Feelings

29/09/2022

❤️🤍

27/09/2022

👀👀

27/09/2022

18/08/2019

بالدموع هههههههه هههههههه
فمة حاجات غريبة تحصل في حياتنا و ما عندها حتى تفسير غير انها مؤامرة كونية تستهدف أمنك الداخلي 😂 مثلا: العطلة تجي و تجيب معاها الرياح و الأمطار و العجاج و الثلج و إحتمال بركان ولا زوز...العطلة توفى منا و تطلع شمس حارة جميلة منا 🌞 تتصب الشهرية منا و واحد فينا يلوي عنكوشو و يمرض منا 👼🏻 تحط حليب على الڨاز تقعد بحذاه ساعتين ثلاثة أربعة...و الحليب صااااامد مايغليش 😂 عادي إنت وقتها فقدت الإحساس بالزمن و كلو فداء الڨاز بش مايتمسخش بالحليب 🥛 جاتك عطسة، كحة، رمشت عينيك حتى...يغلي الحليب و يفيض و يبلحط الدنيا 🐸 😑 تهز فلوس و تمشي بش تشري حوايج تلقاهم كلهم شوالق مافيهم ما يتلبس، تخرج بلاش مصروف تلقى أحلى صرعات الموضة و بأبخس الأثمان زادة لين تتصرع بالقهرة و تروح مشلول و تقول الحمد لله الصحة أهم شي 😆 الدار مريقلة و كل شي في بلاصتو و عندك غلة و ڨاتو و حلو و عصاير...ما يطل عليك حد و تتنسى، نهار تصبح فادد و الدار كي راس المجنون و فريجيدارك مافيه شي و كي يكون باكو عصير غبرة بو 500 فرنك إلي يتخلط بالماء ماعندكش 😂 يجيوك أهلك و معارفك و جيرانكم😐 تعمل عشاء روعة تاقف عليه ستة سوايع و جهدك يطيح يروح راجلك يقلك ماعينيش، كليت البرة، شبعان...تعمل عجة يڨحرلك 😒 و يقلك ميييت بالشر و إنت عاملة عجة؟ 🥘 كي تبدى وحدك ما عندكش ضيف إلي تطيبو يجي بنين و لا أقوى شاف، يكون عندك ضياف العشاء يتحرق و السلاطة يطلع فيها فقوس مر و الڨاتو تجيك فاشلة و حتى كي تسمط عظمة تطلعلك حارمة 😂 تحط الحطة و تمكيج و تخرج كي السوبر ستاااار ما يعرضك حد و الشوارع تفرغ لين تحس فمة عملية إخلاء صارت للبلاد و إنت مافيبالكش 😂 تخرج مزروب و مهنتل و لابس أخيب ما عندك و وجهك أصفر و تحويقة في عينيك كي الباندا...يعرضوك الصحاب و الأقارب و المعارف الجيران الأحياء منهم و الأموات كان لزم 😂 فازة أخرى...الكلنا عنا لبسة جالبة لشخص معين كي تحب تشوفو إلبسها خاطر بالضرورة كل وين تلبسها تقابلو لين توصل لمرحلة أنك تحب تشدو على جنب و تحلفلو عالقرآن إلي و بلحق عندك برشة لبسة غيرها أما جيست حظك الإسود و برة 🤣

17/08/2019

هل تؤمن برسائل الله لك !
هذة رسالته لك اليوم ☺
لعل الذى حرمك الحظ مرات و مرات , يخبىء لك شىء يسر العين و يروى الظمأ , فصبرأ جميلاً ❤️

09/06/2019

كيف تمشي لدار نسابك و بو الطفلة يقعد معاكم على نفس الطاولة 😁😂😁

28/12/2016

M'y Lord neither errs nor forgets 👪💔