Halmashauri ya Mji - Masasi, P. O BOX 447 MASASI, Masasi (2026)

28/05/2026

𝐌𝐀𝐃𝐀𝐑𝐀𝐒𝐀 𝐌𝐀𝐏𝐘𝐀 𝐘𝐀 𝐀𝐖𝐀𝐋𝐈 𝐒𝐇𝐔𝐋𝐄 𝐘𝐀 𝐌𝐒𝐈𝐍𝐆𝐈 𝐊𝐈𝐓𝐔𝐍𝐃𝐀 𝐘𝐀𝐈𝐍𝐔𝐀 𝐊𝐈𝐖𝐀𝐍𝐆𝐎 𝐂𝐇𝐀 𝐔𝐀𝐍𝐃𝐈𝐊𝐈𝐒𝐇𝐀𝐉𝐈

Halmashauri ya Mji Masasi imefanikiwa kukamilisha mradi wa ujenzi wa vyumba viwili vya madarasa na vyoo matundu sita ya elimu ya awali katika Shule ya Msingi Kitunda yaliyowavutia wazazi wengi zaidi kuwaandikisha watoto wao katika elimu ya awali.

Utekelezaji wa mradi huo umegharimu jumla ya shilingi 67,300,000 kutoka katika Mradi wa Boost, ukiwa na lengo la kuboresha mazingira ya kisasa zaidi ya kujifunzia na kufundishia kwa wanafunzi wa elimu ya awali pamoja na kuongeza upatikanaji wa huduma bora za elimu katika eneo la Kitunda.

Akizungumza Mwalimu Mkuu Shule hiyo, Mwl. Cyprian Ndaka, amemshukuru Rais wa Jamhuri ya Muungano wa Tanzania, Mhe. Dkt. Samia Suluhu Hassan, kwa kuipatia shule hiyo mradi huo bora, Mbunge wa Jimbo la Masasi Mjini, Waheshimiwa Madiwani na Mkurugenzi wa Mji kwa maelekezo mbalimbali na usimamizi wa mradi huo bora.

Amesema kuwa mradi huo umechangia kwa kiasi kikubwa kuboresha mazingira ya kujifunzia na kufundishia na hivyo kuvutia wazazi wengi zaidi kuwaandikisha watoto wao katika elimu ya awali.

Vilevile, mradi huo unatarajiwa kusaidia kupunguza msongamano wa wanafunzi madarasani na kuongeza ufanisi katika utoaji wa elimu bora kwa watoto wa ngazi ya awali.

25/05/2026

𝐌𝐓𝐀𝐊𝐔𝐖𝐖𝐀 𝐊𝐔𝐉𝐀 𝐍𝐀 𝐒𝐔𝐋𝐔𝐇𝐔 𝐘𝐀 𝐖𝐀𝐓𝐎𝐓𝐎 𝐖𝐀𝐍𝐀𝐎𝐙𝐔𝐍𝐆𝐔𝐊𝐀 𝐍𝐀 𝐊𝐔𝐅𝐀𝐍𝐘𝐀 𝐁𝐈𝐀𝐒𝐇𝐀𝐑𝐀 𝐒𝐓𝐄𝐍𝐃𝐈 𝐍𝐀 𝐌𝐀𝐄𝐍𝐄𝐎 𝐌𝐄𝐍𝐆𝐈𝐍𝐄

Kamati ya Ulinzi na Usalama wa Mtoto na Wanawake (MTAKUWWA) Halmashauri ya Mji Masasi imejizatiti kuhakikisha tatizo la watoto wanaoishi na kufanya kazi mitaani chini ya umri wa miaka 18 linakwisha kabisa hususani wanaofanya biashara za vinywaji na mayai katika sehemu za mikusanyiko k**a stendi na sokoni.

Hayo yamebainishwa katika kikao cha kujadili taarifa ya Kamati ya Ulinzi na Usalama wa Mtoto na Wanawake (MTAKUWWA) ya Robo ya Tatu (Januari-Machi 2025/2026) ambapo imebainika kuongezeka kwa watoto wanaofanya biashara za vinywaji na mayai katika sehemu za mikusanyiko k**a stendi na sokoni hasa katika kipindi cha likizo.

Akizungumza katika kikao hicho kwa niaba ya Afisa Ustawi wa Jamii Bi. Leila Kasugulu, Mkuu wa Divisheni ya Maendeleo ya Jamii, Bi. Neema Joseph amesema suala hilo limezidi kuongezeka kutokana na wazazi kuwashirikisha watoto wao katika shughuli za biashara za vinywaji na mayai sehemu za maduka, sokoni na standi za mabasi.

