Beni Hassene Ville - 5014

Beni Hassene Ville - 5014 مدينة بني حسان

19/08/2026

تحية لمدير مهرجان المكنين مراد باشا .. هاذي نتيجة انو كل مجال يخدمو أهل الاختصاص .. لا فما دخلاء .. لا فما سياسة ..ناس فرحانة تشطح شايخة .. ناس تحب دومانها تحب بلادها .. ما عندهاش أغراض اخرى .. و الا أهداف اخرى ..
احنا في بني حسان اللي كتب مقال في جريدة نسميوه ولد الثقافة .. و اللي كتب بيت شعر نسميوه مثقف .. ناس موش في بلايصها .. و شباب مبدع نغيبوه عن الساحة و نقصيوه .. تحبو تتحسن الثقافة في البلاد.. أبداو بالمسامر المخززة .. و اعطيو فرصة لأهل الاختصاص خليهم يبدعو ..

يا أخي حلو عن سمانا .. يكفي يا أخي ... ارحمنا نفس الوجوه في الثقافة من عام 80 لا تبدل شي نفس الوجوه اللي كانت تسبح بحمد...
19/08/2026

يا أخي حلو عن سمانا .. يكفي يا أخي ... ارحمنا
نفس الوجوه في الثقافة من عام 80 لا تبدل شي
نفس الوجوه اللي كانت تسبح بحمد بن علي
نفس الوجوه اللي من فشل إلى أفشل ..
أعتقونا يا أخي .. لا حاجتنا بيكم و لا بالثقافة المسيسة متاعكم
ارحمنا يا أخي حل عن سمانا .. لا حاجتنا بكرنفال لا مهرجانات لا خيمة متاع شعر .. شلكتوها الثقافة .. سيستوها الثقافة .. لازم الحساسنية تفيق. احتكروها البلاد .. واحد يتحي و لآخر يزكي
عملو اللي يحبو صحة ليهم واكاهاو .. اخر مسمار دقوه في نعش الثقافة ببني حسان .. انا لله و انا إليه راجعون

18/08/2026

بصراحة نعرف اللي برشة باش يتغششو و منهم صحابي
لكن الحقيقة تقال .. ما نجموش نخبيوها مهما حاولنا ..
المثل شنوة يقلك .. مخزن مسكر و لا كرية مشومة ... للأسف مازلنا بعاد برشة عالواقع .. مهرجان بوحجر 6000 نسمة أي شطر السكان متاع بني حسان . يجيبو زياد غرسة و المحفل الجربي
و مهرجان بني حسان جايبين زوز مسرحيات و فنانة صف ثالث و هز إيدك مالطبق .. و اللهي الواحد قلبو يوجعو .. كان باش نعملو هكة سيب علينا من كلمة مهرجان .. بصراحة حاجة ما تليقش.. و من بين المساهمين في الفشل هذا قبل حتى ما يبدى . عدة أطراف.. و منها المدعمين و الشركات .. كان جيت في بلاصة جمعية مهرجان سيدي سالم .. بعد ما يوفى أعلن حل الجمعية و انتهى الموضوع .. ما عندكش أقل حاجة 30 مليون في الكاسة .. سكر علينا الموضوع

في جميع المهرجانات في العالم .. ناس تصور شايخة .. قرطاج .. بنزرت .. الحمامات.. صفاقس .. كان مهرجان بني حسان يمنعوك من ال...
18/08/2026

في جميع المهرجانات في العالم .. ناس تصور شايخة ..
قرطاج .. بنزرت .. الحمامات.. صفاقس .. كان مهرجان بني حسان
يمنعوك من التصوير.. ما فهمتش علاش !! أسرار دولة
منذ قليل و في مسرحية ولد الطلياني.. للممثلين توم هانكس و مورقان فريمان و المتألقة مونيكا بيلوتشي ..تم منع صاحب صفحة و مدون من التصوير من طرف مسؤول و نائب محلي ... و اللهي حبينا النائب هذا يمنع الاحتكار .. يمنع المضاربة .. يمنع الزيادة في الأسعار ههه موش يمنع التصوير ..
لله درك يا بني حسان 😄

هذا المنشور بعنوان .. هوما بيدهم هاك اللي يبيعو في ستيكة الماء ب 6 دينارات و 7 دينارات هوما بيدهم اللي يحطو السديسي و سو...
18/08/2026

هذا المنشور بعنوان .. هوما بيدهم
هاك اللي يبيعو في ستيكة الماء ب 6 دينارات و 7 دينارات هوما بيدهم اللي يحطو السديسي و سورة البقرة في حوانتهم .. و معلقين دعاء و ارحمنا يا الله ..
هوما بيدهم اللي يدخلو للجامع و يصليو في الصف لول
يجيب سجادتو على كتفو خاترو جعب .. و يفرشها في بلاصة العادة متاعو اللي كاتبها بسمو و يخلص عليها في التاكس .. و هوما بيدهم اللي كيف يغلط الإمام في سورة و الا حرف يبدأ يتمتم و يبعوق باش يضهر روحو اللي هو حافض القرآن .. و هوما بيدهم كيف يلقا طفل صغير في الجامع يطردو و يقلو برة روح لداركم الجامع متاع كبار .. و هوما بيدهم كيف يخرج مالجامع يقعد درجين ربع ساعة يفسر لواحد متعلم جديد و يلقنو أساليب الصلاة و كيفاش يركع و يسجد و كيفاش يحط إيدو .. و هو بيدو كيف يرجع لحانوتو يبيع ستيكة الماء ب 6 و 7 و يرجع يحل سورة البقرة و يمسح هاك الكواطرو اللي مكتوب عليه .. الحمد للله .. و يحط كرسي قدام حانوتو و يفحج ساقيه و يلم جبتو لداخل و يقعد يكحل عالماشي و الجاي .. نفس القسوات .. نفس المنافقين ..هوما بيدهم

