Halmashauri ya Mji - Masasi

Home
Tanzania
Masasi
Halmashauri ya Mji - Masasi

Directions Website Contact the organization

Contact information, map and directions, contact form, opening hours, services, ratings, photos, videos and announcements from Halmashauri ya Mji - Masasi, Public & Government Service, P. O BOX 447 MASASI, Masasi.

19/08/2026

𝐖𝐀𝐓𝐄𝐍𝐃𝐀𝐉𝐈 𝐖𝐀 𝐊𝐀𝐓𝐀, 𝐌𝐈𝐓𝐀𝐀 𝐍𝐀 𝐕𝐈𝐉𝐈𝐉𝐈 𝐖𝐀𝐏𝐀𝐓𝐈𝐖𝐀 𝐌𝐀𝐅𝐔𝐍𝐙𝐎 𝐘𝐀 𝐔𝐊𝐔𝐒𝐀𝐍𝐘𝐀𝐉𝐈 𝐖𝐀 𝐌𝐀𝐏𝐀𝐓𝐎.

Watendaji wa Kata, Mitaa na Vijiji wamepatiwa mafunzo kuhusu namna bora ya kutambua vyanzo vya mapato, kuwahamasisha wananchi kulipa kodi na tozo, pamoja na kusimamia ukusanyaji wa mapato kwa ufanisi na uwazi.

Akiongea wakati wa kufungua mafunzo hayo, Kaimu Mkurugenzi wa Halmashauri ya Mji Masasi, Bi Renalda Mbowe alisema mafunzo hayo yamelenga kuongeza uelewa na uwezo wa watendaji katika kufuatilia vyanzo vya mapato vilivyopo katika maeneo yao na kuhakikisha makusanyo yanafanyika kwa mujibu wa taratibu na sheria.

“Hatua hiyo ni muhimu katika kuongeza mapato ya ndani ya Halmashauri yetu na kuwezesha utekelezaji wa miradi na huduma za maendeleo kwa wananchi”, alisema Bi. Mbowe na kuongeza;

“Naomba niwasisitize pia kuendeleza ushirikiano kati ya watendaji wa Kata, Mitaa na Vijiji na Idara ya Mapato ya Halmashauri katika kutambua na kufuatilia vyanzo mbalimbali vya mapato. Lengo kuu ni kuhakikisha kila chanzo halali cha mapato kinatambuliwa na kusimamiwa ipasavyo, huku tukiwahamasisha wananchi kutekeleza wajibu wao wa kulipa kodi na tozo kwa wakati”.

Aidha, watendaji wameaswa kuendelea kuzingatia maadili ya kazi wakati wakitekeleza majukumu yao ya kila siku.

18/08/2026

𝐑𝐔𝐅𝐈𝐉𝐈 𝐓𝐂 𝐇𝐨𝐨𝐢𝐢….!𝐌𝐀𝐒𝐀𝐒𝐈 𝐓𝐂 𝐘𝐀𝐈𝐂𝐇𝐀𝐊𝐀𝐙𝐀 𝐌𝐀𝐁𝐀𝐎 𝟐-𝟏 𝐑𝐔𝐅𝐈𝐉𝐈 𝐓𝐂 𝐒𝐇𝐈𝐌𝐈𝐒𝐄𝐌𝐈𝐓𝐀

Mbeya: Timu ya Halmashauri ya Mji Masasi (Masasi TC) imeanza kwa kishindo mashindano ya SHIMISEMITA baada ya kuibuka na ushindi wa mabao 2–1 dhidi ya Rufiji TC katika mchezo uliofanyika leo saa 1:00 asubuhi kwenye viwanja vya Shule ya Sekondari Samora Machel, jijini Mbeya.

Ushindi huo unaifanya Masasi TC kuanza vyema safari yake katika mashindano hayo, huku wachezaji wakionyesha ari, umakini na mshikamano mkubwa katika kuhakikisha timu inapata matokeo mazuri kwenye michezo inayofuata.

