https://www.facebook.com/105435688300788/

Eis ANE,I.P., Dili (2026)

30/08/2023

𝐄𝐍𝐉𝐈Ñ𝐄𝐈𝐑𝐔 𝐀𝐍𝐄,𝐈.𝐏. 𝐍𝐀𝐈𝐍 𝟑 𝐃𝐄𝐒𝐋𝐎𝐊𝐀 𝐁𝐀 𝐍𝐎𝐕𝐀 𝐙𝐄𝐋𝐀𝐍𝐃𝐈𝐀 𝐇𝐎𝐃𝐈 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐀𝐒𝐄𝐀𝐍 𝐑𝐄𝐍𝐄𝐖𝐀𝐁𝐋𝐄 𝐄𝐍𝐄𝐑𝐆𝐘 𝐒𝐇𝐎𝐑𝐓 𝐓𝐄𝐑𝐌 𝐓𝐑𝐀𝐈𝐍𝐈𝐍𝐆 𝐒𝐂𝐇𝐎𝐋𝐀𝐑𝐒𝐇𝐈𝐏𝐒

Dili, 30.08.23

Autoridade Nacional Para a Electricidade, Instituto Publico (ANE,I.P.) reprezenta Ministerio das Obras Publicas no Secretario Estado Electricidade, Agua no Saneamento delega enjiñeiru nain 3 hodi partisipa iha ASEAN SHORT TERM TRAINING kona-ba enerjia renovável.

Treinamentu ida ne'e sei halao iha Nova Zelandia hahu loron 4 to'o 29 Setembru 2023 ho tópiku kona-ba "Renewable Energy Project Management" no partisipa husi Eng. Julio Ricardo S. da Cruz, M.T, Eng. Jose Manuel Soares de Araujo, M. Eng no Enga. Ester de Assuncao Belo.

Ho treinamentu no formasaun refere sei hasae liu tan kapasidade no konesementu konaba vantajen no dezafiu husi sistema enerjia renovável nian hanesan energy economics, grid-connection, no project management techniques.

𝘔é𝘥𝘪𝘢 𝘈𝘕𝘌, 𝘐.𝘗.

30/08/2023

𝐄𝐍𝐊𝐎𝐍𝐓𝐑𝐔 𝐈𝐊𝐔𝐒 𝐒𝐄𝐌𝐀𝐍𝐀𝐋 𝐇𝐀𝐌𝐔𝐓𝐔𝐊 𝐔𝐍-𝐄𝐒𝐂𝐀𝐏 𝐊𝐎𝐍𝐀-𝐁𝐀 𝐒𝐃𝐆𝟕 𝐄𝐍𝐄𝐑𝐆𝐘 𝐑𝐎𝐀𝐃𝐌𝐀𝐏 𝐅𝐎𝐑 𝐓𝐈𝐌𝐎𝐑-𝐋𝐄𝐒𝐓𝐄 𝐕𝐈𝐀-𝐎𝐍𝐋𝐈𝐍𝐄

Dili, 29.08.23

Prezidente/D.E Dr. Eng. Ruben Jerónimo Freitas hamutuk ho Local Consultant Eng. José Maria Xavier, M.Eng halao reuniaun via-online ho reprezentante UN-ESCAP Dr. Anis Zaman, realasiona ho preparasaun ba matadalan Tranzisaun Enerjétika liu husi utilizasaun NEXTSTEP (National Expert SDG tool for Energy Planning) ba ODS 7 iha Timor-Leste .

Reuniaun ida ne’e hanesan reuniaun semanal ne’ebe halao durante fula Jullu-Agostu nudar kontinuasaun husi workshop dahuluk ne’ebe realiza ona liu-husi servisu hamutuk entre ANE, I.P. ho UN-ESCAP iha loron 13 fulan Juñu, 2023 liubá. Objetivu husi enkontru ida ne’e hodi hare fila fali no finaliza elaborasaun dadus ne’ebe iha ona nune’e bele sai hanesan matadalan ba tarjetu Objetivu Dezenvolvimentu Sustentavel 7 ba 2030 ne’ebe koalia kona-ba afordavel nomos Enerjia mo’os nian iha Timor-Leste.

