Mwauwasa

20/08/2026

16/08/2026

Mwenge wa Uhuru wazindua rasmi Mradi wa Upanuzi wa Mtandao wa Majisafi Misungwi, unaonufaisha zaidi ya wakazi 22,482 wa maeneo ya Ng’ombe, Iteja, Mbela B, Mbela D, Mbela C, Old Misungwi, Mwamanga na Mitindo B.

16/08/2026

Picha za matukio mbalimbali leo Mwenge wa Uhuru Ulipozindua Mradi wa maji Misungwi uliotekelezwa na MWAUWASA ili kuimarisha huduma ya maji Misungwi Mjini.

13/08/2026

MWENGE WA UHURU: BUHONGWA KUONGEZEWA UHAKIKA WA MAJI

Mwenge wa Uhuru Kitaifa 2026 umefika Buhongwa na kushuhudia hatua ya utekelezaji wa mradi unaolenga kuongeza uhakika wa upatikanaji wa maji kwa wananchi zaidi ya 80,000. Tanki la Buhongwa lenye ujazo wa lita milioni 10 limefikia asilimia 85 ya ujenzi, likiwa sehemu ya uwekezaji mkubwa wa MWAUWASA katika kuimarisha uwezo wa kuhifadhi na kusambaza maji jijini Mwanza.

Kiongozi wa Mbio za Mwenge wa Uhuru Kitaifa 2026, Ndugu Wazo Mwang’onda, ameridhishwa na maendeleo ya mradi huo na kuipongeza MWAUWASA kwa kusimamia utekelezaji wa mradi kwa tija. Ziara hiyo imekuwa pia wito kwa wananchi kuwa sehemu ya ulinzi wa miundombinu ya maji, kwa kutambua kuwa kila uwekezaji unaolindwa leo ni uhakika wa huduma kwa kizazi cha sasa na kijacho.

Tanki la Buhongwa ni sehemu ya mradi wa matenki matano wenye uwezo wa jumla wa lita milioni 31, unaohusisha pia mabomba makuu ya kilomita 40.5 na vituo viwili vya kusukuma maji. Mradi mzima unatarajiwa kuboresha huduma ya maji kwa takribani wananchi 450,000 katika Jiji la Mwanza na maeneo ya pembezoni. Mwenge umeona hatua; MWAUWASA inaendelea kujenga uhakika wa kila tone.

13/08/2026

Mwenge wa Uhuru wakagua maendeleo ya ujenzi wa Mradi wa Ujenzi wa Tenki la maji Buhongwa.

Wananchi Takribani 80,000 kunufaika

11/08/2026

MRADI WA MAJI IGOMBE - KABANGAJA WAZINDULIWA RASMI NA MWENGE WA UHURU

WANANCHI ZAIDI YA 34,000 KUNUFAIKA

11/08/2026

Picha za matukio mbalimbali ya uzinduzi wa Mradi wa Mtambo wa Kusafisha maji Igombe - Kabangaja uliozinduliwa leo Tarehe 11 Agosti, 2026 na kiongozi wa Mbio za Mwenge wa Uhuru Kitaifa.