17/08/2026

𝐌𝐀𝐃𝐈𝐖𝐀𝐍𝐈 𝐇/𝐌𝐉𝐈 𝐌𝐀𝐒𝐀𝐒𝐈 𝐖𝐀𝐍𝐎𝐋𝐄𝐖𝐀 𝐔𝐒𝐈𝐌𝐀𝐌𝐈𝐙𝐈 𝐖𝐀 𝐑𝐀𝐒𝐈𝐋𝐈𝐌𝐀𝐋𝐈 𝐙𝐀 𝐒𝐄𝐑𝐈𝐊𝐀𝐋𝐈.

Waheshimiwa Madiwani na Wakuu wa Idara wa Halmashauri ya Mji Masasi wamepewa elimu kuhusu usimamizi wa rasilimali fedha na mali za Serikali kutoka kwa wataalamu wa Ofisi ya Mkaguzi na Mdhibiti wa Hesabu za Serikali (CAG), ikiwa ni sehemu ya kuwajengea uwezo wa kuelewa na kutafsiri taarifa mbalimbali zinazotokana na ukaguzi wa shughuli za Serikali.

Akizungumza wakati wa mafunzo hayo leo Agosti 17, 2026, Mkaguzi Mkuu wa Nje, Mkoa wa Mtwara, CPA. Andindilile Peter Mwabwanga alieleza kuwa taarifa za ukaguzi zina umuhimu mkubwa katika kuimarisha uwajibikaji na kuongeza ufanisi katika utoaji wa huduma kwa wananchi.

“Ni muhimu kwa Waheshimiwa Madiwani na Wakuu wa Idara kuwa na uelewa wa kutosha kuhusu hoja za ukaguzi, mapendekezo yanayotolewa pamoja na hatua zinazopaswa kuchukuliwa na mamlaka husika”, alisema CPA Mwabwanga.

Elimu hiyo ililenga kuwawezesha Madiwani na Wakuu wa Idara kutambua wajibu wao katika kusimamia matumizi sahihi ya fedha za umma, utekelezaji wa miradi ya maendeleo pamoja na kuhakikisha mapato na rasilimali za Halmashauri zinatumika kwa kuzingatia sheria, kanuni na taratibu zilizowekwa.

Aidha, Mwenyekiti wa Halmashauri ya Mji Masasi, Mhe. Sospeter Nachunga alisema mafunzo hayo yameongeza uelewa na uwezo wa Waheshimiwa Madiwani katika kutekeleza majukumu ya usimamizi na uwakilishi wa wananchi kwa ufanisi zaidi.

“Tumeongeza uelewa zaidi hasa namna ya kuchambua taarifa za ukaguzi, kufuatilia utekelezaji wa mapendekezo ya CAG na kutumia taarifa hizo katika kufanya maamuzi yenye tija kwa maendeleo ya Halmashauri na wananchi wetu kwa ujumla”, alisema Mhe. Nachunga.

Naye, Kaimu Mkurugenzi wa Halmashauri ya Mji Masasi, Bi. Renalda Mbowe alisisitiza umuhimu wa ushirikiano kati ya Madiwani, Watendaji wa Halmashauri na Ofisi ya CAG katika kuhakikisha hoja za ukaguzi zinapatiwa majibu na hatua stahiki kwa wakati.

Mafunzo hayo yalishirikisha Wataalam kutoka Ofisi ya CAG, Waheshimiwa Madiwani kutoka Halmashauri za Mji na Wilaya ya Masasi na Wakuu wake wa Idara pamoja na wawakilishi kutoka Ofisi ya Mkoa wa Mtwara.

14/08/2026

MKUTANO NA WAFANYABIASHARA WA REST CAMP.

