Mandalay Revolution And Defense Organization - MRDO

Mandalay Revolution And Defense Organization - MRDO ข้อมูลการติดต่อ, แผนที่และเส้นทาง,แบบฟอร์มการติดต่อ,เวลาเปิดและปิด, การบริการ,การให้คะแนนความพอใจในการบริการ,รูปภาพทั้งหมด,วิดีโอทั้งหมดและข่าวสารจาก Mandalay Revolution And Defense Organization - MRDO, Ban Tak.

အစိုက်တစိုက်ပါဝင်အားဖြည့်ပေးပါသောမိတ်ဆွေများကိုကျေးဇူးအထူးတင်ရှိပါသည်။
19/05/2026

အစိုက်တစိုက်ပါဝင်အားဖြည့်ပေးပါသောမိတ်ဆွေများကိုကျေးဇူးအထူးတင်ရှိပါသည်။

၂၀၂၆လေးလတာMRDO၏လှုပ်ရှားမှုအစီရင်ခံစာ ---------------------------------------------------------------------မန္တလေးတော်...
30/04/2026

၂၀၂၆လေးလတာMRDO၏လှုပ်ရှားမှုအစီရင်ခံစာ
---------------------------------------------------------------------

မန္တလေးတော်လှန်ရေးနှင့်ကာကွယ်ရေးအဖွဲ့သည်
၂၀၂၆ ခုနှစ် ဇန်နဝါရီလ၊ဖေဖော်ဝါရီလ၊မတ်လ၊ဧပြီလစသည့်လေးလတာအတွင်းဆောင်ရွက်ခဲ့သောလုပ်ငန်းများစွာကိုတော်လှန်ပြည်သူများသိရှိနိုင်စေရန်ထုတ်ပြန်အပ်ပါသည်။




မတရား ဖမ်းဆီးခံထားရသူ ဒေါ်အောင်ဆန်းစုကြည်အတွက် သားတစ်ယောက်ရဲ့ အရိုးရှင်းဆုံးဆန္ဒလေးတစ်ခုဖြစ်သည့် အမေကျန်းကျန်းမာမာ နှင့်...
26/04/2026

မတရား ဖမ်းဆီးခံထားရသူ ဒေါ်အောင်ဆန်းစုကြည်အတွက် သားတစ်ယောက်ရဲ့ အရိုးရှင်းဆုံးဆန္ဒလေးတစ်ခုဖြစ်သည့် အမေကျန်းကျန်းမာမာ နှင့်ရှိနေသေးသည်ကို သက်သေနှင့်ပြပေးဖို့အတွက်တောင်းဆိုသည့် လှုပ်ရှားမှု့လေးဖြစ်သည့် Proof of life လှုပ်ရှားမှုမှာ ကင်မ် ခေါ် ထိန်လင်းနဲ့ အတူ ပါ၀င်ပါတယ်။

(၁) ဒေါ်အောင်ဆန်းစုကြည် ကျန်းကျန်းမာမာ ရှိနေကြောင်း ကို သက်သေပြပေးရန် အတွက် social media မှတဆင့် မိမိခံစားချက်များအတိုင်းတောင်းဆိုပေးကြရန်
(၂) မိမိနေထိုင်ရာနိုင်ငံများတွင်ပြုလုပ်မည့် သက်ဆိုင်ရာအစိုးရဌာနများမှတစ်ဆင့် ဒေါ်အောင်ဆန်းစုကြည်ရဲ့သက်ရှိထင်ရှားရှိနေကြောင်းအထောက်အထားတစ်ခုခုကို မတရားဖမ်းဆီးထောင်ချထားသူများက ထုတ်ပြပေးနိုင်ရန်အတွက်အကူအညီပေးဖို့တောင်းဆိုမှု့များတွင်ပါဝင်ပေးကြပါရန်ဖြစ်ပါ။

This is a movement called “Proof of Life”, initiated by a son’s simplest wish for his mother, Daw Aung San Suu Kyi, who has been unjustly detained, to provide evidence that she is still alive and in good health. I am joining this movement together with Kim (also known as Htein Lin).

(1) To kindly request people to express their feelings on social media, calling for proof that Daw Aung San Suu Kyi is alive and in good health.

(2) To encourage participation in appeals to the relevant government authorities in the countries where you reside, asking for their assistance in urging those unlawfully detaining her to provide credible proof that Daw Aung San Suu Kyi is alive.

