04/09/2026
أييه هاذي حكاية كبيرة ، والناس الكل تحساب بوعنبة راجل
بوعنبة موش عبد، بوعنبة فلوس.
الكلمة جاية من الريال التونسي القديم اللي كان يدور في وقت مصطفى باي بين 1835 و 1837. الريال هذاكا كان معمول من الفضة الصافية ومطبوع عليه عنقود عنب كرمز للخير والبركة، على خاطر هكاكا سمّاوه "بوعنبة" ولا "بو عنقود"
الريال هذاكا كانت عندو قيمة كبيرة برشا، الخير رخيص والناس عايشة بالنية. كي جاو الفرنسيس وبدلو العملة وولى الفرنك هو اللي يدور، الاقتصاد طاح والقيمة طاحت، وبداو التوانسة يتحسروا على هاك الزمان ويقولوا "يا حسرة على زمان بوعنبة"
توا ولّت جملة نستعملوها على أي حاجة باهية مشات وما ترجعش، كي نحبو نقولو:
يا حسرة على لمة العايلة، يا حسرة على كيلو الحم بـ فرنك، يا حسرة على الجار قبل ما يطفي الضو، يا حسرة على النية الصافية والاحترام.
حتى في طرابلس يقولو فيها كيفنا، خاطر العملة هذي كانت تدور غادي زادة.
