客家委員會 Hakka Affairs Council

客家委員會 Hakka Affairs Council 時時講客。儕儕講客。客話正會越講越大聲！

你知道嗎？全台灣每五個人當中，就有一位是客家人！

依據客家委員會106年公布的「105年度全國客家人口暨語言基礎資料調查研究」結果顯示，全國客家人口估計已超過453萬人，其中有近兩成集中於11縣市，桃竹苗、花蓮以及高屏是客家人口群聚的主要區域，共70個鄉鎮市區客家人口比例超過三分之一。

你對客家文化了解嗎?
從先人傳承的信仰祭祀活動節慶、歷史故事，到日常生活的食、衣、住、行、育、樂，還有近年推動的語言、文創商品，影音創作等等，在在都是我們客委會希望國內外不分族群的民眾了解與體驗的喔！

📵 手機仔放忒三日，全心體驗客家文化！第37屆全國客家文化夏令營，昨晡日在苗栗正式舉辦！來自全臺各地超過200儕學員，會在三日兩夜个全客語沉浸式環境肚，共下學客、講客、唱客、行讀客庄，用生活認識客家文化。典禮開始前，全場乜為長年投入客家文化...
16/07/2026

📵 手機仔放忒三日，全心體驗客家文化！
第37屆全國客家文化夏令營，昨晡日在苗栗正式舉辦！

來自全臺各地超過200儕學員，會在三日兩夜个全客語沉浸式環境肚，共下學客、講客、唱客、行讀客庄，用生活認識客家文化。

典禮開始前，全場乜為長年投入客家文化運動个《客家雜誌》經理張義品先生默哀2分鐘，感謝佢一生對客家文化同母語傳承个奉獻，獻上最深个敬意。

客委會主委古秀妃表示，夏令營最大个價值，毋單淨係學習客家文化，希望大家暫時放忒手機仔，離開網路世界，在真實个交流中重新建立人同人之間个連結。

37年來，一屆過一屆个夏令營，分當多人因為客語相遇、因為客家文化相識，乜將這份認同帶轉屋下、帶入生活。

文化个傳承，毋係一堂課就做得完成，係一大陣人一年過一年，願意共下繼續摎客家文化傳落去。

期待下一屆，還有更多人加入，共下講客！

#全國客家文化夏令營
#講客
#客語傳承
#客家文化

「內渡鄉能保一命，何必留臺浴血拼。我故鄉，不是他的家，今日我才知醒。」 「義之所在，誓不向夷！」 銅鑼灣十四聯庄結盟起義。此係吳湯興在烽火邊緣个自問，乜係時代逼出來个覺悟。最尾，為著守護山河同家園，佢選擇企出來，行入命運个洪流。本周六，20...
16/07/2026

「內渡鄉能保一命，何必留臺浴血拼。我故鄉，不是他的家，今日我才知醒。」

「義之所在，誓不向夷！」 銅鑼灣十四聯庄結盟起義。

此係吳湯興在烽火邊緣个自問，乜係時代逼出來个覺悟。最尾，為著守護山河同家園，佢選擇企出來，行入命運个洪流。

本周六，2026 精緻客家大戲《銅鑼響起時》新竹首演， 邀請索票成功的觀眾準時入席，同𠊎等來聽該聲銅鑼，仰般在歷史深處響起來。

乜提醒大家票券數量有限，建議及早索票，額滿為止。

時間：7 月 18 日（六）14:00 開放入場，14:30 準時開演
地點：新竹縣政府文化局演藝廳
地址：新竹縣竹北市縣政九路 146 號

索票地點： 新竹縣政府文化局服務臺
索票地址： 新竹縣竹北市縣政九路146號
索票時間： 9:00-12:00、13:00-17:00。每人限索4張，數量有限，索完為止。
洽詢電話： 03-5510201分機9

2026精緻客家大戲:
https://hakkaevent.com.tw/touring
線上accupass索票:
https://p.accu.ps/9alds5