မကွေးတိုင်းဒေသရှိ LPDF များသည် မကွေးဖက်ဒရယ်ယူနစ်အစိုးရ၏ကွပ်ကဲမှုဖြင့်တော်လှန်မည်ဖြစ်ကြောင်းသတင်းထုတ်ပြန်ကြေညာ #နွေဦးတော...
18/04/2026

မကွေးတိုင်းဒေသရှိ LPDF များသည် မကွေးဖက်ဒရယ်ယူနစ်အစိုးရ၏ကွပ်ကဲမှုဖြင့်တော်လှန်မည်ဖြစ်ကြောင်း
သတင်းထုတ်ပြန်ကြေညာ

#နွေဦးတော်လှန်ရေးမှသည်ဖက်ဒရယ်ဒီမိုကရေစီစနစ်ဆီသို့

အာရက္ခတပ်တော်-AA (၁၇)နှစ်မြောက်တပ်တော်မွေးနေ့သို့ ပေးပို့သောဂုဏ်ပြုမေတ္တာသဝဏ်လွှာ၁၀၊ဧပြီ၊၂၀၂၆ ရက်နေ့တွင်ကျရောက်သောအာရက္ခ...
10/04/2026

အာရက္ခတပ်တော်-AA (၁၇)နှစ်မြောက်တပ်တော်မွေးနေ့သို့ ပေးပို့သောဂုဏ်ပြုမေတ္တာသဝဏ်လွှာ

၁၀၊ဧပြီ၊၂၀၂၆ ရက်နေ့တွင်ကျရောက်သောအာရက္ခတပ်တော် - AA (၁၇) နှစ်မြောက်တပ်မွေးနေ့အားဂုဏ်ပြုဝမ်းမြောက်ပါကြောင်းဦးစွာပြောကြားအပ်ပါသည်။

ယနေ့ကျရောက်သောအာရက္ခတပ်တော်တည်ထောင်ခြင်းမွေးနေ့၌ရခိုင်အမျိုးသားလွတ်မြောက်ရေးနှင့်မြန်မာပြည်သူလူထု‌လွတ်မြောက်ရေးအတွက်
သက်စွန့်ကြိုးစားနေသောအာရက္ခတပ်တော်တပ်မတော်သားများ၊ကျဆုံးသွားခဲ့သောအာရက္ခတပ်‌တော်တပ်မတော်သားများအားလုံးကိုအလေးအမြတ်ပြုအပ်ပါသည်။

မြန်မာနိုင်ငံပြည်ထောင်စုကိုနှစ်ပေါင်း(၇၀)ကြာဖျတ်စီးပြီးတိုင်းရင်းသားပြည်သူများအပေါ်နေ့စဉ်သတ်ဖြတ်၊ဓားပြတိုက်၊ခိုးယူ၊ဖိနှိပ်အနိုင်ကျင့်၊ပြည်တွင်းပြည်ပအားကျားဖြန့်ပြုလုပ်နေသည့်
အကြမ်းဖက်စစ်တပ်(ကျားဖြန့်စစ်အစိုးရ)အမြစ်ဖြတ်ရေး‌တိုက်ပွဲများတွင်
ပြည်သူ့ကာကွယ်ရေးတပ်မတော်များနှင့်တိုင်းရင်းသားလက်နက်ကိုင်တပ်မတော်တို့ကို
ကိုယ်စွမ်းဉာဏ်စွမ်းရှိသမျှကူညီပံ့ပိုးမှုများအတွက်
ကျေးဇူးတင်ရှိပါကြောင်းပြောကြားခွင့်ပြုပါရန်
‌တောင်းဆိုပါသည်။

ထို့အတူမပြီးဆုံးသေးသော‌စစ်အာဏာရှင်အမြစ်ပြတ်ချေမှုန်းရေး‌တော်လှန်ရေးတွင်နိုင်ငံရေးအစုအဖွဲ့များ၊တော်လှန်ရေးတပ်မတော်များနှင့်ယခုထက်ပိုမို၍ပူးပေါင်းဆောင်ရွက်၊ကူညီပံ့ပိုးပေးပါရန်
မေတ္တာရပ်ခံအပ်ပါသည်။

အာရက္ခတပ်တော်-AA ၏ ရခိုင်အမျိုးသားလွတ်မြောက်ရေးရည်မှန်းချက်များကိုတော်လှန်ရေးအင်အားစုများဖြင့်လက်တွဲ၍အမြန်ဆုံး‌ရရှိပိုင်ဆိုင်နိုင်ပါစေကြောင်းဆုတောင်းမေတ္တာသဝဏ်လွှာပေးပို့အပ်ပါသည်။

အမှုဆောင်ကော်မတီ
မန္တလေးတော်လှန်ရေးနှင့်ကာကွယ်ရေးအဖွဲ့

09/04/2026

တော်လှန်ရေးတပ်တွေထဲမှာကျားဖြန့်အစိုးရ(အကြမ်းဖက်စစ်တပ်)အကြောက်ဆုံးက
MDY-PDF ပါ။

တော်လှန်ရေး ၅ နှစ်တာကာလမှာ PDF တွေအမှောင်ဝင်တယ်ဆိုတာ လိမ်ခေါ်တာ၊မိသားစုကနေတဆင့်ခြိမ်းခြောက်ခြင်းတယဖြားယောင်သွေးဆောင်ခေါ်ယူတာကြောင့်သာ မလည်မဝယ်ရဲဘော်အချို့အမှောင်ဝင်တယ်ဆိုပြီးပြည်သူလူထုကိုဝါဒဖြန့်ချီနေတာဖြစ်တယ်။

