Secretaria de Estado da Comunicação Social

11/06/2026

SEKOMS REALIZA DIÁLOGU KOMUNITÁRIU KONA-BA ESTABELESIMENTU RÁDIU KOMUNIDADE IHA POSTU BAGIA

Bagia, 11 Juñu 2026 (MÉDIA SEKOMS) — IX Governu liuhusi Sekretaria Estadu Komunikasaun Sosiál (SEKOMS), Diresaun Nasionál Dezenvolvimentu Média (DNDM) - Departamentu Apoiu Rádiu, realiza diálogu komunitáriu kona-ba estabelesimentu rádiu komunidade iha Postu Administrativu Bagia, Munisípiu Baucau.
Diálogu ne’e ho nia objetivu prinsipál mak atu sosializa importánsia husi estabelesimentu rádiu nian, no mós parte SEKOMS rona hodi halibur ideia husi komunidade Bagia rasik. Ho nune'e, komunidade bele iha sentidu pertensa ka sai na’in ba rádiu komunidade iha futuru.

Diálogu ne'e realiza tanba servisu hamutuk entre Administradór Postu Bagia no Governu liuhusi SEKOMS.

Estabelesimentu rádiu komunidade nu'udar programa Governu nian hodi apoia komunidade liuhusi informasaun, hodi garante asesu públiku nian ba informasaun ne’ebé foka ba labarik sira.
Inisiativa ida-ne'e mós atu hasa’e koñesimentu públiku kona-ba tópiku sira hanesan edukasaun, saúde, saneamentu, ijiene, edukasaun infánsia, no prevensaun violénsia hasoru feto no labarik sira.

Diálogu komunitáriu ne’e partisipa husi autoridade lokál, veteranu, estudante, igreja, ONG lokál, no funsionáriu servisu lokál sira iha Postu Bagia. Iha biban ne'e, SEKOMS liuhusi Asesór Planeamentu mós halo aprezentasaun kona-ba matéria importánsia estabelesimentu rádiu iha Postu Bagia.

Enkontru ne'e bazeia mós ba servisu hamutuk entre Administradór Postu Bagia no SEKOMS liuhusi Diresaun Dezenvolvimentu Média, no loke ofisiálmente husi Administradór Postu Bagia, Sr. Mario Xavier da Silva.

SEKOSM

11/06/2026

https://www.facebook.com/share/v/18r3c1EqLV/

11/06/2026

https://www.facebook.com/share/p/1Bw225qKqc/

09/06/2026

https://secoms.gov.tl/sekoms-no-childfund-fasilita-treinamentu-jornalizmu-swipe-seguru-no-baziku-ba-edukador-sira-iha-ermera/

GLENO (MÍDIA SECOMS) — Sekretaria Estadu Komunikasaun Sosiál (SEKOMS) kontinua nia kolaborasaun estratéjiku ho ChildFund hodi hala’o formasaun loron rua kona-ba implementasaun Swipe Safe no jornal…

09/06/2026

SEKOMS no ChildFund fasilita treinamentu jornalizmu swipe seguru no báziku ba Edukador sira iha Ermera

GLENO (MÍDIA SECOMS) — Sekretaria Estadu Komunikasaun Sosiál (SEKOMS) kontinua nia kolaborasaun estratéjiku ho ChildFund hodi hala’o formasaun loron rua kona-ba implementasaun Swipe Safe no jornalizmu báziku ba edukador sira. Formasaun ne'e hala'o iha auditóriu Eskola Sekundária Estadu Nino Konis Santana, Ermera, iha Segunda, 8 Juñu 2026.

Xefe Departamentu Estudu Mídia, Promosaun, no Dezenvolvimentu (DEPD) SEKOMS, Alberto Ribeiro, haktuir katak objetivu prinsipál hosi formasaun ne’e atu hasa’e profesór sira-nia koñesimentu kona-ba oinsá hakerek no upload informasaun ka atividade eskola nian ho forma dijitál.

Treinamentu ne’e inklui mós matéria kona-ba Swipe Safe, ka protesaun ba labarik iha plataforma dijitál, ne’ebé sei implementa liuhosi website Jornal Parede Dijitál eskola nian.

“Treinamentu kona-ba jornal parede dijitál ne’ebé realiza dadaun ne’e, nu’udar kooperasaun ida entre SEKOMS ho ChildFund hodi fahe koñesimentu ba manorin-na’in sira kona-ba utilizasaun aplikasaun Swipe Safe ka seguransa liña-leten (online) ba labarik sira," dehan Alberto.