Kaimu Mkurugenzi Halmashauri ya Mji Masasi, Ndg. Andrea Kalinga amesema k**ati hiyo ifanye juhudi ya kuwatambua watoto wanaoishi na kufanya kazi mitaani, kutoa matangazo ya kuzuia watoto kufanya kazi hizo, kutoa elimu shuleni, kwenye nyumba za ibada na kisha kuanza kuchukua hatua kwa mujibu wa sheria, miongozo ili kuhakikisha tatizo hilo linakwisha kabisa.

Aidha imebainishwa kuwa tayari hatua mbalimbali zimefanyika ikiwemo Ustawi wa Jamii imefanikiwa kuunda vikundi vya Malezi 24 kwa kata zote 14 ikiwa na lengo la kuhakikisha familia zinakaa kwenye mazingira safi na salama ili kuhakikisha wanajikwamua kiuchumi.

23/05/2026

Kikao Cha k**ati ya Lishe kilichoongozwa na Kaimu Mkurugenzi wa Halmashauri ya mji Masasi Ndg.Andrea Kalinga kimefanyika leo tarehe 22 Mei 2026.

Ndg.Andrea Kalinga amewaasa wazidi kutekeleza majukumu yao katika kila sekta ili kuweza kuleta matokea chanya.

22/05/2026

𝐃𝐂 𝐊𝐀𝐒𝐒𝐀𝐍𝐃𝐀 𝐀𝐎𝐍𝐆𝐎𝐙𝐀 𝐊𝐈𝐊𝐀𝐎 𝐂𝐇𝐀 𝐓𝐀𝐓𝐇𝐌𝐈𝐍𝐈 𝐘𝐀 𝐋𝐈𝐒𝐇𝐄, 𝐀𝐀𝐒𝐀 𝐄𝐋𝐈𝐌𝐔 𝐙𝐀𝐈𝐃𝐈 𝐘𝐀 𝐋𝐈𝐒𝐇𝐄 𝐊𝐖𝐀 𝐖𝐀𝐍𝐀𝐍𝐂𝐇𝐈

Mkuu wa Wilaya ya Masasi, Mhe. Rachel Kassanda, amewataka Watendaji wa Kata kuhakikisha wananchi wanapatiwa elimu sahihi ya lishe ili kuboresha afya za familia na kuondokana na changamoto za utapiamlo katika jamii.

Akizungumza wakati anaongoza Kikao cha Tathmini ya Lishe kilichofanyika tarehe 22 Mei 2026 katika Ukumbi wa Halmashauri ya Mji Masasi, Mhe. Kassanda alisema kuwa lishe bora ni msingi wa afya, maendeleo ya watoto pamoja na ustawi wa jamii kwa ujumla.

“Endeleeni kuwasisitizia wananchi kuzingatia lishe bora hasa kwa wajawazito na watoto wadogo ili wapate virutubisho sahihi na muhimu vinavyotakiwa. Wananchi wakielewa umuhimu wa lishe wataweza kujikinga na magonjwa yanayotokana na upungufu wa virutubisho,” alisema Mhe. Kassanda.

Aidha, Kaimu Mkurugenzi wa Halmashauri ya Mji Masasi, Ndg. Andrea Kalinga aliwataka Watendaji wa Kata kushirikiana kwa karibu na wataalamu wa afya pamoja na maafisa maendeleo ya jamii katika kuendesha kampeni za uhamasishaji wa matumizi ya vyakula vinavyopatikana kwa urahisi katika maeneo yao k**a vile mboga za majani, matunda, mayai, maziwa na vyakula vya protini.

Kwa upande wao baadhi ya Watendaji wa Kata walieleza kuwa wataendelea kutoa elimu hiyo kwa wananchi kupitia mikutano ya hadhara, vikundi vya kijamii pamoja na ziara za kaya kwa kaya ili kuwapa elimu ya lishe bora.