ရန်သူ့ရဲ့ထောက်လှမ်းရေးတွေဟာ PDF တပ်တွေထဲ
ဝင်ရောက်ပြီးသွေးခွဲတာတွေတော်လှန်ရေးကိုစိတ်ပျက်အောင်လုပ်တာတွေအမှောင်ဝင်ဖို့(မိသားစုဆီပြန်ဖို့)စည်းရုံးတာတွေ၊တပ်ကနေထွက်ပြေးဖို့
စည်းရုံးတာတွေတချိန်လုံးလုပ်ဆောင်နေတာပါ။

MDY-PDF ဆိုတာ PDF တပ်မတော်တွေထဲမှာ
အကြမ်းဖက်စစ်တပ်ကိုဖြိုခွဲနိုင်တဲ့စွမ်းဆောင်ရည်
အပြည့်အဝရှိတယ်ဆိုတာရန်သူဟာကောင်းကောင်းသိပါတယ်။

ပထဝီအနေအထားအရလည်း မန္တလေးတိုင်းနဲ့စစ်ကိုင်းတိုင်းဟာကျားဖြန့်စစ်အစိုးရအတွက်
အရေးကြီးဆုံးဖြစ်သလိုဂုဏ်သိက္ခာလည်းဖြစ်တယ်။တနည်းအားဖြင့် အကြမ်းဖက်စစ်တပ်ရဲ့နယ်မြေနဲ့အနီးစပ်ဆုံးဟာမန္တလေးတိုင်းနဲ့စစ်ကိုင်းတိုင်းဖြစ်တာကြောင့်အခြားတော်လှန်ရေးတပ်တွေထပ် MDY-PDF ကိုပိုပြီးပစ်မှတ်ထားတာပါ။ တခြားတော်လှန်ရေးတပ်တွေဘယ်လောက်အားကောင်းကောင်းအကြမ်းဖက်စစ်တပ်ရဲ့လုံခြုံရေးနဲ့ဂုဏ်သိက္ခာကိုမကျိုးပေါက်ပါဘူး။

AA,KIA,KNLA,TNLA စတဲ့တော်လှန်ရေးတပ်တွေဘယ်လောက်အင်အားကောင်းကောင်းဘယ်လောက်စစ်ရှုံးရှုံးအကြမ်းဖက်စစ်တပ်အတွက်
ဂုဏ်သိက္ခာဆုံးရှုံးတာကလွဲလို့သူတို့အတွက်
လုံခြုံရေးစည်းမကျိုးပေါက်ပါဘူး။

ဒါကြောင့် စစ်ကိုင်းတော်လှန်ရေးတပ်‌တွေ
အတွင်းမှာရှိနေတဲ့အကြမ်းဖက်စစ်တပ်စေခိုင်းခံထားရသူတွေနဲ့ MDY-PDF အတွင်းမှာရှိနေတဲ့
အကြမ်းဖက်စစ်တပ်ကစေခိုင်းခြင်းခံထားရသူတွေအနေနဲ့ကိုယ့်အပြစ်ကိုဝန်ခံပြီးပြည်သူတွေကို
ကျေးဇူးဆပ်ပါ။တိုင်းပြည်ကိုကယ်တင်ပါ။

ဒီလိုမှမဟုတ်ပဲမင်းတို့ဒီအတိုင်းအကြမ်းဖက်စစ်တပ်ခိုင်းတာဆက်လုပ်နေမယ်ဆိုရင်မင်းတို့ဟာအကြမ်းဖက်စစ်တပ်ဘက်ကိုရောက်ရင်လည်း
အကျဉ်းသားဖြစ်ပြီးရက်စက်စွာစစ်ကြောရေးလုပ်ခံရပြီးအကြမ်းဖက်စစ်တပ်ရဲ့စခ‌ဘဝကိုသာပိုင်ဆိုင်
ရမှာဖြစ်တယ်။ တော်လှန်ရေးဘက်မှာလည်းဂုဏ်သိက္ခာမဲ့စွာဆွေစဉ်မျိုးဆက်မျက်နှာငယ်
နေရမှာဖြစ်ကြောင်းအသိပေးလိုတယ်။

(ရုပ်သံ - MDY - PDF မှအကြမ်းဖက်စစ်တပ်ကကနေကျားဖြန့်လုပ်၍ခေါ်ဆောင်ခံရပြီးပြန်လည်ဖမ်းဆီးခနိုင်ခဲ့သူ PDF တစ်ဦး၏ထွက်ဆိုချက်ဖြစ်သည်)

#မန္တလေးတော်လှန်ရေးနဲ့ကာကွယ်ရေးအဖွဲ့

မိဘပြည်သူများနှင့်တော်လှန်ရေးအင်အားစုများစီးပွား‌ရေးနှင့်နိုင်ငံရေးကျားဖြန့်အန္တရာယ်ကာကွယ်ရေးဆိုင်ရာအကြံပြုချက်များ🚨🚨🚨🚨🚨...
07/04/2026

