19/06/2026
Nairobi, Kenya โ19 Juun 2026:-Guddoomiyaha Maxk**adda Sare ee Jamhuuriyadda Federaalka Soomaaliya, Mudane Bashe Yuusuf Axmed, ayaa ka qaybgalay Shirweynaha 2-aad ee Hoggaamiyeyaasha Garsoorka Afrika ee Xallinta Khilaafaadka Beddelka ah (Alternative Dispute Resolution - ADR), kaas oo muddo laba maalmood ah ka socday magaalada Nairobi ee caasimadda dalka Kenya.
Shirkan heerka sare ah, oo lagu qabtay Safari Park Hotel, ayaa isugu keenay Guddoomiyeyaasha Maxk**adaha Sare, madaxda hayโadaha garsoorka iyo khubaro ka kala socday dalalka Afrika, si ay uga wada hadlaan horumarinta nidaamyada caddaaladda, kor u qaadista adeegyada garsoorka iyo xoojinta adeegsiga hababka ADR-ka ee lagu xalliyo khilaafaadka.
Madasha ayaa si rasmi ah waxaa u furay Madaxweynaha Jamhuuriyadda Kenya, William Ruto, oo carrabka ku adkeeyey muhiimadda ay leedahay in la xoojiyo hababka casriga ah ee xalinta khilaafaadka si loo dardargeliyo helitaanka caddaaladda, loo yareeyo culayska maxk**adaha, loona taageero horumarka waara ee qaaradda Afrika.
Guddoomiye Bashe Yuusuf Axmed ayaa kulammada shirweynaha ka jeediyey aragtiyo la xiriira horumarinta garsoorka Soomaaliya, kobcinta adeegyada caddaaladda iyo muhiimadda ay leedahay iskaashiga garsoor ee dalalka Afrika. Sidoo kale wuxuu la kulmay dhiggiisa dalalka kale si loo xoojiyo wada-shaqeynta iyo is-dhaafsiga khibradaha la xiriira maamulka cadaaladda iyo adeegsiga ADR-ka.
Shirkan ayaa daba socda goโaannadii lagu gaaray Shirweynihii 1-aad ee Hoggaamiyeyaasha Garsoorka Afrika ee ADR-ka oo lagu qabtay magaalada Kampala ee dalka Uganda sannadkii 2024, kaas oo lagu aas-aasay Madasha Hoggaamiyeyaasha Garsoorka Afrika ee ADR-ka (Africa Chief Justicesโ ADR Forum โ ACJAF).
Ka qaybgalka Guddoomiyaha Maxk**adda Sare ee JFS ee shirkan ayaa muujinaya doorka firfircoon ee Soomaaliya ku leedahay dadaallada lagu horumarinayo caddaaladda, lagu xoojinayo iskaashiga garsoorka ee Afrika, isla markaana lagu taageerayo helitaanka caddaalad loo siman yahay dhammaan bulshada.
โ Dhammaad โ
