Golaha Shacabka BJFS

Directions Website Contact the organization

Golaha Shacabka BJFS BOGGA RASMIGA AH EE GOLAHA SHACABKA BAARLAMAANKA FEDERAALKA SOOMAALIYA
(1)

Golaha Shacabka Baarlamaanka Jamhuuriyadda Federaalka Soomaaliya waxaa uu ku shaqeeyaa Guriga Umadda, kaas oo Dhinaca ku haya Wadada Jamaal

GUDDOOMIYAHA GOLAHA SHACABKA AHNA KU-SIMAHA MADAXWEYNAHA JAMHUURIYADDA OO BOOQDAY TALISKA CIIDANKA CIRKA EE XOOGGA DALKA...
24/09/2026

GUDDOOMIYAHA GOLAHA SHACABKA AHNA KU-SIMAHA MADAXWEYNAHA JAMHUURIYADDA OO BOOQDAY TALISKA CIIDANKA CIRKA EE XOOGGA DALKA SOOMAALIYEED.

Muqdisho, Soomaaliya – 24 Sebtembar 2026: Guddoomiyaha Golaha Shacabka ee Baarlamaanka Federaalka Soomaaliya Ahna Ku-simaha Madaxweynaha Jamhuuriyadda Mudane Cabdulqaadir Maxamed Nuur (Jaamac) ayaa maanta booqasho ku tagay Taliska Ciidanka Cirka ee Xoogga Dalka Soomaaliyeed.

Guddoomiyaha Golaha Shacabka ee Baarlamaanka Federaalka Soomaaliya Ahna Ku-simaha Madaxweynaha Jamhuuriyadda Mudane Cabdulqaadir Maxamed Nuur ayaa sheegay in Ciidanka Cirka Soomaaliyeed ay yihiin tiir muhiim u ah difaaca iyo madax-bannaanida dalkeenna, wuxuuna tilmaamay inuu garowsanyahay kaalinta weyn ee ay ku leeyihiin sugidda amniga iyo dhowrista Qaranimada Soomaaliya.

Ugu dambeyn, Guddoomiye Cabdulqaadir Maxamed Nuur (Jaamac) ayaa sheegay in maanta Ciidanka Cirka Soomaaliyeed ay leeyihiin tayo, xirfad iyo qalab casri ah,isagoo kula dardaarmay in awooddooda iyo aqoontooda uga faa’iideeyaan difaaca dalka iyo dhowrista madax-bannaanida dalkeena, sidoo kalena dowladda Soomaaliyeed ay sii wadi doonto tayeynta iyo dhismaha Ciidanka Cirka, si Soomaaliya ay u yeelato ciidan awood leh oo uu Qaranka ku faano.

DHAMMAAD.

Wixii Faah-faahin ah kala xiriir
Agaasimaha Warfaafinta & Xiriirka Warbaahinta ee Golaha Shacabka BJFS.
Ibraahim Guudle Isxaaq
[email protected]
Twitter/X: Golaha_shac_JFS
Website: www.parliament.gov.so
Muqdisho, Soomaaliya.

GUDDIGA JOOGTADA EE GOLAHA SHACABKA OO TAAGEERAY QARAARKII SHALAY KASOO BAXAY KULANKII GOLAHA.Muqdisho, Soomaaliya – 24 ...
24/09/2026

GUDDIGA JOOGTADA EE GOLAHA SHACABKA OO TAAGEERAY QARAARKII SHALAY KASOO BAXAY KULANKII GOLAHA.

Muqdisho, Soomaaliya – 24 Sebtembar 2026: Guddiga joogtada ah ee Golaha Shacabka Baarlamaanka Federaalka Soomaaliya ayaa maanta xarunta Guddoonka iyo Guddiyada ee Villa Hargeysa ku yeeshay kulankiisa todobaadlaha, waxaana shir- guddoominayey Guddoomiye ku-xigeenka labaad ee Golaha Shacabka Mudane Cabdullaahi Cumar Abshirow.