20/05/2026

𝐌𝐑𝐀𝐃𝐈 𝐖𝐀 𝐆𝐇𝐀𝐋𝐀 𝐔𝐓𝐀𝐈𝐍𝐔𝐀 𝐔𝐂𝐇𝐔𝐌𝐈 𝐖𝐀 𝐌𝐀𝐒𝐀𝐒𝐈, 𝐊𝐀𝐌𝐀𝐓𝐈 𝐘𝐀 𝐒𝐈𝐀𝐒𝐀 𝐘𝐀 𝐂𝐂𝐌 𝐖𝐈𝐋𝐀𝐘𝐀 𝐘𝐀 𝐌𝐀𝐒𝐀𝐒𝐈 𝐘𝐀𝐏𝐎𝐍𝐆𝐄𝐙𝐀 𝐔𝐓𝐄𝐊𝐄𝐋𝐄𝐙𝐀𝐉𝐈 𝐖𝐀𝐊𝐄

Kamati ya Siasa ya Chama cha Mapinduzi (CCM) Wilaya ya Masasi imeridhishwa na kupongeza ubora wa miradi ya maendeleo inayoendelea kutekelezwa katika Halmashauri ya Mji Masasi yenye thamani ya zaidi ya bilioni 1.4 ikiinasibu kuwa itaenda kuchochea ukuaji wa uchumi na uboreshaji wa huduma kwa wananchi.

Kamati hiyo ikiongozwa na Mwenyekiti wa CCM wilaya ya Masasi Bi. Mariam Kasembe akiambatana na wajumbe wa Kamati hiyo wametembelea na kukagua miradi hiyo leo Mei 20, 2026.

Akizungumza katika ziara hiyo, Bi. Kasembe amesema miradi hiyo ni bora na inakwenda kuinua Uchumi wa Masasi.

“Tunapongeza utekelezaji wa miradi hii, mradi wa ghala ukikamilika utaongeza mapato yetu lakini pia utapunguza adha ya utunzaji wa mazao wakati wa msimu. Hatutakua na sababu ya kuacha mazao yetu katika vyama vya msingi na kuchelewesha tena mazao kuja ghalani”, alisema Mhe. Kasembe na kuongeza;

“Miradi yote ni mizuri na ina tija k**a wajumbe walivyojionea, hii inadhihirisha uhalisia wa fedha za Serikali zinavyofanya kazi. Niwaombe tujitahidi kuisimamia kwa weledi ili imalizike kwa wakati na kuleta maendeleo k**a ilivyodhamiriwa’’.

Aidha, Mkuu wa Wilaya ya Masasi, Mhe. Rachel Kassanda amesema Serikali itaendelea kuhakikisha miradi yote ya maendeleo inasimamiwa kwa karibu ili fedha zinazotolewa ziweze kuleta matokeo yaliyokusudiwa kwa wananchi.

Akizungumza Kaimu Mkurugenzi wa Halmashauri ya Mji Masasi, Ndg. Andrea Kalinga amesema Halmashauri itahakikisha usimamizi thabiti ili miradi hiyo ikamilike kwa wakati k**a ilivyopangwa.

Kamati hiyo imetembelea miradi mitano ikiwemo mradi wa maegesho ya vyombo vya usafiri, maboresho ya Chuo cha Wanafunzi wenye Changamoto za Uoni, mradi wa shule mpya ya mkondo mmoja ya Msingi jirani na sekondari, mradi wa soko mbadala Mkuti pamoja na mradi wa ujenzi wa ghala la mazao eneo la Mtandi.

Ziara hiyo ya Kamati ya Siasa ya Wilaya imelenga kukagua maendeleo ya utekelezaji wa miradi pamoja na kutoa maelekezo ya kuboresha maeneo yenye changamoto ili kuhakikisha wananchi wa Masasi wanaendelea kupata huduma bora na maendeleo endelevu kupitia miradi inayotekelezwa na Serikali.