Xefe Departamentu ne’e mós subliña katak karik eskola sira seluk iha interese atu kria jornál parede dijitál bele hato’o pedidu ofisiál ba Gabinete Sekretáriu Estadu Komunikasaun Sosiál. Ekipa tékniku sei ajuda dezeña website ida ba eskola sira.
Entretantu, Reprezentante ChildFund Napoleão Rodrigues Vieira, iha nia aprezentasaun subliña katak iha era kontemporánea, internet hetan dezenvolvimentu lalais maibé akompaña mós ho risku ne’ebé signifikativu. Tanba ne’e, ChildFund kolabora ho SEKOMS hodi promove seguransa online ba labarik no komunidade liu hosi inisiativa website Jornal Parede Dijitál eskola nian.

"Importánsia hosi Swipe Safe mak oferese koñesimentu seguransa online ba labarik sira hodi koñese risku sira no hatene oinsá asegura sira-nia an. Liuhosi Jornal Parede Dijitál no Suku Dijitál, komunidade no labarik sira bele asesu mós aplikasaun ne’e hodi prátika seguransa online," tenik Napoleão.

Formasaun ne’e hetan partisipasaun hosi partisipante nain 14, inklui profesór sira, funsionáriu sira hosi Radio Komunidade, no funsionáriu sira hosi suku Dijitál Poetete-Lodudu. Eventu ne'e hala'o durante loron rua, hosi Segunda to'o Tersa, 8-9 Juñu 2026.

SEKOMS
-Leste

09/06/2026

https://www.facebook.com/share/v/17sohnZa13/

08/06/2026

SEKOMS KONTINUA ESTABLESE SUKU DIJITÁL IHA SUKU POETETE HODI PROMOVE POTENSIALIDADE SUKU

ERMERA, 05 Juñu 2026– Sekretaria Estadu ba Komunikasaun Sosiál (SEKOMS) liuhusi Diretór Nasionál Dezenvolvimentu Mídia Lokál (DNDM), Adriano Monteiro, lansa ona plataforma ‘Suku Dijitál’ iha Suku Poetete-Lodudu, Munisípiu Ermera, Sesta-feira ne'e. Programa ne'e nu'udar prioridade IX Governu Konstitusionál nian hodi fasilita komunidade sira asesu informasaun no promove potensialidade lokál.

Diretór DNDM, Adriano Monteiro, ne'ebé reprezenta Sekretáriu Estadu Komunikasaun Sosial , Expedito Loro Dias Ximenes, hateten katak programa ne'e importante tebes atu nune'e mundu bele koñese saida mak akontese iha suku laran.

“Ho ezisténsia suku dijitál, bele fasilita ita-nia komunidade sira ba asesu informasaun kona-ba saida de'it maka akontese iha ita-nia suku laran, liuliu oinsá atu promove potensialidade sira kona-ba agrikultura, edukasaun, sosiál no kultura ne'ebé maka iha Suku Poetete-Lodudu,” dehan Adriano Monteiro.

Atu programa ne'e la'o ho susesu, SEKOMS serbisu hamutuk ho parseiru telekomunikasaun Telkomcel no organizasaun ChildFund hodi fó kapasitasaun kona-ba oinsá atu jere no fahe informasaun liuhusi plataforma dijitál ne'e.

Iha fatin hanesan, Administradór Postu Administrativu Ermera, Alarico de Jesus Soares, fó sai nia agradesimentu no ksolok tanba Suku Poetete-Lodudu mak sai hanesan suku dahuluk iha Munisípiu Ermera ne'ebé asesu ba teknolojia ne'e.

“Ita agradese tanba ita-nia suku foun maibé nia avansadu fali ho suku seluk. Ita agradese tanba SEKOMS bele mai establese Website iha ne'e atu nune'e lori ita-nia informasaun sira liuliu iha munisípiu hodi to'o ba nasionál,” tenik Alarico.
Alarico fiar katak inisiativa foun ne'e bele sai ezemplu di'ak ba suku sira seluk iha Ermera hodi labele hela hodi tuir dezenvolvimentu teknolojia nian.

Serimónia lansamentu ne’e hetan mós partisipasaun husi Administradór Postu Administrativu Ermera, Xefe Suku Poetete ho estrutura suku nian, inklui komunidade lokál sira.

SEKOMS

05/06/2026

DILI (Media SEKOMS) — Reprezenta IX Governu Konstitusionál, Sekretáriu Estadu Komunikasaun Sosiál (SECOMS), Expedito Loro Dias Ximenes, hamutuk ho CEO Eto-Telkom, Nilton

05/06/2026

https://secoms.gov.tl/

DILI (Media SEKOMS) — Reprezenta IX Governu Konstitusionál, Sekretáriu Estadu Komunikasaun Sosiál (SECOMS), Expedito Loro Dias Ximenes, hamutuk ho CEO Eto-Telkom, Nilton