你識想過，連講自家个母語做毋得講，甚至在人多个地方，還有可能因為講客話分人處罰？1987年7月15日，39年前个今晡日，臺灣解除戒嚴。解嚴分臺灣民主化正式步上軌道，長期受著壓抑个社會力量，終於有機會實踐；對客家來講，乜開啟了一場延續到今晡日...
15/07/2026

你識想過，連講自家个母語做毋得講，甚至在人多个地方，還有可能因為講客話分人處罰？

1987年7月15日，39年前个今晡日，臺灣解除戒嚴。

解嚴分臺灣民主化正式步上軌道，長期受著壓抑个社會力量，終於有機會實踐；對客家來講，乜開啟了一場延續到今晡日个客家文化運動。

𠊎等先對「戒嚴」个感覺講起。戒嚴時期，客語長期分排除在公共空間之外。當多客庄長輩因為毋熟事華語，在坐車、看醫生、洽公个時節，輒輒堵著語言障礙，乜直接影響一儕人做得毋做得平等參與社會。

在學校，細人仔毋做得講母語；在廣播、電視裡，幾下聽毋著客話；公共服務、交通、醫療摎行政體系，乜罕得提供客語服務。當多人个生活、發展摎機會，就恁樣受著限制。

解嚴後，改變開始發生。

1987年10月，《客家風雲雜誌》創刊；隔年發起「還我母語運動」，上萬名客家鄉親行上臺北街頭，爭取分客語重新轉到公共生活，在學校、媒體摎公共空間，都做得自在使用。

這股力量促成寶島客家電台、客家委員會、客家電視到講客廣播電臺接續成立，《國家語言發展法》乜正式將臺灣客語明定做國家語言，分客語一步一步行入公共場域。

客委會會持續同大家共下打拚，感謝前輩个付出，珍惜這下平常時有个自由，逐儕人都做得用自家个母語，平等參與社會，自在生活。

#715解嚴紀念日 #還我母語 #語言平權

14/07/2026

🎰 影片停一下！
你最想食麼个客家味?
​
今年台灣美食展，客家館以 「風土醞釀」 為主題。
​
客家个味緒，毋係一日做得完成。係日頭、風、時間，還有一代一代傳下來个手藝，共下醃漬、發酵、釀造出个味緒~
​
時間會分你一甕豆豉、糟嫲、鹹菜乾、覆菜，抑係一罐豆油......每一口，都係土地同時間个故事。
​
👇 影片隨時按暫停！
​
留言同𠊎講，你最想食麼个？
到時來台灣美食展客家館，還有機會尋著較多客庄好味緒。
​
🧑🏻‍🍳──𝟚𝟘𝟚𝟞台灣美食展 ​ 客家主題館──🧑🏻‍🍳
主題｜風土醞釀
日期｜7/31(五) ~ 8/3(一)
時間｜10:00~18:00
地點｜台北世貿中心一館
#台灣美食展 #客家 #風土醞釀 #客庄好味緒 #發酵文化

14/07/2026

屋下有講客，遽來報名！

🏠✦ 115年度「客語家庭」表揚 ✦ 報名開始咧！

💰 經審查通過个家庭成員，逐儕人都做得領著「客家幣2.0」1,000個銀！💰

客委會持續推動「客語家庭」表揚，希望分客語對屋下開始，自然講、輕鬆講，鼓勵屋下人共下學客、共下講客，分客家文化一代一代傳承落去。

📌【客語家庭】表揚資格
屋下平常做得用客語自然對話、溝通个家庭（至少2代、2儕人），符合下背任一條件：

✅ 每一代至少有1儕通過客語能力認證
或
✅ 拍攝2～3分鐘講客生活影片，展現家庭成員个客語能力

🎁 經審查通過表揚，家庭成員逐儕人都做得領著「客家幣2.0」1,000個銀！

📅 線上報名截止｜2026年7月31日
🔗 報名網站｜https://reurl.cc/ovjDx5

#115年度客語家庭表揚
#客語家庭
#𠊎屋下講客
#講就著了
#客家幣2.0

《銅鑼響起時》巡演索票「臺中場」開始咧！重返1895年，假使家鄉堵著困難，你會做出麼个選擇？詳細索票時間地點請看留言處～📍臺中場演出時間｜7月25日（六）14:30演出地點｜臺中市葫蘆墩文化中心演奏廳《銅鑼響起時》將巡演新北、桃園、新竹、苗...
13/07/2026

