Muse Bihi Abdi

Muse Bihi Abdi Madaxweynihii 5aad ee Jamhuuriyadda Somaliland.
الرئيس الخامس لجمهورية صوماليلاند. The 5th President, Republic of Somaliland.

24/08/2026

Waxaan halkan hambalyo iyo bogaadin uga dirayaa dhammaan shacabka Jamhuuriyadda Somaliland, gude iyo dibadba, iyo guud ahaan ummadda Muslimka ah meel kasta oo ay dunida ka joogaan, munaasabadda qiimaha iyo sharafta badan ee dhalashada Suubbanihii Nabi Muxammad NNKH, oo ku beegan caawa 12-ka Rabiicul Awal 1448-ka Hijriyada.

Dhalashada Nabi Muxammad NNKH waxay ahayd iftiin iyo hanuun uu Alle SWT ugu deeqay ummadda Islaamka. Waxay sidoo kale ina xusuusinaysaa in aynu raacno sunnadii iyo dariiqii suubbanaa ee uu inooga tegay Rasuulkeennii Muxammad NNKH.

Sunahiisu wuxu ina farayaa in aynu noqono ummad ku toosan diinteeda, ku sifowda akhlaaq wanaagsan iyo isku naxariisasho, isla markaana dhexdooda ku dhaqma caddaalad, dulqaad, walaaltinimo iyo is-qaddarin. Dhammaan waxay ka mid yihiin sifooyinkii iyo tilmaamihii suubanaa ee Alle SWT ku mannaystay Rasuulkeenna Muxammad NNKH.

Waxaan Alle SWT ka baryayaa in uu colaadaha innaga damiyo, aafooyinka iyo cudurradana ina garab mariyo, cirkana ino irmaaneeyo.

TACSIINNAA LILLAAHI WA INNAA ILAYHI RAAJICUUNWaxaan halkan tacsi tiiraanyo leh uga dirayaa qoyskii, ehelkii Iyo Qaranka ...
27/07/2026

TACSI

INNAA LILLAAHI WA INNAA ILAYHI RAAJICUUN

Waxaan halkan tacsi tiiraanyo leh uga dirayaa qoyskii, ehelkii Iyo Qaranka JSL ee uu ka baxay marxuum Siciid Cumar Badmaax oo ku geeriyooday wadanka sucuudiga .

Marxuumku wuxuu h**e u soo noqday Sheekha Soomaalida ee Boqortooyada Sucuudiga, waxaana uu ahaa aqoonyahan dedaal badan oo ka mid ahaa tiirarka iyo laf-dhabarta jaaliyadda Jamhuuriyadda Somaliland ee wadanka sucuudiga.

Waxaan Alle uga baryayaa in uu u dambi dhaafo, kuna casuumo jannatul Fardawsa. Qoyskiisii, ehelkiisii iyo Qaranka JSL ee uu ka baxay, waxaan si gaar ah uga tacsiyadaynaa qoyska balaadhan ee reer badmaax, waxaan leeyahay Ilaahay samir iyo iimaan ha innaga wada siiyo.

23/07/2026

Waxaan saaka booqasho ku tagay xarunta guud ee Xisbiga KULMIYE, halkaas oo aan kulan gaar ah kula yeeshay Guddoomiyaha Xisbiga KULMIYE Muj. Maxamed Kaahin Axmed.

Is xog-waraysi dheer kadib, Kulankayaga waxaan kaga wada hadalnay xaaladda iyo hawlaha xisbiga, waxaanan si qoto dheer uga wada hadalnay hawlaha iyo waajibaadka baaxadda leh ee horyaalla xisbiga.

Xisbiga KULMIYE waa xisbi taariikh dheer ku leh Jamhuuriyadda Somaliland, wuxuuna mar walba ku suntanaa in arrimaha dhexdiisa ku yimaadda ee la xidhiidha Kala-aragti-duwanaanshaha lagu dhameeyo wada-tashi, is-afgarad iyo is-qancin, aniguna aan odayga ugu ahay arrimaha xisbiga, waana hannaankii soo jireenka ahaa ee xisbiga halkaa ku soo gaadhay.

