Wasaaradda kalluumeysiga iyo Dhaqaalaha Buluugga JFS

Wasaaradda kalluumeysiga iyo Dhaqaalaha Buluugga JFS Ministry of Fisheries and Blue Economy—Somalia The official page for the Ministry of Fisheries and Marine Resources of the Federal Republic of Somalia.

Currently ministered by
H.E Ahmed Hassan Aden

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa maanta ka qeyb galay shirka Is...
25/08/2026

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa maanta ka qeyb galay shirka Isku-xirka Ganacsiga Soomaaliya iyo Shiinaha.“Somalia-China Business Networking forum ”
oo ka dhacay magaalada Mogadishu.

Wasiirka oo madasha ka jeediyay khudbad muhiim ah ayaa si xeel-dheer uga hadlay kheyraadka baaxadda leh ee biyaha Soomaaliya, iyadoo uu si gaar ah u tilmaamay in xeebaha dalku ay gaarayaan in ka badan 3800 oo km oo laba jibaaran, taas oo ka dhigaysa mid ka mid ah xeebaha ugu dhaqaalaha iyo kheyraadka badan ee qaaradda Afrika.

Shirka ayaa si gaar ah diiradda loogu saaray sidii loo soo jiidan lahaa maalgashatada Shiineyska ah iyo xoojinta iskaashiga labada dal.

Wasiir Axmed Xasan ayaa sidoo kale adkeeyay muhiimadda ay leedahay in wadanku uu yeesho warshado ka qeyb-qaato wax soo saarka dalka.

Shirka Isku-xirka Ganacsiga Soomaaliya iyo Shiinaha ayaa qayb ka ah dadaallada Dowladda Federaalka ah ay ku bixineyso sidii dalka loogu soo jiidi lahaa maalgashiyo shisheeye.
-Dhamaad-

Wasiirka Wasaaradda Kalluumeysiga iyo Dhaqaalaha Buluugga ee Jamhuuriyadda Federaalka Soomaaliya, Mudane Axmed Xasan Aad...
25/08/2026

Wasiirka Wasaaradda Kalluumeysiga iyo Dhaqaalaha Buluugga ee Jamhuuriyadda Federaalka Soomaaliya, Mudane Axmed Xasan Aadan, ayaa kulan la qaatay ganacsato iyo maalgashadayaal sare oo ka socday dalka Shiinaha, iyadoo diiradda lagu saaray fursadaha maalgashi iyo iskaashi ee ka jira qaybta kalluumeysiga iyo sidii si wax-ku-ool ah looga faa’iideysan lahaa kheyraadka badda Soomaaliya.

Maalgashadayaasha Shiinaha ayaa kulanka ku muujiyay sida ay u daneynayaan suuqa Soomaaliya iyo fursadaha maalgashi ee ka jira dalka, iyagoo sheegay inay diyaar u yihiin maalgashi dhab ah oo ku saleysan iskaashi iyo faa’iido-wadaag, gaar ahaan horumarinta kalluumeysiga, farsamaynta iyo suuq-geynta wax soo saarka kalluunka Soomaaliyeed.

Maalgashiga noocan ah ayaa door muhiim ah ka qaadan kara kordhinta wax-soo-saarka kalluunka, abuurista fursado shaqo, horumarinta kaabayaasha kalluumeysiga iyo dhisidda silsilad qiime oo wax-soo-saarka kalluunka Soomaaliyeed ku gaarsiisa suuqyada gudaha iyo kuwa caalamka.

Wasiir Axmed Xasan Aadan ayaa soo dhaweeyay daneynta maalgashadayaasha Shiinaha, isagoo adkeeyay muhiimadda ay leedahay in maalgashi kasta uu noqdo mid hufan, waara, faa’iido-wadaag ah, isla markaana waafaqsan shuruucda dalka iyo qorshayaasha Dowladda Federaalka Soomaaliya ee horumarinta kalluumeysiga iyo dhaqaalaha buluugga.

