Mediawireexpress

Call Directions Website Contact the organization

Mediawireexpress Your News Hub for Uncovering Africa's untold narratives , one video at a time .

Mkurugenzi wa Mafunzo, Oganaizesheni na Uchaguzi wa Chama cha Demokrasia na Maendeleo (CHADEMA), John Justine Pambalu, a...
21/10/2026

Mkurugenzi wa Mafunzo, Oganaizesheni na Uchaguzi wa Chama cha Demokrasia na Maendeleo (CHADEMA), John Justine Pambalu, anakabiliwa na tuhuma za uhaini katika Mahak**a ya Hakimu Mkazi Kisutu, Dar es Salaam.

Kwa mujibu wa hati ya mashtaka inayohusishwa na Jamhuri dhidi ya Pambalu, mshtakiwa anadaiwa kutenda kosa hilo katika tarehe mbalimbali kati ya Septemba 1 na Oktoba 29, 2025, katika maeneo tofauti ndani ya Mkoa wa Dar es Salaam.

Hati hiyo inaeleza kuwa Pambalu anadaiwa kuwa na nia ya kushawishi umma kusababisha kuvurugika kwa Uchaguzi Mkuu wa Oktoba 2025, na kudaiwa kuonesha nia hiyo kwa vitendo kupitia maandamano yasiyoisha katika maeneo mbalimbali nchini Tanzania.

Kwa mujibu wa hati hiyo, vitendo vinavyodaiwa vililenga kuitisha au kuishinikiza Serikali ya Jamhuri ya Muungano wa Tanzania.

Tuhuma hizo zimetajwa chini ya Kifungu cha 39(2)(d) cha Sheria ya Kanuni ya Adhabu, Sura ya 16, Toleo la 2023.

Hati hiyo ina tarehe ya Oktoba 21, 2026, na inahusishwa na Mahak**a ya Hakimu Mkazi Kisutu, Dar es Salaam.

21/10/2026

Ibrahim Doumbia tayari kafanya yake

21/10/2026

Mtandao wa Wanafunzi wa Chama cha Demokrasia na Maendeleo (CHADEMA) Vyuo Vikuu na Kati (CHASO) umeonesha kutoridhishwa na utendaji kazi wa Rais wa Jumuiya ya Wanafunzi wa Taasisi za Elimu ya Juu Tanzania (TAHLISO), Geofrey Kiliba, ukidai kuwa hashughulikii ipasavyo changamoto zinazowakabili wanafunzi wa vyuo vikuu nchini.

Akizungumza na waandishi wa habari jijini Dar es Salaam, Katibu wa CHASO Mkoa wa Dar es Salaam, Katisho Segeredi, amemtaka Kiliba kuacha kile alichokieleza kuwa ni tabia ya kuigeuza TAHLISO kuwa tawi la chama fulani cha siasa badala ya kuwa taasisi inayosimamia maslahi ya wanafunzi wa elimu ya juu.

“Napenda kumwambia Kiliba asiigeuze taasisi ya wasomi wa vyuo vikuu (TAHLISO) kuwa tawi la chama fulani ambacho anakijua yeye, k**a ambavyo amekuwa akifanya. TAHLISO ni taasisi inayosimamia wasomi, na kuna mambo mengi ambayo wasomi wa vyuo vikuu tunakumbana nayo lakini hatujawahi kumsikia akiyazungumzia,” amesema Segeredi.

Kwa upande wake, Katibu wa CHASO Mkoa wa Mwanza, Raphael Wangwe, ameeleza kutoridhishwa na hatua ya Kiliba kuanzisha kampeni ya “Mama Asemewe”, akisema wanafunzi wa vyuo vikuu wanakabiliwa na changamoto mbalimbali zinazohitaji kupewa kipaumbele na uongozi wa TAHLISO.

Naye Katibu wa CHASO katika Chuo Kikuu cha Mtakatifu Agustino cha Tanzania (SAUT), Mwanza, Heka Nyanda, amemtaka rais huyo wa TAHLISO kuelekeza nguvu katika kutafuta suluhisho la changamoto za wanafunzi, hususan ugumu wa maisha unaotokana na fedha za kujikimu kutokidhi mahitaji yao.