𝘔é𝘥𝘪𝘢 𝘈𝘕𝘌, 𝘐.𝘗.

30/08/2023

𝐋𝐄𝐍𝐒𝐀 𝐅𝐎𝐓𝐎𝐆𝐑𝐀𝐅𝐈𝐀

Bazeia ba Dekretu Lei No.46/2023, de 28 de Julho, Organica do IX Governo Constituicional partikularmente iha alíne c) no. 2 artigo 40 kona-ba extinsaun Autoridade Nacional para a Eletricidade Instituto Público (ANE, I.P.); traballador ANE, I.P. realiza sorumutuk ba dala ikus lideradu husi Prezidente/D.E ANE, I.P. Dr. Eng. Ruben Jerónimo Freitas hodi koalia kona-ba direitu no mos obrigasaun husi profisionais sira haktuir iha despaixu husi Secretária Estadu ba Eletrisidade Bee no Saneamentu (SEEASS) kona-ba Prosedimentu Tranzisaun iha Sekuensia Extinsaun ANE, I.P., iha loron sexta 25 Agostu, 2023 liubá.

Hafoin sorumutuk refere traballador ANE, I.P. hamutuk ho Konsellu Administrasaun sira hasai fotografia hamutuk.

𝘔é𝘥𝘪𝘢 𝘈𝘕𝘌, 𝘐.𝘗.

20/07/2023

𝐄𝐊𝐈𝐏𝐀 𝐀𝐍𝐄, 𝐈.𝐏. 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐎𝐍-𝐋𝐈𝐍𝐄 𝐖𝐎𝐑𝐊𝐒𝐇𝐎𝐏 𝐊𝐎𝐍𝐀-𝐁𝐀 𝐏𝐕 𝐏𝐎𝐖𝐄𝐑 𝐏𝐋𝐀𝐍𝐓 𝐏𝐄𝐑𝐅𝐎𝐑𝐌𝐀𝐍𝐂𝐄

Dili, 20.07.23

Ekipa Autoridade Nasional Para a Eletricidade Instituto Público (ANE,I.P.) lideradu husi Diretór Ezekutivu Dr. Eng. Ruben Jerónimo Freitas, partisipa iha Workshop on-line ne'ebe foka ba PV Power Plants Performance, husi International Electrotechnical Commission (IEC) ACA-IECRE.

Pontus importante husi workshop nee maka:

- IECRE PV Certificate
- Impontansia husi conformity assessment ba planta PV maka atu asegura no garante sustentabilidade ba projetu PV
- Ekipamentu elétriku hanesan módulo PV, Inverter sei halo asesmentu conformidade husi IECEE
- Ekipamentu non elétriku hanesan tracker no dezeñu ba planta PV, instalasaun sei halo asesmentu konformidade husi IECRE.

Online workshop refere dirije direitamente husi Sr. Dan Sullivan hanesan Deputy Secretary of IECEE & IECRE.

𝘔é𝘥𝘪𝘢 𝘈𝘕𝘌, 𝘐.𝘗.

17/07/2023

𝐏𝐑𝐄𝐙𝐈𝐃𝐄𝐍𝐓𝐄 𝐀𝐍𝐄, 𝐈.𝐏. 𝐀𝐏𝐑𝐄𝐙𝐄𝐍𝐓𝐀 𝐄𝐙𝐄𝐊𝐔𝐒𝐀𝐔𝐍 𝐎𝐉𝐄 𝟐𝟎𝟐𝟑 𝐓𝐑𝐈𝐌𝐄𝐒𝐓𝐑𝐀𝐋 𝐈 𝐍𝐎 𝐈𝐈 𝐈𝐇𝐀 𝐌𝐎𝐏

Dili, 16.07.23

Prezidente ANE, I.P. Dr. Eng. Ruben Jerónimo Freitas akompaña husi diretóres divizaun, ofisial finansa no ofisila planu no orsamentu partisipa iha sesaun aprezentasaun kona-ba relatóriu ezekusaun Trimestral I no II Orsamentu Jerál Estadu 2023 nian no mos diskusaun Orsamentu Kada Programa Ratifikativu 2023, iha sala reuniaun MOP Kaikoli, Dili.

