05/05/2026
[TETUN]
Série Postu Facebook Embaixada Japaun nian
Japaun no Timor-Leste: la’o hamutuk iha kuartu sékulu ida nia laran
(Parte 2) Tinan 50 Relasaun ASEAN – Japaun nian
===================================================
[Relasaun ASEAN-Japaun ]
Tinan 2023 marka tinan komemorativu ba dala 50 relasaun sira ASEAN-Japaun nian. Desde 1973, relasaun ASEAN-Japaun hetan ona progresu notável, iha ne’ebé Japaun halo esforsu hotu-hotu atu harii relasaun "fuan ba fuan" husi konfiansa mútua no fiar ho Estadu-membru sira ASEAN nian no kompromete an nu’udar parseiru hanesan atu harii dame no prosperidade iha rejiaun ne’e. Durante metade sékulu, kooperasaun ne'e hametin ona iha área oioin, inklui ekonomia, seguransa no kultura.
Iha Dezembru 2023, Simeira Komemorativa Ba Tinan 50 Amizade no Kooperasaun ASEAN-Japaun nian hala'o iha Tókio, no sira fó sai Deklarasaun Vizaun Konjunta ho títulu “Parseiru sira ne'ebé bele fiar”, iha ne'ebé ASEAN no Japaun konfirma intensaun sira atu hametin Parseria Estratéjiku Komprensivu iha pilár tolu nia okos: (1) Parseiru Fuan-ba-Fuan iha Jerasaun sira, (2) Parseiru ba Ko-kriasaun Ekonomia no Sosiedade Futuru nian, no (3) Parseiru ba Dame no Estabilidade.
Iha biban ne’ebá mós hala’o Sorumutu Simeira Japaun-Timor-Leste entre S.E. Sr. Kay Rala Xanana Gusmão, Primeiru-Ministru, Repúblika Demokrátika Timor-Leste, no Sr. KISHIDA Fumio, Primeiru-Ministru Japaun nian iha tempu ne’ebá. Líder rua ne’e hasai Deklarasaun Imprensa Konjunta kona-ba “Parseria Abranjente ba Kresimentu no Dezenvolvimentu Sustentável”.
Iha Simeira ASEAN-Japaun 2025, Primeiru-Ministru Takaichi kongratula Primeiru-Ministru Gusmão ba adezaun ofisiál Timor Leste ba ASEAN.
[Kooperasaun Japaun nian ba Timor-Leste nia Adezaun ba ASEAN]
Japaun la’o hamutuk ho Timor-Leste iha nia dalan ba adezaun ba ASEAN dezde 2009. Kooperasaun ne’e bazeia ba pilár rua: Japaun nia parseria kleur ona ho ASEAN no valór fundamentál sira ne’ebé Japaun no Timor-Leste fahe. Liuhusi instituisaun sira hanesan JICA no Fundu Integrasaun Japaun-ASEAN (JAIF), Japaun implementa ona projetu lubuk ida atu apoia adezaun Timor-Leste nian ba ASEAN ho di’ak. Ami nia aprosimasaun maka komprensivu, kombina dezenvolvimentu institusionál, kapasitasaun, no apoiu ba infraestrutura.
Iha tinan 2013, JICA kompleta levantamentu halibur dadus hodi identifika dezafiu sira no dezenvolve roteiru ida ba Timor-Leste nia adezaun ba ASEAN. Desde 2024, JICA mós lansa ona "Projetu ba Hasa'e Koordenasaun no Monitorizasaun ba Adezaun ba ASEAN." Iha kolaborasaun ho Ministériu Negósiu Estranjeiru no Kooperasaun no Estadu-membru sira ASEAN nian, projetu ida-ne’e organiza ona série workshop sira hodi hasa’e kapasidade funsionáriu timoroan sira-nian, hodi aprofunda sira-nia komprensaun kona-ba akordu no instrumentu sira ASEAN nian.
Aleinde JICA nia inisiativa sira, JAIF—ne’ebé finansia husi Governu Japaun no estabelese atu hamenus lakuna dezenvolvimentu iha Komunidade ASEAN nia laran—implementa ona projetu oioin ba Timor-Leste hodi hametin liután kapasidade no instituisaun sira. Ezemplu ida mak Programa Aneksu Inisiativa ba Integrasaun ASEAN (IAI), ne’ebé inisialmente dezeña atu destaka ofisiál governu joven sira husi nasaun CLMV ba Sekretariadu ASEAN atu dezenvolve kapasidade administrativu. Hahú hosi tinan 2025, programa ne'e habelar hodi inklui funsionáriu timoroan na'in tolu.
Japaun mós fó apoiu ba infraestrutura bázika iha Timor-Leste. Hadi’ak ba Aeroportu Internasionál Prezidente Nicolau Lobato sei hametin konetividade ba viajen no lojístika iha ASEAN nia laran. Alinha ho ida ne’e, atualizasaun sira ba Ospitál Nasionál Guido Valadares sei mós apoia konetividade hodi garante katak fluxu ema nian ne'ebé aumenta maka akompaña ho servisu médiku sira ne'ebé asesivel, konfiável no kapasidade resposta emerjénsia nian.
Japaun sei kontinua servisu besik ho Timor-Leste hodi apoia ninia integrasaun iha Komunidade ASEAN liuhosi dezenvolvimentu institusionál, kapasitasaun ba implementasaun akordu ASEAN nian, dezenvolvimentu infraestrutura ne’ebé liga Timor-Leste ba merkadu ASEAN nian, no fahe prátika di’ak liu ne’ebé foti hosi kooperasaun Japaun nian ho nasaun ASEAN sira seluk.
