Waaxda Gurmadka Deg Degga Gobolka Banaadir

Waaxda Gurmadka Deg Degga Gobolka Banaadir Naga soo wac: 991 waxaad naga soo wici kartaan 991

Agaasimaha Waaxda Gurmadka Deg Degga Gobolka Banaadir Mudane Abdisalan Xaaji Magan ayaa shir guddoomiyey kulan ay yeeshe...
27/08/2026

Agaasimaha Waaxda Gurmadka Deg Degga Gobolka Banaadir Mudane Abdisalan Xaaji Magan ayaa shir guddoomiyey kulan ay yeesheen Maamulka iyo Howlwadeennada Waaxda.

Kulanka ayaa looga hadlay horumarinta adeegyada gurmadka, ka hortagga iyo yareynta khataraha ka dhasha dabka, iyadoo la isla eegay sidii loo xoojin lahaa dadaallada lagu ilaalinayo badbaadada bulshada.

Intii uu kulanku socday ayaa la is-dhaafsaday doodo iyo aragtiyo ku saabsan xeerarka ka hortagga khataraha, gurmadka iyo badbaadinta nafta iyo hantida bulshada ku nool caasimadda.

Agaasimaha ayaa ku ammaanay maamulka, howlwadeennada iyo shaqaalaha dadaalka iyo sida ay mar walba heegan iyo diyaar ugu yihiin u adeegidda bulshada, ka hor inta aysan dhicin musiibadu iyo ka jawaabisteedaba.

Waaxda Gurmadka Deg Degga Gobolka Banaadir ayaa tababar ku saabsan ka hortagga dabka iyo khataraha ka dhasha u qabatay s...
22/08/2026

Waaxda Gurmadka Deg Degga Gobolka Banaadir ayaa tababar ku saabsan ka hortagga dabka iyo khataraha ka dhasha u qabatay shaqaalaha iyo securit-ka Waberi Mall.

Tababarka ayaa diiradda lagu saaray ka hortagga khataraha dabka, wacyigelinta badbaadada, adeegsiga dab-damiyaha fudud (Fire Extinguisher) iyo habka loo damiyo haanta gaaska.

Tababarkan wuxuu qeyb ka yahay barnaamijyada joogtada ah ee Waaxdu ku xoojinayso aqoonta iyo wacyiga bulshada, si loo yareeyo khataraha dabka loona horumariyo badbaadada bulshada.

Ka hortag khatarta ka hor inta aysan imaan.Ahow qof taxaddar leh si aad u badbaadiso naftaada, qoyska iyo bulshada.Bulsh...
21/08/2026

Ka hortag khatarta ka hor inta aysan imaan.
Ahow qof taxaddar leh si aad u badbaadiso naftaada, qoyska iyo bulshada.

Bulsho taxaddar leh waa bulsho badbaado leh.

991 Emergency call

Agaasimaha Waaxda Gurmadka Deg Degga Gobolka Banaadir mudane Abdisalan Xaaji Magan ayaa soo xiray tababar socday muddo ...
18/08/2026

Agaasimaha Waaxda Gurmadka Deg Degga Gobolka Banaadir mudane Abdisalan Xaaji Magan ayaa soo xiray tababar socday muddo 4 maalmood ah kaas oo ay ka qayb galeen saraakiisha Dab-damiska iyo saraakiil ka kala socday hay’adaha amniga.

Tababarka oo ay soo qabanqaabisay hay’adda Grescale ayaa diiradda lagu saaray sidii loo xoojin lahaa wada-shaqeynta, isku-duwidda iyo hoggaaminta howlgalada wadajirka ah marka ay dhacaan masiibooyin, dabab waaweyn, xaalado amni-darro ama dhacdooyin kale oo degdeg ah.

Intii uu tababarku socday waxaa si gaar ah lagu qaatay:
* Habka wadajirka ah ee loo maareeyo goobta masiibada.
* Isgaarsiinta iyo xog-wadaagga inta howlgalka lagu jiro.
* Kala caddeynta waajibaadka hay’ad kasta.
* Hoggaaminta iyo maaraynta xaaladaha degdegga ah.

Agaasimaha ayaa gabagabadii ku adkeeyay muhiimadda ay leedahay in hay’adaha gurmadka iyo amnigu yeeshaan nidaam wada-shaqeyn oo joogto ah, si marka xaalad degdeg ahi dhacdo loo helo jawaab mideysan, degdeg ah oo wax-ku-ool ah.

Waaxda Gurmadka Deg Degga Gobolka Banaadir waxay u hambalyeynaysaa ardayda F4 ee kaalmaha h**e ka galay Imtixaanka Sanad...
15/08/2026

Waaxda Gurmadka Deg Degga Gobolka Banaadir waxay u hambalyeynaysaa ardayda F4 ee kaalmaha h**e ka galay Imtixaanka Sanad Dugsiyeedka 2025–2026.

