Gabinete Ministra da Solidariedade Sosial e Inclusão

04/07/2023

04/07/2023

22/06/2023

Deputada Maria Fernanda Lay Eleitu ba Prezidente Parlamentu Nasionál VI Lejizlatura

Parlamentu Nasionál liu husi reuniaun Plenaria dahuluk ba VI Lejizlatura, iha loron 22 fulan juñu tinan 2023, hili ona Deputada Maria Fernanda Lay, sai Prezidente Parlamentu Nasionál ba VI Lejizlatura periodo 2023-2028.

Reuniaun plenaria dahuluk ba VI Lejizlatura ne’e abertura husi Prezidente Parlamentu Nasionál sesante, Deputadu Aniceto Longuinhos Guterres Lopes, kontinua kedas ho ezekusaun Hino Nacional, intervensaun Prezidente Parlamentu Nasionál sesante no aprovasaun ba Komisaun Verifikasaun Poder.

Hafoin aprovasaun relatoriu husi Komisaun Verifikasaun Poder, kontinua kedas ho juramentu ba Deputadu sira eleitu no susbtituisaun ba Depugtadu eleitu sira hanesan Deputadu Kay Rala Xanana Gusmão, Deputadu Francisco Guterres Lu-Olo, Deputadu Mari Bin Amude Alkatiri no Deputadu Tito Cristovão Lere Anan Timur antes anúnsiu kona-ba kandidatura ba Prezidente Parlamentu Nasionál.

Nune’e, Bankada Parlamentar CNRT ho PD tuir rejimentu ne’ebe mak iha, aprezenta kandidatu uniku ba Prezidente Parlamentu Nasionál VI Lejizlatura nian mak Deputada Maria Fernanda Lay.
Liu husi votasaun sekretu, Deputada Maria Fernanda Lay eleitu ho 45 votus a favor, 0 kontra, 19 abstensaun no 1 nulu.

Ho rezultadu votasaun refere, kontinua kedas ba pasazen kadeira prezidensial ba Prezidente foun hodi Prezidente Parlamentu Nasionál foun hala’o nia diskursu antes ensera sesaun plenaria refere.

Reuniaun plenaria dahuluk ne’e marka prezensa husi reprezentante orgau soberania sira no konvidadu sira seluk inklui familia Deputadu eleitu sira. FIM

21/06/2023

VISE-PRIMEIRA MINISTRA NO MINISTRA SOLIDARIEDADE SOSIÁL NO INKLUZAUN HO VISE-MINISTRA HATO'O AGRADESIMENTU BA FUNSIONÁRIU MSSI

Díli, loron tersa-feira 20 fulan juñu tinan 2023, Vise-Primeira Ministra no Ministra Solidariedade Sosiál no Inkluzaun, Armanda Berta dos Santos ho Vise-Ministra Solidariedade Sosiál no Inkluzaun, Signi Verdial hato’o agradesimentu ba funsionárius Ministériu Solidariedade Sosiál no Inkluzaun (MSSI) tomak, hafoin lidera MSSI ba mandatu durante tinan 5 nia laran, (2018-2023) iha VIII Governu Konstitusionál.

G-VPM

18/06/2023

VISE-PRIMEIRA MINISTRA NO MINISTRA SOLIDARIEDADE SOSIÁL NO INKLUZAUN HATO'O SENTIDO KONDOLÉNSIA BA SAUDOZA DRA. ISABEL DA COSTA FERREIRA

Díli, loron domingo 18 Juñu tinan 2023, Vise-Primeira Ministra no Ministra Solidariedade Sosiál no Inkluzaun, Armanda Berta dos Santos, ho Vise-Ministra Solidariedade Sosiál no Inkluzaun, Signi C. Verdial, hamutuk ho família boot husi Ministériu Solidariedade Sosiál no Inkluzaun, hato'o sentidu kondolênsia ne'ebé klean ba Família husi Saudoza Dra. Isabel da Costa Ferreira nian, nomos ba Povu Timor-Leste tomak ba lakon ona Saudoza nu'udar Inan ne'ebé mak durante ne'e serbi ba Povu Timor-Leste tomak.

Saudoza Dra. Isabel da Costa Ferreira, Espoza hosi S.E. Primeiru-Ministru Taur Matan Ruak, hakotu ona jornada moris nian iha óras 8:48 loron 18 domingo iha Rezidénsia laletek Metiaut Díli, tanba moras kankru intestinu.
15 Abril 1974 - 18 Juñu 2023

Deskansa ho dame iha Na'i nia kadunan Santo, "Saudoza Dra. Isabel da Costa Ferreira" ✝️ 🙏🙏🙏

GVPM-MSSI

07/06/2023

𝗞𝗼𝗺𝘂𝗻𝗶𝗸𝗮𝗱𝘂 𝗜𝗺𝗽𝗿𝗲𝗻𝘀𝗮
𝗦𝗢𝗥𝗨𝗠𝗨𝗧𝗨𝗞 𝗞𝗢𝗡𝗦𝗘𝗟𝗟𝗨 𝗠𝗜𝗡𝗜𝗦𝗧𝗥𝗨𝗦 𝗡𝗜𝗔𝗡 𝗜𝗛𝗔 𝗟𝗢𝗥𝗢𝗡 𝟬𝟳 𝗙𝗨𝗟𝗔𝗡-𝗝𝗨𝗡̃𝗨 𝗧𝗜𝗡𝗔𝗡 𝟮𝟬𝟮𝟯

Primeiru-Ministru, Taur Matan Ruak, konvoka membru Governu sira hotu, iha loron-kuarta ne’e, ba sorumutuk ikus Konsellu Ministru Governu Konstitusionál da-VIII nian.

Durante sorumutuk, Primeiru-Ministru halo retrospetiva Mandatu Governu nian, rekoñese serbisu pozitivu ne’ebé alkansa ona husi Ezekutivu no nia agradese ba kontribuisaun no dedikasaun husi membru Ezekutivu sira hotu.

Aprezenta ona Relatóriu Finál Mandatu VIII Governu nian, husi tinan 2018 to’o tinan 2023, publikasaun ida ne’ebé deskreve atividade no rezultadu prinsipál Ezekutivu sira nian hahú husi kedas bainhira sira simu pose, nune’e mós dezafiu hirak ne’ebé sira hasoru no rekomendasaun sira ba futuru.

Iha aprezentasaun Relatóriu ne’e, Ministru Prezidénsia Konsellu Ministrus, Fidelis Manuel Leite Magalhães, salienta katak konkista no rezultadu ne’ebé alkansa ona husi Governu Konstitusionál da-VIII, maske hasoru difikuldade no dezafiu sira durante mandatu.
http://timor-leste.gov.tl/?p=32664&lang=tp

07/06/2023