***********************************************************************
[ENGLISH]
Embassy of Japan Facebook Post Series
Japan and Timor-Leste: walking together for a quarter of a century
(Part 2) 50 Years of ASEAN-Japan Relations
===================================================
[ASEAN-Japan Relations]
The year 2023 marked the 50th commemorative year of ASEAN-Japan relations. Since 1973, ASEAN-Japan relations have made remarkable progress, in which Japan made every effort to build up "heart to heart" relations of mutual confidence and trust with ASEAN Member States and committed itself as an equal partner to building peace and prosperity in the region. Spanning half a century, the cooperation has been strengthened across a wide range of fields, including the economy, security, and culture.
In December 2023, the Commemorative Summit For the 50th Year of ASEAN-Japan Friendship and Cooperation was held in Tokyo, and they issued the Joint Vision Statement entitled “Trusted Partners”, where ASEAN and Japan confirmed the intentions to strengthen the Comprehensive Strategic Partnership under the three pillars: (1) Heart-to Heart Partners across Generations, (2) Partners for Co-creation of Economy and Society of the Future, and (3) Partners for Peace and Stability.
On that occasion, the Japan-Timor-Leste Summit Meeting was also held between H.E. Mr. Kay Rala Xanana Gusmão, Prime Minister, Democratic Republic of Timor-Leste, and Mr. KISHIDA Fumio, the then Prime Minister of Japan. The two leaders issued a Joint Press Statement on “Comprehensive Partnership towards Sustainable Growth and Development”.
At the ASEAN-Japan Summit 2025, Prime Minister Takaichi congratulated Prime Minister Gusmao on Timor Leste’s official accession to ASEAN.
[Japan’s Cooperation for Timor-Leste’s ASEAN Accession]
Japan has walked alongside Timor-Leste on its path toward ASEAN membership since 2009. This cooperation rests on two pillars: Japan’s long-standing partnership with ASEAN and the fundamental values shared by Japan and Timor-Leste. Through institutions such as JICA and the Japan-ASEAN Integration Fund (JAIF), Japan has implemented a range of projects to support Timor-Leste’s smooth accession to ASEAN. Our approach is comprehensive, combining institutional development, capacity building, and infrastructure support.
In 2013, JICA completed a data collection survey to identify challenges and develop a roadmap for Timor-Leste’s accession to ASEAN. Since 2024, JICA has also launched “The Project for the Enhancement of Coordination and Monitoring for ASEAN Accession.” In collaboration with the Ministry of Foreign Affairs and Cooperation and ASEAN Member States, this project has organized a series of workshops to build the capacity of Timorese officials, deepening their understanding of ASEAN agreements and instruments.
In addition to JICA’s initiatives, JAIF—financed by the Government of Japan and established to narrow development gaps within the ASEAN Community—has implemented several projects for Timor-Leste to further strengthen capacity and institutions. One example is the Initiative for ASEAN Integration (IAI) Attachment Programme, which was initially designed to second young government officials from the CLMV countries to the ASEAN Secretariat to develop administrative capabilities. Since 2025, the programme has been extended to include three Timorese officials.
Japan also supports basic infrastructure in Timor-Leste. Improvements to Presidente Nicolau Lobato International Airport will strengthen connectivity for travel and logistics within ASEAN. In tandem, upgrades to Guido Valadares National Hospital will also underpin the connectivity by ensuring that growing flows of people are matched by accessible, reliable medical services and emergency response capacity.
Japan will continue to work closely with Timor-Leste to support its integration into the ASEAN Community through institutional development, capacity building for the implementation of ASEAN agreements, development of infrastructure linking Timor-Leste to ASEAN markets, and sharing of best practices drawn from Japan’s cooperation with other ASEAN countries.
VIDEO: The 50th Year of ASEAN-Japan Friendship and Cooperation
https://www.youtube.com/watch?v=4-WIKArPLrg
VIDEO: JAIF Video to Commemorate the 50th Year of ASEAN-Japan Friendship and Cooperation
https://www.youtube.com/watch?v=Wq0jX73ibME
![[Tetun] Embaixadór Yamamoto partisipa iha Mini Expozisaun FlorikulturaIha loron 29 Maiu, Embaixadór Yamamoto partisipa i...](https://img5.govserv.org/321/452/1389447843214520.jpg)
![[Tetun] Embaixadór Yamamoto vizita fábrika Circul-R husi Grupu CaltechIha loron 22 Maiu, Embaixadór Yamamoto vizita fábr...](https://img4.govserv.org/689/656/1385960696896568.jpg)
![[TETUN]Série Postu Facebook Embaixada Japaun nianJapaun no Timor-Leste: la’o hamutuk iha kuartu sékulu ida nia laran(Par...](https://img3.govserv.org/720/518/1382874547205183.jpg)
![[TETUN]- Serimónia Entrega Prémiu ba Mitsubishi Asian Children's Enikki Festa (2024-2025) Iha loron 15 fulan-Maiu, Emb...](https://img4.govserv.org/079/259/1380333770792594.jpg)
![[TETUN]- Kompetisaun Knananuk Japaun nian Iha loron 15 fulan Maiu, Embaixadór Yamamoto marka prezensa iha Kompetisaun ...](https://img5.govserv.org/080/148/1380244850801486.jpg)
![[TETUN]- Embaixadór Yamamoto simu livru fraze konversa nian ba iniciante sira iha lian Tetun no JapaunIha loron 10 fulan...](https://img4.govserv.org/472/577/1374335284725776.jpg)