Sorumutu ida ne’e prezide direita husi S.E Ministru Obras Públika Dr. Samuel Marçal no partisipa husi Vise Ministru MOP Sr. Júlio do Carmo, Sekretáriu Estadu ba Eletrisidade Bee no Saneamentu Sr. Santos Noronho, Diretór Jeral-Nasional MOP no Prezidente Ajensia Autónomas sira ne’ebe tutela ba MOP inklui ANE, I.P. rasik.

Iha okaziaun ida ne’e Prezidente ANE, I.P relata ba membru governu hirak ne’e, informasaun jerál kona-ba ANE, I.P., orsamentu no pregresu ezekusaun trimestral dahuluk no daruak OJE 2023 no mos atividade sira ne’ebe halao hela, inklui ninia dezafiu no rekomendasaun balu.

Entretantu ANE, I.P. rasik laiha pedidu ba orsamentu ratifikativu iha tinan ida ne'e wainhira diskute ba kada programa iha orsamentu ratifikativu 2023 nian.

𝘔é𝘥𝘪𝘢 𝘈𝘕𝘌, 𝘐.𝘗.

11/07/2023

𝐄𝐊𝐈𝐏𝐀 𝐅𝐈𝐒𝐊𝐀𝐋𝐈𝐙𝐀𝐃𝐎𝐑 𝐇𝐔𝐒𝐈 𝐃𝐈𝐕𝐈𝐙𝐀𝐔𝐍 𝐏𝐃𝐏𝐄 𝐀𝐍𝐄, 𝐈.𝐏 𝐊𝐎𝐍𝐓𝐈𝐍𝐔𝐀 𝐑𝐄𝐀𝐋𝐈𝐙𝐀 𝐀𝐓𝐈𝐕𝐈𝐃𝐀𝐃𝐄 𝐅𝐈𝐒𝐊𝐀𝐋𝐈𝐙𝐀𝐒𝐀𝐔𝐍 𝐈𝐇𝐀 𝐌𝐔𝐍𝐈𝐒𝐈𝐏𝐈𝐔 𝐋𝐈𝐊𝐈𝐒𝐀 𝐍𝐎 𝐁𝐎𝐁𝐎𝐍𝐀𝐑𝐔

Iha loron 04 - 07 fulan Jullu 2023 ekipa fiskalizador kontinua realiza atividade fiskalizasaun kona – ba aplikasaun tarifa no mos observa atividade ligasaun foun monofáziku, montajen kontador prepagu no ligasaun foun ezistente iha munisipiu Likisa no Bobonaru.

Objetivu husi atividade fiskalizasaun ida ne’e mak hanesan halo asesmentu konformidade no observasaun direita ba implementasaun sistema tarifariu liu-liu ba iha rejistrasaun ligasaun foun (Monofáziku no Trifáziku) no tarifa aplikavel sira ba kada kategoria konsumidor bazeia ba Resolução Governo No. 33/2010 de 28 de Junho Revisaun Tarifáriu ba Fornesimentu Enerjia Elétrika, Decreto-Lei No. 33/2016 De 17 de Agosto Regulamentu ba Licenciamentu Enerjia Elétrika no Tarifa, no Diploma Ministerial No 1/2017 de Janeiro Tarifa ba ligasaun no Tarifa ba Enerjia Elétrika.

Iha biban ida ne’e mos ekipa fiskalizador nafatin partilla informasaun ba tekniku EDTL, E.P. sira katak implementasaun tékniku sira iha terenu lao tuir nafatin Dekretu Lei no Diploma Ministerial ne’ebé mak vigor.

Atividade fiskalizasaun ne’e ida ne’e hetan akompaña husi ekipa EDTL, E.P. husi munispiu Likisa no Bobonaru.

𝘔é𝘥𝘪𝘢 𝘈𝘕𝘌, 𝘐.𝘗.

06/07/2023

𝐀𝐍𝐔𝐍𝐒𝐈𝐔 𝐑𝐄𝐙𝐔𝐋𝐓𝐀𝐃𝐔

Dili, 06.07.23

Autoridade Nacional para a Eletricidade, Instituto Píblico (ANE, I.P.) liu husi Divizaun Administrasaun Jeral, hakarak hato’o ba empreza sira ne’ebe partisipa ona projetu tolu liu husi prosessu tipu Solisitasaun Kuotasaun ba kompañia sira iha loron 23 to’o 29 de maio de 2023.