دعوةتتشرف هيئة جمعية مهرجان سيدي سالم ببني حسان بدعوة كافة أهالي مدينة بني حسان لحضور ومواكبة افتتاح الدورة التاسعة والث...
14/08/2026

دعوة
تتشرف هيئة جمعية مهرجان سيدي سالم ببني حسان بدعوة كافة أهالي مدينة بني حسان لحضور ومواكبة افتتاح الدورة التاسعة والثلاثين (39) لمهرجان سيدي سالم.
📅 التاريخ: السبت 15 أوت 2026
🕡 التوقيت: بداية من الساعة 18:30 مساءً
📍 مكان الانطلاق: أمام دار الثقافة ببني حسان
حضوركم يشرفنا ويساهم في إنجاح هذا الحدث الثقافي الذي يجمع أبناء الجهة في أجواء من الفرح والاحتفال.
أهلاً وسهلاً بالجميع.

زياد بوغطاس راجل في زمن قلت فيه الرجالحقيقة ..هذا اللاعب يخليك تحترمو ..عطاء غير محدود في الملعب..ليدر في الفستيار..متخل...
09/08/2026

زياد بوغطاس راجل في زمن قلت فيه الرجال
حقيقة ..هذا اللاعب يخليك تحترمو ..
عطاء غير محدود في الملعب..ليدر في الفستيار..متخلق برشا خارج الملعب
زياد يسال ليتوال فوق ال200 مليون..مالا قلهم فلوسي توا على اخر فرنك؟؟؟
مالا قلهم هاكا تعبي و فلوسي و حقي ..
زياد قلهم الي تعملوه مبروك ..اني ولد ليتوال اليوم و غدوة .. مستحيل نوقف جمعيتي
و قبل ب اقل من 10% من مستحقاته..
زياد ولد بني حسان .. زياد ولد لتوال أبا عن جد .. خلد اسمه بحروف من ذهب في النجم الرياضي الساحلي ..برافو👏👏

07/08/2026

🔥 الي يحفر حفرة لغيرو… نهار آخر يلقى روحو فيها.

واللي يتمنّى في عثرة غيرو، ربي يوريه قدّاش الدنيا دوّارة. 😉
خليك نقيّ، ما تضرّ حد… خاطر الدنيا ما تدوم لحد. 💯🔥

حان الوقت باش الناس الكل تلتف حول الجمعية و نرجعو البريق لجمعيتنا .. نداء للغيورين على اسم الجمعية و البلاد من رجال أعما...
07/08/2026

حان الوقت باش الناس الكل تلتف حول الجمعية و نرجعو البريق لجمعيتنا .. نداء للغيورين على اسم الجمعية و البلاد من رجال أعمال و ناشطين باش ياقفو للجمعية و اني متأكد موش باش يبخلو على بلادهم و متأكد فما الرجال في بني حسان اللي باش تتحمل المسؤولية و علاش لا يخلينا نحلمو باش نمشيو لبعيد .. و نطلعو للإقسام الأولى و نكتبو تاريخ جديد لمدينتنا العزيزة.. البرق الرياضي ببني حسان تاريخ كبير و أجيال مرت .. ماهياش جمعية عابرة .. هي تاريخ البلاد .. هي الرجال اللي كونتهم و أطرتهم .. هي مدرسة أخلاقية و رياضية

في العادة ما نجاوبش على اي مسؤول يطلق كلامه للتقزيم ناعتا الصفحات بمستوى ثالثة ابتدائي تدير الشأن العام و لكن اخترت ان أ...
01/08/2026

في العادة ما نجاوبش على اي مسؤول يطلق كلامه للتقزيم ناعتا الصفحات بمستوى ثالثة ابتدائي تدير الشأن العام و لكن اخترت ان أجيبه و أزيده جهلا لعله يعيد تنظيم افكاره.. يقول علي ابن أبي طالب رضي الله عنه .. قيمة كل امرئ ما يحسنه .. قيمة الإنسان فيما ينفع الناس و ليس الجلوس خلف المكاتب المغلقة.. و التنمر على اي صوت يحاول إيصال الحقيقة.. كنت أعرف في الماضي شخصا كان يخبر عن كل ذكر لم يسوي حالته العسكرية و كان يأخذ خمسة دنانير على كل شخص كأتعابه.. و هكذا ازدهرت تجارته بالبشر.. أما اليوم فتجارتهم تطورت و اصبحت أكثر ربحا.. فالسيد حين يربت على كتف العبد و يقول له أحسنت يا فلان .. يبتسم العبد و كأنما ملكته الدنيا و يشكر سخاء السيد دائما .. و يذهب السيد و يأتي سيد آخر و لكن العبد لا يتغير .. لأن من شب على شيء شاب عليه ..

Address

Habib Bourguiba Street
Beni Hassan
5014

Telephone

+21673491001

Website

Alerts

Be the first to know and let us send you an email when Beni Hassene Ville - 5014 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category