Wasiirka ayaa sidoo kale tilmaamay in Soomaaliya ay leedahay fursado ballaaran oo maalgashi oo ku saabsan kalluumeysiga badda, kaabayaasha qaboojinta iyo kaydinta, farsamaynta wax-soo-saarka badda, iyo horumarinta silsiladda qiimaha kalluunka.

Kulanka waxaa sidoo kale qeyb ka ahaa Xoghayaha Joogtada ah ee Xafiiska Ra’iisul Wasaaraha, Mudane Kamal Gutale, waxaana lagu muujiyay muhiimadda ay leedahay in Dowladda iyo maalgashadayaashu yeeshaan iskaashi dhab ah oo horseeda in Soomaaliya si buuxda uga faa’iideysato kheyraadkeeda kalluunka, iyadoo la kobcinayo wax-soo-saarka, shaqo-abuurka iyo dhoofinta.

Heshiisyadii iyo dadaalladii u dambeeyay ee lagu fududeynayo in wax-soo-saarka kalluunka Soomaaliyeed uu gaaro suuqa Shiinaha ayaa sidoo kale abuuraya fursado cusub oo lagu soo jiidan karo maalgashi shisheeye, laguna horumarin karo kalluumeysiga Soomaaliya si uu u noqdo qayb muhiim ah oo ka mid ah wax-soo-saarka, ganacsiga iyo dhoofinta dalka.

Dowladda Federaalka Soomaaliya, gaar ahaan Wasaaradda Kalluumeysiga iyo Dhaqaalaha Buluugga, waxay sii wadi doontaa dadaallada lagu dhiirrigelinayo maalgashiga masuuliyadda leh, horumarinta kaabayaasha kalluumeysiga iyo abuurista fursado cusub oo bulshada Soomaaliyeed iyo maalgashadayaasha caalamiga ahba faa’iido u leh.

—DHAMMAAD—

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa maanta xafiiskiisa ku qaabilay...
24/08/2026

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa maanta xafiiskiisa ku qaabilay maamulka shirkadda SOMTURK, isagoo ka dhageystay warbixin ku saabsan horumarka laga sameeyay iskaashiga Soomaaliya iyo Turkiga ee dhinaca kalluumeysiga.

Kulanka ayaa si gaar ah diiradda loogu saaray nidaaminta kalluumeysiga shisheeye, ilaalinta iyo maareynta kheyraadka badda Soomaaliya, iyo xoojinta dadaallada lagula dagaallamayo kalluumeysiga sharci-darrada ah, aan la soo sheegin ama aan la nidaamin (IUU Fishing).

Wasiirka iyo maamulka SOMTURK ayaa sidoo kale ka wada hadlay sidii loo sii xoojin lahaa maamulka iyo ilaalinta kheyraadka badda Soomaaliya, iyadoo hawlaha kalluumeysiga lagu saleynayo ruqsad, nidaam, xog, isla xisaabtan iyo kormeer joogto ah, si loo xaqiijiyo in kheyraadka badda si waara oo waafaqsan sharciga looga faa’iideysto.

Wasiir Axmed Xasan Aadan ayaa shirkadda SOMTURK faray inay si hufan, mas’uuliyad leh oo wax-ku-ool ah uga shaqeyso howlaha muhiimka ah ee la xiriira kalluumeysiga, isla markaana ay si dhow ula shaqeyso Wasaaradda si loo gaaro bartilmaameedyada iyo qorshayaasha lagu heshiiyey.

Wasiirka ayaa sidoo kale adkeeyay muhiimadda ay leedahay in la xoojiyo nidaamka ruqsad-bixinta kalluumeysiga, la socodka iyo kormeerka howlaha kalluumeysiga, isla xisaabtanka iyo ilaalinta kheyraadka badda, si loo dhowro danaha dhaqaale ee Soomaaliya iyo joogteynta kheyraadkeeda badeed.

