04/10/2026
Dooddii Jimcihii ee BBC-da ee labada dhinac ee Koonfur-Galbeed, wax yar ka hor ayaan daawaday. Waxay si cad u muujisay farqiga u dhexeeya aqoon, degganaan iyo dood indho-caddeys ah.
Guddoomiyaha Gobolka Shabeellaha Hoose ee matalayay garabka Sheekh Aadan Madoobe wuxuu doodda uga qayb galay si deggan, aqoon iyo diblomaasiyad leh, su’aalihiina si cad ayuu uga jawaabay.
Dhanka John oo matalayay garabka Lafta-Gareen ee la mataanoobay argagixisada, waxaa ka muuqatay jahawareer. Qaraxyadii ayuu qirtay, haddana wuxuu isku dayay inuu Al-Shabaab iska fogeeyo, isagoo dhinaca uu matalayo dowladda ku tilmaamaya “duullaan” iyo ciidamo “soo duulay”. Haddaba haddii Al-Shabaab ay iyaguna sheegtaan inay dadka ka xoreynayaan waxa ay ugu yeeraan gumeysi, iyadoo ay dadka Soomaaliyeed dilayaan, maxuu hadalkiisa kaga duwan yahay hadalkaas?
Waxaa kale oo isweydiin mudan: haddii Lafta-Gareen xilligii Farmaajo ku yimid nidaam dowladda ah oo la aqbalay, maxaa maanta Sheekh Aadan Madoobe loogu diidayaa oo ah hannaan ay dowladda Madaxweyne Xasan Sheekh taageersan tahay? Hal miisaan laguma kala saari karo labada xaaladood.
Ugu dambayn, dhalinyarada Soomaaliyeed waxaan ku boorinayaa inay wax bartaan, siyaasadda fahmaan, caddayntana raadiyaan, si aydan ugu ceeboobin marka aa fagaarayaasha joogtaan. John ayaa tusaale ku noqon kara qof dood fagaaro ah galay isagoo hadalkiisa ay ka muuqatay jahawareer iyo isburin. Aqoontu waa gaashaan; qofka wax bartay wuxuu awood u leeyahay inuu doodda si cad, deggan oo xushmad leh uga qayb qaato.Dooddu ma aha qaylo iyo hadal badan; waa aqoon, caddayn iyo degganaan. Taas ayaana maanta dooddan laga dheehan karay.
Wax hala barto ceeb ma ahan!🤷😃
Najiib Hussein 📝
