Different

22/09/2019

😎⁦✌️⁩ #تااااغات
🔴 تعلن مكتبة Different عن تقديم خدمة الاشتراك الإلكتروني ابتداءً من الفصل الدراسي الأول للعام الحالي 2019-2020 للسنوات الخمسة، وذلك للوصول الى خدمة احترافية مميزة في تنظيم بيع المحاضرات. 😌⁦💆🏻‍♂️⁩
🔴 لم الاشتراك الفصلي؟
- ينظم عملية البيع ضمن المكتبة ويقلل من فترة الانتظار بشكل كبير.
- يؤمن الراحة للطالب، حيث كل ما عليه أن يقوم بإعطاء بطاقة اشتراكه لموظف المكتبة، ويتم إلكترونياً المطابقة بين بطاقة الطالب وبين المحاضرات المتوفرة.
- الاشتراك يوفر أكثر من ١٥٪ من القيمة الإجمالية للمحاضرات. 😍
- لن يعود هناك مشكلة ال ٥٠ ليرة و المحايات. ⁦💆🏻‍♂️⁩🤭
🔴 كيف سيكون الاشتراك؟
- سنقوم بوضع استمارات ورقية في المكتبة، حيث تعطى للطالب حسب سنته الدراسية، تحوي الاستمارة أسماء المواد المتوافرة في المكتبة الخاصة بسنته (نظري وعملي)، ويقوم هو باختيار المواد التي تلزمه، ثم يعيد الاستمارة للمكتبة.
- نقوم نحن ببرمجة بطاقة خاصة بكل استمارة تصلنا، وحساب تكلفة الاشتراك الكلي لكل طالب.
- يتم إرسال تكلفة الاشتراك الكلية عن طريق رسالة هاتفية sms لرقم الطالب، علماً أن القيمة تختلف من شخص لآخر حسب المواد المختارة.
- في حال الموافقة يقوم الطالب بدفع ٥٠٪ من قيمة الاشتراك عند استلامه البطاقة، والباقي يُدفع قبل 15/11.
🔵 ملاحظات:
● يبدأ الاشتراك يوم الاثنين 23/9، وينتهي ب15/10.
● يسمح بالتعديل على المواد المختارة حتى تاريخ 15/10.
● يبدأ توزيع بطاقات الاشتراك من يوم الاثنين 30/9.
● الحد الادنى للاشتراك 3 مواد.
(لاتنسوا تاخدوا نسختكم من الاستمارة الخاصة بسنتكم من مكتبة ديفرنت) 😌⁦✌️⁩.
بالتعاون مع .

16/04/2019

كل عام وانتم بخير 😊
تفتح المكتبة ضمن #العطلة
يومي 👈 #الاربعاء #والسبت👉
من الساعة 10 حتى الساعة 3
منشن للكل
وموفقين جمعيا 😇😇

17/01/2019

تفتح المكتبة بشكل استثنائي يوم الجمعة من الساعة 12 - 4 ويوم السبت من الساعة 9 - 4

علما ان محاضرات التكنوخرسانة موجودة كاملة مع حل أسئلة الدورات..

منشنو لرفقاتكن خليهن يعرفو
موفقين يا رب

15/01/2019

#سوربرايز
طلاب_السنوات_١_٢_٣_٤
كرمال نشكر ثقتكم الكبيرة بمكتبتنا و بفرقنا يلي الحمدلله كانت قد المسؤولية لهالفصل، قررنا نهديكم هدية صغيرة بنهاية هل فصل وتجديد للعهد للفصل المقبل بإذن الله ❤ رح نختار ١٥ نسخة من كل مادة من هل المواد التالية: محاضرات إمداد مياه (سنة ٤).
محاضرات تكنولوجيا الخرسانة (سنة ٣).
إنكليزي ٣ ( سنة٢).
إنكليزي ١ (سنة ١).
و رح نحط (بشكل عشوائي) علامة مميزة بقلب هالنسخ، و الشخص #المحظوظ يلي رح يجيب المحاضرات وتطلعله هالعلامة رح نقدمله اشتراك #مجاني لمحاضرات النظري بكامل المواد للفصل القادم 😍😌
وطبعا هالنسخ رح تنباع فقط للطلاب، يعني اي طالب من فريق ريفرينس للمحاضرات رح يستثنى من هالنسخ كرمال الفائدة والحظ يكون اكبر لألكم طلابنا الغاليين 😍😁
❤
💪🏻
‎

