Black Panthers Club teboursouk

01/04/2026

بقلوب مؤمنة بقضاء الله وقدره وببالغ الحزن والأسى تلقينا نبأ وفاة عم علي بلغيث والد عضو الهيئة المديرة للمجموعة مهدي بلغيث 💔
وفي هذا المصاب الجلل يتقدم كافة أعضاء مجموعة بلاك بانثرز تبرسق لجميع أفراد أسرته بأصدق عبارات التعازي والمواساة، راجين من العلي القدير أن يلهمهم الصبر والسلوان ويشمل الفقيد بالمغفرة والرضوان ويسكنه فسيح الجنان 🤲
إنا لله وإنا إليه راجعون 🤲

25/03/2026

برافو لشبيبة تبرسق اللي ديما منورين البلاد، عشنا عشوية ولا أروع في لمة رمضانية بامتياز مع الدورة الرمضانية لكرة القدم بين الأحياء، اللي نظمتها مجموعة بلاك بانثرز تحت إشراف دار الشباب المنجي سليم تبرسق ♥️
الدورة هذي ما كانتش مجرد ماتشوات كورة، بل كانت فرصة باش تتلم أحياء تبرسق الكل في أجواء متاع أخوة وتنافس شريف. شفنا ملاعبية عطاو كل ما عندهم فوق الميدان 🔥
كل الشكر لمجموعة بلاك بانثرز على المجهود الجبار والتنظيم المحكم اللي يثبت كل مرة إنو شبابنا قادر يبدع كي يلقى الإحاطة، والشكر موصول لإدارة دار الشباب المنجي سليم اللي كانت السند والمؤطر لهذي المبادرة الشبابية 🌍✨
هذي هي تبرسق اللي نحبوها، حية بشبابها ومنورة بلمتها 🖤

20/03/2026

بمناسبة عيد الفطر المبارك، عائلة بلاك بانثرز تبرسق تتمنى لكل أهالينا في تبرسق وكافة الأمة الإسلامية عيد سعيد 🕌
إن شاء الله ربي يتقبل منا ومنكم الصيام والقيام، وينعاد علينا وعليكم بالخير والبركة والصحة والعافية 🌹
​كل عام وأنتم حيين بألف خير، وتبرسق ديما زاهية ومنورة بناسها الطيبين ❤️🖤

11/03/2026

المرة هذي لمّينا العايلة وعملنا حلقة تكوينية ممتازة لفائدة أعضاء المجموعة حول وحدة من أقوى الأدوات في التخطيط الناجح، اللي هي تحليل SWOT 🔥
الأجواء كانت فيها برشة تفاعل، تبادل أفكار، وبرشا حماس في الـورشات، كل عضو خرج بفكرة أوضح على الخدمة اللي نستناو فيها والمشاريع الجاية ♥️
برافو لكل الأعضاء على حضورهم وتركيزهم، والقادم ديما أفضل بإذن الله! 📈✨

09/03/2026

المرة هذي مجموعة بلاك بانثرز تبرسق عاشت نهار استثنائي في دار الشباب المنجي سليم تبرسق. البداية كانت مع حصة تكوينية غنية بالمعلومات والتبادل، وين قعدنا مع بعضنا، تعلمنا حاجات جديدة، وناقشنا مشاريعنا الجاية بكل حماس. الهدف ديما واحد: نطوروا رواحنا ونقدموا الإضافة لمدينتنا ♥️
ومسك الختام كان أحلى لمة على طاولة إفطار جماعي تلمينا فيها كعائلة وحدة، لمة فيها الفرحة والضحك اللي ينسيك في تعب النهار الكل 🔥
كل الشكر لكل من دعمنا وشجعنا وشكرا لكل عضو في المجموعة على روحو العالية وطاقتو الإيجابية. القادم أفضل بإذن الله 🚀

04/03/2026

بقلوب مؤمنة بقضاء الله وقدره وببالغ الحزن والأسى تلقينا نبأ وفاة المرحومة قمر بن علية جدة أختنا وصديقتنا عضوة المجموعة يسر محمدي 💔
وفي هذا المصاب الجلل يتقدم كافة أعضاء مجموعة بلاك بانثرز تبرسق لجميع أفراد أسرتها بأصدق عبارات التعازي والمواساة، راجين من العلي القدير أن يلهمهم الصبر والسلوان ويشمل الفقيدة بالمغفرة والرضوان ويسكنها فسيح الجنان 🤲
إنا لله وإنا إليه راجعون 🤲

03/03/2026

POV: عندك ناس تخمم فيك 🤍
ثمة ناس وجودهم في حياتنا هو اللي يعطي قيمة اللمة. محمد بن يهمس هو الخو اللي يحب الخير للناس الكل، وما يخلي حتى حاجة تفوتو باش المجموعة تقعد ديما متماسكة ♥️
إن شاء الله كل عام وإنت بألف خير، وربي يعطيك ما تتمنى ويحفظك من كل شر 🎂

02/03/2026

من قلب الطريق الوطنية عدد 5، حبينا نكونوا السند لوخيّانا مستعملي الطريق بلمجة إفطار خفيفة 🥪🥤
أحنا نؤمنوا اللي تبرسق تزيد تزيان بلمّتنا، واللي التغيير يبدا بخطوة صغيرة وبفعل منّا كشباب 🤝✨
شكراً ليكم على دعمكم، والقادم ديما أفضل بيدينا 🇹🇳🔥

Send a message to learn more

01/03/2026

المرة هذي أولاد وبنات بلاك بانثرز تبرسق كانوا موجودين على الطريق الوطنية عدد 5، وين قمنا بتوزيع لمجات إفطار 🥪🥤 على مستعملي الطريق والناس اللي لزهم الوقت باش يفطروا بعيد على ديارهم ♥️
هدفنا بسيط: نزرعو البسمة، ونعاونو وخياننا، ونفكرو الناس اللي الدنيا مزالت في خير. هذا جزء صغير من العمل الإنساني اللي نأمنو بيه واللي يجمعنا ✨
بلاك بانثرز موش مجرد إسم، هي عايلة، هي تضحية، وهي فعل قبل الكلام ❤️

18/02/2026

عائلة بلاك بانثرز تبرسق تتمنى لكم رمضان مبروك، سنين دايمة، وكل عام وأنتم حيين بخير. إن شاء الله ربي يتقبل منا ومنكم الصالحات ويجعل هالشهر شهر خير وبركة على ناسنا الكل ♥️
ستناونا الشهر هذا في أنشطة متنوعة باش تزهي أيامنا الرمضانية، مفاجآت، لمات، وأجواء غير عادية في انتظاركم 😎🏆
خليكم ديما متابعين الصفحة باش ما يفوتكم حتى شي 📲