Bazeia ba kriteriu ne’ebe estabelese iha artigo 68.0 Dekreto-Lei No. 22/2022 loron 11 fulan Maiu. Ikus mai fo sai resultadu katak projetu rua iha manan nain (vencedor) no projetu ida laiha manan nain ba RFQ. Dokumentus mak anexo tuir mai ne’e:

1. Aquisição de serviço para correntes de Manutenção e repração Veiculos;
https://cloud.gov.tl/index.php/s/MTx5pspgaGbYFRw

2. Aquisição de Bens Correntes de Combustivel para Veiculos;
https://cloud.gov.tl/index.php/s/o2Ayoc4QSaLR7xS

3. Aquisição de Bens Corrente de Material de Escritorio;
https://cloud.gov.tl/index.php/s/gJSja9o8P7icXas

Obrigada wain ba empreza sira ne’ebe mai partisipa ona projetu tolu refere iha prosesu Solisitasaun Kuotasaun ne’e, karik iha dúvida ka kestaun ruma bele hato’o reklamasaun durante loron lima hahu husi loron fo sai rezultadu.

𝘔é𝘥𝘪𝘢 𝘈𝘕𝘌, 𝘐.𝘗.

03/07/2023

𝐒𝐄𝐑𝐈𝐌Ó𝐍𝐈𝐀 𝐑𝐄𝐒𝐄𝐏𝐒𝐀𝐔𝐍 𝐍𝐎 𝐄𝐍𝐓𝐑𝐄𝐆𝐀 𝐑𝐄𝐋𝐀𝐓Ó𝐑𝐈𝐔 𝐒𝐄𝐑𝐕𝐈𝐒𝐔 𝐁𝐀 𝐀𝐓𝐔𝐀𝐋 𝐌𝐈𝐍𝐈𝐒𝐓𝐑𝐔 𝐌𝐎𝐏, 𝐕𝐈𝐒𝐄 𝐌𝐈𝐍𝐈𝐒𝐓𝐑𝐔 𝐍𝐎 𝐒𝐄𝐊𝐑𝐄𝐓Á𝐑𝐈𝐔 𝐄𝐒𝐓𝐀𝐃𝐔

Dili, 03.07.23

Prezidente ANE, I.P. Dr. Eng. Ruben Jerónimo Freitas akompaña husi diretóres divizaun sira, partisipa iha serimónia resepsaun pasajen pasta no entrega relatóriu servisu durante tinan lima (5) ba atual Ministru Obras Públika Dr. Samuel Marçal ho nia Vise Ministru Infraestrutura Sr. Júlio do Carmo no Sekretáriu Estadu Eletrisidade, Agua no Saneamentu Eng. Santos Noronha, iha edifisiu Ministériu Obras Públika Kaikoli, Dili.

Sr. Ministru Obras Públika iha ninia diskursu hateten, laiha interese ida ne'ebe bo'ot liu interese estadu. Bem estar povu nian sai hanesan responsabilidade moral ba ita hotu ne'ebe servisu hanesan mákina estadu nian, tan ne'e, presiza ema hotu nia servisu hamutuk fo liman ba malu servisu hanesan timor-oan, hadomi rai nee atu iha tinan hira nia laran bele halo netik buat ruma.

Nune'e sr. Ministru husu atu diretór no funsionáriu sira hotu bele servisu ho responsabilidade no onestu atu serví rai ida ne'e.

Iha biban ida ne'e Sr. Ministru sesante Dr. Abel Pires da Silva apresia ba dedikasaun tomak husi funsionáriu sira hotu durante ninia mandatu iha Ministériu Obras Públika. Dr. Abel mos hateten katak durante halo mudansa iha Ministériu ida ne'e iha tinan barak nia laran, pela primeira vez halo transferensia ida ne'ebe ho dignu.

Eis membru governu ne'e mos kongratula no dezeja susesu ba S.E MOP, Vise Ministru no Sekretáriu Estadu ba knaar foun iha área inportante ida ne'e hodi serví didiak povu, tanba estrada, ponte, bee-mos, eletrisidade no saneamentu sai hanesan nesesidade ne'ebe liga ba povu nia moris loron-loron nian.

