Ofisi ya Makamu wa Rais

08/10/2026

08/10/2026

Tanzania imetoa wito wa uhamasishaji mkubwa wa rasilimali za kifedha kutoka kwa washirika wa maendeleo, taasisi za fedha na sekta binafsi ili kusaidia kulinda Bahari ya Hindi Magharibi na kusaidia matumizi endelevu ya rasilimali zake.

Wito huo umeotolewa na Katibu Mkuu Ofisi ya Makamu wa Rais Dkt. Richard Muyungi ametoa wito huo leo Oktoba 07, 2026 wakati akifungua Kikao cha Kitaifa cha Pointi za Kitaifa kabla ya Kikao cha 12 cha Mkutano wa Vyama vya Mkataba wa Nairobi (COP12) unaoendelea jijini Dar es Salaam.

Dkt. Muuyungi alieleza kuwa shinikizo linaloongezeka kwenye mifumo ikolojia ya baharini na pwani linahitaji nchi kutazama zaidi ya vyanzo vya fedha vya kitaifa na vya kawaida.

"Kiwango cha changamoto za mazingira zinazokabili Bahari ya Hindi Magharibi kinahitaji rasilimali zaidi ya kile ambacho vyanzo vya kitaifa na vya kawaida vinaweza kutoa pekee," Dkt. Muyungi alisema.

Aidha, alisema kuwa nchi zinapaswa kuimarisha ushirikiano na washirika wa maendeleo, taasisi za fedha na wawekezaji binafsi ili kufadhili ahadi chini ya Mkataba wa Nairobi, hasa wakati eneo hilo linakabiliwa na changamoto zinazoongezeka kutokana na mabadiliko ya hali ya hewa, uchafuzi wa baharini, upotevu wa bayoanuwai, unyonyaji usio endelevu wa rasilimali za baharini na uharibifu wa pwani.

Dkt. Muyungi alisema uamuzi wa kuelekeza majadiliano katika mkutano wa COP12 kwa washirika watarajiwa wa ufadhili, hasa sekta binafsi, ulionyesha hitaji la kupanua vyanzo vya fedha kwa ajili ya programu za mazingira ya bahari na pwani.

08/10/2026

Naibu Waziri,Ofisi ya Makamu wa Rais Muungano na Mazingira, Reuben Kwagilwa amezitaka nchi wanachama wa Mkataba wa Nairobi kuendelea kushirikiana katika kuhifadhi bahari na kutumia kwa pamoja fursa za uchumi wa buluu zinazopatikana katika ukanda wa Magharibi mwa Bahari ya Hindi.

Kwagilwa ameyasema hayo leo jijini Dar es Salaam, mara baada ya kufungua rasmi mjadala wa Jukwaa la Biashara uliojadili fursa za uwekezaji na biashara kwa ajili ya uchumi endelevu wa buluu katika Bahari ya Hindi ya Magharibi, ikiwa ni siku ya pili ya Mkutano wa 12 wa Nchi Wanachama wa Mkataba wa Nairobi (COP12), unaoendelea jijini Dar es Salaam.

Mkutano huo uliwakutanisha wadau mbalimbali kujadili fursa za kibiashara na kiuwekezaji katika uchumi wa buluu kwenye ukanda wa Magharibi mwa Bahari ya Hindi.

Alisema jukwaa hilo limewakutanisha wafanyabiashara, wajasiriamali wa kati na wadogo, benki, majukwaa ya kifedha, taasisi za utafiti, taasisi za elimu ya juu pamoja na wavumbuzi, kwa lengo la kujadili namna ya kutumia fursa zilizopo katika uchumi wa buluu.

“Mimi ujumbe wangu kwa wenzetu, nchi wanachama wenzetu, nafikiri tuendelee kushirikiana,” alisema.

Alisema ushirikiano huo ni muhimu kutokana na ukweli kwamba ikolojia ya bahari pamoja na rasilimali zilizopo baharini zinakwenda nje ya mipaka ya kila nchi.

