha İyo Howlwadeenadda Waaxda Dhaqanka Iyo Cilmibaarista ee Wasaaradda W...
31/07/2026

Innaa Lillaahi Wa Innaa Ilayhi Raajicuun.

Agaasimaha İyo Howlwadeenadda Waaxda Dhaqanka Iyo Cilmibaarista ee Wasaaradda Warfaafinta,Dhaqanka iyo Dalxiiska JFS, waxay Tacsi Tiiraanyo leh u dirayaan qoyska, ehelka, asxaabta, bahda fanka Soomaaliyeed gaar ahaan Hobolada Qaranka Waaberi iyo dhammaan shacabka Soomaaliyeed geerida naxdinta leh ee ku timid Alle ha u naxariistee Fannaan Qaran Axmed Cali Cigaal.

Marxuum Axmed Cali Cigaal wuxuu ka mid ahaa haldoorkii fanka Soomaaliyeed iyo Hobolladii Qaranka ee Waaberi, isagoo fanka ku soo biiray dabayaaqadii lixdamaadkii, kana qeyb qaatay riwaayado iyo heeso si weyn uga dhex muuqday masraxa Soomaaliyeed. Codkiisa macaan, hibadiisa faneed iyo kaalintii uu ka qaatay horumarinta suugaanta iyo dhaqanka Soomaaliyeed ayaa ka dhigtay astaan qaran oo jiilal badan ay ku xusuusan doonaan. Waxa uu ka tegay dhaxal faneed oo hodan ah oo weligiis ka sii dhex muuqan doona taariikhda fanka Soomaaliyeed.

Waxaanu Alle SWT uga baryaynaa inuu marxuumka ku mannaysto naxariistiisa ballaaran, dambigiisana dhaafo, Jannatul Firdowsana ka waraabiyo. Qoyskiisa, ehelkiisa, bahda fanka iyo guud ahaan ummadda Soomaaliyeed ee uu ka baxayna waxaan Alle uga baryaynaa samir iyo iimaan.

23/07/2026

Agaasimaha Dhaqanka Iyo Cilmibaarista ee Wasaaradda Warfaafinta,Dhaqanka iyo Dalxiiska JFS, Mudane Aadan Cabdiqani Cawaale ayaa Warbaahinta Qaran Faahfaahin ka siiyay Muhiimada uu u leeyahay Ummadda Soomaaliyeed Hindise Sharciyeedka Dhaqanka iyo Farshaxanka oo ay meelmariyeen Maanta Golaha Wasiiradda Xukumadda Jamhuuriyadda Federalka Soomaaliya.

Golaha Wasiirrada Xukuumadda Federaalka Soomaaliya ayaa maanta ansixiyay Hindise-Sharciyeedka Dhaqanka iyo Farshaxanka, ...
23/07/2026

Golaha Wasiirrada Xukuumadda Federaalka Soomaaliya ayaa maanta ansixiyay Hindise-Sharciyeedka Dhaqanka iyo Farshaxanka, oo ay soo diyaarisay Wasaaradda Warfaafinta, Dhaqanka iyo Dalxiiska Soomaaliya.

Wasiirka Warfaafinta, Dhaqanka iyo Dalxiiska XFS, Mudane Cabdulfataax Qaasim Maxamuud, ayaa Golaha Wasiirrada uga mahadceliyay ansixinta hindise-sharciyeedkan, oo muhiim u ah ilaalinta, horumarinta iyo jiilasha dambe u gudbinta dhaqanka, iyo farshaxanka Soomaaliyeed.

Hindise-sharciyeedku oo kii ugu horeeyay, wuxuu saldhig sharciyeed u noqonayaa horumarinta dhaqanka iyo farshaxanka dalka, ilaalinta dhaxalka qaranka, dhiirrigelinta hal-abuurka iyo suugaanta, iyo xoojinta kaalinta dhaqanku ku leeyahay nabadda, wadajirka bulshada iyo aqoonsiga Dhaqanka ummadda Soomaaliyeed.

Maanta oo ay taariikhdu tahay 14 Luulyo 2026, Agaasimaha Waaxda Dhaqanka iyo Cilmibaarista ee Wasaaradda Warfaafinta, Dh...
14/07/2026

Maanta oo ay taariikhdu tahay 14 Luulyo 2026, Agaasimaha Waaxda Dhaqanka iyo Cilmibaarista ee Wasaaradda Warfaafinta, Dhaqanka iyo Dalxiiska JFS,Mudane Aadan C Cawaale ayaa, isagoo matalaya Jamhuuriyadda Federaalka Soomaaliya, ka qaybgalay Shirkii 1-aad ee Guddiga Hagidda Gobolka (1st Meeting of the Regional Steering Committee) ee diyaarinta Bandhigga 6-aad ee Dhaqanka iyo Farshaxanka ee Bulshada Bariga Afrika (JAMAFEST 2026), kaas oo ku qabsoomay hab fogaan arag ah (Virtual Meeting).

