01/08/2013
عمركم سمعتو في المنستير ضربوهم بالرش ؟
عمركم سمعتو جندي من حمام سوسة مات في الشعانبي ؟
عمركم سمعتو المعارضة تدعو لعصيان مدني في الحمامات ؟
عمركم سمعتو ولد المرسى مات في مظاهرة ؟
نحنا ولاد سيدي بوزيد و قفصة إلي كل وين المعارضة تفد تقلنا هيا وينكم يا رجال شعلو بلادكم , نحنا ولاد سليانة إلي نتضربو بالرش , نحنا ولاد القصرين و القيروان و قابس إلي نموتوا في الشعانبي , نحنا ولاد جندوبة و الكاف إلي يضحكو علينا في المسلسلات , هذا الكل باش الجماعة لخرين يعيشو شايخين و يتمتعو بالتنمية و السياحة و يشدو لكراسي , جدودنا ماتو في الجبل و خرجو الإستعمار و في الآخر القواد بورقيبة سموه المجاهد الأكبر, و بعد يجي يقلك كلنا توانسة , حتى من النشيد الوطني , لازم نغنو : نموت نموت باش تعيشو إنتوما
فيق يا زوالي يا ولد الشعب .. ما تبعش ها الحفنة انتهازيين .. يقضوا بيك مصلحتهم ويتاجروا بألامك وأحزانك من أجل مصالحهم الحزبية
ما تكونش في صف الناس هذم حتى ولو أصحاب السلطة الآن قصرو معانا لكن اعذرهم فهم يتحملوا تركة متاع 23 سنة فساد وأول ما بدات الأمور تتصلح يتعرضو لهجمة من الإضرابات والإعتصامات من إتحاد الخراب وأول ما تجاوزوا الإختبار الثاني تعرضو إلى ما أكثر من هكا، اغتيالات سياسية ودماء أبناء شعبنا الباسل سالت في جبال القصرين .. هذا لكل الغاية منه هو افشال هذه الحكومة وافشال مسار تونس والإنقلاب عن ثورة الحرية والكرامة ثورة 14 جانفي .. والعودة إلا أيام الدكتاتورية العلمانية ..
دكتاتورية الأقلية الفاسدة .. دكتاتورية حزب الدستور وحزب التجمع الدستوري الديمقراطي