မိဘပြည်သူများနှင့်တော်လှန်ရေးအင်အားစုများစီးပွား‌ရေးနှင့်နိုင်ငံရေးကျားဖြန့်အန္တရာယ်ကာကွယ်ရေးဆိုင်ရာအကြံပြုချက်များ
🚨🚨🚨🚨🚨🚨🚨🚨🚨🚨🚨🚨🚨🚨🚨

၁။ စီးပွားရေးနှင့်နိုင်ငံရေးကျားဖြန့်များသည်မှာမိမိရှေ့တွင်မြင်တွေ့ရသောအရာအားလုံးဖြစ်နိုင်သည်ဟုရှု့မြင်ရန်။

၂။ မိမိတို့အသုံးပြုနေသည့်လူမှုကွန်ရက်အကောင့်နှင့်ချန်နယ်အမည်တုများရှိမရှိနေ့စဉ်ရှာဖွေစောင့်ကြည့်ရှာဖွေစစ်ဆေးရန်။

၃။ မိမိတို့တပ်ရင်း၊တပ်ဖွဲ့၌လူမှုကွန်ရက်စောင့်ကြည့်ရေးတာဝန်ခံ(သို့)အဖွဲ့တစ်ခုသီးသန့်ထားရှိရန်။

၄။ မိမိတို့အသုံးပြုနေသည့်လူမှုကွန်ရက်အကောင့်များတွင်ကျားဖြန့်အကောင့်များရှိမရှိသေချာစစ်ဆေးပြီးကျားဖြန့်ဟုယူဆပါကမှတ်တမ်းတင်၍ပိတ်ပင်ရန်နှင့်မိမိအကောင့်တွင်ရန်သူအကောင့်များရှိမရှိစစ်ဆေးရန်။

၅။ လူမှုကွန်ရက်မှရင်းနှီးသူ(သို့)ပြောဆိုဆက်ဆံဖူးသူများအားပြန်လည်စစ်ဆေးရန်။

၆။ ဝယ်ယူရေးနှင့်ဝန်ဆောင်မှုရယူရေးလုပ်ငန်းများကိုလူမှုကွန်ရက်မှဝယ်ယူခြင်း၊ရယူခြင်းတို့အားတတ်နိုင်သမျှရှောင်ရှားရန်နှင့်မဖြစ်မနေဝယ်ယူရမည်(သို့)ဝန်ဆောင်မှုရယူရမည်ဆိုပါက Video Call တောင်းဆိုခြင်းနှင့်အခြားသောအချက်အလက်များအားသေချာစိစစ်ပြီးမှဝယ်ယူရန်။
မှတ်ချက်။ ။ Video Call ငြင်းဆန်ပါက ၉၅% ကျားဖြန့်ဖြစ်ပါကြောင်း။

၇။ မိမိထံသို့လူမှုကွန်ရက်မှလူမှုရေး၊ပညာရေး၊ကျန်းမာရေး၊နိုင်ငံရေးနှင့်အခြားမည်သည့်ခေါင်းစဉ်အမျိုးမျိုးဖြင့်လာရောက်အလှုခံခြင်း၊အကူညီတောင်းခံခြင်းပြုလုပ်သူအကောင့်များနှင့်ချန်နယ်များကို Video Call တောင်းဆို၍လိုအပ်မည်ထင်သောမေးခွန်းများနှင့်အချက်အလက်များအားတောင်းခံစစ်ဆေးပြီးမှသာကူညီကြရန်။

၈။ လူမှုကွန်ရက်မှဗေဒင်အကြားအမြင်၊ချဲဂဏန်း၊အလုပ်အကိုင်နှင့်အခြားမည်သည့်ဝန်ဆောင်မှုမဆိုအထူးစုံစမ်းစစ်ဆေးပြီးမှရယူကြရန်နှင့်မည်သည့်အရာကိုမျှအလွယ်တကူယုံကြည်ခြင်းမပြုကြရန်။

၉။ လူမှုကွန်ရက်မှထောက်ပံ့ကြေး၊ဆုလက်ဆောင်၊
ကံစမ်းမဲ၊ချေးငွေနှင့်အခြားမည်သည့်ခေါင်းစဉ်အမျိုးမျိုးဖြင့်ပေးအပ်သောအစီအစဉ်များကိုအလွယ်တကူမယုံကြည်ရန်နှင့်မဖြစ်မနေအစီအစဉ်တခုခုကိုရယူမည်ဆိုပါက Video Call တောင်းဆို၍မေးမြန်စုံစမ်းပြီးသေချာစစ်ဆေးပြီးမှသာရယူကြရန်။

၁၀။ လူမှုကွန်ရက်မှတွေ့ရှိခြင်း(သို့)ပေးပို့လာသော Link များ၊ Website များကိုမဆင်မခြင်ဝင်ရောက်ကြည့်ရှု့ခြင်းမပြုရန်။

၁၁။ ဆိုက်ဘာအသုံးပြုစီးပွားရေးနှင့်နိုင်ငံကျားဖြန့်များ၏လိမ်လည်ခံရဖူးပါကအောက်ဖော်ပြပါ အီးမေးလ်သို့ ကျားဖြန့်အကောင့်(သို့)ချန်နယ်မှတ်တမ်းနှင့်ငွေလွှဲအကောင့်များ၊အလိမ်ခံရသည့်ဖြစ်စဉ်တို့ကိုပေးပို့ရန်။