“Kwa hiyo ni muhimu sisi k**a nchi wanachama wote tuendelee kushirikiana ili tuweze kuihifadhi bahari na tuweze kuzitumia fursa za uchumi wa buluu kwa pamoja, kwa kuzingatia kwamba vitu ambavyo viko ndani ya ekolojia ya bahari vinakwenda nje ya mipaka ya kiutawala ya nchi moja,” alisema.

Alisema fursa za uchumi wa buluu zinazojadiliwa katika jukwaa hilo zinahusisha shughuli mbalimbali zinazofanyika katika Bahari ya Hindi, ikiwemo kilimo, ufugaji, usafirishaji, utalii, michezo na uvuvi.

“Ziko fursa: kwanza fursa za kilimo. Kipo kilimo kinafanyika kwenye ukanda wa bahari k**a kilimo cha mwani, utunzaji wa miti k**a mikoko, na kilimo cha aina k**a hiyo,” alisema.

Aliongeza kuwa shughuli nyingine zinazounda mnyororo wa uchumi wa buluu ni usafirishaji kupitia bandari, meli na vyombo vingine, pamoja na shughuli za utalii na michezo zinazofanyika baharini.

06/10/2026

MAKAMU WA RAIS ASISITIZA TEKNOLOJIA IWE NYENZO MUHIMU UKUSANYAJI WA KODI, ATOA WITO MKUTANO WA CATA UONGOZE MATOKEO YANAYOPIMIKA YA NDANI NCHI.

Makamu wa Rais wa Jamhuri ya Muungano wa Tanzania, Mhe. Deogratius Ndejembi amesema teknolojia inapaswa kuwa nyenzo muhimu ya kusaidia katika kukusanya mapato ya ndani kwa ufanisi na haki ili nchi ziweze kufadhili shughuli zao na vipaumbele vya maendeleo kupitia rasilimali za ndani.

Makamu wa Rais ametoa wito huo, wakati akimwakilisha Rais wa Jamhuri ya Muungano wa Tanzania Mhe. Dkt. Samia Suluhu Hassan katika ufunguzi wa Mkutano wa 46 wa Chama cha Wasimamizi wa Kodi wa Jumuiya ya Madola (CATA) unaofanyika katika Ukumbi wa Gran Melia Jijini Arusha.

Amesema mfumo mzuri wa kodi unapaswa kuwa wa uhakika, kuwezesha biashara halali, kuhimiza uwekezaji na urasimishaji, na kuwezesha sekta binafsi kutumia nafasi yake ya kuchagiza mabadiliko ya kiuchumi k**a ilivyokusudiwa chini ya Dira ya Taifa ya Maendeleo ya Tanzania 2050. Ameongeza kwamba ukusanyaji wa kodi usizuie shughuli za kiuchumi zenye tija bali kuunga mkono shughuli hizo.

Makamu wa Rais, ameongeza kwamba ukuaji endelevu wa mapato lazima utokane na ukuaji wa uchumi, urasimishaji, kuongeza walipa kodi, ulipaji kodi kwa hiyari, matumizi bora ya data na teknolojia, na mfumo wa kodi unaokua pamoja na uchumi.

Vilevile, Makamu wa Rais, amesema ushirikiano wa kimataifa wa masuala ya kodi lazima utoe matokeo ya vitendo ambapo mabaraza k**a vile CATA yanapaswa kusaidia katika kupima utendaji, kubadilishana taarifa, kuimarisha usaidizi wa kiutawala, kujifunza kutoka kwa mifumo inayofanya kazi vizuri na kutafsiri uzoefu wa kimataifa kuwa mageuzi ya ndani yanayoweza kupimika.

Pia, Makamu wa Rais ameongeza kwamba, Tanzania inatambua umuhimu wa ushirikiano wa masuala ya kodi baina ya mataifa hivyo inaimarisha ushiriki wake kimataifa ikiwa ni pamoja na kubadilishana taarifa za kodi na usaidizi wa masuala ya kiutawala wa pande zote.