Waxaan idiin rajaynaynaa mustaqbal ifaya, guulo badan iyo aqoontiina oo aad sii wadaan. 🎓

Waaxda Gurmadka Deg Degga Gobolka Banaadir ayaa 24-kii saac ee la soo dhaafay ka jawaabtay 3 xaaladood oo dab ah, kuwaas...
14/08/2026

Waaxda Gurmadka Deg Degga Gobolka Banaadir ayaa 24-kii saac ee la soo dhaafay ka jawaabtay 3 xaaladood oo dab ah, kuwaas oo ka kala dhacay degmooyinka Waberi, Xamar Jajab iyo Huriwaa.

🔥 Waberi: Xarunta Shirkadda Sahal.
🔥 Xamar Jajab: Guri dabaq ah.
🔥 Huriwaa: Warshad soo saarta laamiga dabka ayaa ka kacay mid ka mid ah haamaha waaweyn ee kaydka.

Gurmadka oo dhaqso goobta u gaaray ayaa ku guuleystay xakameynta dabka ayagoo ka badbaadiyay qeybaha kale ee warshadda iyo garaash ay gawaari ku jireen oo ku dhagana sidoo kale waxaa laga badbaadiyey qiyaastii 100 fuusto oo laami ah.

Goorwalba ku xirnow Gurmadka oo la xiriir 991

Waxaa Manta xarunta Waaxda Gurmadka Deg Degga Gobolka Banaadir booqasho ku yimid Duqa Magaalada Bristol ee wadanka Ingir...
09/08/2026

Waxaa Manta xarunta Waaxda Gurmadka Deg Degga Gobolka Banaadir booqasho ku yimid Duqa Magaalada Bristol ee wadanka Ingiriiska Mudane Yaasiin Maxamuud oo booqasho ku marayay xarumaha Dowladda hoose ee Xamar.

waxaa kusoo dhaweeyay Guddoomiye Ku-xigeenka Howlaha Guud, Guddoomiye Ku-xigeenka Amniga iyo Siyaasadda, Xoghayaha Guud ee Maamulka Gobolka Banaadir, Agaasimaha Waaxda Gurmadka Degdegga, Taaliyaha Laanta Dab-damiska booliska iyo masuuliyiin kale oo ka tirsan Dowladda Hoose ee Xamar.

Duqa Bristol waxaa laga siiyay warbixin kooban oo ku saabsan howlaha gurmadka, samatabixinta iyo ka hortagga khataraha ay Waaxdu u hayso bulshada Caasimadda Muqdisho iyo nawaaxigeeda.

Agaasimaha Waaxda Gurmadka Deg Degga Gobolka Banaadir mudane Abdisalan Xaaji Magan ayaa maanta furay tababar loo qabtay...
08/08/2026

Agaasimaha Waaxda Gurmadka Deg Degga Gobolka Banaadir mudane Abdisalan Xaaji Magan ayaa maanta furay tababar loo qabtay Howlwadeennada Waaxda kuwaas oo loo diyaarinayo inay ka shaqeeyaan Ka Hortagga Khatarta Dabka (Fire Marshal).

Tababarka ayaa diiradda lagu saarayaa ka hortagga khataraha dabka, baarista, kormeerka goobaha, aqoonsiga meelaha ay ka dhalan karaan khataraha dabka iyo wacyigalinta bulshada si loo yareeyo khasaaraha ka hor inta aysan dhicin.

Waaxda Gurmadka Deg Degga Gobolka Banaadir ayaa xalay abaare 04:30 aroornimo howlgal Gurmad iyo samatabixin ah u sameysa...
08/08/2026

Waaxda Gurmadka Deg Degga Gobolka Banaadir ayaa xalay abaare 04:30 aroornimo howlgal Gurmad iyo samatabixin ah u sameysay qoys ka koobnaa 10 qof kaddib markii uu ku dumay gurigii ay deganaayeen oo ahaa dhisme qadiimi ah.

Howlgalka waxaa lagu soo badbaadiyey 8 qof, halka 2 qof ay ku geeriyoodeen shilkan. Mid kamid ah dadka la soo badbaadiyey ayaa xaaladdiisu ahayd mid culus, dadka wayeeloobay ayaa la kala geeyay Isbitaallada Kalkaal iyo Jaziira si loo siiyo daryeel caafimaad.

📞 kala xiriir Gurmad Degd-dega: 991

04/08/2026

Tababarkii Wacyi galinta ee shacab degan Deg. Boondheere
Waaxda Gurmadka Deg Degga Gobolka Banaadir

Address

Mogadishu

Telephone

+252615188871

Website

Alerts

Be the first to know and let us send you an email when Waaxda Gurmadka Deg Degga Gobolka Banaadir posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Waaxda Gurmadka Deg Degga Gobolka Banaadir:

Shortcuts

Share

Category