Dowladda Hoose Ee Degmada Wisil

Dowladda Hoose Ee Degmada Wisil Contact information, map and directions, contact form, opening hours, services, ratings, photos, videos and announcements from Dowladda Hoose Ee Degmada Wisil, Government Organization, Wisil.

HAMBALYO IYO BOGAADINMaamulka Degmada Wisil oo uu ugu horeeyo Gudoomiyaha Degmada, Gudoomiye kuxigenka, Xoghayaha Degmad...
19/08/2026

HAMBALYO IYO BOGAADIN

Maamulka Degmada Wisil oo uu ugu horeeyo Gudoomiyaha Degmada, Gudoomiye kuxigenka, Xoghayaha Degmada iyo Agaasimaaysha Dowladda Hoose ayaa hambalyo u diray Dugsiga Hoose, Dhexe iyo Sare ee Wisil oo ka mid noqday iskuulada ugu sarreeya Imtixaanka Shahaadiga ah ee Fasalka 8- ee sannad-dugsiyeedka 2025–2026, kaas oo ay qaaday Wasaaradda Waxbarashada, Hiddaha & Tacliinta Sare Ee Galmudug.

Gudoomiyaha Degmada waxa uu bogaadinayaa Maamulka, Macalimiinta, iyo Ardeyda dadaalka iyo guusha ay usoo hooyeen Degmada.

Sidoo kale wuxuu hambalyo u diray waalidiinta, iyo macallimiinta Sharafta badan Wisil primary and secondary school oo door muuqda ku lahaa guushaaan.

Waxaan u rajeyneynaa Guulahaaas iyo Guulo ka badan insha Allah.

Xafiiska Warfaafinta Wacyi,gelinta Dowladda Hoose Ee Degmada Wisil .

Maamulka Degmada Wisil oo Qabtay Kulan Mahadcelin ahMaamulka Degmada Wisil oo uu hoggaaminayo Guddoomiyaha Degmada Wisil...
28/07/2026

Maamulka Degmada Wisil oo Qabtay Kulan Mahadcelin ah

Maamulka Degmada Wisil oo uu hoggaaminayo Guddoomiyaha Degmada Wisil, Mudane Cabdinajiib Xuseen cabdi, isla markaana ay weheliyaan Xoghayaha Degmada Wisil, Mudane Liibaan Abshir Warsame, ayaa maanta qabtay kulan ballaaran oo mahadcelin ah, kaas oo loo sameeyey dhammaan ururrada dhalinyarada, haweenka, ciyaaraha iyo dhammaan bulshada ka soo shaqeysay qabanqaabadii iyo soo dhaweyntii diirraneyd ee loo sameeyey Musharraxa Hoggaamiyaha Dowlad Goboleedka Galmudug, Mudane Liibaan Axmed Xasan.

Kulanka ayaa lagu bogaadiyey dadaalkii iyo wada-shaqeyntii ay muujiyeen dhammaan qaybaha kala duwan ee bulshada, kuwaas oo door weyn ka qaatay abaabulka iyo hirgelinta soo dhaweynta, taas oo u dhacday si habsami leh oo muujisay midnimada iyo wadajirka shacabka degmada Wisil.

Waxaa kulanka goobjoog ka ahaa Taliyaha Saldhigga Degmada Wisil, Isku-duwaha Caafimaadka Degmada, Guddoomiyaha Ururka Dhalinyarada, Guddoomiyeyaasha Xaafadaha iyo masuuliyiin kale oo ka tirsan maamulka degmada.

Ugu dambeyn, maamulka degmada ayaa uga mahadceliyey dhammaan shacabka iyo ururradii ka qeyb qaatay soo dhaweynta, iyagoo ku ammaanay doorkooda iyo sida ay mar walba ugu heelan yihiin horumarka, wadajirka iyo sumcadda degmada Wisil.

DEGMADA WISIL OO SI MAAMUS LEH U SOO DHAWEYSAY WAFDI UU HOGGAAMINAYO MUSHARRAXA MADAXWEYNAHA GALMUDUGMaamulka Dowladda H...
24/07/2026

DEGMADA WISIL OO SI MAAMUS LEH U SOO DHAWEYSAY WAFDI UU HOGGAAMINAYO MUSHARRAXA MADAXWEYNAHA GALMUDUG

Maamulka Dowladda Hoose ee Degmada Wisil oo uu hoggaaminayo Guddoomiyaha Degmada Mudane Cabdinajiib Xuseen Cabdi, ayna garab taagan yihiin Guddoomiye Ku-xigeenka Degmada, Xoghayaha Degmada iyo maamulka qeybihiisa kala duwan, ayaa maanta si heer sare ah degmada ugu soo dhaweeyey wafdi ballaaran oo uu hoggaaminayey Musharraxa Madaxweynaha Dowlad Goboleedka Galmudug, Mudane Liibaan Axmed Xasan.

