Portal Municipal Dili

24/02/2026

24/02/2026

02/02/2026

🥇 💪 Download Best Premium Software Full For Free Giveaway Free Licensed Software

02/02/2026

Dili, 02 Fevereiru 2026
Autoridade Munisípiu Dili (AMD) hala’o Serimónia Içar Bandeira Nasional iha resintu AMD, ne’ebe partisipa masimu husi Sekretáriu Munisípipal, diretores servisu Munisipal, no funsionariu tomak AMD.
Serimónia ne’e hala’o ho objetivu atu hametin espiritu nasionalizmu no patriotizmu ba Repúblika Demokrátika Timor-Leste, no mos hanesan momentu ida atu reforsa disiplina no responsabilidade funsionáriu sira nian iha servisu.
Iha serimonia Içar Bandeira Nasional ne’e, Sekretariu Munisipal Administrasaun Planeamentu, Investimentu no Dezenvolvimentu Integradu Autoridade Munisipiu Dili ( SECAM PIDI), Filomeno Maria da Silva Smith informa katak, iha fulan Fevereiru ne’e, sei iha vizita husi Sua Exelénsia Primeiru-Ministru Kay Rala Xanana Gusmão ba munisípiu sira hodi rona aprezentasaun Plano Investimentu Munisípal sira.
Serimónia ne’e mos sai hanesan momentu avaliasaun no orientasaun ba lideransa iha nivel munisípal, hodi prepara AMD ba prosesu desentralizasaun no eleisaun kâmara munisípal, hodi bele lori Munisípiu Dili sai munisípiu modernu, organizadu no avansadu hanesan kapitál nasaun nian.
Autoridade Munisípiu Dili reafirma nia kompromisu atu kontinua servisu ho integridade, profesionalizmu no inovasaun, hodi fó servisu ne’ebé diak no dignu ba komunidade Munisípiu Dili tomak.
(𝐌é𝐝𝐢𝐚 𝐆𝐚𝐛.𝐏𝐀𝐌)

02/02/2026

𝐏𝐑𝐄𝐙𝐈𝐃𝐄𝐍𝐓𝐄 𝐀𝐔𝐓𝐎𝐑𝐈𝐃𝐀𝐃𝐄 𝐌𝐔𝐍𝐈𝐒Í𝐏𝐈𝐔 𝐃𝐈𝐋𝐈 𝐏𝐀𝐑𝐓𝐈𝐒𝐈𝐏𝐀 𝐒𝐄𝐑𝐈𝐌Ó𝐍𝐈𝐀 𝐒𝐎𝐋𝐄𝐍𝐄 𝐊𝐎𝐌𝐄𝐌𝐎𝐑𝐀𝐒𝐀𝐔𝐍 𝐀𝐍𝐈𝐕𝐄𝐑𝐒Á𝐑𝐈𝐔 𝟐𝟓 𝐓𝐑𝐀𝐍𝐒𝐅𝐎𝐑𝐌𝐀𝐒𝐀𝐔𝐍 𝐈𝐒𝐓Ó𝐑𝐈𝐊𝐔 𝐅𝐀𝐋𝐈𝐍𝐓𝐈𝐋 𝐁𝐀 𝐅-𝐅𝐃𝐓𝐋
𝐀𝐢𝐥𝐞𝐮 𝟎𝟐 𝐅𝐞𝐛𝐫𝐞𝐢𝐫𝐨 𝟐𝟎𝟐𝟔
Prezidente Autoridade Munisípiu (PAM) Dili,Sr. Francisco dos Santos partisipa serimónia solene komemorasaun Aniversáriu ba dala 25 transformasaun istóriku FALINTIL ba FALINTIL–Forças Defeza Timor-Leste (F-FDTL), ne’ebé hala’o iha Munisípiu Aileu no hetan partisipasaun Máximu husi lideransa Estadu, Membru Governu, komandu F-FDTL, Veteranu Rezisténsia no konvidadu sira seluk.
Serimónia hala’o atu hanoin fali tempu istóriku transformasaun FALINTIL nian sai instituisaun defeza nasional ida-ne’ebé profesional, konstitusional no fó kontribuisaun boot ba manutensa soberania, paz no estabilidade nasional.
Depois de serimónia solene remata, Prezidente Autoridade Munisípiu Dili kontinua kedas akompanha Ministru Defeza Pedru “Klamar Fuik”, Xefe Estadu-Maiór Jeneral FALINTIL-FDTL Tenente- Jeneral Falur Rate Laek hodi halo inagurasaun ba Academi Militar Conjunta no Lansamentu Website IUDN no AMC (Sigla Portugés) hanesan parte husi esforsu governu atu hadia infraestrutura no sistema apoiu ba institusaun defeza nasional.
Komemorasaun no inagurasaun ida-ne’e reflete kompromisu estadu nian atu respeita istória rezisténsia no mos hadia kapasidade institusionál F-FDTL nian ba futuru.
(𝐌é𝐝𝐢𝐚 𝐆𝐚𝐛.𝐏𝐀𝐌)