Viongozi hao wa CHASO wamehimiza TAHLISO kuweka mbele maslahi ya wanafunzi wa vyuo vikuu na kushughulikia changamoto zao bila kuifanya jumuiya hiyo kuwa sehemu ya maslahi ya kisiasa.

Kundi la waasi la M23 linalofanya shughuli zake mashariki mwa Jamhuri ya Kidemokrasia ya Congo (DRC), linadaiwa kukusany...
21/10/2026

Kundi la waasi la M23 linalofanya shughuli zake mashariki mwa Jamhuri ya Kidemokrasia ya Congo (DRC), linadaiwa kukusanya takribani dola milioni 3 au zaidi kupitia kodi inayotozwa uingizaji wa bia katika mji wa Bukavu.

Kwa mujibu wa ripoti iliyochapishwa na chombo cha habari cha The Africa Report, mapato hayo yanatokana na ushuru unaotozwa biashara ya bia katika maeneo yaliyo chini ya ushawishi wa kundi hilo.

Ripoti hiyo inaeleza kuwa kodi ya bidhaa za matumizi ya kila siku, ikiwemo bia, imekuwa miongoni mwa vyanzo vya mapato kwa makundi yenye silaha katika maeneo yenye migogoro mashariki mwa DRC.

M23, kifupi cha Mouvement du 23 Mars, ni kundi lenye silaha linalohusika katika mzozo wa mashariki mwa Congo, eneo ambalo limekuwa likikabiliwa na mapigano yanayohusishwa kwa sehemu na udhibiti wa maeneo yenye rasilimali za madini, zikiwemo dhahabu na koltani.

Taarifa hiyo inaonyesha kuwa pamoja na rasilimali za madini, biashara ya bidhaa za kawaida pia inaweza kuwa chanzo kikubwa cha mapato kwa makundi yenye silaha katika maeneo yanayokabiliwa na migogoro.

Burkina Faso imerejesha adhabu ya kifo baada ya chombo cha kutunga sheria nchini humo kupitisha kwa kauli moja marekebis...
21/10/2026

Burkina Faso imerejesha adhabu ya kifo baada ya chombo cha kutunga sheria nchini humo kupitisha kwa kauli moja marekebisho ya sheria ya adhabu. Hatua hiyo imetangazwa na Wizara ya Sheria Jumanne, Oktoba 21, 2026.

Sheria hiyo mpya inafuta uamuzi wa mwaka 2018 uliokuwa umeondoa adhabu ya kifo nchini humo, na sasa inaruhusu adhabu hiyo kutolewa kwa makosa mbalimbali, yakiwemo ugaidi, ujasusi, uhaini, mauaji ya mzazi na uingizaji wa bidhaa zilizopitwa na muda au zilizopigwa marufuku ambazo zinasababisha vifo.

Uamuzi huo umefanyika wakati Burkina Faso ikiendelea kuwa chini ya utawala wa kijeshi ulioingia madarakani kufuatia mapinduzi ya mwaka 2022 yaliyoongozwa na Kapteni Ibrahim Traoré, ambaye mwaka uliopita alitangaza mipango ya kurejesha adhabu ya kifo.

Shirika la kimataifa la kutetea haki za binadamu la Amnesty International lilikuwa limeitaka serikali ya Burkina Faso kuachana na mpango huo, likipinga kurejeshwa kwa adhabu ya kifo.

Kwa mujibu wa taarifa zilizopo, mtu wa mwisho aliuawa kwa kutekelezwa adhabu ya kifo nchini Burkina Faso mwaka 1988, hali inayomaanisha kuwa nchi hiyo imekuwa na kipindi kirefu bila kutekeleza hukumu hiyo.

21/10/2026

Waziri Mkuu wa Israel, Benjamin Netanyahu, ametoa wito wa kurejeshwa kwa operesheni kubwa za kijeshi dhidi ya Iran, akisisitiza kuwa Marekani na Israel zinapaswa “kukamilisha kazi” yao, kwa mujibu wa taarifa ya gazeti la Financial Times (FT), likinukuu vyanzo vyake.