Mnamo Julai 2026, Tanzania ilitajwa kimataifa k**a nchi inayofuata vigezo katika ulipaji kodi na kiwango cha kimataifa cha uwazi na kubadilishana taarifa zinapohitajika. Makamu wa Rais amesema jambo hilo ni faraja ya maendeleo, lakini pia inakumbusha kwamba viwango vya kimataifa vinaendelea kubadilika na lazima kuendelea kuboresha mifumo ya kisheria na uwezo wa kitaasisi.

Amesema, Tanzania inachukulia ushirikiano wa kimataifa k**a njia ya kuimarisha uhakika wa kodi. Ameongeza kwamba ubadilishanaji bora wa taarifa, kuzuia na kutatua migogoro kwa ufanisi, na uratibu ulio wazi kati ya mamlaka kunaweza kusaidia kulinda mapato huku ikipunguza hatari ya utozaji kodi mara mbili na kutokuwa na uhakika kwa wawekezaji halali.
Aidha, Makamu wa Rais amesema kwa Tanzania, matumizi sahihi ya rasilimali za ndani ni kiini cha mkakati wa maendeleo ya Taifa. Makamu wa Rais ametaja kodi k**a nyenzo ya kufadhili huduma za umma na miundombinu, kuhimiza uhalali wa shughuli za kiuchumi, kusaidia uwekezaji wenye tija na kuimarisha kujitegemea kiuchumi.

Amesema kupitia bajeti ya mwaka 2026/27, Tanzania inatarajia kukusanya mapato ya kodi ya Shilingi trilioni 36.99, huku mapato ya ndani yakitarajiwa kufadhili takriban asilimia 74.2 ya bajeti ya Taifa. Ametaja hali hiyo inaashiria maendeleo muhimu katika kuelekea kujitegemea zaidi.

Makamu wa Rais, amesema Rais wa Jamhuri ya Muungano wa Tanzania, Mhe. Dkt. Samia Suluhu amesisitiza mara kwa mara matumizi ya teknolojia, haki, ushiriki wa walipa kodi na huduma bora katika usimamizi wa mapato. Amesema matarajio ya Serikali ni mifumo ya kisasa inayopaswa kupunguza mwingiliano usio wa lazima, kuboresha uwazi, kusaidia utekelezaji unaozingatia hatari na kuwarahisishia walipa kodi wanaofuata sheria kutimiza majukumu yao.

Kupitia kauli mbiu ya mkutano huo ambayo ni "Kutumia Teknolojia kwa Ukusanyaji Bora wa Mapato" (Leveraging Technology for Efficient Revenue Collection), Makamu wa Rais amesema teknolojia inapaswa kuruhusu serikali kurahisisha ulipaji kodi kwa hiyari, kuwatambua wale wasiolipa kodi kwa hiyari, kupunguza gharama za kiutawala, kuboresha huduma za walipa kodi na kuwezesha biashara halali.

Tanzania imeendelea kuboresha usimamizi wa kodi na sera ya kodi ili kukabiliana na mabadiliko ya kiteknolojia. Mifumo ya kodi na forodha inazidi kuunganishwa na mifumo mingine ya Serikali, huku sheria zikibadilika kulingana na mifumo ya biashara ya kidijitali, ikiwa ni pamoja na wasambazaji wasio watanzania wa huduma za kielektroniki na katika majukwaa ya kidijitali. Lengo ni kuhakikisha kuna usawa kati ya mifumo ya biashara ya kawaida na ya kidijitali.

Kwa upande wake Rais wa Chama cha Wasimamizi wa Kodi wa Jumuiya ya Madola (CATA)Dkt. Abu Tariq Jamaluddin, amesema CATA ni jumuiya ya viongozi na wataalamu wa masuala ya kodi wanaojifunza kutoka kwa kila mmoja na kukua pamoja.

