Moifar - Wasaaradda Arrimaha Gudaha, Federaalka & Dib u heshiisiinta

Moifar - Wasaaradda Arrimaha Gudaha, Federaalka & Dib u heshiisiinta Waa Facebook-ga Rasmiga ah ee Wasaaradda Arr. Gudaha, Federaalka & Dib-u-heshiisiinta Soomaaliya.

Wasiirka Arrimaha Gudaha, Federaalka iyo Dib-u-heshiisiinta mudane Hon Ali Yusuf Ali - Xoosh ayaa maanta ka qeybgalay mu...
05/09/2026

Wasiirka Arrimaha Gudaha, Federaalka iyo Dib-u-heshiisiinta mudane Hon Ali Yusuf Ali - Xoosh ayaa maanta ka qeybgalay munaasabadda lagu daahfurayay Siyaasadda Qaran ee Ilaalinta Rayidka xilliyada Howlgallada Ciidanka iyo Colaadaha Hubeysan.

Wasiir Cali Xoosh oo madasha ka hadlay ayaa bogaadiyay diyaarinta siyaasaddan muhiimka ah, isagoo xusay in ilaalinta nolosha, karaamada iyo hantida dadka rayidka ah ay tahay waajibaad dowladnimo iyo saldhigga kalsoonida shacabka ay ku qabaan dowladdooda.

Mudane Cali Xoosh, Wasiirka Arrimaha Gudaha Soomaaliya ayaa tilmaamay in dadka rayidka ah ay waxyeello kala duwan kala kulmaan kooxaha khawaariijta, colaadaha beelaha, aargoosiga, maleeshiyaadka iyo howlgallada hubeysan isagoo si gaar ah u muujiyey muhiimadda ilaalinta rayidka xilliyada colaadaha beelaha, xasilinta deegaanada ay dowladdu la wareegto, iyo in si degdeg ah loo gaarsiiyo adeegyada dowladda iyo kaabayaasha bulshada, muhiimad gaar ahna la siiyo haweenka, carruurta, dadka naafada ah iyo dadka barakacay.

Ugu dambeyn, Wasiirka ayaa ku baaqay in Siyaasadda Qaran ee Ilaalinta Rayidku noqoto siyaasad si buuxda uga hirgasha dhammaan heerarka dalka, oo ay ku jiraan dowlad-goboleedyada, degmooyinka, ciidamada ku sugan furimaha h**e iyo goobaha u nugul colaadaha.

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta mudane Abdulkadir Ali ayaa guddoomiyay ...
05/09/2026

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta mudane Abdulkadir Ali ayaa guddoomiyay kulanka diyaargarowga Madasha soo socota ee Wadatashiga Jiilasha Ee Nabad-dhiska Iyo Dowlad Wanaagga.

Kulanka ayaa diiradda lagu saaray heerka ugu dambeeyey ee diyaar-garowga kulankan muhiimkq ah, ajendaha iyo natiijooyinka laga filanayo iyo sidii loo xaqiijin lahaa in ay noqoto madal wax-ku-ool ah oo fursad u siinaysa hoggaanka Wasaaradda Arrimaha Gudaha, Federaalka iyo Dib-u-heshiisiinta inuu si toos ah ula falgalo ka-qaybgalayaal jiilal kala duwan leh.

Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS mudane Cali Yuusuf Cali(Xoosh) ayaa ka qaybga...
01/09/2026

Wasiirka Wasaaradda Arrimaha Gudaha, Federaalka Iyo Dib-u-heshiisiinta XFS mudane Cali Yuusuf Cali(Xoosh) ayaa ka qaybgalay Shirweynaha Qaran ee Amniga Gudaha.

Wasiir Cali Xoosh oo ka hadlay Munaasabadda Shirweynaha ayaa soo bandhigay tiirarka gundhigga u ah amniga sida Aqoonsiga Qaran isagoo yiri “Arrinta muhiimka u ah amniga gudaha dalkeena waa Aqoonsiga Qaranka. Waa kaabe kamid ah kaabayaasha amniga gudaha. Waxaa qaatey illaa malyan iyo shan boqon oo qof oo muwaadiniin ah. Aqoonsigu qaranku wuxuu xoojinayaa sugidda amniga gudaha, wuxuuna yareynayaa been-abuurka”.