Kulanka oo ay sidoo kale ka qeyb galeen Habdhowre ku-xigeenada Golaha Shacabka iyo sidoo kale Xoghayaha guud ee Golaha Shacabka iyo ku-xigeenkiisa ayaa ugu horreyn lagu taageeray qaraarkii Golaha Shacabka ee ku saabsan laalista xeer LR.132 iyo qaraarkii hirgelinta hanaanka tartanka furan ee shaqaalaha dowladda ee door-soocasho ee kasoo baxay xafiiska Ra’isulwasaaraha taariikhdu markii ay aheyd 17-kii September-2026, sidoo kalena lagu faray guddiga shaqaalaha rayidka ah ee Dowladda in shaqo qorista iyo dalacsiinta uu ku saleeyo nidaam tartan daah-furan oo loo simanyahay, kana fog, eex iyo ku tagrifal awoodeed, iyada oo oa la raacayo hab-raac shaqo qoris oo waafaqsan shuruucda dalka.

Sidoo kale, Guddiga joogtada ee Golaha Shacabka ayaa Ajendeyn iyo jadwaleynba ku sameeyey kulamada guud ee Golaha todobaadka soo socda, waxaana Guddoomiye ku-xigeenka labaad ee Golaha Shacabka oo kulanka soo xiray uu xubnaha guddiga joogtada ku bogaadiyey gudashada waajibaadkiisa Qaran.

DHAMMAAD.

Wixii Faah-faahin ah kala xiriir
Agaasimaha Warfaafinta & Xiriirka Warbaahinta ee Golaha Shacabka BJFS.
Ibraahim Guudle Isxaaq
[email protected]
Twitter/X: Golaha_shac_JFS
Website: www.parliament.gov.so
Muqdisho, Soomaaliya.

Golaha Shacabka ayaa soo saaray Qaraar ku saabsan laalista xeer LR.132 iyo qaraarkii hirgelinta hanaanka tartanka furan ...
24/09/2026

Golaha Shacabka ayaa soo saaray Qaraar ku saabsan laalista xeer LR.132 iyo qaraarkii hirgelinta hanaanka tartanka furan ee shaqaalaha dowladda ee door-soocasho ee kasoo baxay xafiiska Ra’isulwasaaraha taariikhdu markii ay aheyd 17-kii September-2026, wuxuuna guddiga shaqaalaha rayidka ah ee Dowladda uu faray in shaqo qorista iyo dalacsiinta ay ku saleeyaan nidaam tartan daah-furan oo loo simanyahay,kana fog, eex iyo ku tagrifal awoodeed, iyada oo la raacayo hab-raac shaqo qoris oo waafaqsan shuruucda dalka.

GUDDOOMIYAHA GOLAHA SHACABKA AHNA KU-SIMAHA MADAXWEYNAHA JAMHUURIYADDA OO LA KULMAY SAFIIRKA DOWLADDA INGIRIISKA U FADHI...
24/09/2026

GUDDOOMIYAHA GOLAHA SHACABKA AHNA KU-SIMAHA MADAXWEYNAHA JAMHUURIYADDA OO LA KULMAY SAFIIRKA DOWLADDA INGIRIISKA U FADHIYA SOOMAALIYA.

Muqdisho, Soomaaliya – 24 Sebtembar 2026: Guddoomiyaha Golaha Shacabka ee Baarlamaanka Federaalka Soomaaliya Ahna Ku-simaha Madaxweynaha Jamhuuriyadda, Mudane Cabdulqaadir Maxamed Nuur (Jaamac) ayaa xafiiskiisa kulan kula qaatay Safiirka Boqortooyada Ingiriiska u fadhiya Soomaaliya, Charles Nicholas King, waxaana kulanka diiradda lagu saaray xoojinta xiriirka iyo iskaashiga labada dal.

Labada dhinac ayaa sidoo kale ka wada hadlay xoojinta iskaashiga iyo xiriirka ka dhexeeya baarlamaannada labada dal, gaar ahaan dhinacyada amniga, horumarinta hay’adaha iyo is-dhaafsiga khibradaha baarlamaaniga ah, iyadoo la adkeeyey muhiimadda ay leedahay sii ambaqaadidda wada-shaqeynta labada dhinac.

Ku-simaha Madaxweynaha Dalka ayaa Dowladda Boqortooyada Ingiriiska uga mahadceliyey taageerada ay siiso Soomaaliya iyo kaalinta ay ka qaadato dhinacyada amniga, dowlad-dhiska iyo horumarinta dalka, isagoo xusay muhiimadda ay leedahay in la sii xoojiyo xiriirka iyo iskaashiga labada dal.