၁၂။ ဆိုက်ဘာအသုံးပြုစီးပွားရေးနှင့်နိုင်ငံရေးကျားဖြန့်ဟုယူဆပါကအောက်ဖော်ပြဆိုက်ဘာရဲတပ်ဖွဲ့၏အီးမေးလ်လိပ်စာသို့ပေးပို့ရန်။

ဆိုက်ဘာရဲတပ်ဖွဲ့အီးမေးလ် - [email protected]

နွားထိုးကြီး PDF မှ ကိုစိုးအောင်ကို စစ်တပ်နဲ့ ပူးပေါင်းဖို့ လပခ က အရာရှိကြီးတွေ လာမြူဆွယ်တာတွေရှိ🟥နွားထိုးကြီးPDFမှ စကစ ...
24/03/2026

နွားထိုးကြီး PDF မှ ကိုစိုးအောင်ကို စစ်တပ်နဲ့ ပူးပေါင်းဖို့ လပခ က အရာရှိကြီးတွေ လာမြူဆွယ်တာတွေရှိ

🟥နွားထိုးကြီးPDFမှ စကစ ဆီသွားအညံ့ခံတဲ့တပ်ဖွဲ့ဝင်ဟောင်းအများစုဟာ မိသားစုနဲ့ပင် အဆက်အသွယ်မရဘဲ သတင်းပျောက်နေ

BBM-မတ်၂၁
သတင်း-မင်းသော်

နွားထိုးကြီး PDF တပ်ဖွဲ့မှ ကိုစိုးအောင်ကိုလည်း စစ်ကောင်စီဘက်က ၎င်းတို့နဲ့ လာပူးပေါင်းရန်အတွက် အလယ်ပိုင်းတိုင်းစစ်ဌာနချုပ်အတွင်းက အရာရှိကြီးအဆင့်ရှိသူတွေကိုယ်တိုင် လာမြူဆွယ်မှုတွေ ရှိခဲ့တယ်လို့ သိရပါတယ်။

နွားထိုးကြီး PDF တပ်ဖွဲ့ခေါင်းဆောင် ကိုစိုးအောင်နဲ့ CDM ဗိုလ်ကြီးထက်မြတ်တို့ ပြုလုပ်တဲ့ စကားဝိုင်းအတွင်း စစ်ကောင်စီဘက်က ၎င်းတို့ဆီ တော်လှန်ရေးအင်အားစုတွေ လက်နက်ချကြောင်း ဝါဒဖြန့်နေတာနဲ့ပတ်သတ်ပြီး မေးမြန်းရာမှာ ကိုစိုးအောင်က အထက်ပါအတိုင်း ထည့်သွင်းဖြေကြားခဲ့ခြင်းဖြစ်ပါတယ်။

ပြီးခဲ့တဲ့ တစ်ပတ်ကျော် နှစ်ပတ်အတွင်းကပင် စစ်ကောင်စီရဲ့ အလယ်ပိုင်းတိုင်းစစ်ဌာနချုပ်က ကိုစိုးအောင်ကို တရုတ်ကမြန်မာနိုင်ငံကို ချယ်လှယ်နေတာတွေ၊ တိုင်းရင်းသားတွေက ဗမာလူမျိုးတွေကို အနိုင်ကျင့်နေတာတွေ ပြောဆိုပြီး ၎င်းတို့နဲ့လာပူးပေါင်းရန် စည်းရုံးပြောဆိုခဲ့တယ်လို့ သိရပါတယ်။

ဒါတင်မက ပြည်သူလူထုကို ကာကွယ်စောင့်ရှောက်ခြင်ပါက ၎င်းတို့လက်အောက်မှတဆင့် ပြည်သူ့စစ်အဖြစ် လုပ်ကိုင်နိုင်ပြီး ကာကွယ်စောင့်ရှောက်လို့ရကြောင်းကိုလည်း မက်လုံးပေးကာမြူဆွယ်ကြောင်း နွားထိုးကြီး PDF မှ ကိုစိုးအောင်က ပြောပါတယ်။

"ပြီးခဲ့တဲ့ ၂ပတ်၃ပတ်လောက်က ကျွန်တော့်ဆီကိုလည်း အလင်းဝင်ဖို့ဆက်သွယ်လာတာပေါ့၊ ကျွန်တော့်ကိုအလင်းဝင်ဖို့ သူ့ရာထူးကလည်း ကြီးကြီးဖြစ်မယ်ထင်တယ်ဗျ၊ လပခ ကတဲ့ သူက ကျွန်တော့်ကို မိတ်ဆက်တယ်ဗျ၊ သူကျွန်တော့်ကိုပြောတယ်ပေါ့၊ သူ့အနေနဲ့ ခုဆိုရင် တရုတ်က ချယ်လှယ်လာတာတို့ ဘယ်တိုင်းရင်းသားတွေက ငါတို့ဗမာလူမျိုးဆို ဘယ်လိုနှိပ်ကွပ်တာတို့၊ သူ့အနေနဲ့ ဗမာ့တပ်မတော်က ဘာတွေလုပ်မယ်ပေါ့၊ ငါတို့ညီကိုတွေ ဘယ်လိုတွေလုပ်ကြမယ်ပေါ့၊ ကျွန်တော့်ကိုတော့ နယ်မြေခံပြည်သူ့စစ်အနေနဲ့ တာဝန်ပြန်ထမ်းဆောင်ဖို့ မြူဆွယ်တာ၊ ဖြစ်လာတဲ့ဟာတွေဘာတွေပေးမယ်ပေါ့၊ ကျွန်တော့်ပြည်သူလူထုနဲ့ ကျွန်တော့်ကို မြူဆွယ်တာ"