Serimónia ida ne'e hetan partisipaun másimu husi DG-DN MOP, Prezidente Ajensia Autonomas ne'ebe tutela ba MOP, kargu xefia no funsiónariu MOP hotu.

𝘔é𝘥𝘪𝘢 𝘈𝘕𝘌, 𝘐.𝘗.

30/06/2023

𝐊𝐎𝐍𝐒𝐄𝐋𝐋𝐔 𝐀𝐃𝐌𝐈𝐍𝐈𝐒𝐓𝐑𝐀𝐒𝐀𝐔𝐍 𝐀𝐍𝐄, 𝐈.𝐏. 𝐇𝐀𝐋𝐀𝐎 𝐒𝐎𝐑𝐔𝐌𝐔𝐓𝐔𝐊 𝐎𝐑𝐃𝐈𝐍Á𝐑𝐈𝐀 𝐁𝐀 𝐃𝐀𝐋𝐀-𝐇𝐀𝐀𝐓 𝐈𝐇𝐀 𝐓𝐈𝐍𝐀𝐍 𝟐𝟎𝟐𝟑

Dili, 30.06.23

Konsellu Administrasaun Administrasaun Autoridade Nacional Para a Eletricidade, Instituto Público (ANE, I.P.) iha sesta-feira fim de semana ne’e, halao sorumutuk ordnária ba dala-haat, iha sede ANE, I.P. Kaikoli Dili, Timor-Leste.

Ajenda ba sorumutuk ida ne'e mak aprezentasaun relatóriu breve ba trimestral daruak nian iha 2023, atualizasaun kona-ba progresu servisu divizaun sira iha ANE, I.P. iha trimestral daruak no mos aprezentasaun kona-ba revizaun esbosu jurídiku adopsaun padraun IEC ba enerjia solar ninian.

Sorumutu ida ne’e prezide direita husi Prezidente/D.E ANE, I.P. Dr. Eng. Ruben Jerónimo Freitas no partisipa husi Vise Prezidente CA Eng. Jaime Godinho Soares, vogais CA Enga. Aurora Teresa O. De C. Magno, Dr. Eng. Junior Raimundo da Cruz, Eng. José Maria Xavier, Sekretária CA Sra. Cecília Amici, Diretóra DAJ Sra. Maria Mendonça Moniz, Diretór Divizaun Enjiñaria Eng. Júlio Ricardo no ofisial Lab. Lis. no Sertifikasaun Eng. Ponciano Castelhano.

𝘔é𝘥𝘪𝘢 𝘈𝘕𝘌, 𝘐.𝘗.

27/06/2023

𝐏𝐑𝐄𝐙𝐈𝐃𝐄𝐍𝐓𝐄 𝐀𝐍𝐄, 𝐈.𝐏. 𝐏𝐀𝐑𝐓𝐈𝐒𝐈𝐏𝐀 𝐈𝐇𝐀 𝐋𝐀𝐍𝐒𝐀𝐌𝐄𝐍𝐓𝐔 𝐒𝐈𝐒𝐓𝐄𝐌𝐀 𝐎𝐍𝐋𝐈𝐍𝐄 𝐒𝐈𝐆𝐏, 𝐒𝐈𝐆-𝐏 𝐍𝐎 𝐖𝐄𝐁 𝐏𝐎𝐑𝐓𝐀𝐋 𝐌𝐎𝐏

Dili, 26.06.23

Prezidente/D.E ANE, I.P. Dr. Eng. Ruben Jerónimo Freitas partisipa iha serimónia lansamentu website ofisiál no Sistema Informasaun Jestaun Projetu (SIGP), Sistema Informasaun Jeográfika Projetu (SIG-P) no Web Portal MOP, ne’ebé realiza iha salaun enkontru gabinete Ministru Obras Públika.

Iha serimónia lansamentu ne’e S. E. Ministru Obras Públicas Dr. Abel da Silva Pires informa katak MOP nudar ministeriu ne’ebe jere projetu ho orsamentu bo’ot tebes maibe durante ne’e prosesu servisu tomak halo ho manual nune’e hasoru problema barak hanesan dokumentu lakon no seluk tan.

