24/08/2025
𝗠𝗜𝗡𝗗𝗔𝗡𝗔𝗢 𝗪𝗘𝗔𝗧𝗛𝗘𝗥 𝗙𝗢𝗥𝗘𝗖𝗔𝗦𝗧
Issued at 4:00 AM today, Monday, 25 August 2025.
(Valid beginning 4:00 AM until 4:00 PM today).
Ang Low Pressure Area (LPA) ang naka apekto sa 365 km sidlakan (east) sa Maasin City, Southern Leyte (10.3°N, 128.2°E).. Samtang ang Southwest Monsoon (habagat) ang nakaapekto sa kasadpang bahin sa Southern Luzon.
Ang tibuok probinsya sa Dinagat Islands makasinati'g mapanganuron nga kalangitan inubanan sa katag-katag nga pag-ulan, kilat ug pagpanalugdog tungod sa epekto sa Low Pressure Area (LPA).
Posible kini muresulta sa pagbaha og pagdahili sa yuta tungod sa kasarangan ngadto sa kusog nga pagbundak sa ulan.
Busa, padayon ang tanan nga magmonitor sa kahimtang sa panahon ug susihon ang sitwasyon sa atong palibot kung taas ang risgo panahon nga adunay kusog na mga pag-ulan. Kung kinahanglan mubakwit sa luwas nga lugar dili na kini langayon para sa atong seguridad.
Sa panahon sa ting-ulan, angay natong hinumdoman ang mga musunod:
• Magdala ug raincoat o payong para dile mabasa sa ulan;
• Magbantay ug maniid kanunay ang mga lumulupyo nga anaa nahimutang sa mga landslide ug flood prone areas;
• Maghinay-hinay ug padagan sa sakyanan labi na kung nag-ulan aron mahilikay sa disgrasya tungod sa danlog nga kadalanan;
• Maminaw ug makisayod sa pinakabag-ong balita gikan sa TV ug social media accounts sa PDRRMC Dinagat Islands, PIO ug PAGASA Official pages bahin sa lakang sa panahon.
Mag-amping ug mag-igmat Dinagatnon!
~~~~~~~~~~~~~~~~~~
Data Source: DOST-PAGASA
~~~~~~~~~~~~~~~~~~