10/02/2017

مادة ضخمة وهائلة وانعطت ب21 محاضرة (لايغركن كترة المحاضرات)
صح المادة ضخمة بس مالا صعبة وانشالله سهلة تترفع ولكن بدها شغل وممارسة ودراسة ........المادة بالانكليزي والاسئلة بالانكليزي والى آخره 😅😅
المحاضرات بالعربي والانكليزي معا الشرح بالعربي وفي مصطلحات هامة بالانكليزي لازم نحفظن منيح..
المادة عطاها الدكتورين مؤيد صبح و بشار سلهب ورح احكي شوي عن كل قسم:

انعطا ب10 محاضرات ترتيبن (من5-ل14)انعطا فيهن وكلن انعطو بالعملي ماعدا شبكات التربيط (المحاضرة14) عادة الدكتور بجيب مسألتين(15-20علامة) وحدة من الشغلات يلي انطلبت بالمشروع والتانية (اما اعمدة او شبكات تربيط) وهالفصل عالأغلب أعمدة (المحاضرات12-13)(طبعا مو اكيد) وطبعا كل المحاضراات تمت كتابتن للي بحب يجيبن .....واشار الدكتور الى انو مابيطلب تصميم بالامتحان...

انعطا في (المحاضرات من 1 ل4 بالاضافة للمحاضرة 19 وهي الاهم ببحث الرياح انحل فيها 5مسائل وفيها شغلات ما انعطت بالعملي)..
كمان انعطا ما انعطا بالعملي وانعطا (بالمحاضرات 15-16-17بالاضافة لمحاضرة مسائل هامة المحاضرة20 ) من ضمن هاد البحث في فقرة هامة جدا هي المدعمات stiffeners واكيد اكيد جاي منها مسألة)....
ما انعطا بالعملي انعطا بمحاضرتين 18 و21 فيها مسائل هامة...
هاد القسم بيجي منو تصميم و اسئلة نظري ومسائل يعني من كل قسم سؤال نظري(اما صح او غلط (وحدة بس)او سؤال رسم تفصيلة معينة او اي شي بيخطر عبال الدكتور ) ومسألة واشار الدكتور انو في مسالة من كل قسم عالاكيد وحابب نوه لشغلة انو الدكتور مؤيد بجيب متل الشغلات يلي بيعطيها لهيك مسائلو كتير هامين( المحاضرات 19-20-21) اما بالنسبة لاسئلة النظري فنزل ملحق لهي الاسئلة وبين فيه شو ممكن يجي اسئلة نظري وشو ممكن يجي بقسم الدكتور بشار سلهب وغير ذلك ....)
كود جائز صفائحي وهو موجود ضمن كود المعدنية1 بدءا من الصفحة113 #4كود صفيحة القاعدة(موجود بالمكتبة للي بدو ياه)(مطلوب حفظ القوانين من المحاضرات)
طبعا الكودات والمخطط موجودين بالمكتبة
https://www.dropbox.com/sh/zyqq6x1se2f4atl/AABBRacCX0cKh6eCxpQ1Cvfda?dl=0

10/10/2016

:

:

● نظري:
بلش معنا الدكتور هيثم زرزور وصار عاطي محاضرتين، عطا حساب الأعمدة الطويلة والشد المركزي وحل بعض الأمثلة الامتحانية.. والأسبوع الجاية رح يبلش ببحث القص.
الدكتور محاضرتو رايقة وخفيفة ونصيحة ينحضرلو.. علمأً أنو بعض الأبحاث تُعطى بالنظري فقط.

● بلوط:
عطا الدكتور حساب الأعمدو الطويلة وحل بعض الأمثلة عليها.. وبالنسبة للمشروع فلبعد 5-6 أسابيع لنبدا شغل فيه.. ومبدئياً قال أنو المشروع بيعملوه 3-5 طلاب.
مشان موضوع النقل فمتل الفصل الماضي المهم تحضر وتثبت اسمك.

:

● نظري:
بلش الدكتور مؤيد صبح وعطى محاضرتين ببحث الرياح، بس يخلص البحث بيجي الدكتور سلهب بيعطي أبحاثو وبيرجع الدكتور صبح آخر الفصل بيكمل قسمو.. وحوالي 50% من المادة ما بيتغطى بالعملي مشان هيك يفضل ينحضر النظري.