Ho nune’e objetivu husi sistema ne’e rasik mak hodi muda servisu manual ba online atu bele fasilita servisu ministériu nian, tékniku sira no mos asegura dokumentu importante sira, aleinde ne'e bele partilla informasaun kona-ba progresu servisu ne’ebe iha.

Sr. Ministru mos hatutan katak, presiza tebes sistema ida hodi garante atu bele serví rai ne’e ho diak tuir ita nia papel no sistema ida ne’e rasik integradu ona ho sistema ADN, I.P. ne’ebe utiliza Application Programing Interface (API). Liu husi sistema ne’e presiza rejistu projetu sira husi inisiu to’o agora atu servisu hotu husi munisipiu to’o nasional bele iha dadus kompletu.

Sistema online refere dezenvolve husi timor-oan ho orsamentu kuaze $60,000,00.

Serimonia ida ne’e hetan partisipasaun husi prezidente ajensia autonomas ne’ebe tutela iha MOP, Diretór Ezekutivu ADN, I.P., Direjente MOP no funsionáriu sira.

𝘔é𝘥𝘪𝘢 𝘈𝘕𝘌 𝘐.𝘗.

26/06/2023

𝐄𝐊𝐈𝐏𝐀 𝐇𝐔𝐒𝐈 𝐃𝐈𝐕𝐈𝐙𝐀𝐔𝐍 𝐏𝐃𝐏𝐄 𝐀𝐍𝐄, 𝐈.𝐏 𝐑𝐄𝐀𝐋𝐈𝐙𝐀 𝐀𝐓𝐈𝐕𝐈𝐃𝐀𝐃𝐄 𝐅𝐈𝐒𝐊𝐀𝐋𝐈𝐙𝐀𝐒𝐀𝐔𝐍 𝐈𝐇𝐀 𝐌𝐔𝐍𝐈𝐒𝐈𝐏𝐈𝐔 𝐌𝐀𝐍𝐔𝐅𝐀𝐇𝐈 𝐍𝐎 𝐀𝐈𝐍𝐀𝐑𝐎

Iha loron 20 to’o 23 fulan juñu 2023 ekipa fiskalizador husi Divizaun Peskiza, Dezenvolvimentu Pólitika Enerjétika (PDPE) ANE, I.P., realiza atividade fiskalizasaun kona – ba inspesaun tarifa no tempu ne’ebé hanesan kontinua fiskalizasaun ba atividade ligasaun foun monofáziku, montajen kontador prepagu no ligasaun foun ezistente iha munisipiu Manufahi no Ainaro.

Objetivu husi atividade fiskalizasaun ida ne’e mak halo observasaun direita ba implementasaun sistema tarifariu liu-liu ba iha rejistrasaun ligasaun foun (Monofáziku, Trifáziku) no tarifa aplikavel ba kategoria konsumidor komersial bazeia ba Resolução Governo No. 33/2010 de 28 de Juñu Revisaun Tarifariu ba Fornesimentu Enerjia Elétrika, Decreto-Lei No. 33/2016 De 17 de Agostu Regulamentu ba Lisensiamentu Enerjia Elétrika no Tarifa, no Diploma Ministerial No 1/2017 de Janeiro Tarifa ba ligasaun no Tarifa ba Enerjia Elétrika.

Iha oportunidade ida ne’e ekipa fiskalizador nafatin partilla informasaun ba tékniku EDTL, E.P. sira katak implementasaun tékniku sira iha terenu lao tuir nafatin Dekretu Lei no Diploma Ministerial ne’ebé mak vigor.

Atividade fiskalizasaun ne’e ida ne’e hetan akompañamentu husi ekipa EDTL, E.P. husi munispiu Manufahi no Ainaru.

𝘔é𝘥𝘪𝘢 𝘈𝘕𝘌, 𝘐.𝘗.

Eis ANE,I.P.

30/08/2023

30/08/2023

30/08/2023

20/07/2023

17/07/2023

11/07/2023

06/07/2023

03/07/2023

30/06/2023

27/06/2023

26/06/2023

Endereço

Website

Notificações

Entre Em Contato Com A Organização

Atalhos

Compartilhar