12/05/2026

“𝐌𝐰𝐞𝐧𝐠𝐞 𝐰𝐚 𝐔𝐡𝐮𝐫𝐮 𝟐𝟎𝟐𝟔 𝐮𝐦𝐞𝐟𝐮𝐫𝐚𝐡𝐢𝐬𝐡𝐰𝐚 𝐬𝐚𝐧𝐚 𝐧𝐚 𝐔𝐣𝐞𝐧𝐳𝐢 𝐰𝐚 𝐖𝐨𝐝𝐢 𝐡𝐢𝐢 𝐲𝐚 𝐕𝐈𝐏 𝐇𝐨𝐬𝐩𝐢𝐭𝐚𝐥𝐢 𝐲𝐚 𝐌𝐤𝐨𝐦𝐚𝐢𝐧𝐝𝐨, 𝐧𝐢 𝐲𝐚 𝐤𝐢𝐬𝐚𝐬𝐚 𝐬𝐚𝐧𝐚, 𝐧𝐢 𝐦𝐟𝐚𝐧𝐨 𝐰𝐚 𝐤𝐮𝐢𝐧𝐠𝐰𝐚 𝐤𝐰𝐚 𝐤𝐚𝐧𝐝𝐚 𝐲𝐨𝐭𝐞 𝐲𝐚 𝐤𝐮𝐬𝐢𝐧𝐢, 𝐡𝐚𝐭𝐚 𝐩𝐫𝐢𝐯𝐚𝐭𝐞 𝐡𝐨𝐬𝐩𝐢𝐭𝐚𝐥 𝐡𝐚𝐤𝐮𝐧𝐚 𝐰𝐨𝐝𝐢 𝐤𝐚𝐦𝐚 𝐡𝐢𝐢” 𝐊𝐢𝐨𝐧𝐠𝐨𝐳𝐢 𝐰𝐚 𝐌𝐛𝐢𝐨 𝐳𝐚 𝐌𝐰𝐞𝐧𝐠𝐞 𝐰𝐚 𝐔𝐡𝐮𝐫𝐮 𝟐𝟎𝟐𝟔.

12/05/2026

DKT. AKWILAPO AKOSHWA NA MRADI WA VIJANA UBINAKI, AAHIDI KUWALIPIA SEHEMU YA MKOPO.

Mbunge wa Jimbo la Masasi ambae pia ni Waziri wa Ardhi, Nyumba na Maendeleo ya Makazi, Mhe. Dkt. Leonard Akwilapo amewapongeza Kikundi cha Vijana wa UBINAKI kwa kuamua kuungana na kujiajiri katika soko la bidhaa za samani ili wajikwamue kiuchumi.

Mhe. Dkt. Akwilapo aliyasema hayo baada ya Kiongozi wa Mbio za Mwenge Uhuru Kitaifa 2026, Ndg. Wazo Michael Mwang’onda kukagua Mradi wa Vijana wa UBINAKI uliopo Halmashauri ya Mji Masasi ambao ni moja ya matunda ya mikopo ya asilimia 10 za mapato ya ndani.

“Vijana hawa wameamua kujiunga na kujitegemea, huu ni mfano wa kuigwa kwa vijana wote nchini. Naipongeza Halmashauri ya Mji Masasi kwa kuendelea kutekeleza sera ya kuwakopesha wananchi ili wajikwamue kiuchumi”, alisema Dkt. Akwilapo.

Katika kuonyesha dhamira ya kuwaunga mkono kwa vitendo, Mhe. Dkt. Akwilapo aliahidi kuwalipia Shilingi 400,000.00 ya marejesho ya mkopo wao kwa muda wa miezi sita mfululizo huku akinunua moja ya kitanda ambacho kimetengenezwa na wanakikundi hao.

Mhe. Dkt. Akwilapo aliahidi kuendelea kushirikiana na wadau mbalimbali na makundi ya vijana ili kutatua changamoto zao k**a vile mitaji, mafunzo na vifaa vya kazi vitakavyowasaidia kuongeza kipato na kujitegemea

Kikundi cha Vijana cha UBINAKI kilianzishwa kikiwa na mtaji wa shilingi 3,380,000.00 ikijumuisha na mashine za mkono ambazo zilitokana na michango toka kwa wanakikundi. Halmashauri ya Mji Masasi iliwapatia mkopo wa Shilingi 30,972,000/=.

Mkopo huu uliwezesha kuboresha mazingira ya kiwanda, ununuzi wa malighafi, vitendea kazi ikiwemo kununua mashine za kisasa mbili (2), mashine kwa ajili ya kuranda, kuchana na urembo na mashine ya kutengeneza maumbo. Marejesho ya mkopo yatafanyika kwa miaka mitatu yaani kuanzia Disemba 2025 hadi Disemba 2028.

12/05/2026

KIONGOZI MBIO ZA MWENGE WA UHURU AKOSHWA NA MRADI WA WODI MAALUM YA WAGONJWA HOSPITALI YA MKOMAINDO

Kiongozi wa Mbio za Mwenge wa Uhuru Kitaifa 2026, Ndg. Wazo Michael Mwang’onda amekoshwa na mradi wa ujenzi wa wodi maalum ya wagonjwa (VIP) katika Hospitali ya Mkomaindo uliogharimu zaidi ya shilingi milioni 170 hadi kukamilika kwake ambazo zote zimetoka katika mapato ya ndani.