● عرابي:
عطت المهندسة لمحة عن المادة وبلشت بالمنشأ الصناعي وتأثير الرياح عليه.
ترتيب المحاضرات خلال الاسبوع رح يكون التلاتا محاضرة جديدة وبتنعاد الأربعا وبتنعاد التنين من الأسبوع يلي بعدو.. يعني التنين القادم رح تنعاد المحاضرة الأولى.
يجب إحضار كود الرياح وحالياً ما منحتاج الكود الأوروبي.

● عبد المالك & شقير:
متل المهندسة عرابي بلشو بمقدمة عن المادة وأكدو على أهمية إحضار كود الرياح الأسبوع القادم.

:

● نظري:
يوم التنين رح تعطي الدكتورة ميرنا ويوم التلاتا الدكتور تلتلو. أخدنا لحد الآن محاضرة بكل قسم..
د.ميرنا عطت مقدمة عن القشريات وشوية مفاهيم ورموز بالبحث وبلشت بالقشرية الكروية.. وقسما رح تغطيه بالنظري مع مسائلو مشان هيك حاولو تحضرولا.
د.فؤاد بلش بالمرونة وعطى بعض المفاهيم فيا وحل عدة أمثلة.

● سعادات:
عطى الأستاذ علاء تعريف سريع بالمادة والأسبوع الجاية رح يبلش بالمحاضرة الأولى
علماً أنو ما رح نتوسع بالقشريات ولا رح يكون عليها علامات بالعملي لأنو الدكتورة ميرنا بتغطيها بالنظري.

:

● نظري:
لهلأ ما انعطت أي محاضرة.. بس ذكر الدكتور دالاتي أنو ممكن يكون جزء من علامة العملي على حضور النظري.

● زهنون:
عطت المهندسة مقدمة عن إنشاء الطرق وتجاربها، بالإضافة لتصنيف التربة حسب الآشتو وحلت 3 أمثلة عن هالتصنيف.

:

● نظري:
الدكتور قيس برغوث بلش بالتعريف عن المادة بأنها ري وصرف زراعي وما رح نحكي عن الصرف المتعلق بالمنشآت والأبنية
بعدين بلش بالمحاضرة الأولى يلي حكى فيها بشكل أساسي عن تعريف الري والصرف والدورة الهيدرولوجية وظواهرها.

● بريز:
عطت المهندسة محاضرة خفيفة حكت فيها عن تعريف الري والصرف وتصميم شبكات الري والصرف بالإضافة لتذكير بسيط بالقوانين يلي مرت معنا بالهيدروليك.

● محمود:
بالمحاضرة الأولى عطت بعض الأفكار الأساسية و حكت عن المشروع و حلقة البحث وقالت أنو المحاضرة التانية رح تعطي مواضيع حلقات البحث يلي محدتون و الطلاب بيختاروا بين حلقة بحث أو مشروع بحيث يشتغلو كل طالبين أو 3 طلاب سوا.

:

● نظري:
بلش معنا الدكتور قتيبة السعدي وصار عاطي محاضرتين (أول فصلين بالكتاب).
المحاضرات لحد الآن كلا كلام نظري بيعتمد عالفهم أكتر من البصم والنظري بهالمادة مهم وبيجي بالامتحان قسم منيح منو.
المادة سهلة وحلوة وبتعتمد بشكل كبير عالهدروليك1، ويفضل انو دائماً تشوفو الفيديوهات يلي عم نحط روابطها بالمحاضرات ﻷنو كتير رح تساعدكن.

● سليمان:
أعطت المهندسة مسائل بسيطة عن حساب ضاغط المضخة.

● بسيوني:
عطى متل المهندسة بتول سليمان وقال أنون رح يعطو نفس الشي طول الفصل وفحص العملي لطلابون رح يكون مشترك.

● سرحان:
عطت مقدمة بسيطة عن المادة والأسبوع الجاية رح تبدا بالمنهاج.

أي استفسار نحنا بالخدمة.. بالتوفيق : )

10/10/2016

ارتقاء نحو الافضل دوما

10/10/2016

السلام عليكم ورحمة الله وبركاته
كل عام وأنتم بألف خير : ))

رغبةً منّا في تقديم محاضرات متميزة وضعنا على عاتقنا مهمة بناء فريق بحلّة جديدة، نحن فريق نرحب بكم ونعلن انطلاقتنا معكم في مشوار سيكون بإذن الله مليئاً بالفائدة والنجاح.

