03/04/2025
الصينيين غزوا ألمانيا بالكهربا ⚡️ ومش هزار!
لما نقول إن العربيات الكهربا بقت واقع مفروض علينا، فده مش كلام وخلاص
النهاردة بنتكلم عن الصين مش بس بتصنع كهربا، لأ دي دخلت بيها أوروبا من أوسع أبوابها
وتحديدًا ألمانيا اللي تعتبر معقل العربيات في العالم
شوف اللي حصل في فبراير 2025:
• BYD
البراند اللي بقت عاملة دوشة في كل حتة
دخلت ألمانيا وسجلت 805 عربية كهربا
عارف يعني إيه 805؟
ده كانوا 185 بس في يناير
يعني زادت أكتر من 300٪ في شهر واحد
دي مش خطوة، ده جري على السوق
• Leapmotor
أول مرة تدخل السوق الألماني وسجلت من أولها 332 عربية
وده رقم كبير جدًا لماركة لسه داخلة أوروبا
شكلهم ناويين على حرب كهربائية
• XPeng
برضو مش سايبة نفسها
سجلت 176 عربية في فبراير
مقارنة بـ 162 في يناير
يعني فيه نمو مستقر ورايق
• Nio
هي الوحيدة اللي أرقامها نزلت
سجلت 21 عربية بس، كانوا 25 في يناير
ونزلت كمان عن السنة اللي فاتت
واضح إن عندهم شوية تحديات في التسويق أو التسعير
بس تعالى بقى للنقطة اللي تهمنا كمستهلكين
كل ده بيحصل في ألمانيا
يعني مش الصين بتبيع عندها وخلاص
دي بتنافس الألمان في بيتهم
وييجي واحد راسه مربعة
ويقولك:
“العربيات الكهربا فاشلة ومش هتمشي
طب يابني ما هي ماشية وكسرت الدنيا
وبتشحن كمان
العربيات الكهربا مش ترند
دي المستقبل
واللي مش شايف كده، يبقى عايش في 1995
استعد
العربيات الكهربا جاية تغزو السوق
ومش أي كهربا
كهربا صيني
المصادر في اول كومنت
#ألمانيا