”Marka laga hadlayo amniga, dadka maskaxdooda waxaa kusoo dhaceysa ciidamo, sirdoon, police iyo hawgalo amni. Balse arinku intaas waa ka balaaran yahay. Waxaa jira arimo kale oo aasaas u ah amniga, waxaana ka mid ah - arimaha bulsho heshiis ah, xasiloon, dowladnimo adeeg bixisa, kalsoonida shacabka ee dowladnimada iyo jiritaanka hay’ado dowladeed oo la’isku haleyn karo.” Ayuu intaasi raaciyay Wasiirka.

Sidoo kale, Wasiir Cali Xoosh ayaa madasha ka sheegay Wadajirka Bulshada Iyo Caqabadaha colaadaha taas oo oo saameyn ku leh, wuxuuna yiri” Isku xirnaanta qeybaha bulshaddu waa qeyb muhiimad weyn u leh amniga gudaha, Waxay keentaa in bulshaddu yeelato kalsooni sare, arinkaasina wuxuu yareeyaa fursada kooxaha xagjirka ah. Sidoo kale, Colaadaha iyo kala-qaybsanaanta Dhigitaal-ka ah Waxaa soo baxdey nooc kale oo colaadeed, waana colaada iyo kala qeyb-sanaanta ka dhex socota baraha bulshaddu, Arinkani wuxuu keenay in uu sabab u noqdo kicinta colaadaha beelaha dhexdooda, wuxuu abuurey naceyb iyo kala qeyb-sanaan bulshada gudaha. Sidaas awgeed, waa in dowladdu siyaasad ka yeelato sidii danbiilayaal loogu aqoonsan lahaa dadka baraha bulshada ka huriya colaada qabiiladda.”

Ugu Dambeyn, Wasiirka Wasaaradda Arrimaha Gudaha XFS ayaa bogaadiyay Wasaaradda Amniga Gudaha DFS oo soo qabanqaabisay Shirweynaha Qaran ee Amniga Gudaha.

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya mudane...
01/09/2026

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya mudane Abdulkadir Ali ayaa maanta shir-guddoomiyay kulan heer sare ah oo diiradda lagu saaray qiimeynta heerka fulinta mashaariicda, qorsheyntoodq iyo hubinta in ay si buuxda ula jaanqaadayaan hortabinnada Wasaaradda iyo qorshaha Qaran.

Kulanka waxaa si qoto dheer loogu falanqeeyay horumarka laga sameeyay fulinta mashaaricda kala duwan, guulaha laga gaaray hirgelinta istaraatiijiyadda qaran ee hoosyimadaba wasaarada iyo qorshaha howleedyada mashaariicda ee bishan iyo bilaha soo socda, caqabadaha jira iyo sidoo kale fursadaha horumarineed ee u baahan in si wax-ku-ool ah looga faa’iideysto.

Agaasimaha Guud mudane Cabdul ayaa intii uu kulanka ka hadlayay wuxuu adkeeyay muhiimadda ay leedahay dardargelinta fulinta qorshe-hawleedka Wasaaradda, isku duwidda, kor u qaadista hufnaanta, isla xisaabtanka iyo xaqiijinta in dhammaan howlaha istaraatiijiyadeed ay si dhow ula jaanqaadaan jihada iyo mudnaanta qorshaha horumarineed ee qaranka.

Moifar - Wasaaradda Arrimaha Gudaha, Federaalka & Dib u heshiisiinta waxay tacsi tiiraanyo leh u direysaa dhammaan ehelk...
01/09/2026

Moifar - Wasaaradda Arrimaha Gudaha, Federaalka & Dib u heshiisiinta waxay tacsi tiiraanyo leh u direysaa dhammaan ehelka, qaraabada iyo asxaabta, gaar ahaan qoyska Marxuumad Hooyo Faadumo Xaaji Jaamac oo ku geeriyootay magaalada Xasbahalle ee Gobolka Nugaal.

Marxuumad Faadumo Xaaji Jaamac oo lagu xusuusan doono wanaag, asluub, naxariis iyo akhlaaq wanaagsan waxay ahayd hooyada dhashay Ilmo Islaan Maxamed Islaan Muuse.

Waxaan si gaar ah Alle uga baryeynaa inuu Marxuumad Faadumo Xaaji Jaamac Jannatul Firdowsa ka waraabiyo, ehelka, qaraabada iyo dhammaan qoyskii ay ka geeriyootayna uu ka siiyo samir iyo iimaan. Aamiin.

Innaa Lilaah, waa innaa ilaahi Raajicuun.

