Dhalinyarada Gobolka Banaadir

Dhalinyarada Gobolka Banaadir Contact information, map and directions, contact form, opening hours, services, ratings, photos, videos and announcements from Dhalinyarada Gobolka Banaadir, Political organisation, Curubo, Mogadishu.

Isniin 1-June 2026 : Tababar socday Muddo Labo-Maalin ah oo iska kaashadeen Maamulka Gobolka Banaadir iyo Hey’ada FCA a...
01/06/2026

Isniin 1-June 2026 : Tababar socday Muddo Labo-Maalin ah oo iska kaashadeen Maamulka Gobolka Banaadir iyo Hey’ada FCA ayaa maanta lagu soo gaba gabeeyay Magalada Muqdisho.

Tababarkaan ayaa waxaa si Wadajir ah u soo qaban qaabiyey Agaasinka Waaxda Qorsheynta iyo Maalgashiga Maamulka Gobolka Banaadir, Agaasinka Waaxda Biyaha, Deegaanka iyo Isbadalka Cimilada Maamulka Gobolka Banaadir iyo Xafiiska Gudoomiyaha Dhalinyarada Maamulka Gobolka Banaadir.

Tababarkaan ayaa lagu baranayay Arimaha Deegaanka iyo Isbadalka Cimilada oo ah Mowduuc Xasaasi ah Caalamiyan, Dalkeenana uu ka mid yahay Dalalka wajahaaya dhibaatooyinka ay ku yeesheen Dunida.

Gaba-gabadii waxaa la aas aasay Naadi Dhalinyaro Mutadawaciin ah oo u taagan ka qeyb qaadashada Wacyigalinta iyo Maareynta Deegaanka iyo Isbadalka Cimilada.

Waxaana loogu waqlalay ( Naadiga Dhalinyarada Deegaanka ee Maamulka Gobolka Banaadir) Waxaana goobta lagu doortay Gudoonka Naadiga.

Naadigaan ayaa sameen doona Wacyigalinta Adeegsiga Agabka ku haboon Deegaanka, Ka digista qataraha, ka qeyb qaadashada Ololayaasha Nadaafada iyo Dhir Beerista iyadoo la kaashanaayo Hey’adaha Heer Gobol iyo Heer Faderaal ee ku shaqada leh Inshallah.

Ugu danbayn Gudoomiyaha dhalinyarada Gobolka Banadir Mudane Omar Faruk ayaa soo xiray tababarka asagoona urajeeyay dhamaan dhalinyarada ka qeyb gashay tababarka iyo Sidookale Naadiga deeganka ee goobta lagu dhisay dadaal ,Karti iyo hufnaan Inay ugu adeegaan degaanka iyo guud ahaan Caasimada.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”===========

Guddoomiyaha Dhallinyarada Gobolka Banaadir Mudane Omar Faruk ayaa hambalyo ku aaddan munaasabadda barakeysan ee Ciidul-...
26/05/2026

Guddoomiyaha Dhallinyarada Gobolka Banaadir Mudane Omar Faruk ayaa hambalyo ku aaddan munaasabadda barakeysan ee Ciidul-Adxa u diray dhammaan Ummadda Muslimka ah, gaar ahaan bulshada Soomaaliyeed meel kasta oo ay joogaan.

Guddoomiyuhu wuxuu ugu hambalyeynayaa bulshada Muslimka ah farxadda Ciidul-Adxa oo ah munaasabad weyn oo xambaarsan qiime diini ah, midnimo, isjacayl, isu tanaasul iyo garab istaagga dadka nugul, isagoo Alle SWT ka baryay inuu shacabka Soomaaliyeed ka aqbalo acmaasha wanaagsan, ciidanna ciiddeeda ku gaarsiiyo nabad, caafimaad iyo barwaaqo.

Sidoo kale, wuxuu hambalyo gaar ah u diray muwaadiniinta Soomaaliyeed ee sanadkan gudanaya waajibaadka Xajka, isagoo Alle uga baryay inuu ka aqbalo acmaashooda wanaagsan.