Muqdisho, Soomaaliya – 23 Sebtembar 2026: Kusimaha Madaxweynaha Jamhuuriyadda Ahna Guddoomiyaha Golaha Shacabka ee Baarl...
23/09/2026

Muqdisho, Soomaaliya – 23 Sebtembar 2026: Kusimaha Madaxweynaha Jamhuuriyadda Ahna Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) ayaa kulan dhiiragelin ah ku tagay hogaanka sahanka iyo sirdoonka ee Ciidanka Xooga Dalka Soomaaliyeed, wuxuuna saraakiisha ku bogaadiyey dadaalka iyo nafhurnimada ay Qaranka ugu adeegayaan.

Kusimaha Madaxweynaha Jamhuuriyadda Ahna Guddoomiyaha Golaha Shacabka ee Baarlamaanka Dalka Mudane Cabdulqaadir Maxamed Nuur (Jaamac) ayaa sidoo kale dhagax-dhigay xabsi u gaar ah saraakiisha Ciidanka Xoogga Dalka, kaas oo kaabaya xarunta ay Maxkamadda Ciidamada Qalabka Sida ka hirgelisay hogaanka, waxayna qayb ka tahay horumarinta adeegyada iyo xoojinta hannaanka caddaaladda Ciidanka.

KUSIMAHA MADAXWEYNAHA JAMHUURIYADDA OO KULAN LA QAATAY TALIYAHA CIIDANKA ASLUUBTA SOOMAALIYEED.Muqdisho, Soomaaliya – 23...
23/09/2026

KUSIMAHA MADAXWEYNAHA JAMHUURIYADDA OO KULAN LA QAATAY TALIYAHA CIIDANKA ASLUUBTA SOOMAALIYEED.

Muqdisho, Soomaaliya – 23 Sebtembar 2026: Kusimaha Madaxweynaha Jamhuuriyadda Ahna Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) ayaa xafiiskiisa kulan kula qaatay Taliyaha Ciidanka Asluubta Soomaaliyeed Sarreeya Gaas Maxamed Sheekh Xasan Xaamud, waxaana kusimaha Madaxweynaha Jamhuuriyadda Ahna Guddoomiyaha Golaha Shacabka uu taliyaha Ciidanka Asluubta Soomaaliyeed ku bogaadiyey howlaha baaxadda leh ee uu ka qabtay tayeynta Ciidanka Asluubta Soomaaliyeed, Horumarrinta maamulka iyo Adeegyada xabsiyada dalka.

Kusimaha Madaxweynaha Jamhuuriyadda Ahna Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac) oo fulinaya balanqaadkiisii ahaa in codkiisa iyo awooddiisa uu ku garab istaagi doono dadka nugul ee u baahan taageerada gaar ahaan maxaabiista ayaa sheegay inuu ka shaqeyn doono Sharciyada iyo Siyaasadaha lagu horrumarinayo Daryeelka iyo Caafimaadka maxaabiista, dib u habeynta xabsiyada iyo sidoo kale dhaqan-celinta maxaabiista.

KUSIMAHA MADAXWEYNAHA JAMHUURIYADDA AHNA GUDDOOMIYAHA GOLAHA SHACABKA OO XAFIISKIISA KU QAABILAY SAFIIRKA JARMALKA U FAD...
23/09/2026

KUSIMAHA MADAXWEYNAHA JAMHUURIYADDA AHNA GUDDOOMIYAHA GOLAHA SHACABKA OO XAFIISKIISA KU QAABILAY SAFIIRKA JARMALKA U FADHIYA SOOMAALIYA.

Muqdisho, Soomaaliya – 23 Sebtembar 2026: Kusimaha Madaxweynaha Jamhuuriyadda ahna Guddoomiyaha Golaha Shacabka ee Baarlamaanka Federaalka Soomaaliya Mudane Cabdulqaadir Maxamed Nuur (Jaamac), ayaa xafiiskiisa ku qaabilay Danjiraha Jarmalka u fadhiya Soomaaliya Mudane Sebastian Groth, iyo kuxigeenkiisa, Marwo Katrin Josten.

Kulanka ayaa diiradda lagu saaray xoojinta iyo dardargelinta xiriirka iyo iskaashiga Soomaaliya iyo Jarmalka, gaar ahaan iskaashiga dhinacyada siyaasadda, horumarinta iyo xiriirka baarlamaaniga, sidoo kale labada dhinac ayaa ka wada hadlay muhiimadda ay leedahay in la sii xoojiyo wada-shaqeynta labada dal, lana abuuro fursado cusub oo lagu ballaarinayo iskaashiga iyo xiriirka labada dhinac.