“Mradi huu ni wa kujivunia sana kwa sababu utatoa huduma maalum kwa wananchi wa Masasi na maeneo ya jirani. Niishukuru sana Serikali kwa mradi huu ambao ni mfano wa kuigwa kwa Ukanda wa Kusini. Wodi k**a hii, hata Hospitali za binafsi hakuna wodi ya kisasa sana”, alisema Ndg. Mwang’onda

Mbunge wa Jimbo la Masasi Mjini na Waziri wa Ardhi, Nyumba na Maendeleo ya Makazi Mhe. Dkt. Leornard Akwilapo amesema kipaumbele cha Serikali ni kuhakikisha wananchi wa Masasi wanapata huduma bora za kijamii hususani afya kwa wote.

“Afya kwa wote ndo kauli mbiu yetu na Mhe Rais Dkt. Samia anasisitiza tutunze afya, tulinde afya zetu na mimi kwa niaba yenu nampongeza Mkurugenzi wa Mji Ndg. Reuben Jichabu, waheshimiwa madiwani na watumishi wote wa Halmashauri walioamua kujenga wodi hii ya mfano kwa kanda yote ya kusini” Dkt. Akwilapo.

Naye, Mkuu wa Mkoa wa Mtwara, Kanali Donald Msengi alisema ujenzi wa wodi hiyo ni mkakati madhubuti wa Serikali kuendelea kuboresha sekta ya afya.

“Niwapongeze sana wana Masasi kwa mradi huu wa kipekee, sekta ya afya ni eneo muhimu ambalo Serikali ya Awamu ya Sita imeendelea kutilia mkazo na uwepo wa miradi hii ni kiashiria cha muendelezo wa juhudi za kuboresha huduma za afya nchini”, alisema Mhe. Kanali Msengi.

Naye Mganga Mkuu wa Halmashauri ya Mji Masasi Dkt. Rosemary Mushi alisema;

“Mradi huu umegharimu Tsh 170,136,516.79 na unalenga kuboresha utoaji wa huduma za afya kwa wagonjwa wanaolazwa hospitalini kwa kuwezesha uwepo wa wodi nzuri ya kisasa na yenye hadhi, kuongeza mapato ya hospitali na Halmashauri kwa ujumla na kuwaondolea adha wananchi ya kufuata huduma hiyo katika hospitali zilizo mbali”.

11/05/2026

MWENGE WA UHURU WAAGWA MASASI MJI, MIRADI YA KIMKAKATI YAPONGEZWA

Baada ya kukimbizwa kwa umbali wa kilomita 74 ukipita katika katika Tarafa moja (1), kata tisa (9), vijiji tisa (9) na mitaa kumi na sita (16), Mwenge wa Uhuru ulihitimisha safari yake katika viunga vya Halmashauri ya Mji Masasi.

Kiongozi wa Mbio hizo Kitaifa, Ndg. Wazo Michael Mwang’onda alipongeza juhudi zinazofanywa katika kusimamia miradi ya maendeleo ambayo inafanyika katika Mji huu.

“Nawapongeza kwa usimamizi thabiti wa miradi ya maendeleo ambayo inaendelea kufanyika katika Halmashauri ya Mji Masasi. Pia niwapongeze kwa kuweka mazingira wezeshi kwa wawekezaji wakubwa kupitia mradi wa kiwanda cha kubangua korosho ambao umegharimu Shilingi Bilioni 20. Hatua hii inaenda kuchochea ukuaji wa uchumi kupitia ajira na tozo zitakazolipwa wakati wa uzalishaji”, alisema Ndg. Mwang’onda na kuongeza;

“Niwaase wanaMasasi kuendelea kudumisha amani na ushirikiano ili kuhakikisha kila Mtanzania anaishi kwa utulivu. Pia tutumie Jukwaa la Vijana kuwakutanisha vijana wenzetu kwa ajili ya kuambizana fursa mbalimbali za kujikwamua kiuchumi”.

Makabidhiano ya Mwenge wa Uhuru yalifanyika katika Kijiji cha Namatumbusi Wilayani Nanyumbu.

Halmashauri ya Mji - Masasi

28/05/2026

25/05/2026

23/05/2026

22/05/2026

20/05/2026

12/05/2026

12/05/2026

12/05/2026

11/05/2026

Address

Website

Alerts

Contact The Organization

Shortcuts

Share

Category