13/08/2026

𝐌𝐔𝐑𝐔𝐆𝐄𝐍𝐙𝐈 𝐀𝐓𝐄𝐓𝐀 𝐍𝐀 𝐖𝐀𝐓𝐄𝐍𝐃𝐀𝐉𝐈 𝐊𝐀𝐓𝐀, 𝐌𝐈𝐓𝐀𝐀 𝐍𝐀 𝐕𝐈𝐉𝐈𝐉𝐈 𝐌𝐊𝐀𝐊𝐀𝐓𝐈 𝐌𝐏𝐘𝐀 𝐔𝐊𝐔𝐒𝐀𝐍𝐘𝐀𝐉𝐈 𝐌𝐀𝐏𝐀𝐓𝐎.

12/08/2026

𝐖𝐀𝐓𝐔𝐌𝐈𝐒𝐇𝐈 𝐖𝐀 𝐌𝐊𝐎𝐌𝐀𝐈𝐍𝐃𝐎 𝐇𝐎𝐒𝐏𝐈𝐓𝐀𝐋𝐈 𝐖𝐀𝐍𝐎𝐋𝐄𝐖𝐀 𝐉𝐔𝐔 𝐘𝐀 𝐌𝐅𝐔𝐌𝐎 𝐖𝐀 𝐏𝐒𝐒𝐒𝐅.

Watumishi wa Hospitali ya Mkoamindo wamepatiwa mafunzo kuhusu matumizi ya mfumo wa PSSSF kwa lengo la kuwajengea uwezowa matumizi sahihi ya mfumo pamoja na umuhimu wake katika usimamizi wa taarifa za watumishi na huduma za Mfuko wa Pensheni wa PSSSF.

Katika mafunzo hayo, washiriki wameelekezwa namna ya kutumia mfumo, kuingiza na kuhakiki taarifa za watumishi pamoja na kufuatilia taarifa na huduma zinazopatikana kwenye Mfumo. Hii ilienda sambamba na kutoa ufafanuzi kuhusu majukumu ya watumishi katika kuhakikisha traarifa zinaingizwa kwa usahihi na wakati.

11/08/2026

𝐙𝐈𝐀𝐑𝐀 𝐘𝐀 𝐌𝐇𝐄. 𝐉𝐔𝐃𝐈𝐓𝐇 𝐊𝐀𝐏𝐈𝐍𝐆𝐀, 𝐖𝐀𝐙𝐈𝐑𝐈 𝐖𝐀 𝐁𝐈𝐀𝐒𝐇𝐀𝐑𝐀 𝐍𝐀 𝐕𝐈𝐖𝐀𝐍𝐃𝐀.

10/08/2026

𝐖𝐀𝐙𝐈𝐑𝐈 𝐊𝐀𝐏𝐈𝐍𝐆𝐀 𝐀𝐊𝐎𝐒𝐇𝐖𝐀 𝐍𝐀 𝐌𝐑𝐀𝐃𝐈 𝐖𝐀 𝐆𝐇𝐀𝐋𝐀 𝐋𝐀 𝐌𝐀𝐙𝐀𝐎 𝐌𝐀𝐒𝐀𝐒𝐈 𝐌𝐉𝐈, 𝐀𝐒𝐄𝐌𝐀 𝐋𝐈𝐓𝐀𝐎𝐍𝐆𝐄𝐙𝐀 𝐓𝐈𝐉𝐀 𝐊𝐖𝐀 𝐖𝐀𝐊𝐔𝐋𝐈𝐌𝐀 𝐍𝐀 𝐖𝐀𝐅𝐀𝐍𝐘𝐀𝐁𝐈𝐀𝐒𝐇𝐀𝐑𝐀.

Waziri wa Viwanda na Biashara. Mhe. Judith Kapinga amekoshwa na kupongeza mradi wa ujenzi wa maghala ya kuhifadhi mazao katika Halmashauri ya Mji Masasi ambao utaongeza tija kwa sekta ya kilimo na mnyororo wa thamani kwa bidhaa za kilimo.