Amesema katika kipindi cha mwaka mmoja uliopita CATA, imeimarisha jumuiya hiyo kupitia programu za uongozi mipango na teknolojia pamoja na mijadala kwa njia ya mtandao kwa lengo la kujifunza.

Ameongeza kwamba lengo kuu ni kuwa na utawala bora wa kodi, kurahisisha ulipaji kodi kwa hiari, kuwawezesha watendaji kufanya kazi kwa ufanisi zaidi, pamoja na kuboresha matumizi ya data.

Awali Kiongozi mwenyeji wa Mkutano huo, Kamishna Mkuu wa Mamlaka ya Mapato Tanzania CPA Yusuph Mwenda, amemshukuru Rais wa Jamhuri ya Muungano wa Tanzania Mhe. Dkt. Samia Suluhu Hassan kwa uongozi wake thabiti katika mabadiliko ya kidijitali inayowezesha ukusanyaji wa kodi kwa urahisi.

Amesema Serikali imewekeza katika katika mifumo kadhaa ya kisasa ikiwemo Mfumo Jumuishi wa Usimamizi wa Mapato ya ndani (IDRAS) ambao una jumla ya moduli 17, ambapo moja ya moduli hizo ni moduli ya utoaji Ankara za kielektroniki ambapo sasa walipa kodi wako huru kutumia mfumo huo katika kutoa Ankara za kielektroniki bila kuwa na mashine halisi.

Mkutano huo, unawakutanisha Wataalam na Viongozi zaidi ya 400 kutoka Nchi 48 za Jumuiya ya Madola ambapo unalenga kubadilishana maarifa na uzoefu katika kuongeza ufanisi kwenye ukusanyaji wa kodi kwa kutumia teknolojia za kisasa zaidi.

Katika mkutano huo, wadau wa kodi wametoa maoni yao mbalimbali ikiwemo kusisitiza umuhimu wa kuwabadilisha mtazamo watanzania juu ya ulipaji kodi ili kufanya jambo hilo ni la kujivunia kwa maendeleo ya Taifa. Wamesema ni muhimu kuunganisha huduma za kikodi na mitandao ya simu hivyo kuweka motisha zitakazowafanya wananchi kuona umuhimu wa kudai risiti wanafanya malipo mbalimbali.

Imetolewa na
Ofisi ya Makamu wa Rais
06 Oktoba 2026
Arusha.

06/10/2026

Makamu wa Rais wa Jamhuri ya Muungano wa Tanzania, Mhe. Deogratius Ndejembi akifurahi jambo na wadau wa sekta binafsi na walipa kodi akiwemo Mwenyekiti wa Chama cha Mawakala wa Utalii Tanzania (TATO) Wilbard Chambulo, walioshiriki ufunguzi wa Mkutano wa 46 wa Chama cha Wasimamizi wa Kodi wa Jumuiya ya Madola (CATA), unaofanyika katika Ukumbi wa Gran Melia Jijini Arusha.

06/10/2026

Makamu wa Rais wa Jamhuri ya Muungano wa Tanzania, Mhe. Deogratius Ndejembi akipokea tuzo iliyotolewa kwa Rais wa Jamhuri ya Muungano wa Tanzania Mhe. Dkt. Samia Suluhu Hassan kwa kutambua mchango wake mageuzi katika mifumo ya kodi nchini. Tuzo hiyo imetolewa na Chama cha Wasimamizi wa Kodi wa Jumuiya ya Madola (CATA), wakati wa ufunguzi wa Mkutano wa 46 wa chama hicho, unaofanyika katika Ukumbi wa Gran Melia Jijini Arusha. Tarehe 06 Oktoba 2026. (anayekabidhi tuzo hiyo ni Rais wa Chama cha Wasimamizi wa Kodi cha Jumuiya ya Madola (CATA), Dkt. Abu Tariq Jamaluddin)

06/10/2026