ဒီလို စစ်ကောင်စီဘက်က မြူဆွယ်တာနဲ့ပတ်သတ်ပြီး ကိုစိုးအောင်အနေနဲ့ လက်မခံဘဲ စစ်တပ်က ကျူးလွန်သမျှ ပြစ်မှု၊ ပြစ်ဒဏ်တွေနဲ့ပတ်သတ်ပြီး မှတ်တမ်းတွေရှိကြောင်းနဲ့ တော်လှန်ရေးအစိုးရရဲ့ ညွှန်ကြားချက်အတိုင်း ဆောင်ရွက်နေကြောင်းတို့ကို ပြောဆိုခဲ့တယ်လို့သိရပါတယ်။

ဒါပေမဲ့ အခြားတစ်ဖက်မှာတော့ စစ်ကောင်စီရဲ့မြူဆွယ်မှုတွေနဲ့ အကြောင်းအမျိုးမျိုးကြောင့် နွားထိုးကြီးPDF မှ တဆင့် စစ်တပ်ထံ ဘက်ပြောင်းခိုလှုံသွားသူတွေ ၁၀ဦးခန့်ရှိတယ်လို့လည်း ၎င်းကဆိုပါတယ်။

ဒီလိုဘက်ပြောင်းခိုလှုံသွားသူအများစုဟာ အစောပိုင်းကာလတွေအတွင်း စစ်တပ်ရဲ့ခိုင်းစေမှုဖြင့် ကျန် တော်လှန်ရေးရဲဘော်တွေကို လာရောက်စည်းရုံးတာတွေရှိပေမဲ့နောက်ပိုင်းမှာ ၎င်းတို့ကိုယ်တိုင် စစ်မှုပြန်ထမ်းနေရတာတွေသာမက မိသားစုနဲ့ပင်အဆက်အသွယ်မရဘဲ အစအနပျောက်နေတာတွေ ရှိတယ်လို့ ကိုစိုးအောင်ကပြောပါတယ်။

" အလင်းဝင်သွားတဲ့ထဲမှာ ကျွန်တော်တို့နဲ့ ပြန်အဆက်အသွယ်ရတဲ့ရဲဘော်တွေရှိတယ်၊ သူတို့ စဆက်သွယ်တာကြတော့ သူတို့ဘယ်လိုနေရတယ်၊ဘယ်လိုထိုင်ရတယ်၊ ဘယ်လိုစားသောက်ရတယ်၊အဲ့လိုမျိုး ကျွန်တော်တို့ ဒီဘက်က ရဲဘော်တွေကို မြူဆွယ်တဲ့ စကားတွေပေါ့နော် နောက်ကနေ ဘေးကနေ ထိုင်ပြီးတော့ တွန်းအားပေးတဲ့ ပုံစံမျိုးနဲ့ပြောခိုင်းတာတွေရှိတယ်၊ နောက်ရက်၊ တစ်ပတ်လောက်နေပြီး ပြန်အဆက်အသွယ်ရတော့ နေရတာ အဆင်မပြေတော့ဘူး၊ အကျယ်ချုပ်နဲ့ထားတယ်၊ စစ်မှုပြန်ထမ်းခိုင်းနေတယ်၊ အဲ့လိုမျိုးအခြေအနေတွေနဲ့တောက်လျှောက်ပြန်ကြားနေတာရှိတယ်၊ တချို့ဆို အခုချိန်ထိ စစ်ကောင်စီဆီခိုလှုံပြီး မိသားစုနဲ့အဆက်အသွယ်မရတော့တာတွေရှိတယ်"

စစ်ကောင်စီအနေနဲ့ အခုနောက်ပိုင်း တော်လှန်ရေးအင်အားစုတွေ ပြိုကွဲဖို့အတွက် စစ်ရေးနည်းလမ်းသာမကဘဲ နည်းမျိုးစုံနဲ့ မြူဆွယ်သိမ်းသွင်းတာတွေကိုပါ ပြုလုပ်နေတာကြောင့် မြေပြင်ရဲဘော်တွေအနေနဲ့ သတိပြုကြရန် တော်လှန်ရေးအင်အားစုတွေဘက်က ထောက်ပြအကြံပြုမှုတွေ ရှိနေပါတယ်။