Shirkadda SOMTURK waxaa Soomaaliya laga aasaasay bishii Diseembar 2025, iyadoo ka dhalatay iskaashi u dhexeeya Wasaaradda Kalluumeysiga iyo Dhaqaalaha Buluugga iyo shirkadda Turkiga ah ee OYAK. Shirkaddu waxay Wasaaradda ka taageertaa adeegyada farsamo ee la xiriira habraaca ruqsadaha kalluumeysiga shisheeye ee ka hawlgala Aagga Dhaqaalaha Gaarka ah ee Soomaaliya (EEZ).

Iskaashiga Wasaaradda iyo SOMTURK wuxuu qayb ka yahay dadaallada lagu xoojinayo nidaaminta kalluumeysiga shisheeye, kor u qaadista kormeerka iyo ilaalinta biyaha Soomaaliya, iyo ka hortagga kalluumeysiga sharci-darrada ah, aan la soo sheegin ama aan la nidaamin (IUU Fishing).

-DHAMMAAD-

Agaasimaha Guud ee Wasaaradda Mudane Cabdi Dirshe ayaa guddoomiyey kulan muhiim ah oo qayb ka ah kulan howleedyada lagu ...
22/08/2026

Agaasimaha Guud ee Wasaaradda Mudane Cabdi Dirshe ayaa guddoomiyey kulan muhiim ah oo qayb ka ah kulan howleedyada lagu diyaarinayo Todobaadka Qaran ee Kalluumeysiga Soomaaliyeed.

Kulanka, oo diiradda lagu saaray dib-u-eegista horumarka guud ee hawlaha diyaargarowga iyo qiimeynta heerka ay marayaan qorshayaasha shaqo ee la xiriira munaasabadda, ayaa si dhab ah dib loogu eegay tallaabooyinka hadda socda ee lagu hubinayo in Todobaadku ku dhacdo si hufan oo waafaqsan jadwalka la go'aamiyay.

Agaasimaha Guud ayaa xoogga saaray sida ay muhiim u tahay in qaybaha kala duwan ee Wasaaradda ay si wadajir ah uga shaqeeyaan diyaargarowga iyo in diiradda la saaro xoojinta iskaashiga u dhexeeya dowladda iyo qaybta gaarka ah, taas oo loo arko jidka keliya ee lagu gaari karo bartilmaameedka kordhinta wax soo-saarka kalluunka laga soo qabto xeebaha Soomaaliya.

Agaasimaha ayaa sidoo kale hoosta ka xariiqay in la sii kordhiyo isku-duubnaanta shaqada inta lagu jiro maalmaha soo socda ee ee diyaar garowga loogu jiro qabsoomidda Todobaadka Qaran ee Kalluumeysiga.

22/08/2026

Baddeennu waa hanti qaran, waa nolol, waa dhaqaale, waana fursad u baahan in si masuuliyad leh loo horumariyo.






Wasaaradda Kalluumeysiga iyo Dhaqaalaha Buluugga ee JFS waxay ku dhawaaqaysaa in sannadkii saddexaad oo xiriir ah ay qab...
18/08/2026

Wasaaradda Kalluumeysiga iyo Dhaqaalaha Buluugga ee JFS waxay ku dhawaaqaysaa in sannadkii saddexaad oo xiriir ah ay qaban doonto “Todobaadka Qaran ee Kalluumeysiga Soomaaliyeed”, kaas oo ka dhici doona Magaalada Muqdisho 30-31 Ogosto.

Munaasabaddan waxay isu keeni doontaa dowladda, maalgashadayaasha, ganacsatada iyo hoggaamiyeyaasha warshadaha si loo muujiyo fursadaha ballaaran ee kalluumeysiga iyo dhaqaalaha buluugga ah ee Soomaaliya, iyadoo la dhiirrigelinayo maalgashiga, ballaarinta ganacsiga, abuurista shaqooyin, xoojinta nolol-maalmeedka bulshada, iyo koboc dhaqaale oo waara.

Baddeenna. Waa Fursaddeenna iyo Barwaaqadeenna.





Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa magacaabay:Mudane Cabdiqani Ma...
15/08/2026

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa magacaabay:

Mudane Cabdiqani Maxamed Cali – Madaxa Xafiiska Hantidhowrka Gudaha.
Marwo Zeinab Cabdulqaadir Yahye – Madaxa Xafiiska Iibka.

