Dorgham service

08/09/2026

07/09/2026

من قابس بدات رحلة… ظاهرها مهنية، أما باطنها كان محبة وضيافة وناس طيبة
المرة هاذي وجودي في الجنوب ما كانش سياحة… جيت على خاطر بعض الحرفاء طلبوني باش نتفقدلهم مكيفاتهم.
أما مع تقدم الرحلة، بديت نكتشف اللي الحكاية أكبر من مجرد خدمة.
من قابس، مرورًا بالحامة، غنوش، وذرف، المطوية، الزارات، الميدة والعوينات… كل محطة كانت عندها حكاية، وكل حريف كان عندو حكاية أخرى.
ناس فتحتلي أبواب ديارها قبل ما تفتحلي أبواب مكيفاتها… قهوة، كلمة طيبة، وكرم من النوع اللي يخليك تقول: ما أجمل تونس وناسها.
وفي الطريق، ما نجمناش نفوتوا على واحات الجنوب من غير ما نتوقفوا عند جمالها…
النخلة، الماء، والخضرة وسط الجنوب… وفترة بداية جني التمور، من البلح والبسر إلى نضج الثمار، تذكّرك بتعب الفلاح وعلاقته بالأرض.
أنا نمشي للحريف باش نصلحلو مكيف… أما مرات نرجع من عندو بحاجة أهم: ذكرى جميلة، دعوة صادقة، وكلمة تبقى في القلب.

02/09/2026

موش كل معلومة ما نعرفوهاش معناها معلومة غالطة.
في المجال التقني، عادي جدًا الإنسان ما يعرفش معلومة جديدة عليه، وعادي يسأل ويستفسر ويناقش.
أما المشكلة تبدأ وقت اللي يتحوّل الجهل بالمعلومة إلى ثقة في الحكم على صاحبها.
ذكر في سياق معين وجود R290 كغاز تبريد، قامت القيامة ولم تقعد بعض التعليقات تتهم صاحبها بالغباء بسبب هذه المعلومة.
الفيديو هذا موش باش نجاوب على شخص بعينه، وإنما باش نوضح قاعدة بسيطة:
قبل ما تتهم التقني بالغباء، تثبّت من المعلومة اللي انت مختلف معاه فيها.

30/08/2026

سؤال للصنايعية.
تمشي تخدم لحريف، يوم السبت او الاحد، يقولك ماك تعرف البانكة مسكرة، والا الكارطة ماجبدتش

29/08/2026

كي تشري مكيف جديد، العلاقة بينك وبين الشركة ما تنتهيش وقت تخرج من المغازة… بالعكس، من غادي تبدأ الحكاية!
التواصل، الضمان، وخدمة ما بعد البيع… شكون يتحمّل المسؤولية وقت تصير المشكلة؟
شنوة كانت تجربتكم مع الشركات؟

29/08/2026

أولاً، اعتذار من القلب لكل متابعينا ومحبينا.. كنت وعدتكم في فيديو ( الاخير) بنشر فيديو يعالج ظاهرة ، تملص شركات بيع المكيفات وخاصة المزودين وذلك في تمام الثامنة ليلا
ل ليلة امس، لكن للأسف صارلي أمر طارئ وميداني ما نجمتش نصوّر ونجهّز الفيديو في الوقت المحدد.
وبما إن الموضوع هذا يهمنا الناس الكل ويهم جيب المواطن وراحة باله،
وبما انو الموضوع هذا يعتبر من المواضيع المسكوت ( #إعلاميا) فحتى بعض المنظمات والجمعيات ذات الشأن تغض الطرف عن مثل هذه القضايا
وعليه فالنكن نحن الإعلام البديل ،
حبيت نستغلّ هذه الفرصة باش يخرج الجزء الثاني أقوى ومن أصل الواقع:
وعليه اللي عنده تجربة مع أي شركة، سواء كانت باهية وفرحوا بيه، ولا خايبة ومعطلة في الضمان ولا المصلحة ما بعد البيع.. يبعثلي تجربته في الواتساب أو يكتبها في تعليق.
تشاركونا تجاربكم المباشرة باش نحكيو بالأدلة وننصحوا الناس بالصحيح!
أواتساب : 22631515 | 50762031

28/08/2026

شريت كليماتيزور جديد… وفرحت بيه
لكن كي ركبتو، اكتشفت اللي فيه عطب!
اتصلت بالمزوّد… التالفون ما يجاوبش
وبعد مجهود كبير، وصلت أخيرًا لمصلحة ما بعد البيع.
والجواب كان:
«نجيوك بعد عشرة ايام او اكثر ، بدعوى ماناش فرق كاملة لتغطية كل الطلبات،
يعني نستناو 20 يوم… ويخرج فصل الصيف!
إذا إنت شاري كليماتيزور جديد، ولا ناوي تشري، الفيديو هذا يهمّك.
تابعني الثمينة متاع الليل باش نقلك شنوّة تعمل في الحالة هاذي، وكيفاش تحافظ على حقك كمستهلك.

#الضمان #تونس Gree Midea LG Samsung TCL Hisense Condor Haier Daikin

28/08/2026

شريت كليماتيزور جديد… وفرحت بيه
لكن كي ركبتو، اكتشفت اللي فيه عطب!
اتصلت بالمزوّد… التالفون ما يجاوبش
وبعد مجهود كبير، وصلت أخيرًا لمصلحة ما بعد البيع.
والجواب كان:
«نجيوك بعد عشرة ايام او اكثر ، بدعوى ماناش فرق كاملة لتغطية كل الطلبات،
يعني نستناو 20 يوم… ويخرج فصل الصيف!
إذا إنت شاري كليماتيزور جديد، ولا ناوي تشري، الفيديو هذا يهمّك.
تابعني الثمينة متاع الليل باش نقلك شنوّة تعمل في الحالة هاذي، وكيفاش تحافظ على حقك كمستهلك.

#الضمان #تونس