Photo-ပုံဟောင်း

အရှက်မရှိတဲ့ တပ်မတော် အဖွဲ့အစည်းဖြစ်နေပြီလားဟု ကျော်မျိုးမင်း သုံးသပ်ဘာကြောင့်ပြည်သူတွေက စစ်မှုမထမ်းချင်ကြတာလဲ ဆိုတဲ့ပြဿ...
20/03/2026

အရှက်မရှိတဲ့ တပ်မတော် အဖွဲ့အစည်းဖြစ်နေပြီလားဟု ကျော်မျိုးမင်း သုံးသပ်

ဘာကြောင့်ပြည်သူတွေက စစ်မှုမထမ်းချင်ကြတာလဲ ဆိုတဲ့ပြဿနာကို အဖြေရှာသင့်နေပြီ။ တိုင်းပြည်ကာကွယ်ဖို့ အတွက် လား ဒါမှမဟုတ် လူတစ်စုကိုယ်ကျိုးစီးပွါးကာကွယ်ဖို့ အတွက်လား။

ဒီလိုခေတ်ကြီးမှာ စစ်မှုထမ်း ပေါ်တာဆွဲဆိုတာမျိုးက နိုင်ငံတော်အနေနဲ့ စောက်ဖို့ အရမ်းကောင်းပါတယ်။ ဓါးမြအဖွဲ့အစည်းတွေတောင် အခုလို သူများသားသမီးတွေကို မဖမ်းကြပါဘူး။

အခုလည်း သူများသားသမီးတွေကို စစ်မှုထမ်းခိုင်းပြီး pdf တွေ အလင်းဝင်လာတယ်ဆိုပြီး ပွဲထုတ်ပြန်တယ်။ ကြားရတာကတော့ ဗိုလ်နဂါးအဖွဲ့ထဲက ၁၀ယောက်ကျော်တော့ ပါတယ်လို့ သိရတယ်။ ကျန်တဲ့လူတွေက ပစ တွေကို ပွဲထုတ်တာ ဆိုပြီး တစ်ရက်တောင် မခံဘဲ အလိမ်တွေ ပေါ်လာတယ်။

ဒီလိုစစ်မှုထမ်း လူငယ်တွေ လိုက်ဖမ်းနေတဲ့ချိန်မှာ အလင်းဝင်လာကြတယ် ဆိုတာကတော့ စဉ်းစားပြီးလည်း လုပ်ကြပါအုံးလို့ပဲ ပြောချင်ပါတယ်။ ကိုယ်သမ္မတ ဖြစ်ဖို့ ပြည်သူလူထု တရပ်လုံးကို ဒုက္ခပေးနေတာကတော့ သမိုင်းဆိုးပဲ ချန်ခဲ့မှာပါ။ ခွေးတိုးပေါက်ကနေ သမ္မတ လုပ်လည်း ပြည်သူတွေက မထောက်ခံရင် လွန်ခဲ့တဲ့ ၅နှစ်အတိုင်းပဲ ဆက်ဖြစ်သွားမှာပါ။ ဒီတိုင်းပြည်ကတော့ တော်တော် စိတ်ပျက်ဖို့ ကောင်းနေပြီ။


#2026လွှတ်တော်

သတင်းထုတ်ပြန်ချက်ပြည်သူ့ကာကွယ်ရေးတပ်မတော်၏ ကွပ်ကဲမှု မတ္တရာမျိုးမှန်တပ်ဖွဲ့ ခံယူ၂၀၂၆ ခုနှစ်၊ မတ်လ (၁၉) ရက်နေ့၁။ အမျိုးသာ...
20/03/2026

သတင်းထုတ်ပြန်ချက်

ပြည်သူ့ကာကွယ်ရေးတပ်မတော်၏ ကွပ်ကဲမှု မတ္တရာမျိုးမှန်တပ်ဖွဲ့ ခံယူ

၂၀၂၆ ခုနှစ်၊ မတ်လ (၁၉) ရက်နေ့

၁။ အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာနသည် လက်နက်ကိုင် တော်လှန်ရေး ဆင်နွှဲရာတွင် နိုင်ငံတဝှမ်းရှိ တော်လှန်ပြည်သူများအား စုရုံး၍လည်း‌ကောင်း၊ တော်လှန်ပြည်သူများဖြင့် စုဖွဲ့ထားသည့် ရာ၊ ထောင်ချီ‌သော ကာကွယ်ရေးအဖွဲ့မျိုးစုံကို စုစည်း၍လည်း‌ကောင်း၊ ပြည်သူ့ကာကွယ်ရေးတပ်မတော် တပ်ရင်း၊ တပ်ဖွဲ့များနှင့် ပြည်သူ့ကာကွယ်ရေးအဖွဲ့(ပကဖ) များကို ဖွဲ့စည်းထူထောင်လျက် တခုတည်းသော ကွပ်ကဲမှုယန္တရားကို ဖော်ဆောင်၍ တော်လှန်တိုက်ပွဲအား ဆင်နွှဲလျက်ရှိပါသည်။ ကွပ်ကဲမှု‌အောက် မရောက်ရှိသေးသည့် ဒေသကာကွယ်ရေးအဖွဲ့များအားလည်း ကွပ်ကဲမှု‌အောက် ရောက်ရှိရေး ဆက်လက် စည်းရုံး၍လည်း‌ကောင်း၊ ကွပ်ကဲမှုအောက်ရှိ တပ်ရင်း၊ တပ်ဖွဲ့များနှင့် စစ်ရေး ပူးပေါင်းဆောင်ရွက်နိုင်ရေး အတွက်လည်းကောင်း အစဉ်အမြဲ ကြိုဆို စည်းရုံးလျက်ရှိပါသည်။

