اخبار القيروان Kairouan news

28/08/2026

28/08/2026

معناها في القيروان لا نقيلوا ، لا نرقدو من قصان الضو .
الستاغ يقصو الضو من نصف النهار للسادسة مساءا ومن نصف الليل للصباح .
حسبنا الله ونعم الوكيل فيكم

27/08/2026

القيروان لبارح ثاني أسخن نقطة في العالم و الضوء مقصوص ستة سوايع و كذلك اليوم ...

16/08/2026

الأمر لم يعد يطاق 😡😡

النظافة تبدأ منّي ومنّك، ومن أبسط تصرّف نعملوه كل نهار. إمّا نحافظو على بلادنا ونحترموها، وإمّا نكونو جزء من المشكلة. الاختيار بأيدينا .

15/08/2026

رحم الله خميس، وإنا لله وإنا إليه راجعون.

خميس، صاحب الشهادة العليا، تخرج منذ سنوات، ورغم البطالة واليأس ما استسلمش. خدم في قهاوي القيروان الكل، وكان ديما يكافح باش يعيش ويخدم بكرامة.

اليوم خميس توفّى وهو يخدم، شهيد لقمة العيش، ضحية التهور
صاحب الضحكة الجميلة والوجه البشوش، اللي كان رغم ظروفه الصعبة ديما يحاول يزرع الأمل في غيره… اليوم خلّانا بوجيعة كبيرة، وخلّى وراءه فراغاً في قلوب كل من عرفه.

خميس ضحية قصان الضوء والتهور… وضحية ظروف قاسية ما رحمتوش.

ربي يرحمو وينعمو ويصبر أهله وأحبابه. 💔

إنا لله وإنا إليه راجعون.

05/08/2026

🙂

05/08/2026

نحبو بلاد نظيفة، نحبو سياحة، نحبو نعيشو كيف أوروبا، و نتغشيشو كي حد ينتقد تونس و نبدو نفلمو عليه بالوطنية.

التصويرة موجودة في شطوط تونس الكل و هاذي موش كارثة بيئية فقط.. هي مرآة لعقليتنا.. يعني كل واحد كان ينجم بكل بساطة يحط الدبوزة في كرهبته ويروح بيها ويطيشها في أول بوبال يلقاها لا تحتاج فلوس و لا مجهود.

و المشكلة موش في غياب الحاويات فقط، المشكلة في غياب الإحساس بالمسؤولية وقت اللي نعجزوا و نبخلو حتى على حمل دبوزة بلاستيك لدقائق كيفاش نحكيو على التطور والرقي و المواطنة ؟

يضهرلي معادش نحتاجو لحملات نظافة نحتاجو حملات لتنظيف العقليات.

04/08/2026

ربي يلطف بينا 🙏
إن شاءالله البنية التحتية تكون حاضرة 💯💯
إلي جاي بش يغيّر المعادلة متع الخريف و الشتاء 🙏

03/08/2026

الدول تقوم بعملية تشجير لتلطيف الجو في الصيف 🌴
و احنا في تونس نقصو الشجر 😳😳

مهما كان السبب الي قص الشجر لازم يتحاسب…😡