Taarifa hiyo inaashiria uwezekano wa kuongezeka kwa msukumo wa kurejesha mashambulizi makubwa ya kijeshi dhidi ya Iran, huku mvutano kati ya pande hizo ukiendelea kuibua wasiwasi kuhusu usalama wa Mashariki ya Kati.

21/10/2026

Helikopta za doria zimeonekana zikizunguka anga la Paris, Ufaransa, kwa lengo la kufuatilia na kuhakikisha wananchi wanazingatia amri ya kutotoka nje wakati wa usiku.

Doria hizo za angani zinalenga kuimarisha ufuatiliaji wa usalama na kubaini ukiukwaji wa masharti yaliyowekwa na mamlaka kuhusu kutembea nje katika muda uliopangwa.

21/10/2026

Kundi la wadukuzi wa kimtandao la Handala, linalohusishwa na Iran, limetoa video mpya ambazo linadai zinaonyesha maeneo ya ndani ya kambi za kijeshi za Israel, huku likidai kuwa watu wake wana uwezo wa kufikia maeneo nyeti ya kijeshi, ikiwemo makao makuu, vyumba vya mikutano na maeneo yanayotumiwa na mak**anda waandamizi.

Kundi hilo limeitumia taarifa hiyo kuikosoa Israel kuhusu usalama wa mifumo yake ya kijeshi, likimkejeli Waziri Mkuu Benjamin Netanyahu kwa kile lilichodai kuwa ni mapungufu ya kiusalama yanayoweza kuruhusu taarifa nyeti kuvuja.

Handala pia limewacheka wanajeshi wa Israel ambao linadai walinaswa wakitazama katuni ya SpongeBob SquarePants ndani ya kambi za kijeshi, likitumia tukio hilo kuhoji umakini wa ulinzi katika maeneo hayo.

Aidha, kundi hilo limeonya kuwa litaendelea kutoa video nyingine, hatua inayoweza kuongeza wasiwasi kuhusu usalama wa taarifa za kijeshi za Israel na uwezekano wa mashambulizi ya kimtandao kuathiri mifumo yake.

21/10/2026

Rais wa Ufaransa, Emmanuel Macron, amewasili nchini Qatar baada ya kufanya ziara katika nchi mbalimbali za eneo la Ghuba ya Uajemi, wakati Ufaransa ikikabiliwa na maandamano ya kitaifa yanayohusishwa na kupanda kwa gharama za maisha na hali duni ya mazingira ya shule.

Maandamano hayo yanaibua wasiwasi kuhusu changamoto za kiuchumi zinazowakabili wananchi pamoja na hali ya miundombinu na mazingira ya kujifunzia katika shule nchini humo.

Waziri wa Madini, Mhe. Anthony Peter Mavunde, ameongoza kikao cha Mawaziri wa Afrika kilichojadili namna ya kuimarisha u...
21/10/2026

Waziri wa Madini, Mhe. Anthony Peter Mavunde, ameongoza kikao cha Mawaziri wa Afrika kilichojadili namna ya kuimarisha ufadhili wa Sekta ya Madini kuanzia hatua za utafiti hadi uchakataji na usafishaji, akizitaka nchi za Afrika kuimarisha uwezo wa kutumia rasilimali na mapato ya ndani kuendeleza miradi ya kimkakati ya madini.

Kikao hicho cha ngazi ya mawaziri, kilichofanyika Oktoba 20, 2026, katika Mkutano wa Mining in Motion 2026, jijini Accra, Ghana kilijadili mada isemayo “Financing Africa’s Mineral Future- From Exploration to Refining”, inayolenga kuchunguza namna taasisi za fedha za Afrika na kimataifa zinavyoweza kuwezesha upatikanaji wa mitaji katika mnyororo mzima wa thamani wa madini.

Akiongoza majadiliano hayo, Mhe. Mavunde amesisitiza umuhimu wa nchi za Afrika kuanza kwa kutumia uwezo wake wa ndani kufadhili maendeleo ya Sekta ya Madini badala ya kutegemea zaidi ufadhili kutoka nje na kwamba utekelezaji wa mikakati ya ndani ya ufadhili unahitaji maamuzi madhubuti ya kisera, dhamira ya kisiasa na ushirikiano kati ya Serikali, taasisi za fedha na sekta binafsi.