Ugu dambayn, waxaan mahadnaq iyo bogaadin u dirayaa bah-weynta Xisbiga KULMIYE ee saaka ku sugneyd xarunta guud, rag iyo dumarba, sida sharafta leh iigu soo dhaweeyay.

TACSIINNAA LILLAAHI WA INNAA ILAYHI RAAJICUUNWaxaan halkan tacsi tiiraanyo leh uga dirayaa qoyskii, ehelkii Iyo Qaranka ...
22/07/2026

TACSI

INNAA LILLAAHI WA INNAA ILAYHI RAAJICUUN

Waxaan halkan tacsi tiiraanyo leh uga dirayaa qoyskii, ehelkii Iyo Qaranka JSL ee uu ka baxay marxuum Abwaan Aadan Tarabbi Jaamac oo ku geeriyooday magaalada hargeysa.

Marxuumku wuxuu ahaa abwaan cabqari ah oo hal-abuurkiisa iyo hibadiisa ugu adeegay bulshada, kuna reebay raad wayn suugaanta iyo hiddaha. Waxaana uu door muuqda ku lahaa halgankii dalka loo soo maray iyo dhismihisiiba.

Waxaan Alle uga baryayaa in uu u dambi dhaafo, kuna casuumo jannatul Fardawsa. Qoyskiisii, ehelkiisii iyo Qaranka JSL ee uu ka baxayna waxaan leeyahay Ilaahay samir iyo iimaan ha innaga wada siiyo.

TACSIINNAA LILLAAHI WA INNAA ILAYHI RAAJICUUNWaxaan halkan tacsi tiiraanyo leh uga dirayaa qoyskii, ehelkii Iyo Qaranka ...
18/07/2026

TACSI

INNAA LILLAAHI WA INNAA ILAYHI RAAJICUUN

Waxaan halkan tacsi tiiraanyo leh uga dirayaa qoyskii, ehelkii Iyo Qaranka JSL ee uu ka baxay marxuum Maxamuud Cabdi Cali Ducaale oo ku geeriyoodey dalka ingiriiska.

Marxuumku wuxuu ahaa wariye ruug-caddaa ah oo muddo dheer wakhti geliyey ururinta iyo kaydinta taariikhda iyo halgankii dheeraa ee loo soo maray dalka.

Waxaan Alle uga baryayaa in uu u dambi dhaafo, kuna casuumo jannatul Fardawsa. Qoyskiisii, ehelkiisii iyo Qaranka JSL ee uu ka baxayna waxaan leeyahay Ilaahay samir iyo iimaan ha innaga wada siiyo.

Madaxweyne cirro ayaa shirkii golaha dhexe ee xisbigiisa weedho iiga soo gubiyay, bal aan in yar ka idhaahdo.Wuxu madas...
02/07/2026

Madaxweyne cirro ayaa shirkii golaha dhexe ee xisbigiisa weedho iiga soo gubiyay, bal aan in yar ka idhaahdo.

Wuxu madashaa ka sheegay in aan sheegay in laba jeer aan ictiraaf ka soo helay labada dawladood ee kala ah Guinea conakry iyo Ethiopia.

Anigu marnaba ma odhan ictiraaf ayaan dawlad la soo galay.
Arrintaasi been baad sheegtay Odaygii Qaranka lagu odhan maayee, ee wuu ismoodsiyey.

Odaygu wuxuu sheegay in anan kabaha haleelin markii la ii sheegay in la yidhi aqoonsi caalami ah ayaa la helay, waa runtii. Haddaba, markii aan tagay madaxtooyada JSL hadalkii aan ka jeediyayna waa kan:

"Ictiraaf waynu u baahnayn lakiin wuxuu ka yimid meel aan laga filayn. Arrintu waxay u eegtahay maahmaahdii ahayd "Rag ciil cadaab ka dooray. Ictiraafku waa mudnaanta kowaad ee dalkeena JSL, Iyadoo ay sidaa tahay, haddana, waxaan leeyahay arrinta dhinacyo badan halaga eego, una talo badso, si aan dhexdeena khilaaf uga iman.

Maantana intii ayaan leeyahay.” Haddaba, waxa nasiib darro ah in madaxtooyadu ay jarjartay hadalkaygii oo la nuxur tiray. Sido kale, waxa gabi ahaanba meesha laga saaray hadalkii uu madasha ka jeediyay Madaxweyne Daahir Rayaale Kaahin. Haddaba, gefka yaa galay?