《銅鑼響起時》巡演索票「臺中場」開始咧！

重返1895年，假使家鄉堵著困難，你會做出麼个選擇？

詳細索票時間地點請看留言處～

📍臺中場
演出時間｜7月25日（六）14:30
演出地點｜臺中市葫蘆墩文化中心演奏廳

《銅鑼響起時》將巡演新北、桃園、新竹、苗栗、臺中、南投、屏東、臺東等8個縣市，共9場演出。

各場次索票時間將依序公告，愛記得持續關注活動網站唷！

🔗 2026精緻客家大戲
https://hakkaevent.com.tw/touring

🔗 線上 Accupass 索票
https://p.accu.ps/9bq98r

#2026精緻客家大戲 #銅鑼響起時 #吳湯興

12/07/2026

再次恭喜黃宇寒《Ngai》獲得最佳客語專輯獎。一起來聽聽 黃宇寒 Han 聊聊《Ngai》的誕生。 #金曲獎

11/07/2026

看 春麵樂隊ChuNoodle 聊《下回上去》整張專輯的創作理念，再回去聽一次，每首歌好像都多了一點畫面，緊來緊好聽

#金曲37 #春麵樂隊 #下回上去

10/07/2026

金曲獎過了幾週
小編的《Final Girl》已經播了好幾輪咧

如果你也好奇，這張專輯為什麼叫《Final Girl》？十首歌又是怎麼一步步串起整個故事？

𠊎等共下來聽 ana 親自分享創作歷程。

巴威颱風海上颱風警報已經發布，預估週五、週六風雨最明顯。盡多客庄位在近山、或較偏遠个所在，每一擺發風搓(bod fungˋ caiˋ)，都做毋得掉以輕心。最毋放心个還係屋下个長輩。當多客庄長輩第一時間想到个，毋係自家，係菜園、果園、農田。但...
09/07/2026

巴威颱風海上颱風警報已經發布，預估週五、週六風雨最明顯。

盡多客庄位在近山、或較偏遠个所在，每一擺發風搓(bod fungˋ caiˋ)，都做毋得掉以輕心。

最毋放心个還係屋下个長輩。當多客庄長輩第一時間想到个，毋係自家，係菜園、果園、農田。但風雨緊大，就毋好出門巡菜園、巡田。農作重要，人更加重要。

乜想提醒在外打拚个遊子，這幾日記得打一通電話轉屋下，關心阿公阿婆、阿爸阿姆，乜關心隔壁鄰舍，多一句問候，多一分安心。

📌 防颱準備請提前做好
🔸手機、行動電源先充飽電，準備手電筒等照明用品。
🔸備妥飲用水、乾糧同必要藥品。
🔸檢查屋下門窗、屋頂及排水係毋係正常。
🔸留意排水溝、側溝係毋係分落葉、泥土堵塞。
🔸山區鄉親請持續留意邊坡、土石同溪水狀況，若有危險，請盡速遠離。
🔸同村里長、鄰長、公所保持聯繫，有災情立即通報。

另外提醒大家，風雨期間毋好前往山區、溪流、海邊觀浪，隨時留意最新氣象資訊。願大家平安，乜請大家共下照顧屋下人同隔壁鄰舍。

發風搓 (bod fungˋ caiˋ)【海陸腔】發生颱風

Address

新莊區中平路439號北棟17樓
Xinbei
242

Opening Hours

Monday 08:30 - 17:30
Tuesday 08:30 - 17:30
Wednesday 08:30 - 17:30
Thursday 08:30 - 17:30
Friday 08:30 - 17:30

Website

Alerts

Be the first to know and let us send you an email when 客家委員會 Hakka Affairs Council posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to 客家委員會 Hakka Affairs Council:

Shortcuts

Share

Category