MUDANAYAASHA GOLAHA SHACABKA OO ANSIXIYEY HINDISE SHARCIYEEDKA MAAREEYNTA DEEGAANKA.Muqdisho, Soomaaliya – 23 Sebtembar ...
23/09/2026

MUDANAYAASHA GOLAHA SHACABKA OO ANSIXIYEY HINDISE SHARCIYEEDKA MAAREEYNTA DEEGAANKA.

Muqdisho, Soomaaliya – 23 Sebtembar 2026: Mudanayaasha Golaha Shacabka ee Baarlamaanka Federaalka Soomaaliya ayaa yeeshay kalfadhiga 8-aad, kulankiisa 18-aad, waxaana Shir guddoomiyey Guddoomiye kuxigeenka labaad ee Golaha Shacabka Mudane Cabdullaahi Cumar Abshirow.

Ugu horreyn, Guddoomiye kuxigeenka labaad ee Golaha Shacabka Mudane Cabdullaahi Cumar Abshirow ayaa Golaha la wadaagay laba Mooshin ama soo jeedin Ajende ku daris ah,
kaasoo qaar ka mid ah Xildhibaanada Golaha ku codsanayeen in kulanka maanta lagu daro laba Ajende oo kala ahaa Qaraarkii Golaha wasiirada ee khuseeyey Agaasime waaxeedyada iyo Shaqaalaha Dowladda iyo sidoo kale in maanta la qeybiyo islamarkaana la ansixiyo Hindise Sharciyeedka Maareeynta Deegaanka.

Intaasi ka dib, Xildhibaanada Golaha Shacabka ayaa Akhrinta sedaxaad marsiiyey Hindise Sharciyeedka Iskaashiga Garsoorka Caalamiga ah, waxaana warbixinta Akhrinta sedaxaad ee Hindise Sharciyeedkan Golaha la wadaagay Guddoomiyaha Guddiga Garsoorka, Awqaafta iyo Arrimaha Diinta ee Golaha Shacabka Xildhibaan Cali Xaaji Daahir.

Sidoo kale, Mudanayaasha Golaha Shacabka ayaa cod u qaaday Hindise Sharciyeedka Maareeynta Deegaanka, waxaana ogolaatay 140-Xildhibaan mana jirin Xildhibaan diiday iyo mid ka aamusay, sida uu sheegay Guddoomiye kuxigeenka labaad ee Golaha Shacabka Mudane Cabdullaahi Cumar Abshirow oo natiijada codeynta ku dhowaaqay.

Dhinaca kale, Mudanayaasha Golaha Shacaba ee Baarlamaanka Federaalka Soomaaliya ayaa laalay Qaraarkii uu dhowaan soo saaray Ra’isulwasaaraha Xukuumadda Federaalka Soomaaliya,kaasoo taabanayey Agaasime Waaxeedyada iyo Shaqaalaha Rayidka ah ee Dowladda, waxaana u codeeyey oo ogolaatay in gebi ahaanba qaraarkaasi la laalo 136-Xildhibaan, laba xildhibaan ayaa diiday, sidoo kalena laba Xildhibaan ayaa ka aamustay.

Ugu dambeyn Mudanayaasha Golaha Shacabka ee Baarlamaanka Jamhuuriyadda Federaalka Soomaaliya ayaa loo qeybiyey Akhrinta labaad ee Hindise Sharciyeedka wax-ka beddelka Sharciga Bankiga Dhexe Soomaaliya Sharci Lr.30 ee soo baxay 20-kii April-2012-kii.

DHAMMAAD.

Wixii Faah-faahin ah kala xiriir
Agaasimaha Warfaafinta & Xiriirka Warbaahinta ee Golaha Shacabka BJFS.
Ibraahim Guudle Isxaaq
[email protected]
Twitter/X: Golaha_shac_JFS
Website: www.parliament.gov.so
Muqdisho, Soomaaliya.

GUDDIGA ARRIMAHA DIBADDA IYO ISKAASHIGA CAALAMIGA AH EE GOLAHA SHACABKA OO KULAN LA YEESHAY WASIIRKA WASAARADDA DEEGAANK...
22/09/2026

GUDDIGA ARRIMAHA DIBADDA IYO ISKAASHIGA CAALAMIGA AH EE GOLAHA SHACABKA OO KULAN LA YEESHAY WASIIRKA WASAARADDA DEEGAANKA IYO ISBEDELKA CIMILADA.