وسنكون معكم هذا الفصل لمتابعة ما يعطى من محاضرات ومشاريع ومذاكرات، لمساعدتكم بها وتقديم كل ما تحتاجونه، واضعين نصب أعيننا تقديم محاضراتنا بالشكل الأمثل من حيث الدقة العلمية والتنسيق الجميل.
تجدون محاضراتنا في مكتبة Different (المركز)، وبالنسبة للطباعة وخدمات المكتبة فستكون إن شاء الله على اكمل وجه
راجين من الله التوفيق، وأن نكون عند حسن ظنكم : )

◀ رابط برنامج الدوام للسنة الرابعة، ويمكنكم الحصول عليه ملوّن من المكتبة:
https://www.dropbox.com/sh/o6agy1t8bkyvchl/AAAwAD54MRE-806MnxdAFE36a?dl=0&preview=%D9%85%D9%84%D9%88%D9%86.pdf

موفقين جميعاً ^^

Shared with Dropbox

10/10/2016

محاضرات فريق Elevation موجودة اول باول عالنت
و بتنزل عالرابط قبل ما تنزل بالمكتبة ??

Shared with Dropbox

19/06/2016

مسا الخير :-)

المادة 12 محاضرة (8 للدكتور حمود و 4 للدكتور منصوري )

◀ يلي دارس عملي منيح يبلش دغري بالنظري ويلي مو مركز عملي يرجع يركزو بعدين يبلش نظري.

◀◀ قسم الدكتور حمود (انتشار اجهادات 1و2وجزءمن3 +انضغاطية 3و4و5 + قص 6و7و8 + ملحق مسائل القص والانضغاطية )

يمكن تلاقو محاضراتو طويلة بس هيي كلا قراية وفهم مافي فقرات نظرية للحفظ يعني المحاضرة شغلتا ساعة ساعة ونص بالكتير

والملحق هوة المسائل يلي عطاها الدكتور وما نزلتا بالمحاضرات يعني مانو شي إضافي عليها فمهم كتير ندرسو

تعمدت اشرح متل الدكتور تماما وما اختصر شي ﻷنو الدكتور كان مستاء جدا من الحضور وكان يضل يقول الحضرانين هنن يلي رح يرفعو ... لهيك اضطريت انقل كلشي صار حكي ومناقشات بالمحاضرة حتى لو مالا اهمية بالحل .. بتمنى هالشي يفيدكن لتعرفو تفكرو بالمادة ويصير عنا اساس فيها نوعا ما :-)

>>>>> رجااااااء" لا حدا يدرس قبل ما يصلح التصويبات يلي بتلاقوها بنهاية المحاضرات وبنهاية الملحق ... حتى يلي عم يدرس عن النت يكتبن عورقة حدو

14/05/2016

مسالخييير ??

نظرا للخبطه لصارت بوقت المذاكرة وتلبيه لرغبه الاغلبيه وكونو عند المهندسه ميساء عدد كبير من الطلاب😴
لمادة رح تكون بين ايديكون نشالله بشكل افضل صرنا نكتبلا والمحاضرات شامله كلشي عم تحكي المعيدة بالحرف واكتر ... يعني بوقت الفحص بتدرسوا محاضرات جديدة وبتعجبكون اكيد 😎😎
اول 6 محاضرات كانوا تصوير من دفتر المعيدة
لداخل بالفحص من عند القص المحاضرة السادسه لعند اخر محاضرة اخدناها ليوم رقما 9 وسهلين يعني لاتعتلو هم 😍 لبدو يعيد المذاكرة بيدرس كلشي من 1_9 Good luck
Yes !! We are different 😍

13/04/2016

مسا الخير
عالرابط موجود أول سبع محاضرات خرسانة للمهندس سمير العوا
http://bit.ly/1WFlrCe
هدول لحد الآن يلي نازلين
المحاضرة الأولى هي بتشمل المحاضرة الأولى والثانية
يعني عملياً المحاضرات هنن ثمانة
لح ننزل كمان بإذن الله ملحق فيه خوارزميات الحل لمسائل الاعمدة ومسائل الانعطاف
مع صفحات الكود يلي منحتاجها والقوانين يلي منستخدمها.
المحاضرة الثامنة بكرا بتكون جاهزة من الصبح.
التاسعة والعاشرة بالإضافة للملحق لبداية الجمعة الجاية بإذن الله.
المادة ضخمة وبدها سرعة بالكتابة لهيك عم يمر بعض الأخطاء بالمحاضرات
بنهاية كل محاضرة عم نصحح الأخطاء يلي عم تمر بالمحاضرات تقريباً كلها إملائية
مشان هيك دائماَ قبل ما تدرسوا المحاضرة صلحو أخطائها من المحاضرة يلي بعدها.
بالتوفيق.

Shared with Dropbox