Land Transport Regulatory Authority - LATRA

09/06/2026

06/06/2026

Bi. Mwadawa Sultan, Kaimu Mkurugenzi Mkuu wa LATRA, ametembelea banda la LATRA Juni 5, 2026 kwenye maonesho ya Wiki ya Mazingira yaliyofanyika viwanja vya Kituo cha Mikutano cha Jakaya Kikwete jijini Dodoma.

Bi. Mwadawa amesema, mazingira salama na yanayotunzwa vizuri ni msingi muhimu wa maendeleo endelevu ya taifa, hivyo kila mmoja ana wajibu wa kushiriki katika juhudi za kuyahifadhi kwa manufaa ya kizazi cha sasa na kijacho

Amebainisha kuwa, LATRA ina jukumu la kukuza usalama katika sekta zinazodhibitiwa, ikiwemo kuhakikisha huduma za usafiri ardhini zinazingatia utunzaji wa mazingira kupitia masharti ya leseni za usafirishaji na utoaji wa elimu endelevu kwa wadau wa sekta ya usafiri ardhini.

Aidha, amesema LATRA inaendelea kutekeleza Sera ya Mazingira, Jamii na Utawala Bora (ESG) pamoja na kuhimiza matumizi ya mifumo ya kidijitali katika utoaji wa huduma ili kupunguza matumizi ya karatasi yanayolinda uhifadhi wa mazingira kwa maendeleo endelevu.

Maonesho hayo yamefanyika Juni 1 hadi 5, 2026 kwa kaulimbiu isemayo, Dira 2050: Tuwajibike Kukijanisha Tanzania.

04/06/2026

Wadau mbalimbali wa usafiri ardhini wameendelea kutembelea banda la LATRA kwenye Maonesho ya Wiki ya Mazingira na kupatiwa elimu kuhusu kazi na majukumu yanayotekelezwa na LATRA, Juni 03, 2026.

Maonesho hayo yanafanyika tarehe 01 hadi 05 Juni, 2026 viwanja vya Kituo cha Mikutano cha Jakaya Kikwete Jijini Dodoma yenye kaulimbiu isemayo, Dira 2050: Tuwajibike Kukijanisha Tanzania.