31/08/2026

Muuqaalka Guud: Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta mudane Abdulkadir Ali oo soo xiray Kulanka Qaran ee Isu-duwidda Dowladaha Hoose kaasi oo muddo laba maalmood ah ka socday caasimadda Muqdisho, kana soo qeyb galeen mas’uuliyiinta Wasaaradaha Arrimaha Gudaha ee labada heer iyo Maamulka Gobolka Banaadir iyadoo maanta ay kusoo bireen bahwanaagta caalamiga ah.

31/08/2026

Daawo: Khudbadda Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta mudane Abdulkadir Ali oo soo xiray Kulanka Qaran ee Isu-duwidda Dowladaha Hoose kaasi oo muddo laba maalmood ah ka socday caasimadda Muqdisho, kana soo qeyb galeen mas’uuliyiinta Wasaaradaha Arrimaha Gudaha ee labada heer iyo Maamulka Gobolka Banaadir iyadoo maanta ay kusoo bireen bahwanaagta caalamiga ah.

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta mudane Abdulkadir Ali ayaa soo xiray Ku...
31/08/2026

Agaasimaha Guud ee Wasaaradda Arrimaha Gudaha, Federaalka iyo Dib-u-heshiisiinta mudane Abdulkadir Ali ayaa soo xiray Kulanka Qaran ee Isu-duwidda Dowladaha Hoose kaasi oo muddo laba maalmood ah ka socday caasimadda Muqdisho, kana soo qeyb galeen mas’uuliyiinta Wasaaradaha Arrimaha Gudaha ee labada heer iyo Maamulka Gobolka Banaadir iyadoo maanta ay kusoo bireen bahwanaagta caalamiga ah.

Inta uu kulanku socday waxaa kelmado kala duwan kasoo jeediyey mas’uuliyiinta kala duwan ee dowladda iyo bah-wadaagta iyadoo laga hadlay adkeynta wada-shaqeynta, dardargelinta dedaallada socda iyo munaansiinta qorsheyaasha qaran.

Agaasime Cabdul oo ka hadlay munaasabadda xiritaanka ayaa carrabka ku adkeeyay muhiimadda ay leedahay xoojinta wada-shaqeynta iyo isku-duwidda u dhexeysa Dowladda Federaalka, Dowlad Goboleedyada iyo Maamulka Gobolka Banaadir, isagoo xusay in horumarinta dowladnimada hoose iyo adeeg-bixinta bulshada ay u baahan yihiin hannaan wadajir ah oo lagu mideeyo qorsheynta, dejinta mudnaanta, wadaagga xogta iyo khibradaha iyo isku-duwidda howlaha heerarka kala duwan ee dowladda, iyadoo la ixtiraamayo doorarka iyo waajibaadka dastuuriga ah ee dhinac kasta.

Mudane Cabdulqaadir Cilmi ayaa sidoo kale tilmaamay in iskaashiga iyo taageerada bah-wadaagta caalamiga ah ay door muhiim ah ka qaadan karaan dhismaha awoodda Dowladaha Hoose iyo horumarinta adeegyada bulshada, wuxuuna tilmaamay in taageerada caalamiga ah ay tahay in si dhow loogu waafajiyo qorshayaasha iyo mudnaanta ay si wadajir ah u dejiyaan Dowladda Federaalka iyo Dowlad Goboleedyadu, si loo xoojiyo lahaanshaha dowladeed, looga fogaado is-dul-saaridda mashaariicda, loona hubiyo in khayraadka iyo taageerada la bixiyo ay keenaan natiijooyin waara oo si dhab ah uga jawaaba baahiyaha bulshada.

Agaasimaha Guud mudane Cabdul ayaa gebobada hadalkiisa sheegay in marka Dowladda Federaalka iyo Dowlad Goboleedyadu yeeshaan hal jiho oo wadajir ah, isla markaana bah-wadaagta caalamiga ah ay taageeradooda ku saleeyaan mudnaanta dowladda ay suuragal noqonayso in la dhiso Dowlado Hoose oo awood leh, adeegyo tayo lehna si joogto ah ugu fidiya muwaadiniinta Soomaaliyeed.

Wasiirka Arrimaha Gudaha, Federaalka iyo Dib-u-heshiisiinta, Mudane Hon Ali Yusuf Ali - Xoosh ayaa xarunta Wasaaradda ee...
31/08/2026

Wasiirka Arrimaha Gudaha, Federaalka iyo Dib-u-heshiisiinta, Mudane Hon Ali Yusuf Ali - Xoosh ayaa xarunta Wasaaradda ee Muqdisho ku qaabilay Safiirka cusub ee dalka Aljeeriya u qaabilsan Soomaaliya mudane Maxamed Caalim.

