Maendeleo ya Jamii

22/10/2026

#

Mwenyekiti wa Kamati ya Kudumu ya Bunge ya Utawala, Katiba na Sheria, Mhe. Dkt. Damas Ndumbaro, ameongoza kikao cha pamoja cha Kamati ya Kudumu ya Bunge ya Utawala, Katiba na Sheria na Kamati ya Kudumu ya Bunge ya Ustawi na Maendeleo ya Jamii.

Katika kikao hicho, Waheshimiwa Wabunge wamepokea na kujadili taarifa kuhusu Kituo Jumuishi cha Masuala ya Mirathi na Familia kilichopo Temeke, jijini Dar es Salaam. Kikao hicho kimefanyika tarehe 22 Oktoba, 2026 katika Ukumbi wa Anne Makinda, Bungeni jijini Dodoma.

22/10/2026

Waziri wa Maendeleo ya Jamii, Jinsia, Wanawake na Makundi Maalum, Mhe. Dkt. Dorothy Gwajima, akiwa miongoni mwa Mawaziri waliohudhuria kikao cha Baraza la Mawaziri kilichofanyika Oktoba 21, 2026 Ikulu, jijini Dar es Salaam.

Kikao hicho kiliongozwa na Rais wa Jamhuri ya Muungano wa Tanzania, Mhe. Dkt. Samia Suluhu Hassan.

21/10/2026

Maafisa Viungo (Champions) wa Ufuatiliaji na Tathmini kutoka katika Idara na Vitengo vya Wizara ya Maendeleo ya Jamii, Jinsia, Wanawake na Makundi Maalum, wamekutana jijini Dodoma leo, tarehe 21 Oktoba, 2026 kwa lengo la kujadili taarifa ya utekelezaji wa shughuli za Wizara kwa robo ya kwanza ya mwaka wa fedha 2026/2027 kuanzia Julai hadi Septemba 2026.

Kikao hicho ni sehemu ya jitihada za kuimarisha ufuatiliaji na tathmini ya utekelezaji wa mipango na shughuli za Wizara, kupima maendeleo yaliyofikiwa pamoja na kubaini maeneo yanayohitaji maboresho ili kuongeza ufanisi na uwajibikaji katika utoaji wa huduma kwa wananchi.

21/10/2026

KAMATI YA KUDUMU YA BUNGE YA USTAWI NA MAENDELEO YA JAMII YAJJADILI MTAKUWA II

Mwenyekiti wa Kamati ya Kudumu ya Bunge ya Ustawi na Maendeleo ya Jamii, Dkt. Regina Malima, ameongoza kikao cha k**ati hiyo kujadiili taarifa ya utekelezaji wa Mpango Kazi wa Taifa wa Kutokomeza Ukatili dhidi ya Wanawake na Watoto Awamu ya Pili (MTAKUWWA II 2024/25–2028/29), ikijumuisha mafanikio, changamoto na mipango ya baadaye.

Akiwasilisha taarifa hiyo Oktoba 22, 2026 Bungeni jijini Dodoma, Naibu Waziri wa Maendeleo ya Jamii, Jinsia, Wanawake na Makundi Maalum, Mhe. Mhandisi Maryprisca Mahundi, ambaye amesema kuwa Serikali inaendelea kushirikiana na Wizara za kisekta pamoja na wadau mbalimbali katika kusimamia na kuratibu utekelezaji wa MTAKUWWA II kwa lengo la kuhakikisha wanawake na watoto wanalindwa dhidi ya vitendo vya ukatili na unyanyasaji.

Aidha, ameeleza kuwa utekelezaji wa mpango huo umeendelea kuonesha mafanikio, ikiwemo kupungua kwa vitendo vya ukatili wa kimwili na kingono dhidi ya wanawake, pamoja na kuimarika kwa uelewa wa jamii kuhusu umuhimu wa kutoa taarifa na kushiriki katika mapambano dhidi ya ukatili.