Akitoa mfano wa Tanzania, Mhe. Mavunde ameeleza kuwa Serikali imeweka utaratibu wa kutenga asilimia 10 ya makusanyo yatokanayo na Sekta ya Madini kwa ajili ya utafiti wa kina wa kijiolojia, hatua inayolenga kuongeza wigo wa maeneo yanayofanyiwa utafiti na kubaini rasilimali zilizopo nchini na kubaishisha kuwa Tanzania bado ina fursa kubwa ya kuendeleza utafiti huo, ikizingatiwa kuwa takribani asilimia 16 tu ya eneo la nchi limefanyiwa utafiti wa kina

“Utashi wa kisiasa uliooneshwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan, wa kutenga asilimia 10 ya mapato yatokanayo na Sekta ya Madini kwa ajili ya utafiti wa kina ni hatua muhimu katika kupunguza utegemezi wa fedha za wahisani na kuwezesha Tanzania kufadhili utafiti wa rasilimali zake kwa kutumia mapato ya ndani” amesema Mavunde.

Aidha, Mhe. Mavunde ameeleza kikao hicho kuwa ufadhili wa Sekta ya Madini haupaswi kuishia katika utafiti na uchimbaji pekee, bali unapaswa kujumuisha ujenzi wa viwanda vya uchakataji na usafishaji wa madini na kusisitiza kuwa uwekezaji katika hatua hizo unaweza kuongeza ajira, kukuza ujuzi wa kitaalamu, kupanua shughuli za kiuchumi na kuongeza mapato yatokanayo na mauzo ya bidhaa za madini zilizoongezwa thamani.

Ameongeza kuwa Tanzania inaendelea kuimarisha ushiriki wa Watanzania katika Sekta ya Madini kupitia mfumo wa maudhui ya ndani (Local Content), unaolenga kuwawezesha wazawa kushiriki katika utoaji wa bidhaa na huduma kwa migodi, ambako katika kueleza umuhimu wa mkakati huo, ametaja hatua za kukuza uzalishaji wa ndani wa bidhaa zinazotumika migodini na kuimarisha uwezo wa Kampuni za Kitanzania kunufaika na fursa za biashara zinazotokana na sekta hiyo.

Katika mjadala huo, umuhimu wa ubia kati ya sekta ya umma na binafsi, mifumo bunifu ya ufadhili na uwekezaji katika miundombinu ulijadiliwa k**a sehemu ya kuwezesha maendeleo ya viwanda vya madini. Vilevile, ushirikiano wa kikanda na fursa zinazotokana na Eneo Huru la Biashara la Afrika (AfCFTA) zilitajwa kuwa muhimu katika kujenga masoko mapana na minyororo ya thamani inayounganisha nchi za Afrika.

Mhe. Mavunde amesisitiza kuwa mafanikio ya Sekta ya Madini barani Afrika yanahitaji dhamira ya kisiasa, uvumilivu na utekelezaji wa mikakati inayowezesha nchi kufadhili miradi yake na kuongeza thamani ya rasilimali zake na kueleza kuwa kwa kuimarisha uwezo wa ndani, kuendeleza viwanda na kushirikiana kikanda, Sekta ya Madini inaweza kuwa mhimili wa uchumi wa viwanda, ajira na maendeleo endelevu kwa wananchi wa Afrika.

Kwa upande wake, Waziri wa Ardhi na Rasilimali Asili wa Ghana Mhe. Emmanuel Armah-Kofi Buah amezitaka nchi za Afrika kuimarisha ushirikiano katika kukabiliana na changamoto za Sekta ya Madini, ikiwemo upungufu wa mitaji, miundombinu na nishati, pamoja na kuongeza thamani ya madini na kusisitiza umuhimu wa kuwa na mkakati wa pamoja utakaowezesha nchi za Afrika kutumia nguvu zake katika majadiliano ya uwekezaji, kuendeleza viwanda vya uchakataji wa madini na kulinda maslahi ya jamii zinazozunguka maeneo ya migodi.

Address

Samora Avenue
Dar Es Salaam

Telephone

+255737688205

Website

Alerts

Be the first to know and let us send you an email when Mediawireexpress posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Mediawireexpress:

Shortcuts

Share