Mhe. Kapinga alitoa pongezi hizo baada ya kukagua na kuweka jiwe la msingi ghala la kuhifadhi mazao lililopo Kata ya Mtandi, Halmashauri ya Mji Masasi.

“Tunapokua na Halmashauri ambazo zinabuni miradi na kuitekeleza kwa ufanisi, inaleta tija kubwa sana katika shughuli za kuongeza pato la wananchi na Taifa kwa ujumla. Nawapongeza Mwenyekiti wa Halmashauri na Madiwani pamoja na Mkurugenzi na Menejimenti yake kwa usimamizi Madhubuti wa ubunifu na ujenzi wa maghala haya”, alisema Mhe. Kapinga na kuongeza kuwa:

“Maghala haya yana tija ya ubora kwa wakulima wetu ambapo wataweza kuhifadhi mazao yao katika sehemu ambayo inakidhi viwango, taratibu na ubora unaohitajika. Uwepo wa maghala haya ni kichocheo kikubwa cha kuongeza mapato pamoja na kuwasaidia wananchi katika kukuza kilimo”.

Mkuu wa Mkoa wa Mtwara, Mhe. Kanali Donald Msengi aliahidi kuendelea kushirikiana na wadau wa sekta za kilimo ili kuhakikisha Mkoa wa Mtwara unaboresha uzalishaji wake katika kuendana na DIRA 2050 pamoja na maono ya Serikali ya Awamu ya Sita iliyo chini ya Rais wa Jamhuri ya Muungano wa Tanzania, Mhe. Dkt. Samia Suluhu Hassan.

“Kilimo ndio uti wa mgongo wa Mkoa wa Mtwara, hivyo tutaendelea kushirikiana na wadau wa kilimo wakiwemo wakulima, wafanyabiashara, wataalamu, taasisi mbalimbali katika kuimarisha upatikanaji wa masoko, kuongeza thamani ya mazao pamoja na kuboresha fursa za kipato kwa wakulima”, alisema Mhe. Kanali Msengi.

Naye Mwenyekiti wa Chama cha Mapinduzi Mkoa wa Mtwara, Ndugu Saidi Nyengedi alisema Mradi huu ni mfano wa kuigwa nchi nzima.

“Mradi huu una tija kwa wananchi na Serikali, niwaombe Halmashauri zingine ziige mfano huu pamoja na kubuni miradi mingine ambayo itaongeza mapato pamoja na kukuza pato la Taifa kwa ujumla”, alisema Mwenyekiti.

09/08/2026

𝐙𝐢𝐚𝐫𝐚 𝐲𝐚 𝐖𝐚𝐳𝐢𝐫𝐢 𝐰𝐚 𝐕𝐢𝐰𝐚𝐧𝐝𝐚 𝐧𝐚 𝐁𝐢𝐚𝐬𝐡𝐚𝐫𝐚, 𝐌𝐡𝐞. 𝐉𝐮𝐝𝐢𝐭𝐡 𝐒. 𝐊𝐚𝐩𝐢𝐧𝐠𝐚, 𝐓𝐚𝐫𝐞𝐡𝐞 𝟏𝟎 𝐀𝐠𝐨𝐬𝐭𝐢 𝟐𝟎𝟐𝟔.

09/08/2026

TANZIA

Address

P. O BOX 447 MASASI
Masasi
65227

Website

https://masasitc.go.tz/

Alerts

Be the first to know and let us send you an email when Halmashauri ya Mji - Masasi posts news and promotions. Your email address will not be used for any other purpose, and you can unsubscribe at any time.

Contact The Organization

Send a message to Halmashauri ya Mji - Masasi:

Want your organization to be the top-listed government service in Masasi?

Halmashauri ya Mji - Masasi

19/08/2026

18/08/2026

17/08/2026

14/08/2026

13/08/2026

12/08/2026

11/08/2026

10/08/2026

09/08/2026

09/08/2026

Address

Website

Alerts

Contact The Organization

Shortcuts

Share

Category

Listing takedown request