Kulanka ayaa diiradda lagu saaray dardargelinta diyaar-garowga JAMAFEST 2026, xoojinta iskaashiga dalalka xubnaha ka ah Bulshada Bariga Afrika (EAC), iyo horumarinta Dhaqanka, Farshaxanka iyo is-dhexgalka bulshada gobolka.

Wasaaradda Warfaafinta,Dhaqanka iyo Dalxiiska waxay xaqiijinaysaa sida ay uga go’an tahay inay Soomaaliya si firfircoon uga qayb qaadato hindisayaasha gobolka ee kor u qaadaya ilaalinta, horumarinta iyo kobcinta Dhaqanka iyo Farshaxanka Soomaaliyeed.

Waxaa soo gabogaboobay Madasha Kazan Forum oo ay iskugu yimaadeen 75 Dal iyo Ururo Caalami ah.Wuxuuna ku soo gabogabooba...
18/05/2026

Waxaa soo gabogaboobay Madasha Kazan Forum oo ay iskugu yimaadeen 75 Dal iyo Ururo Caalami ah.
Wuxuuna ku soo gabogaboobay Magaaladda Kazan ee Dalka Ruushka.

14/05/2026

Shirka Wasiirrada Dhaqanka ee Dalalka Islaamka iyo Dowladda Ruushka oo ka qabsoomay magaalada Kazan, caasimadda Jamhuuriyadda Tatarstan.
Soomaaliya waxaa ku matalayay Wafti ka socday Wasaaradda Warfaafinta,Dhaqanka iyo Dalxiiska oo uu hogaaminayay Agaasimaha Dhaqanka Iyo Cilmibaarista ee Wasaaradda.
Mudane Aadan Cabdiqani Cawaale.

Agaasimaha waaxda Dhaqanka iyo Cilmibaarista ee Wasaaradda Warfaafinta XFS, Mudane Aadan Cabdiqani Cawaale, oo uu wehliy...
14/05/2026

Agaasimaha waaxda Dhaqanka iyo Cilmibaarista ee Wasaaradda Warfaafinta XFS, Mudane Aadan Cabdiqani Cawaale, oo uu wehliyo Agaasimaha waaxda Xiriirka Dowlad-goboleedyada, Mudane Cabdiraxmaan Axmed Xuseen, ayaa maanta ka qaybgalay Shirka Wasiirrada Dhaqanka ee Dalalka Islaamka iyo Dowladda Ruushka oo ka qabsoomay magaalada Kazan, caasimadda Jamhuuriyadda Tatarstan.

Shirkan oo qeyb ka ah Kazan Forum, kaas oo socon doono 12–17-ka bishan May, ayaa waxaa ka soo qaybgalay madaxweynayaal, wasiirro iyo wufuud ka kala socday dalalka Islaamka iyo Dowladda Federaalka Ruushka, iyadoo diiradda lagu saaray xoojinta iskaashiga dhaqanka, ilaalinta hidaha iyo horumarinta diblomaasiyadda dhaqanka.

Mudane Aadan Cabdiqani Cawaale oo madasha ka jeediyay khudbadda rasmiga ah ee Dowladda Soomaaliya ayaa ugu horrayn gaarsiiyay wasiirrada iyo ka qaybgalayaasha shirka salaam iyo tahniyad uu ka siday Wasiirka cusub ee Wasaaradda Warfaafinta, Dhaqanka iyo Dalxiiska Soomaaliya, Mudane Dr. Cabdifataax Qaasim Maxamuud. Sidoo kale, wuxuu si gaar ah salaan ugu gudbiyay Wasiirka Dhaqanka ee Dowladda Federaalka Ruushka, Marwo Olga Lyubimova.

Khudbaddiisa ayuu Agaasimuhu kaga hadlay muhiimadda uu dhaqanku u leeyahay xoojinta iskaashiga caalamiga ah, nabad-dhiska iyo isfahamka bulshooyinka. Wuxuu carrabka ku adkeeyay baahida loo qabo iskaashi dhab ah oo ku saleysan is-qadarin, wadaag khibradeed iyo horumarinta diblomaasiyadda dhaqanka, si loo xoojiyo xiriirka ka dhexeeya dalalka Islaamka iyo Dowladda Federaalka Ruushka.

Address

Jamal Abdinasir Street
Mogadishu

Website

Alerts

Be the first to know and let us send you an email when Waaxda Dhaqanka iyo Cilmi-baarista ee W. Warfaafinta JFS. posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Waaxda Dhaqanka iyo Cilmi-baarista ee W. Warfaafinta JFS.:

Shortcuts

Share

Category