Baadhi ya Wabunge wameipongeza Wizara ya Maendeleo ya Jamii, Jinsia, Wanawake na Makundi Maalum kwa kazi nzuri inayofanya katika kusimamia na kuratibu utekelezaji wa MTAKUWWA II, huku wakisisitiza umuhimu wa kuongeza nguvu katika kuhakikisha malengo mahususi ya ajenda hiyo yanafanyiwa kazi ipasavyo ili kupunguza vitendo vya ukatili dhidi ya wanawake na watoto nchini.

Wabunge hao wameeleza umuhimu wa kuendelea kuimarisha ushirikiano kati ya Serikali, jamii na wadau mbalimbali katika kutekeleza mikakati ya kuzuia ukatili, kutoa taarifa za matukio ya ukatili na kuhakikisha hatua stahiki zinachukuliwa kwa wakati ili kujenga jamii salama kwa wanawake na watoto.

20/10/2026

#
Mwenyekiti wa Kamati ya Kudumu ya Bunge ya Sheria Ndogo, Mhe. Cecilia Daniel Paresso leo 20 Oktoba 2026, ameongoza kikao cha Kamati ya Kudumu ya Bunge ya Sheria Ndogo na kujadili hoja za marekebisho ya Kanuni za Baraza la Watoto zilizowasilishwa Bungeni wakati wa Mkutano wa Nne wa Bunge la Jamhuri ya Muungano wa Tanzania, kwa lengo la kuzipitia na kutathmini kwa mujibu wa taratibu na sheria zilizowekwa.

19/10/2026

SERIKALI KUWAINUA WAENDESHA BODABODA KIUCHUMI

Katibu Mkuu wa Wizara ya Maendeleo ya Jamii, Jinsia, Wanawake na Makundi Maalum, Eliakim Chacha Maswi, amesema Serikali inaendelea kuweka mazingira rafiki yatakayowawezesha waendesha pikipiki, maarufu k**a "bodaboda" nchini kuimarisha shughuli zao za kiuchumi, kuongeza kipato na kushiriki kikamilifu katika kuchangia maendeleo ya Taifa.

Maswi ameyasema hayo, Oktoba 19, 2026, jijini Dodoma, wakati akizungumza na viongozi na wawakilishi wa waendesha bodaboda kutoka mikoa ya Dodoma, Dar Es Salaam, Morogoro, Tanga, Singida, Arusha na Njombe, katika kikao kilicholenga kujadili mbinu za kuimarisha sekta hiyo na kuweka mikakati ya kuwawezesha madereva kiuchumi.

Amesema waendesha bodaboda ni sehemu muhimu ya jamii na uchumi wa Taifa, kutokana na mchango wao katika kutoa huduma za usafiri, kurahisisha usafirishaji wa bidhaa, kujiajiri na kutoa fursa za ajira kwa vijana na wananchi wengine.

“Ninachoomba kwenu ni kuiona sekta ya usafiri wa bodaboda inakuwa na hadhi, madereva wenye weledi na uwezo wa kujiongezea kipato, kwa manufaa yao binafsi na Taifa kwa ujumla,” amesema Maswi.

Maswi amesema Serikali imeanzisha programu tumizi ya Jamii Wezesha, inayolenga kurahisisha upatikanaji wa taarifa na fursa za uwezeshaji wa kiuchumi kwa wafanyabiashara ndogondogo nchini.

Amesema mpango huo unalenga kutumia teknolojia kurahisisha utambuzi na usajili wa wafanyabiashara ndogodogo wakiwemo waendesha bodaboda, ili kuwasaidia kufahamu na kunufaika na fursa mbalimbali za kiuchumi zitakazopatikana kupitia mifumo na programu ya Jamii Wezesha.

Kwa upande wake, Kiongozi wa Chama cha Waendesha Pikipiki Tanzania (CHAWAPITA), Daudi Laurian amesema bado kuna umuhimu wa jamii kubadili mitazamo hasi kuhusu waendesha bodaboda na kutambua mchango wao katika uchumi wa familia na Taifa.

Ameeleza kuwa elimu ya uwekezaji na utunzaji wa fedha ni muhimu kwa madereva hao ili kuwasaidia kutofautisha mahitaji muhimu na matumizi yasiyo ya lazima, kuweka akiba na kuanzisha miradi itakayowaongezea kipato kwa muda mrefu.