Wafdiga waxaa qeyb ka ahaa Xoghayaha Xisbiga Cadaaladda iyo Wadajirka (JSP), Mudane Xuseen Shiikh Maxamuud, Wasiir Ku-xigeenka Wasaaradda Warfaafinta, xildhibaanno heer Federaal iyo heer Dowlad Goboleed, agaasimayaal iyo masuuliyiin kale.

Masuuliyiinta Dowladda Hoose ee Degmada Wisil, odayaasha dhaqanka, haweenka, dhalinyarada iyo qeybaha kala duwan ee bulshada ayaa wafdiga ku qaabilay soo dhoweyn diirran, iyagoo muujiyey soo dhoweyn, martigelin iyo wadajir.

Booqashadan ayaa qeyb ka ah kulamo lagu xoojinayo wada-shaqeynta, is-fahamka iyo xiriirka ka dhexeeya hoggaanka iyo bulshada, iyadoo wafdigu la filayo inay kulamo la yeeshaan maamulka degmada, waxgaradka iyo qeybaha kala duwan ee bulshada.

— Dowladda Hoose ee Degmada Wisil

GUDDOOMIYAHA DEGMADA WISIL OO SOO DHAWEEYEY WAFDI KA SOCDEY XISBIGA CADAALADDA IYO WADAJIRKA (JSP)Guddoomiyaha Degmada W...
21/07/2026

GUDDOOMIYAHA DEGMADA WISIL OO SOO DHAWEEYEY WAFDI KA SOCDEY XISBIGA CADAALADDA IYO WADAJIRKA (JSP)

Guddoomiyaha Degmada Wisil, Mudane Cabdinajiib Xuseen Cabdi, oo ay weheliyaan Guddoomiye Ku-xigeenka Degmada, Xoghayaha Degmada iyo xubnaha kale ee Maamulka Degmada Wisil, ayaa maanta si diirran degmada ugu soo dhaweeyey wafdi ballaaran oo ay ka mid ahaayeen Guddoomiyaha Gobolka Mudug, qaar ka mid ah odayaasha dhaqanka Beesha Sacad, musharrixiin u taagan Golaha Wakiillada Galmudug iyo Golaha Deegaanka, iyo masuuliyiin kale.

Soo dhaweyntan ayaa waxaa si wadajir ah u soo qabanqaabiyey Maamulka Degmada Wisil iyo wakiillada Xisbiga Cadaaladda iyo Wadajirka (JSP) ee degmada.

Ujeeddada safarka wafdigan ayaa ahayd dardargelinta ololaha doorashada dadweynaha ee Xisbiga Cadaaladda iyo Wadajirka (JSP), iyagoo bulshada degmada la wadaagay himilada, qorshayaasha iyo barnaamijyada xisbiga.

Maamulka Degmada Wisil ayaa wafdiga u rajeeyey guul, wuxuuna bulshada degmada ugu baaqay inay ilaaliyaan nabadda, wadajirka iyo is-ixtiraamka inta lagu jiro geeddi-socodka doorashooyinka.

Ujeeddo WAREEGTO RASMI ah Ku: Mamnuucidda Ururinta, Kaydinta iyo Dhoofinta Biraha Culus iyo Kuwa Fudud, iyo Mamnuucidd...
19/07/2026

Ujeeddo

WAREEGTO RASMI ah

Ku: Mamnuucidda Ururinta, Kaydinta iyo Dhoofinta Biraha Culus iyo Kuwa Fudud, iyo Mamnuucidda Dhammaan Noocyada Maandooriyaha
Iyadoo la ilaalinayo amniga, hantida guud, deegaanka iyo caafimaadka bulshada, Dowladda Hoose ee Degmada Wisil waxay soo saareysaa wareegtadan:

Qodobka 1aad:
Laga bilaabo taariikhda wareegtadan, waxaa si buuxda looga mamnuucay gudaha Degmada Wisil iyo dhammaan deegaannada hoos yimaada ururinta, iibinta, kaydinta, rarista iyo dhoofinta biraha culus iyo kuwa fudud iyadoo aan fasax rasmi ah laga haysan Dowladda Hoose iyo hay'adaha sharci ahaan u xilsaaran.

Qodobka 2aad:
Waxaa mamnuuc ah in gaadiid ama cid kasta ay ka saarto Degmada biro duug ah ama nooc kasta oo biro ah iyada oo aan haysan oggolaansho qoraal ah oo ka yimid maamulka degmada.

Qodobka 3aad:
Waxaa si adag loo mamnuucay dhammaan noocyada maandooriyaha, soo dejintooda, kaydintooda, iibintooda, qaybintooda, gaadiidkooda iyo isticmaalkooda gudaha Degmada Wisil iyo dhammaan deegaannada hoos yimaada.

