El Mnara

18/08/2023

عم علي بن عمر بن خضر في ذمة الله .الله يرحمو و يصبر أهلوا .

03/08/2023

اذا الشعب يوما اراد الحياة ،فلابد ان يستجيب القدر.لكن ماذا لو ان الشعب لم يريد الحياة أو كان يرفض الحياة؟؟من لا يريد صعودالجبال يعش أبد الدهر بين الحفر.ساكون فض اللسان لأنو الي صار ليوم و الي صار قبل من اننية اخطى راسي و أضرب و تعرقيل منا فيما...و اليوم جو كعبتين بركة البقية لم تخنهم لا الصحة و لا المال و لاحتى النوم انما خانتهم المبادئ و الهمة و الشجاعة.المضحك انو محضرين تعزيزات و حاكم و يستنو في هدة كبيرة من عمادة كبيرة ياخي بقينا ضحكة.لن اطيل اقولها و أمر لم يعد في تلك البقاع ما يستحق الغناء و عن نفسي أنا Mehdi Mjghri لمن يعرفني اعلن انسحابي ومن يريد تسلم مقاليد الصفحة يراسلني على الخاص و هي له منذ الساعة .والسلام

02/08/2023

دعوة للقلوب الحية النابضة بالحياة ،لكل غيور على منطقتو ،للنفوس الحرة التي ترفض التهميش و التملق و المهانة ،لكل من يحب الخير لأمه و أبيه .غدوة باش نتجهوا للمعتمدية لطرح المشاكل الي تعرفوها و بعد تداول الحلول و القترحات و التحركات التي يقع الإتفاق عليها.و النقل بلاش الكل مجند لخدمتكم فلا تتخلفوا.

29/07/2023

السلام عليكم .بما انه الضو دائما يقص و برشا تضروا،و الرزيو حدث ولا حرج و الماء مربوط بالصحة و زيد البوصطة سكرت معناها الحمد لله على الهواء ،النية تتجه من بعض القلوب الغيورة على المنطقة باش يتجهوا للمعتمدية باش يلقاو حل للتهميش الي نعيشوا فيه و ذلك يوم الخميس القادم الي يخمم في أمو و ابوه و جدو و في صغارواو...يشارك حتى بكلمة أو بأقتراح و الي ينجم يتوجه معاهم للمعتمدية ما يوخرش مع العلم التنقل بلاش برشا متطوعين يهزوكم.الحقوق تفتك و لا تهدى ولكم سديد النظر

21/07/2023

والله عيب في طقس كيما هذي و سخانة "ربي يخفف علينا و يرحمنا" و يزيد يقص الضوء و الريزو و الناس ربي يعلم بحالها و ما حاس بيهم حد و الي تحرقتلو فريجيدار و ألا تلفزة...والمشكل ما يتكلم حد لا مسؤل و لا غير.
بربي حسو ا بالعباد والا ينجم يوصل صوت الأهالي ما يقصرش و ربي يرحمنا و يخفف علينا

15/07/2023

17/06/2023

السلام عليكم، ايا قلك فما 180 مليون تم رصدهم لعمادة المنارة اش نعملوا بيهم اش نعملوا ...ايا برة نعطوهم للمقاول يعمللنا بيهم تربة في الشوارع،مدام عنا دار شباب و ملعب معشب ، وووو .أنا باش نخليكم انتم تعلقوا .

17/03/2023

ان لله و ان اليه راجعون
انتقل الى جوار ربه المغفور له عبد الباسط بن عبد العزيز بن الغايب ميغري
تغمده الله برحمته الواسعة

01/01/2023

السلام عليكم .الحمد لله هناك انفراج في ما يخص البوسطة و لو أنو نصف حل أما المهم البوسطة موش باش تسكر باش يخدم فيها ولد المنطقة "نجيب ميغري" بصفة وقتية يومين في الأسبوع ابتداءا من الثلاثاء و باقي الأيام تتكفل به البريد المتنقل الى ان يتم تعيين عون قار.شكرا لرجال المنطقة الغيورين عليها والي وصلوا صوتنا للسيد الوالي.دمتم بخير.

30/12/2022

السلام عليكم وصلتني معلومة موش متأكد من صحتها مفادها أنو هزوا بصفة سرية ما تحتويه البوسطة من تجهيزات .ان صح الخبر فيجب التحرك بسرعة و عدم الإلتفات للوراء و سماع نشاز من يريدون كبح جماحكم لمصالحهم الضيقة.كي تبرمجوا تحرك نحن على ذمتكم