Ugu dambeyn, Guddoomiyuhu wuxuu dhallinyarada Soomaaliyeed ugu baaqay inay xoojiyaan midnimada, wadajirka iyo ka shaqeynta horumarka dalka iyo dowladnimada Soomaaliya.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”===========

Guddoomiyaha Dhallinyarada Gobolka Banaadir Mudane Omar Faruk ayaa hambalyo iyo bogaadin u diray dhammaan dhallinyarada ...
15/05/2026

Guddoomiyaha Dhallinyarada Gobolka Banaadir Mudane Omar Faruk ayaa hambalyo iyo bogaadin u diray dhammaan dhallinyarada Soomaaliyeed Gaar ahaan dhalinyarada Gobolka Banadir munaasabadda qiimaha badan ee 15-ka May, oo ku beegan xuska Maalinka Dhallinyarada Soomaaliyeed.

Guddoomiyuhu wuxuu sheegay in maalintani ay astaan u tahay halgankii iyo waddaniyaddii ay muujiyeen dhallinyaradii gobannimo-doonka ahayd ee SYL, kuwaas oo door weyn ka qaatay xaqiijinta xorriyadda iyo midnimada shacabka Soomaaliyeed.

Mudane Omar Faruk ayaa ugu baaqay dhalinyarada Soomaaliyeed inay sii xoojiyaan doorkooda ku aaddan horumarka dalka, nabadda, wadajirka iyo difaaca qaranimada Soomaaliyeed.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”===========

10/05/2026

Guddoomiyaha Dhalinyarada Gobolka Banaadir ayaa ka qeybgalay Kulan Weyne Dareen Bulsho oo lagu taageerayay Nabada iyo Dowlad Dhiska kaas oo ay ka soo qeeb galeen Siyaasiin, Aqoonyahano, Dhalinyaro iyo Xildhibaanadii la doortay ee Golaha Deegaanka Degmooyinka Gobolka Banaadir.

Kulankaan ayaa ahaa mid ay ku dhamaayeen Bulshada qeybaheeda kala duwan oo dhamaantood ku mideesnaa in aanan marnaba Mucaaradka rabshad ku hodonka ah laga yeelin in ay carqaladeeyaan Nabadgalyada ay ku naalooneyso Bulshada Caasimada.

Gudoomiye Omar Faruk oo goobta hadal ka jeediyay ayaa ku nuux nuuxsaday sida ay lagama maarmaanka u tahay in aan marnaba loo hogaansamin dhaleeceenta Mucaaradka ka faqriyay ra’yi Siyaasadeed oo Dadka lagu kasbado, taa badalkeedana go’aansadeen in ay Bulshada kicin Qabyaaladeed iyo Cunfi ku kala qeybiyaan si ay ugu gaaraan maslaxo siyaasadeed iyo mansab.

Masuuliyiinta kale ee Goobta ka hadlay ayaa waxaa ka mid ahaa Mudane Daahir Gal Libaax oo ah Hormuudka Qurba Joogta Soomaaliyeed iyo Madaxweynahii h**e ee Hirshabeele Mudane Cali Cabdullahi Cosoble, waxaana ay dhamaantoodba hoosta ka xariiqeen sida ay lagama maarmaanka u tahay in meel looga soo wada jeesto Mucaaradka ay Colaada iyo Xasilooni Darada ugu badiso ee sida Duqsiga u yahay qashin ku naax iyagana u ah Rabsho ku naax.

Ugu dambeentii kulanka ayaa ku soo dhamaaday jawi wanaagsan oo heersare ah.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”============

INNAA LILLAAHI WA INNAA ILEYHI RAAJICUUNGuddoomiyaha Dhalinyarada Gobolka Banaadir, Guddoomiye Kuxigeenka Dhalinyarada G...
08/05/2026

INNAA LILLAAHI WA INNAA ILEYHI RAAJICUUN

Guddoomiyaha Dhalinyarada Gobolka Banaadir, Guddoomiye Kuxigeenka Dhalinyarada Gobolka Banaadir, Xoghayaha Dhalinyarada Gobolka Banaadir, Guddoomiyaasha Dhalinyarada Degmooyinka, Kuxigeennadooda iyo Sidookale Xoghayeyaasha Dhalinyarada Degmooyinka, waxay tacsi tiiraanyo leh u dirayaan Xoghayaha Dhalinyarada Degmada Xamar Weyne Mudane Awees Cabdulqaadir Suufi iyo Qooskiisa, geerida naxdinta leh ee ku timid Aabihiis Marxuum Cabdulqaadir Suufi oo ku geeriyooday Magaalada Muqdisho.

Mas’uuliyiinta waxay Alle SWT uga baryayaan Marxuumka in uu ugu deeqo naxariistiisa, janno Fardowsana ka waraabiyo, dhammaan ehelka, qaraabada iyo gaar ahaan qoyska Marxuumka in uu Alle ka siiyo samir iyo iimaan waasac ah.