၂။ မတ္တရာမျိုးမှန်တပ်ဖွဲ့သည် မန္တလေးတိုင်း၊ မတ္တရာအခြေပြု ဒေသကာကွယ်ရေးတပ်တခု ဖြစ်ပြီး ရှမ်းမန်း စစ်ဆင်ရေးတွင်လည်း‌ကောင်း၊ ရှမ်းမန်းစစ်ဆင်ရေးအလွန် ခုခံစစ်တွင်လည်း‌ကောင်း၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေး တပ်မတော် တပ်ရင်းတပ်ဖွဲ့များ၊ ပကဖများ နှင့်အတူ အတူတကွလက်တွဲ တိုက်ပွဲဝင်လျက်ရှိသည့် တော်လှန်ရေးအဖွဲ့အစည်း တခုဖြစ်ပါသည်။

၃။ ပြည်သူ့ကာကွယ်ရေးတပ်မတော် စစ်ရုံးချုပ်က "အထွေထွေထိုးစစ်ကို ဆင်နွှဲရာတွင် တပ်ဖွဲ့များ အကွဲကွဲအပြားပြားဖြင့် ဆောင်ရွက်၍ မဖြစ်နိုင်သောကြောင့် တခုတည်းသော ကွပ်ကဲမှု၊ တခုတည်းသော ဦးတည်ရာနှင့် စုစည်း ညီညွတ်သော အားထုတ်ကြိုးပမ်းမှုတို့ ရှိနေရန်လိုအပ်‌ကြောင်း၊ မတ္တရာမျိုးမှန်တပ်ဖွဲ့ အနေဖြင့်လည်း မတ္တရာကိုအခြေပြု၍ စစ်အာဏာရှင်စနစ်ကို လက်နက်ကိုင် တော်လှန်ဆန့်ကျင်နေသော အားကောင်းသည့် တပ်ဖွဲ့တခုအဖြစ် သိရှိထားပြီး ပြည်သူ့ကာကွယ်ရေးတပ်မတော်က တည်ဆောက်လျက်ရှိသည့် ကွပ်ကဲမှုစနစ်အတွင်းသို့ ဝင်ရောက် လုပ်ဆောင်မည်ဆိုပါက ယခုထက် ပို၍ တော်လှန်ရေးအတွက် အကျိုးပြုနိုင်မည်ဟု ယုံကြည်ကြောင်း" ဖြင့် ပြည်သူ့ကာကွယ်ရေးတပ်မတော်က တည်ဆောက်လျက်ရှိသည့် ဆင့်ကဲကွပ်ကဲမှုစနစ်အတွင်း ဝင်ရောက်၍ တပ်မတော်၏ အစိတ်အပိုင်းအဖြစ် တော်လှန်တိုက်ပွဲ ဝင်သွားရန် ဖိတ်ခေါ်ခဲ့ရာ တော်လှန်ရေးအကျိုးကျေးဇူးကို ကောင်းစွာ ရှေးရှုနိုင်ကြသည့် မတ္တရာမျိုးမှန်တပ်ဖွဲ့ ခေါင်းဆာင်များကလည်း လက်ခံသဘောတူခဲ့ကြပါသည်။

၄။ သို့ဖြစ်ပါ၍ မတ္တရာမျိုးမှန်တပ်ဖွဲ့သည် ပြည်သူ့ကာကွယ်ရေးတပ်မတော်၏ ဆင့်ကဲကွပ်ကဲမှုတွင် ပါဝင်လျက် ပြည်သူ့ကာကွယ်ရေးတပ်မတော် တပ်ရင်း၊ တပ်ဖွဲ့များအဖြစ် ကွပ်ကဲမှုခံယူ၍ တော်လှန်တိုက်ပွဲဝင်လျက်ရှိကြောင်း သတင်းထုတ်ပြန်အပ်ပါသည်။

ကာကွယ်ရေးဝန်ကြီးဌာန
အမျိုးသားညီညွတ်ရေးအစိုးရ

ที่อยู่

Ban Tak

เว็บไซต์

แจ้งเตือน

รับทราบข่าวสารและโปรโมชั่นของ Mandalay Revolution And Defense Organization - MRDOผ่านทางอีเมล์ของคุณ เราจะเก็บข้อมูลของคุณเป็นความลับ คุณสามารถกดยกเลิกการติดตามได้ตลอดเวลา

ทางลัด

แชร์