03/09/2026
*ဘုရားပွင့်ဖို့မလို*
တော်လှန်ရေးသမားသာပွင့်ဖို့လိုတယ်
သူရဲကောင်းတို့အရိုးပြာကို
လေးမြတ်သော ငါတို့အလံနဲ့ထုပ်
ရှင်သန်ဆဲ ငါတို့နှလုံးမှာ
မြုပ်နှံပြဌာန်းရင်း အမှန်တရားစီးခြင်းအတွက် ဒီတောအုပ်မှာ ပန်းတွေ တစ်ပွင့်ပြီးတစ်ပွင့် ပွင့်လျှက်.....
ဒီတိုင်းပြည်မှာ အာဏာရူးစစ်ဘီလူးတို့မြူးတူးကခုန်နေတာ စက်ဆုတ်ဖွယ်ရာအတိ လူ့အရိရွဲတို့ ထိုင်ကြည့်ကြလော့အမှန်သရဲတို့ စိတ်ရဲ့ အခက်လက်ကိုချိုင်၊ပင်စည်ကိုပိုင်း အမြစ်ကိုတူး မီးရှို့အစဖျောက်ကြလော့..
တော်လှန်ရေးဟာ စကားလုံးခြင်း လိင်ဆက်ဆံအာသာဖြေနေရမျိုးတာမဟုတ်ဖူး အသွေးအသားထဲကရုန်းထကြွကန်လာတဲ့ တောက်မြူးလက်ထ ဓါးတစ်လက်ပဲ...
အရိုးကဓါးသွား
အသားကဓါးအိမ်
သွေးကြောကဓါးရိုး
ငါတို့စိတ်နဲ့ပန်းပဲတည်
ငါတို့ခန္တာနဲ့ ဓါးထုဆစ်လိုက်ပါပီ
အရေးအကြောင်းဆို
ငါတို့ကဓါးကောင်းတစ်လက်ဖြစ်ရမယ်
ပြည်ပျက်ကြီးထဲက ထွက်ပြေးသောသူရဲဘောတို့ နားဆင်လော့..
မင်းတို့ မချစ်လို့ ပစ်ခွါပြေးတဲ့ ဌာနီချက်မြုပ်ကို သွေးကြောင်နောက်ဆုတ်ခဲ့လည်း အပစ်မပြောလို
ကျန်ရစ်သူငါတို့ဟာ အာဏာနစ်မြုပ်
ဖုံးအုပ်နေတဲ့ ငါတို့တိုင်းပြည်ကို ဆွဲထူယက်ဖေါ် ဖို့ တော်လှန်ရေးစိတ်မောက်မာခဲ့တယ် ..
ဒီတိုင်းပြည်မှာ ဘုရားပွင့်တာမလိုဘူး တော်လှန်ရေးသမားသာပွင့်ဖို့လိုတယ်
သေခြင်းမကင်းတဲ့အသက်တွေပဲ ကြောက်စိတ်ကိုသယ်နေရတာလေးတယ် ..
ဟောကြည့်
ရဲဘော်တစ်ယောက် ရဟတ်ယာဉ်ရဲ့လက်နက်ကြောင့် ကျဆုံးသွားပြီ။
ဘယ်သူတွေဘာသိလိုက်လဲ။
နောက်တစ်ယောက်
လက်လုပ်သေနတ်တွေစမ်းရင်း
ကိုယ့်အသက်ကို စတေးလိုက်ရပြန်ပီ ဘယ်သူတွေဘာမှမသိပြန်ဘူး...
နောက်တစ်သုတ်
စစ်ကြောင်းတားခံပစ်ရင်း..
ကျဆုံးသွားသောရဲဘော်များရယ်
အဖမ်းခံရတဲ့ရဲဘော်ကိုခြေလက်ဖြတ်တောက်ညှဉ်းဆဲလိင်အင်္ဂါလှီးဖြတ် နှိပ်စက်သတ်ခဲ့ ဘယ်သူတွေဘာမှ
မသိလိုက်ပြန်ဘူး..
နောက်တစ်ကျော့
ငါတို့ရဲဘော် အရှင်မိသူမိ၊ အသေရသူရချိန် ခေါင်းဟတ်တက် ရိုက်ခွဲ ခြေထောက်တွေ မွစာကြေအောင်ခြေပစ်ခဲ့ ဘယ်သူတွေဘာမှမသိဘူး
ခေါက်ချိုးအားကိုး စစ်ပွဲတိုးခဲ့တဲ့
မပေါ်လွင်မထင်ရှား #ကျားသစ်နက် သူရဲကောင်းများဟာ ဆီဦးထောပတ်စား လိုင်းပေါ်လေတိုက် အလကားအမှိုက်တွေ မဟုတ်ဖူး..
သူတို့ဟာ
ဓါးကောင်းတစ်လက်အနေနဲ့
မြင့်မြတ်စွာလဲကျသွားသူတွေပဲ
ကားဘီးတာယာ ဆိုင်ကဘီးတာယာ ခင်းပြီး ထင်းအုံဒီဇယ် လောင်းထားတဲ့အပေါ် သူရဲကောင်းရုပ်ကလပ်တွေကို တင်လိုက်ပါပီ
ဒီစစ်ကြောင်းထဲ
ကိုယ့်သား အလောင်းကို ဖက်ငိုခွင့်မရလိုက်တဲ့မိဘများ၊ နီးရာဘုရားမှာသာ ဆွမ်းကပ်အမျှဝေလိုက်ပါတော့
အမိန့်ပြန်တမ်းစပြီ
သေနတ်ဖေါက်သံဟိန်းထလာပြီ
အလေးပြုသံကြားမှာ အံကြိတ်မျက်ရည်များ တသွင်သွင်
ရဲဘော်တို့
ရှင်နေတုန်းက ကောင်းကောင်းမနေခဲ့ရ ၊ကောင်းကောင်းမစားခဲ့ရ၊ ကောင်းကောင်းမနားခဲ့ရ ။
ငါမြင်၊ငါသိ၊ငါကြားခဲ့ရလို့ ငါကိုယ်တိုင်ရင်နာ၊ ငါကိုယ်တိုင်ငိုကြွေး
အမျှပေးဝေလိုက်ပါတယ်
ငါပြုသမျှကုသိုလ်မျှယူပါ ...
နောက်ဘဝသင့်မှာ
စိတ်ဆင်းရဲ
ကိုယ်ဆင်းရဲ
အနေဆင်းရဲ
အစားဆင်းရဲရတဲ့ ဘဝခန္တာကိုယ်ကို
မပိုင်ရပါစေနဲ့
စိတ်ချ
မင်းတို့ #ကျားသစ်နက်က
တစ်ဗိုလ်ကျ တစ်ဗိုလ်တက်
တစ်ပွင့်ကြွေ တစ်ခိုင်လုံးဝေ ဆိုတဲ့
စကားအတိုင်း တော်လှန်ရေးမို့ ရဲရဲစွေနေအုံးမယ်ဆိုတာ ငါယုံကြည်လျှက်ပါ ရဲဘော်တို့
နိုင်ငံတော်ကြီး
ကောင်းရာသုဂတိလားပါစေ...
#ဆရာသရက်သီးရေနံချောင်း
ဂုဏ်ပြုရေးသားသည်