Aamiin Aamiin Aamiin.


Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”============

Mogadishu (Isliin), 13 April 2026Guddoomiyaha Dhalinyarada Gobolka Banaadir, Mudane Omar Faruk, ayaa ugu baaqaya dhammaa...
13/04/2026

Mogadishu (Isliin), 13 April 2026

Guddoomiyaha Dhalinyarada Gobolka Banaadir, Mudane Omar Faruk, ayaa ugu baaqaya dhammaan dhalinyarada Gobolka Banaadir in ay si firfircoon uga qeyb qaataan Toddobaadka Dhir-beerista, oo lagu xusayo Maalinta Qaran ee Dhir-beerista Soomaaliyeed. Toddobaadkan waa mid muhiim u ah ilaalinta deegaanka iyo horumarinta mustaqbalka Dalkeena.

Xuskan waxa uu astaan u yahay midnimo, masuuliyad wadajir ah iyo ficil dhab ah oo lagu badbaadinayo khayraadka dabiiciga ah ee Soomaaliya.

Sidaas darteed, waxaan ugu baaqaynaa dhammaan dhalinyaradeena in ay kaalin muuqata ka qaataan ololahan qiimaha leh.

Halku-dhigga sanadkan waa: β€œMaanta beero berri ku Noolow ”

Aan si wadajir ah u dhisno deegaan cagaaran oo caafimaad qaba, kana tagno dhaxal wanaagsan jiilasha soo koraya.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”===========

10/04/2026

Waxaa maanta lagu qabtay Magaalada Muqdisho tartan Orodo ah oo lagu soo gaba gabeeyay todobaadka Ciyaaraha Olombikada Aduunka, waxaana ka soo qeebgalay Resalwasaaraha XJFS Mudane Xamsa Cabdi Bare, Gudoomiyaha Maamulka Gobolka Banaadir Ahna Duqa Magaalada Caasimada ah ee Muqdisho Mudane Dr. Xasan Maxamad Xuseen Janaraal Muungaab, Wasiirka Wasaarada Dhalinyarada iyo Ciyaaraha XJFS Mudane Maxamad Cabduqaadir Gurey, Wasiirka Tamarta iyo Kheyraadka XJFS Mudan Dahir Shire Maxamad, Wasiirka Beeraha iyo Waraabka XJFS Mudane Maxamad Cabdi Xayir Maareeye iyo Wasiirka Wasaarada Deegaanka iyo Isbadalka Cimilada XJFS Mudane Janaraal Bashiir Maxamad Jaamac (Bashiir Goobe).

Masuuliyiintaan ayaa ka muuqdeen Tartanka Orodka ah ee lagu maamuusayay Todobaadka Olombikada Ciyaaraha Aduunka oo si weyn looga xusay Dalkeena sanadkaan.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”==============

Waxaan hambalyo iyo bogaadin u direynaa Garsooraha heerka caalami ee Cumar Cabdulqaadir Cartan oo taariikh cusub usoo ho...
09/04/2026

Waxaan hambalyo iyo bogaadin u direynaa Garsooraha heerka caalami ee Cumar Cabdulqaadir Cartan oo taariikh cusub usoo hooyay Dalkeena, kaddib markii uu noqday garsoorihii Soomaaliyeed ee ugu horreeyay ee ka qayb gala tartanka caalamiga ah ee FIFA World Cup.

Guushan qiimaha leh waa mid kor u qaadaysa sumcadda Soomaaliya, isla markaana muujinaysa kartida iyo hibada ay leeyihiin Dhalinyarada Soomaaliyeed ee ku hanweyn in ay Dalkooda ku matalaan fagaarayaasha caalamka.

Waxaan ku bogaadineynaa dadaalka, xirfadda iyo hufnaanta uu muujiyay Garsoore Cumar, isaga oo noqday astaan dhiirrigelin u ah jiilka cusub ee Soomaaliyeed.

Hambalyo Cumar, guulo kale oo taariikhdeenna qayb ka noqda ayaan kuu rajeynenaa Inshallah.

02/04/2026

Guddoomiyaha Dhallinyarada Gobolka Banaadir, Mudane Omar Faruk, ayaa soo xiray tababar socday muddo laba toddobaad ah oo ay ka faa’iideysteen 12 gabdhood oo laga soo kala xulay Degmooyinka Xeebta Kulaalo Ee Gobolka Banaadir, kuwaas oo lagu barayay hababka casriga ah ee looga faa’iideysto kalluumeysiga badda.