Kulanka oo ay Wasiirku ku wehliyeen Wasiir Ku-xigeenka Arrimaha Gudaha, Federaalka iyo Dib-u-heshiisiinta mudane Cabdulxakiim Xasan Ashkir iyo Guddoomiyaha Hay’adda Maareynta Musiibooyinka Soomaaliyeed (SoDMA) mudane Maxamuud Macallin Cabdulle ayaa waxaa diiradda lagu saaray xoojinta wadashaqeynta labada dhinac, adkeynta xiriirka soo jireenka ah ee ka dhexeeya Soomaaliya iyo Aljeeriya iyo dabagalka dhinacyada iskaashiga ee lagu heshiiyey bishii May ee sanadkan intii uu Wasiirka Arrimaha Gudaha Soomaaliya mudane Cali Xoosh booqashada ku joogay Aljeeriya sida howlaha; dib-u-heshiisiinta, xasilinta, amniga, dowladnimada hoose, dhismaha iyo tayeynta hay’adaha, adkeysiga, diiwaangelinta madaniga ah iyo aqoonsiga qaranka.

Labada dhinac ayaa sidoo kale ka wada hadlay sidii loo horumarin lahaa iskaashi hay’adeed ee wax-ku-ool ah iyo is-weydaarsiga farsamo ee u dhexeeya hay’adaha ay khusayso ee Soomaaliya iyo Aljeeriya.

Wasiirka Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya mudane Hon Ali Yusuf Ali - ...
30/08/2026

Wasiirka Arrimaha Gudaha, Federaalka iyo Dib-u-heshiisiinta Xukuumadda Federaalka Soomaaliya mudane Hon Ali Yusuf Ali - Xoosh ayaa magaalada Muqdisho uga qaybgalay munaasabadda lagu xusayay 104-guurada Maalinta Guusha iyo Qarannimada Jamhuuriyadda Türkiye.

Munaasabadda ayaa lagu maamuusay guushii taariikhiga ahayd ee Ciidamada Turkigu gaareen dagaalkii 30-kii Agoosto 1922 taasi oo ahayd guul muhiim ah oo horseed u noqotay halgankii xornimada iyo aasaaskii Jamhuuriyadda Türkiye.

Mudane Wasiir Cali Xoosh ayaa ugu horreyn hambalyo iyo bogaadin u diray Madaxweynaha, Dowladda iyo shacabka Türkiye munaasabaddan qaran ee xambaarsan taariikhda, midnimada iyo halganka shacabka Turkiga.

Wasiirka Arrimaha Gudaha Soomaaliya mudane Cali Yuusuf Cali (Xoosh) ayaa bogaadiyey horumarka ballaaran ee ay Türkiye ku tallaabsatay gaar ahaan dhinacyada awoodda iyo tayeynta ciidamada, warshadaha difaaca, dhaqaalaha, tiknoolajiyadda iyo doorka caalamiga ah ee dalkaasi isagoo xusay in Türkiye ay maanta ka mid tahay dalalka awoodda u leh inay si muuqata uga qaybqaataan dadaallada caalamiga ah ee lagu xoojinayo nabadda iyo amniga, isaga oo tilmaamay in horumarkaasi uu ka tarjumayo himilo, qorsheyn fog iyo maalgelin joogto ah oo lagu sameeyey hay’adaha qaranka iyo awoodaha dalka.

Ugu dambeyntii, Mudane Cali Xoosh waxa uu sidoo kale si qoto-dheer ugu mahadceliyey Dowladda iyo shacabka Türkiye garab istaagga iyo taageerada joogtada ah ee ay Soomaaliya u fidiyaan, gaar ahaan dhinacyada dowlad-dhiska, amniga, tababarka iyo tayeynta ciidamada, horumarinta hay’adaha dowladda iyo xoojinta xasilloonida dalka isagoo adkeeyey in xiriirka Soomaaliya iyo Türkiye uu yahay mid ku dhisan walaaltinimo, is-aaminaad iyo iskaashi istiraatiiji ah, isla markaana Dowladda Federaalka Soomaaliya ay ka go’an tahay sii xoojinta xiriirka iyo iskaashiga labada dal, si loo gaaro danaha wadajirka ah ee labada shacab iyo horumar waara oo gobolka ka hanaqaada.

Address

Boondheere
Mogadishu

Website

Alerts

Be the first to know and let us send you an email when Moifar - Wasaaradda Arrimaha Gudaha, Federaalka & Dib u heshiisiinta posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Moifar - Wasaaradda Arrimaha Gudaha, Federaalka & Dib u heshiisiinta:

Shortcuts

Share

Category