Arrintan sida aad u maamushay aan dul istaago, safarkaagii rasmiga ahaa waxa aad sheegtay in aad Israa’iil h**e u booqatay iyada oo laga ilaaliyay shacabka iyo warbaahintaba, waana kow madaxweyne Jamhuuriyadda Somaliland ah oo si qarsoodi ah u safra, marka dambena sheega in uu safaro qarsoodi ah uu galay.

Safarkaagii u dambeeyay ee rasmiga ahaa waxa aad muddo joogtay dalka isu-tagga imaaraadka carabta oo aad ka dhooftay, halka waftigaagii wasiiraduna ay iyaguna muddo ku sugnaayeen dalka itoobiya kana dhoofeen.

Madaxweyne maxaa keenay qarsoodiga iyo qaybsanaanta?

Waxaan halkan hambalyo uga dirayaa dhammaan shacabka Jamhuuriyadda Somaliland ee ku kala sugan gudaha dalka iyo dibaddab...
25/06/2026

Waxaan halkan hambalyo uga dirayaa dhammaan shacabka Jamhuuriyadda Somaliland ee ku kala sugan gudaha dalka iyo dibaddaba, munaasabadda 26-kii June 1960-kii oo ah Sannad guuradii 66-aad ee ka soo wareegtay maalintii ay Jamhuuriyadda Somaliland ka xorowday isticmaarkii Boqortooyada Ingiriiska, isla markaana ay noqotay dalkii ugu horreeyey ee shanta Soomaaliyeed ka mid ah ee helay madaxbannaani iyo aqoonsi caalami ah. Il-duufkii siyaasadeed ee aynu galnay 1-dii July 1960-kii wuxuu innogu filan yahay cashar siyaasadeed oo lama ilaawaan ah.

Maanta dunidu waxay wajahaysaa isbeddello iyo duufaano siyaasadeed. Colaadda Bariga Dhexe oo Saamaynteeda tabani ay soo-gaadhay geeska afrika. Natiijada ka soo baxaysa wada-hadallada u dhexeeya Iran iyo Maraykanka waxa la saadaalinayaa inay wax ka beddeli karto qaab-dhismeedka siyaasadeed ee dunida mid amni iyo mid dhaqaaleba, gaar ahaan Bariga Dhexe iyo Geeska Afrikaba.

Waxa muuqata saamaynta awoodda dawladaha Muslimka ah ee kala ah Iran, Pakistan, Turkiga, Masar iyo sucuudiga, Waxaana suurta gal ah in dawladahani sidii h**e iskaga soo dhawaadaan, sababta oo ah is-maan-dhaafka sii xoogaysanaya ee u dhexeeya hoggaanka Maraykanka iyo Israa’iil, oo aan la dhayalsan karin, raadkiisana yeelan doonaa.

Sida darteed, waxa lagama maarmaan ah in si qoto dheer loo lafo-guro culayska iyo natiijada ka soo baxaysa heshiisyada iyo isbeddellada socda, si looga fogaado hubanti la’aan siyaasadeed. Sidaas awgeed, waxa la gudboon Dawladda, gaar ahaan Xukuumadda Jamhuuriyadda Somaliland, inay si xeeldheer u daraasadayso saamaynta ka dhalan karta isbeddelladan caalamiga ah, si looga baaqsado il-duuf siyaasadeed oo wax u dhimi kara danaha Qaranka. Waxa kale oo muhiim ah in tallaabooyinka aynu h**e u qaadnay iyo kuwa ina horyaalla la is waafajiyo, iyadoo lagu salaynayo danta Qaranka.

Alle SWT ha ina waafajiyo talada if iyo aakhiroba inoo wanaagsan, Allehna aynu talo saarano.

Kullu Caam Wa Antum BikhayrWaxaan halkan dhambaal hambalyo ah uga dirayaa curashada sannadka cusub ee Islaamka, 1-da bis...
15/06/2026

Kullu Caam Wa Antum Bikhayr

Waxaan halkan dhambaal hambalyo ah uga dirayaa curashada sannadka cusub ee Islaamka, 1-da bisha Muxarram 1448 Hijriya, awgeed dhammaan ummadda Islaamka, gaar ahaan shacabka Jamhuuriyadda Somaliland meel kasta oo ay joogaan, dalka gudihiisa iyo daafaha dunidaba.