Tababarkan ayaa diiradda lagu saaray horumarinta xirfadaha kalluumeysiga iyo kobcinta dhaqaalaha buluugga ah, si loo xoojiyo ka qeybgalka haweenka iyo ka faa’iideysiga kheyraadka badda.

Tababarka waxaa maalgeliyay cutubka Talyaaniga ee taakuleynta shacabka.
Munaasabadda soo xiritaanka tababarka waxaa kasoo qeyb galay masuuliyiin kala duwan, oo ay kamid yihiin Guddoomiyaha Jaamacadda Iskaashiga Dan Kalluumeysi ee Xeebaha Soomaaliya, Nabadoon Kamaal Maki Aways, iyo sidoo kale Agaasimaha Waaxda Kalluumeysiga iyo Dhaqaalaha Buluugga ah ee Gobolka Banaadir, Marwo Basiima Ilyaas Muuse.

Ugu dambeyn, Guddoomiyaha Dhallinyarada Gobolka Banaadir, Mudane Omar Faruk, ayaa u mahadceliyay dhammaan masuuliyiinta iyo hay’adaha ka qeyb qaatay qabsoomidda munaasabaddan, isaga oo xusay in tani aysan ahayn tababarkii ugu horreeyay ee ay door weyn ka qaataan.

Dhankiisa, Guddoomiye Omar Faruk ayaa sheegay inay ka go’an tahay horumarinta dhallinyarada Gobolka Banaadir, isaga oo carrabka ku adkeeyay muhiimadda shaqo-abuurka, kobcinta xirfadaha, iyo tababarro kor u qaada fahamka shaqooyinka.

Sidoo kale, wuxuu dardaaran u jeediyay gabdhaha ka faa’iideystay tababarkan, isaga oo ku booriyay inay sii wadaan dadaalka, kana faa’iideystaan aqoonta iyo xirfadaha ay barteen.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Maamulka Gobolka Banaadir
===========β€”πƒπ‡π€πŒπŒπ€π€πƒβ€”============

25/03/2026

Xubno ka tirsan Dhalinyarada Gobolka Banaadir oo uu hoggaaminayo Guddoomiyaha Dhalinyarada Gobolka Banaadir, Mudane Cumar Cabdiraxmaan Macow (Omar Faruk), ayaa ka qeyb galay daah-furka Madasha Xoojinta Isla-xisaabtanka Bulshada iyo Maamulada Dowladda Hoose, oo uu Maamulka Gobolka Banaadir maanta si rasmi ah u daahfuray.

Madasha waxaa kasoo qeyb galay mas’uuliyiin ka tirsan Maamulka Gobolka Banaadir, oo uu ugu horreeyo Guddoomiyaha Amniga iyo Siyaasadda, Mudane Maxamed Axmed Yabooh, Agaasimaha Qorsheynta, Guddoomiyaha Haweenka iyo Gudoomiyaha Maamulka Degmada Waaberi.

Guddoomiyaha Dhalinyarada Gobolka Banaadir ayaa ka hadlay muhiimadda ay leedahay xoojinta isla-xisaabtanka bulshada, isaga oo dhankiisa ku boorriyey Maamulka Gobolka Banaadir iyo dhammaan hay’adaha Dowlada hoose in la sii xoojiyo dadaallada lagu horumarinayo isla-xisaabtanka iyo daadajinta nidaamka hufan.

Sidoo kale, wuxuu sheegay in Bulshada oo la xisaabtanta Dowladooda iyo cidda u haysa adeegyada ay muujinayso biseyl iyo horumar laga gaaray is-aaminaadda u dhexeysa Maamulka Gobolka Banaadir iyo Bulshada ku dhaqan Caasimada Dalka ee Muqdisho.

Wabillahi Towfiiq
Xafiiska Warfaafinta iyo Xiriirka Warbaahinta Dhalinyarada Gobolka Banaadir
===========β€”πƒπ‡π€πŒπŒπ€π€πƒβ€”===========

Address

Curubo
Mogadishu

Website

Alerts

Be the first to know and let us send you an email when Dhalinyarada Gobolka Banaadir posts news and promotions. Your email address will not be used for any other purpose, and you can unsubscribe at any time.

Shortcuts

Share

Category