Wasiirka ayaa labada masuul kula dardaarmay hufnaan, xilkasnimo iyo gudashada waajibaadka shaqo.

13/08/2026

Muuqaalka tababarka shaqaalaha wasaaradda ee Shiinaha.

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa qaabilay Safiirka Talyaaniga e...
11/08/2026

Wasiirka Wasaaradda Kalluumeysiga iyo Dhaqaalaha Buluugga, Mudane Axmed Xasan Aadan, ayaa qaabilay Safiirka Talyaaniga ee Soomaaliya, Mudane Pier Mario Daccò Coppi, iyagoo yeeshay kulan miro-dhal ah oo looga hadlay horumarinta kalluumeysiga, mashaariicda socda, iyo fursadaha lagu sii xoojin karo iskaashiga Soomaaliya iyo Talyaaniga ee dhinaca kalluumeysiga.

Kulanka ayaa lagu adkeeyay sida ay labada dhinac uga go’an tahay horumarinta kalluumeysiga waara, taageeridda bulshada ku dhaqan xeebaha, iyo ka faa’iidaysiga buuxa ee fursadaha uu leeyahay Dhaqaalaha Buluugga ee Soomaaliya. 🇸🇴🇮🇹🌊

Howlwadeenno ka socda Wasaaradda Kalluumeysiga iyo Dhaqaalaha Buluugga ee Jamhuuriyadda Federaalka Soomaaliya iyo Wasaar...
06/08/2026

Howlwadeenno ka socda Wasaaradda Kalluumeysiga iyo Dhaqaalaha Buluugga ee Jamhuuriyadda Federaalka Soomaaliya iyo Wasaaradaha Kalluumeysiga ee Dowlad-goboleedyada ayaa maanta u bilaawday tababar aqoon-kororsi oo socon doona muddo 21 maalmood ah, kaas oo laga hirgelinayo dalka Jamhuuriyadda Shacabka China.

Tababarkan waxaa maalgelinaya Wasaaradda Ganacsiga ee Dowladda Shiinaha (MOFCOM), waxaana qabanqaabinaya Freshwater Fisheries Research Center (FFRC). Inta uu socdo, ka qeybgalayaashu waxay kororsan doonaan aqoonta iyo xirfadaha la xiriira horumarinta kalluumeysiga iyo dhaqaalaha buluugga ah.

Tababarka waxaa si rasmi ah u daahfurtay Agaasimaha Waaxda Shaqada iyo Shaqaalaha ee Wasaaradda Kalluumeysiga iyo Dhaqaalaha Buluugga, Marwo Ikran Maxamed Cabdullaahi, oo khudbad ay jeedisay ku muujisay muhiimadda tababarku u leeyahay horumarinta awoodda shaqaalaha Soomaaliyeed. Waxay sidoo kale Dowladda Shiinaha uga mahadcelisay taageerada joogtada ah ee ay siiso Soomaaliya, gaar ahaan dhinacyada tababarrada, aqoon-is-weydaarsiyada iyo deeqaha waxbarasho ee lagu horumarinayo tayada iyo xirfadaha shaqaalaha dowladda.

Munaasabadda waxaa sidoo kale ka qeyb galay wufuud ka kala socotay dalalka Itoobiya iyo Tansaaniya, kuwaas oo iyaguna ka qeyb qaadanaya barnaamijyada aqoon-kororsiga ee ay martigelinayso Dowladda Shiinaha.

Tababarkan ayaa muhiim u ah horumarinta dhaqaalaha buluugga ah, casriyeynta wax-soo-saarka kalluumeysiga, iyo xoojinta iskaashiga caalamiga ah.

– DHAMMAAD –

Address

Mogadishu
252

Website

Alerts

Be the first to know and let us send you an email when Wasaaradda kalluumeysiga iyo Dhaqaalaha Buluugga JFS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Wasaaradda kalluumeysiga iyo Dhaqaalaha Buluugga JFS:

Shortcuts

Share

Category