Waxaan Alle SWT ka baryayaa in bilowga sannadkan cusub inooga yeelo sannad barwaaqo, nabad, caafimaad, horumar iyo kheyr badan u leh shacabka JSL iyo ummadda islaamkaba.

TACSIINNAA LILLAAHI WA INNAA ILAYHI RAAJICUUNWaxaan halkan tacsi tiiraanyo leh uga dirayaa qoyskii, ehelkii Iyo Qaranka ...
08/06/2026

TACSI

INNAA LILLAAHI WA INNAA ILAYHI RAAJICUUN

Waxaan halkan tacsi tiiraanyo leh uga dirayaa qoyskii, ehelkii Iyo Qaranka JSL ee uu ka baxay marxuum S/Guuto Yuusuf Aadan Nuur (Yuusuf Marduuf) oo maanta ku geeriyoodey dalka Turkey-ga.

Marxuumku waxa uu ahaa mujaahid iyo halgamaa geesi ah oo door wayn ka soo qaatay halgankii dib-u-xoreyntii dalka, isla markaana kaalin muuqata ku lahaa aasaaska iyo dhismihii ciidamada Qaranka JSL.

Waxaan Alle uga baryayaa in uu u dambi dhaafo, kuna casuumo jannatul Fardawsa. Qoyskiisii, ehelkiisii iyo Qaranka JSL ee uu ka baxayna waxaan leeyahay Ilaahay samir iyo iimaan ha innaga wada siiyo.

05/06/2026

Waxaan halkan tacsi tiiraanyo leh uga dirayaa qoysaska, ehelada iyo dhammaan Qaranka Jamhuuriyadda Somaliland geerida naxdinta leh ee ku timid labada muwaadin ee kala ah marxuumad Canab Cumar Jaamac iyo marxuum Maxamed Cumar Cilmi, kuwaas oo shalay ku geeriyooday mudaharaadkii ka dhacay magaalada Sheekh. Alle ha u naxariisto, samir iyo iimaanna haka siiyo dhammaan eheladii, qaraabadii iyo guud ahaan qarankii ay ka baxeen. Sidoo kale, inta dhaawacyada iyo waxyeelladu ka soo gaadheen, Alle SWT caafimaad degdeg ah ha siiyo.

Dhimashadaasi waxay ku timid fudaydsi, haddii si waayeelnimo iyo masuuliyad leh marka h**e loo dhegaysan lahaa tabashooyinka bulshada waxa fududaan lahaa maareynteeda. Dadku waxay ka gadoodeen Suldaan Axmed Qabile habkii loo qabtay, isaga oo dareenkiisa cabbiray isla markaana aan Qaranka wax dhibaato ah u geysan, iyadoo la koolkoolinayo dad Qaranka dembiyo ka galay.

Salaadiintu waa qayb ka mid ah bulshada, gefna way geli karaan, hase yeeshee waxaa waajib ah in la ilaaliyo karaamadooda, maqaamkooda iyo sharaftooda. Arrintani waa markii labaad ee ay soo noqoto, iyadoo loo maray hannaan sharciga baal marsan oo aan la horgayn maxkamad.

Waxaan ku talinayaa in arrimaha noocan oo kale ah ee soo noqnoqda lagu wajaho talo-wadaag, is-dhagaysi, wada-hadal iyo xalinta khilaafaadka ka hor inta aanay isu beddelin dhibaatooyin sababa dhimasho iyo dhaawac. Dalkuna maanta wuxuu leeyahay cadow badan, waxaana jira duruufo badan oo haysta shacabkeena. sidaas darteed waxaa la gudboon xukuumadda in dhacdooyinka noocan ah aanay u noqon fursad ay ka faa’iidaystaan cid kasta cadow u ah Qaranka.

Address

Hargeisa
Mogadishu

Website

Alerts

Be the first to know and let us send you an email when Muse Bihi Abdi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Muse Bihi Abdi:

Shortcuts

Share