Muqdisho, Soomaaliya – 22 Sebtembar 2026: Guddiga Arrimaha Dibadda iyo Iskaashiga Caalamiga ah ee Golaha Shacabka Baarlamaanka Federaalka Soomaaliya ayaa kulan la yeeshay Wasiirka Wasaaradda Deegaanka iyo Isbeddelka Cimilada ee Xukuumadda Federaalka Soomaaliya, Mudane Bashiir Maxamed Jaamac, waxaana kulanka shir guddoominayey Guddoomiye kuxigeenka Guddiga Xildhibaan Aweys Xuseen Macallin.

Kulanka ayaa diiradda lagu saaray Heshiiis-hoosaadka Qaramada midoobay ee sharciga badaha (UNCLOS) ee ilaalinta iyo isticmaalka waara, iyadoo Guddiga iyo Wasaaraddu isla qaateen in la dardargeliyo diyaarinta heshiiska, lana helo khuburo ku takhasustay arrimaha sharciga badda, si ay uga taageeraan diyaarintiisa ka hor inta aan loo gudbin Guddiga Joogtada ah ee Golaha Shacabka.

GUDDIGA HORUMARRINTA ADEEGGA BULSHADA EE GOLAHA SHACABKA OO KULAN LA YEESHAY WASIIRKA WASAARADDA SHAQADA IYO ARRIMAHA BU...
22/09/2026

GUDDIGA HORUMARRINTA ADEEGGA BULSHADA EE GOLAHA SHACABKA OO KULAN LA YEESHAY WASIIRKA WASAARADDA SHAQADA IYO ARRIMAHA BULSHADA IYO GUDDOOMIYAHA GUDDIGA SHAQAALAHA RAYIDKA EE DOWLADDA.

Muqdisho, Soomaaliya – 22 Sebtembar 2026: Guddiga Horumarinta Adeegga Bulshada ee Golaha Shacabka Baarlamaanka Federaalka Soomaaliya ayaa kulan shaqo ku yeeshay xafiiskiisa Xarunta Guddoonka iyo Guddiyada ee Villa Hargeysa, waxaana shir guddoomineysay Guddoomiyaha Guddiga Xildhibaan Nadra Saalax Cabdi.

Kulanka ayaa guddiga waxa uu la qaatay wasiirka Wasaaradda Shaqada iyo Arrimaha Bulshada ee Xukuumada Federaalka Soomaaliya Mudane Prof. Saalim Caliyow Ibrow iyo Guddoomiyaha Guddiga Qaran ee Shaqaalaha Rayidka ee Dowladda Mudane Xasan Abshirow Maxamed, waxaana kulanka diiradda lagu saaray xaaladda guud ee shaqaalaha rayidka ah ee Dowladda.

Xubnaha Guddiga ayaa Wasiirka iyo Guddoomiyaha Guddiga Shaqaalaha Rayidka ee Dowladda weydiiyey su’aalo la xiriira Sharciga Lr. 10 ee Guddiga Qaran ee Shaqaalaha Rayidka iyo Sharciga Lr. 11 ee Shaqaalaha Rayidka ee Dowladda, waxaana wasiirka iyo Guddoomiyaha ay ka jawaabeen su’aalihii uu Guddiga weydiiyey.

Ugu dambeyn, Guddoomiyaha Guddiga Horumarinta Adeegga Bulshada ee Golaha Shacabka, Xildhibaan Nadra Saalax Cabdi oo kulanka soo xirtay ayaa adkaysay muhiimadda ay leedahay sii wadidda dadaallada lagu horumarinayo xaaladda iyo tayada shaqaalaha Dowladda, iyadoo u mahadcelisay Wasiirka Wasaaradda Shaqada iyo Arrimaha Bulshada iyo Guddoomiyaha Guddiga Shaqaalaha Rayidka Dowladda.

DHAMMAAD.
Wixii Faah-faahin ah kala xiriir:
Agaasimaha Warfaafinta & Xiriirka Warbaahinta ee Golaha Shacabka BJFS
Ibraahim Guudle Isxaaq
[email protected]
Twitter/X: Golaha_shac_JFS
Website: www.parliament.gov.so

Address

Mogadishu
252

Website

,

Alerts

Be the first to know and let us send you an email when Golaha Shacabka BJFS posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Golaha Shacabka BJFS:

Shortcuts

Share

Category