Qodobka 4aad:
Hay'adaha amniga iyo maamulka degmada waxaa lagu amrayaa inay si wadajir ah u fuliyaan wareegtadan, isla markaana tallaabo sharci ah ka qaadaan cid kasta oo jebisa.

Qodobka 5aad:
Qof kasta ama shirkad kasta oo ku xadgudubta wareegtadan waxaa laga qaadayaa tallaabooyin waafaqsan sharciga, waxaana lala wareegi karaa biraha, gaadiidka ama agabka loo adeegsaday falka.

Qodobka 6aad:
Bulshada waxaa laga codsanayaa inay la shaqeeyaan maamulka degmada iyo hay'adaha amniga, isla markaana ay soo sheegaan cid kasta oo ku lug leh falalka mamnuuca ah
Wabilaahi Towfiiq

Xafiiska Warfaafinta iyo wacyi galinta Dowladda Hoose Ee Degmada Wisil

Maamulka Degmada Wisil oo uu hoggaaminayo Guddoomiyaha Degmada Wisil Mudane Cabdinajiib Xuseen Cabdi ayaa degmada Wisil ...
15/07/2026

Maamulka Degmada Wisil oo uu hoggaaminayo Guddoomiyaha Degmada Wisil Mudane Cabdinajiib Xuseen Cabdi ayaa degmada Wisil ku soo dhaweeyey wafdi masuuliyiin ah oo ka socday Xisbiga Caddaaladda iyo Wadajirka (JSP), xilli uu xisbigu dalka ka wado ololihiisa doorashada.

Wafdigan oo uu hoggaaminayey Xoghaye Ku-xigeenka Xisbiga, kana mid ahaayeen xildhibaanno iyo masuuliyiin kale, ayaa booqasho ku yimid degmada Wisil si ay ula kulmaan shacabka ugana qayb qaataan ololaha doorashada ee xisbiga.

Shacabka degmada Wisil ayaa si weyn isugu soo baxay soo dhoweynta wafdiga, iyagoo muujiyey taageeradooda iyo soo dhoweyn diirran.

Intii uu socday kulanka, masuuliyiinta xisbiga ayaa shacabka la wadaagay barnaamijka iyo himilooyinka Xisbiga Caddaaladda iyo Wadajirka (JSP), iyagoo ku boorriyey inay si nabad ah uga qayb qaataan doorashada soo socota..

02/07/2026

Hadal-jeedinta Xog-hayaha Dowladda Hoose Ee Degmada Wisil mudane Liban Abshir Warsame

Oo ka qayb galay Soo dhaweynta musharax Madaxweynaha Galmudug mudane Liban axmed xasan

02/07/2026

Hadal-jeedinta Guddomiyaha Degmada Wisil mudane Cabdi-najib xuseen cabdi ayaa ka hadlay xafladda soo dhaweynta musharax madaxweyne Galmudug

29/06/2026

Hadaljeedintii Gudoomiyaha degmada wisil ee xuska shuhadada.

Wisil – 29 Juun 2026Maanta degmada Wisil waxaa lagu qabtay kulan ballaaran oo loogu duceynayay shuhadadii ku shahiiday d...
29/06/2026

Wisil – 29 Juun 2026
Maanta degmada Wisil waxaa lagu qabtay kulan ballaaran oo loogu duceynayay shuhadadii ku shahiiday dagaalladii lagula jiray kooxda Al-Shabaab.

Kulankan oo ay soo qaban-qaabiyeen maamulka degmada Wisil, hormuudna uu ka ahaa Guddoomiyaha Degmada Wisil, Mudane Cabdi-Najiib Xuseen Cabdi, Guddoomiye Ku-xigeenka degmada iyo qaybaha kale ee maamulka, ayaa waxaa ka soo qayb galay masuuliyiin kala duwan oo ay ka mid ahaayeen saraakiil ciidan, guddoomiyeyaal degmooyin, odayaal dhaqameed, culimaa'udiin, ururrada haweenka, ururrada dhallinyarada iyo qaybaha kala duwan ee bulshada.

Intii uu kulanku socday waxaa Alle looga baryay inuu naxariistiisa janno ka waraabiyo dhammaan shuhadada nafahooda u huray difaaca dalka iyo shacabka Soomaaliyeed, dhaawacyadana uu siiyo caafimaad degdeg ah.

Sidoo kale, ka qaybgalayaashu waxay adkeeyeen muhiimadda ay leedahay midnimada bulshada iyo garab istaagga ciidamada amniga ee u taagan sugidda nabadda iyo xasilloonida.
Dowladda Hoose Ee Degmada Wisil

Address

Wisil

Website

Alerts

Be the first to know and let us send you an email when Dowladda Hoose Ee Degmada Wisil posts news and promotions. Your email address will not be used for any other purpose, and you can unsubscribe at any time.

Shortcuts

Share

Category