Kikao hicho ni sehemu ya jitihada za kuimarisha mawasiliano kati ya Serikali na viongozi wa bodaboda na kutambua changamoto zinazowakabili.

18/10/2026

WAZIRI DKT. GWAJIMA AWAONYA WASIMAMIZI WA MIRATHI WANAODHULUMU WARITHI

Na WMJJWM

Waziri wa Maendeleo ya Jamii, Jinsia, Wanawake na Makundi Maalum, Mhe. Dkt. Dorothy Gwajima, amewaonya watu wanaopewa dhamana ya kusimamia mirathi ya marehemu na kutumia vibaya nafasi zao kwa kujimilikisha mali za marehemu kinyume na sheria, akiwataka kutimiza wajibu wao kwa haki na kwa wakati.

Kupitia ujumbe aliouchapisha kwenye ukurasa wake wa Instagram, leo Oktoba 18, 2026 Dkt. Gwajima amesema baadhi ya wasimamizi wa mirathi wamekuwa wakipindisha taratibu kwa kutumia mali za marehemu kwa manufaa yao binafsi au kujimilikisha kabisa, hali inayosababisha migogoro ya kifamilia na kuongezeka kwa kesi za mirathi.

Ameeleza kuwa vitendo hivyo vinawaathiri warithi, wakiwemo watoto wanaoweza kukosa mahitaji muhimu na fursa ya kupata elimu wakati mali za wapendwa wao zikiwa chini ya usimamizi wa watu wanaoshindwa kutimiza wajibu wao. Amewataka wasimamizi hao kuacha vitendo hivyo na kuhakikisha mali za marehemu zinasimamiwa kwa mujibu wa sheria na haki za warithi zinazingatiwa.

Aidha, Dkt. Gwajima amewahimiza watu wanaodhulumiwa katika masuala ya mirathi au wanaobaini kuwa wasimamizi wa mirathi hawatekelezi wajibu wao ipasavyo kutoa taarifa mapema ili hatua stahiki ziweze kuchukuliwa kabla mali hazijapotea au kutumika vibaya.

Katika ujumbe huo, amesisitiza pia umuhimu wa watu kuandika wosia wakiwa hai ili kuweka wazi namna mali zao zitakavyosimamiwa na kurithiwa baada ya kifo, akieleza kuwa hatua hiyo inaweza kusaidia kupunguza migogoro ya kifamilia na wingi wa kesi za mirathi.

17/10/2026

17/10/2026

Karibu nyumbani JIHAN

17/10/2026

WAZIRI DKT. GWAJIMA ATOA MAELEKEZO KWA WIZARA KUIMARISHA HAKI ZA WANAWAKE KATIKA UMILIKI WA ARDHI

Waziri wa Maendeleo ya Jamii, Jinsia, Wanawake na Makundi Maalum, Mhe. Dkt. Dorothy Gwajima, ametoa maelekezo kwa watendaji wa Wizara na kutoa wito kwa taasisi na wadau husika kuimarisha utekelezaji wa maazimio yanayolenga kulinda haki za wanawake wa vijijini katika kumiliki na kunufaika na ardhi.

Dkt. Gwajima amesisitiza umuhimu wa kuandaa mpango wa utekelezaji unaopimika ndani ya siku 60, kuimarisha uratibu wa Serikali na wadau, kusogeza elimu na huduma za msaada wa kisheria karibu na wanawake, kuunganisha haki za ardhi na uwezeshaji wa kiuchumi, pamoja na kuhakikisha wanawake wanashiriki kikamilifu katika maamuzi. Pia ameelekeza kufuatilia vikwazo vinavyozuia utekelezaji wa haki hizo na kuwasilisha taarifa za maendeleo kila robo mwaka.

Dkt. Gwajima ametoa maelekezo hayo Oktoba 16, 2026, jijini Arusha, wakati wa kufunga Maadhimisho ya Miaka 10 ya Kilimanjaro Initiative na Africa Women’s Land Rights Assembly, ikiwa ni sehemu ya juhudi za kuhakikisha maazimio ya mkutano yanafanyiwa kazi na kuleta matokeo yenye tija kwa wanawake na jamii kwa ujumla.